Home Business News സംസ്ഥാനത്ത് വൈദ്യുതി നിരക്ക് വർദ്ധിപ്പിച്ചു; ബിപിഎല്ലുകാർക്ക് ബാധകമല്ല

സംസ്ഥാനത്ത് വൈദ്യുതി നിരക്ക് വർദ്ധിപ്പിച്ചു; ബിപിഎല്ലുകാർക്ക് ബാധകമല്ല

104
0
SHARE

 

സംസ്ഥാനത്ത് വൈദ്യുതി നിരക്ക് വർദ്ധിപ്പിച്ചു. 6.8 ശതമാനം നിരക്കാണ് കൂട്ടിയത്. പുതുക്കിയ നിരക്ക് പ്രകാരം പ്രതിമാസം 50 യൂണിറ്റ് വരെയുള്ള ഉപയോഗത്തിന് 5 രൂപ കൂടും. 40 യൂണിറ്റ് വരെയുള്ള ഉപയോഗത്തിന് നിരക്ക് വർദ്ധനവുണ്ടാകില്ല. ബിപിഎൽ പട്ടികയിലുള്ളവർക്കും നിരക്ക് വർദ്ധനവ് ബാധകമാകില്ല. മൂന്ന് വർഷത്തേക്കാണ് വൈദ്യുതി നിരക്ക് കൂട്ടിയിരിക്കുന്നത്. റെഗുലേറ്ററി കമ്മീഷൻ ചെയർമാൻ പ്രേമൻ ദിനരാജാണ് ഇക്കാര്യം വ്യക്തമാക്കിയത്.

നിരക്ക് വർദ്ധനവ് ഇന്ന് മുതല്‍ പ്രാബല്യത്തില്‍ വരും. പ്രതിമാസം 100 യൂണിറ്റ് ഉപയോഗിക്കുന്ന വീടുകൾക്ക് 42 രൂപ വരെയും കൂടും. സ്ലാബ് അടിസ്ഥാനത്തിൽ ഫിക്സഡ് നിരക്കും വർദ്ധിപ്പിച്ചിട്ടുണ്ട്. പുതിയ നിരക്ക് പ്രകാരം കെ.എസ്.ഇ.ബിക്ക് 902 കോടിയുടെ അധിക വരുമാനമാണ് പ്രതീക്ഷിക്കുന്നത്. കാന്‍സര്‍ രോഗികള്‍ക്കും ഗുരുതര അപകടങ്ങളില്‍ പെട്ട് കിടപ്പു രോഗികളായവര്‍ക്കും ഇളവുണ്ട്. 2017ലാണ് ഇതിനു മുൻപ് വൈദ്യുതി നിരക്ക് കൂട്ടിയത്. അന്ന് ഗാർഹിക ഉപയോക്താക്കളുടെ നിരക്കിൽ യൂണിറ്റിന് 10 മുതൽ 50 പൈസ വരെയാണ് വർധിപ്പിച്ചത്.

പുതുക്കിയ വൈദ്യുതി നിരക്ക് സംബന്ധിച്ച വിവരങ്ങൾ

50 യൂണിറ്റിന് പ്രതിമാസം 30 രൂപ എന്നത് 35 രൂപയായി ഉയരും.

ഫിക്‌സഡ് ചാർജിനും സ്ലാബ് സമ്പ്രദായം നിലവിൽ വരും.

ഇതുവരെ ഒരു ഫെയിസിന് 30 രൂപയും ത്രിഫെയിസിന് 80 രൂപയുമായിരുന്നു.

125 യൂണിറ്റ് ഉപയോഗിക്കുന്ന ആൾക്ക് ശരാശരി 60 രുപ കൂടും.

100 യൂണിറ്റ് ഉപയോഗിക്കുന്ന ആൾക്ക് 42 രൂപയുടെ വർദ്ധന.

50 യൂണിറ്റ് വരെ ഉപയോഗിക്കുന്നവർക്ക് ഫിക്‌സഡ് ചാർജ് 30 ൽ നിന്ന് 35 ആയി ഉയർത്തി. ത്രി ഫെയിസ് 80 ൽ നിന്ന് 90 ആയി.

50 യൂണിറ്റ് വരെ യൂണിറ്റ് ചാർജ് 2.90 ൽ നിന് 3.15 ആയി.

51 യൂണിറ്റ് മുതൽ 100 യൂണിറ്റ് വരെ 3.40 ൽ നിന്ന് 3.70.

101 യൂണിറ്റ് മുതൽ 150 വരെ 4.50 ൽ നിന്ന് 4.80 ആയി.

151 യൂണിറ്റ് മുതൽ 200 വരെ 6.10 ൽ നിന്ന് 6.40 ആയി.

201 യൂണിറ്റ് മുതൽ മുതൽ 250 വരെ 7.30 ൽ നിന്ന് 7.80 ആയി.

ഗാർഹിക ഉപഭോക്താക്കൾക്ക് ശരാശരി 11.4% വർധനയാവും വൈദ്യുതി ബില്ലിൽ വരിക.

ലോ ടെൻഷർ ഉപഭോക്താകൾക്ക് 5.7% ശതമാനം വർധനയുണ്ടാവും.

ഹൈടെൻഷൻ ഉപഭോക്താകൾക്ക് 6.1% ശതമാനം വർധനയുണ്ടാവും.

കൊമേഴ്‌സ്യൽ ഉപഭോക്താകൾക്ക് 3.3% ശതമാനം വർധനയുണ്ടാവും.

LEAVE A REPLY

Please enter your comment!
Please enter your name here