Home breaking news മുത്തലാഖ് ഇനി നിയമവിരുദ്ധം, കേന്ദ്രസര്‍ക്കാര്‍ ഓര്‍ഡിനന്‍സ് പുറത്തിറക്കി.

മുത്തലാഖ് ഇനി നിയമവിരുദ്ധം, കേന്ദ്രസര്‍ക്കാര്‍ ഓര്‍ഡിനന്‍സ് പുറത്തിറക്കി.

72
0
SHARE

മുത്തലാഖ് നിയമവിരുദ്ധമാക്കിക്കൊണ്ട് ഡിസംബറില്‍ ലോക്‌സഭ പാസാക്കിയ മുസ്ലിം വനിത വിവാഹ അവകാശ സംരക്ഷണ ബില്ലില്‍ ഉള്ള വ്യവസ്ഥകളാണ് രാജ്യസഭയില്‍ പാസാക്കാന്‍ കഴിയാത്തതിനെ തുടര്‍ന്ന് കേന്ദ്ര സര്‍ക്കാര്‍ ഓര്‍ഡിനന്‍സ് ഇറക്കിയത്.
മൂന്ന് തവണ തലാഖ് ചൊല്ലി വിവാഹ ബന്ധം വേര്‍പെടുത്തുന്ന പുരുഷന് മൂന്നു വര്‍ഷം തടവ് ശിക്ഷ നല്‍കും. വാക്കുകൊണ്ടോ, ടെലഫോണ്‍, ഇലക്‌ട്രോണിക് മാധ്യമങ്ങളായ വാട്‌സാപ്,എസ്എംഎസ് മുഖേനയോ തലാഖ് ചോല്ലിയാല്‍ അതു നിയമവിധേയമാകില്ലെന്നും ബില്ലില്‍ പറയുന്നു.
ഓര്‍ഡിനന്‍സ് പ്രകാരം മുത്തലാഖ് ചൊല്ലപ്പെട്ട സ്ത്രീക്കോ ബന്ധുക്കള്‍ക്കോ ഒരു എഫ്‌ഐആര്‍ ഫയല്‍ ചെയ്യുന്നതിലൂടെ മുത്തലാഖ് ചൊല്ലിയ ആള്‍ക്കെതിരെ കുറ്റം ചുമത്താം. പരാതിക്കാരിയായ സ്ത്രീയുടെ അഭിപ്രായം കേട്ടശേഷം മാത്രമേ കുറ്റം ചുമത്തപ്പെട്ട ആള്‍ക്ക് ജാമ്യം ലഭിക്കുകയുള്ളു.
കഴിഞ്ഞ ഓഗസ്റ്റിലാണ് മുത്തലാഖ് നിയമവിരുദ്ധമെന്ന് സുപ്രീം കോടതി വിധിച്ചത്. ഈ വിഷയത്തെക്കുറിച്ച് പഠിക്കാന്‍ മോഡി സര്‍ക്കാര്‍ രാജ്‌നാഥ് സിങ്ങ്, സുഷമ സ്വരാജ്, അരുണ്‍ ജയ്റ്റ്‌ലി, രവിശങ്കര്‍ പ്രസാദ് എന്നിവര്‍ അടങ്ങുന്ന സമിതിയെ നിയോഗിച്ചിരുന്നു. ലോകത്തെ 22 മുസ്ലീം രാജ്യങ്ങള്‍ മുത്തലാഖിന് നിയന്ത്രണം ഏര്‍പ്പെടുത്തിയിട്ടുണ്ടെന്നും മന്ത്രി പറഞ്ഞു.

LEAVE A REPLY

Please enter your comment!
Please enter your name here