Home Business യു ട്യൂബിന് മലയാളത്തിൽ 100 ശതമാനം വളർച്ച; 17 ചാനലുകൾക്ക് 10 ലക്ഷത്തിലേറെ വരിക്കാർ

യു ട്യൂബിന് മലയാളത്തിൽ 100 ശതമാനം വളർച്ച; 17 ചാനലുകൾക്ക് 10 ലക്ഷത്തിലേറെ വരിക്കാർ

48
0
SHARE

 

ഉപഭോഗത്തിൽ 100 ശതമാനത്തിലേറെ വാർഷിക വളർച്ച നേടി വീഡിയോ ഷെയറിങ് പ്ലാറ്റ്‌ഫോമായ ‘യു ട്യൂബ്’ മലയാളം. 17 മലയാളം ചാനലുകളുടെ സബ്‌സ്‌ക്രിബ്ഷന്‍ 10 ലക്ഷത്തിലേറെയാണ്. അഞ്ച്‌ ലക്ഷത്തിനും 10 ലക്ഷത്തിനുമിടയിൽ വരിക്കാരുള്ള ചാനലുകളുടെ എണ്ണം അമ്പതും ഒരു ലക്ഷത്തിലേറെ വരിക്കാരുള്ളത് നാനൂറോളവും ആയിട്ടുണ്ടെന്ന് യു ട്യൂബ് ഇന്ത്യയുടെ കണ്ടന്റ് പാർട്‌ണർഷിപ്പ് വിഭാഗം ഡയറക്ടർ സത്യ രാഘവൻ പറഞ്ഞു. കഴിഞ്ഞ മൂന്നു വർഷം കൊണ്ടാണ് ഏറ്റവുമധികം വളർച്ചയുണ്ടായത്.

മാധ്യമ സ്ഥാപനങ്ങളുടെ ചാനലുകൾ മാറ്റി നിർത്തിയാൽ കോമഡി വീഡിയോകൾ ഒരുക്കുന്ന ‘കരിക്ക്’ ആണ് ഏറ്റവുമധികം വരിക്കാരുള്ള മലയാളം യു ട്യൂബ് ചാനൽ. കരിക്കിനുള്ളത് 26 ലക്ഷം വരിക്കാരാണ്. എംഫോർ ടെക് (18 ലക്ഷം), എം.ടി. വ്ളോഗ്, വില്ലേജ് ഫുഡ് ചാനൽ, വീണാസ് കറി വേൾഡ്, സ്കിന്നി റെസിപീസ്, ലില്ലീസ് നാച്വറൽ ടിപ്‌സ് എന്നിവയാണ് 10 ലക്ഷത്തിലേറെ വരിക്കാരുള്ള മറ്റു ചാനലുകൾ.

മോഹൻലാൽ സിനിമയായ ലൂസിഫറിന്റെ ഒഫീഷ്യൽ ട്രെയിലർ ഒരു കോടിയിലേറെ ഹിറ്റ് എന്ന ചരിത്ര നേട്ടവും സ്വന്തമാക്കി. മലയാളത്തിൽ കോമഡി, വിനോദം, ഫുഡ്, മ്യൂസിക്, വാർത്ത, ടെക്‌നോളജി, പഠനം എന്നീ മേഖലകളിലെ വീഡിയോകൾക്കാണ് ഏറ്റവുമധികം ഡിമാൻഡ് എന്നും സത്യരാഘവൻ വിശദീകരിച്ചു.

LEAVE A REPLY

Please enter your comment!
Please enter your name here