Home Economy വാഹന രജിസ്‌ട്രേഷന്‍ ചാര്‍ജ് ഉയർത്തുന്നു; പുതിയ കാറിന് 5000, പുതുക്കാന്‍ 10000

വാഹന രജിസ്‌ട്രേഷന്‍ ചാര്‍ജ് ഉയർത്തുന്നു; പുതിയ കാറിന് 5000, പുതുക്കാന്‍ 10000

71
0
SHARE

 

ഇന്ത്യയിൽ വാഹന രജിസ്ട്രേഷൻ ചാർജ് വർധിപ്പിക്കുന്നു. കേന്ദ്ര ഗതാഗത വകുപ്പ്. മന്ത്രാലയം ഇതുസംബന്ധിച്ച കരട് വിജ്ഞാപനം പുറത്തിറക്കി. രാജ്യത്തെ പുതിയ പെട്രോൾ-ഡീസൽ കാറുകൾക്ക് രജിസ്ട്രേഷൻ ചാർജ് 5000 രൂപ ആക്കി ഉയർത്തും. രജിസട്രേഷൻ പുതുക്കാൻ 10000 രൂപയും.  600 രൂപ മാത്രമാണ്നിലവിൽ  രണ്ടിനുമുള്ള ചാർജ്. ഇരുചക്ര വാഹനങ്ങൾക്കുള്ള 50 രൂപ രജിസ്ട്രേഷൻ ചാർജ് പുതിയ വാഹനങ്ങൾക്ക് 1000 രൂപയാക്കിയും പഴയത് പുതുക്കാൻ 2000 രൂപയാക്കിയും ഉയർത്താനാണ് കരട് വിജ്ഞാപനത്തിൽ നിർദ്ദേശമുള്ളത്.

ഇലക്ട്രിക് വാഹനങ്ങൾക്ക് കൂടുതൽ പ്രധാന്യം നൽകാനാണ് ഗതാഗത മന്ത്രാലയത്തിന്റെ പുതിയ തീരുമാനം. കാലപ്പഴക്കമുള്ള ഇന്ധനവാഹനങ്ങൾ നിരത്തിൽനിന്ന് ഒഴിവാക്കാനും പെട്രോൾ-ഡീസൽ വാഹന വിൽപന കുറയ്ക്കാനുമാണ് പുതിയ നീക്കത്തിലൂടെ മന്ത്രാലയം ലക്ഷ്യമിടുന്നത്. കാർ, ഇരുചക്ര വാഹനങ്ങൾക്ക് പുറമേ മറ്റു വാഹനങ്ങളുടെ രജിസ്ട്രേഷൻ ചാർജുംഉയർത്താൻ നിർദ്ദേശമുണ്ട്. പുതിയ കാബുകൾക്ക് 10000 രൂപയും പുതുക്കാൻ 20000 രൂപയും ഈടാക്കും. നേരത്തെ ഇത് 1000 രൂപയായിരുന്നു.

ഇറക്കുമതി ചെയ്യുന്ന കാറുകളുടെ രജിസ്ട്രേഷൻ ചാർജ് 5000 രൂപയിൽ നിന്ന് 40,000 ആക്കി ഉയർത്തും. ഇറക്കുമതി ചെയ്യുന്ന ഇരുചക്ര വാഹനങ്ങൾക്ക് 20000 രൂപയും അടയ്ക്കണം, നിലവിൽ ഇത് 2500 രൂപയാണ്. കരട് വിജ്ഞാപനത്തിലെ പ്രതികരണം അറിഞ്ഞ ശേഷം അടുത്ത 40-45 ദിവസങ്ങൾക്കുള്ളിൽ  ഫീസ് ഘടന തയ്യാറാക്കുമെന്ന് അധികൃതർ അറിയിച്ചിട്ടുണ്ട്. ഇലക്ട്രിക് വാഹന വിൽപന പ്രോത്സാഹിപ്പിക്കാൻ ഇലക്ട്രിക്കിന്റെ രജിസ്ട്രേഷൻ ചാർജ് കുറയ്ക്കാനുള്ള നിർദ്ദേശങ്ങൾ അടങ്ങിയ കരട് വിജ്ഞാപനം നേരത്തെ ഗതാഗത മന്ത്രാലയം പുറപ്പെടുവിച്ചിരുന്നു.

LEAVE A REPLY

Please enter your comment!
Please enter your name here