ഐ.ഇ.എം നഗറില്‍ വെച്ച് 2019 ഒക്‌ടോബര്‍ 14 മുതല്‍ ഡിസംബര്‍ 13 വരെ എല്ലാ ആഴ്ചകളിലും തിങ്കള്‍ മുതല്‍ വെള്ളി വരെ എല്ലാ ദിവസവും രാവിലെ 10 മുതല്‍ 4 വരെ ബൈബിള്‍ ക്ലാസ് ഉണ്ടായിരിക്കുന്നതാണ്. ദിവസേന വന്നു പോയി പഠിക്കാന്‍ താല്പര്യമുള്ളവര്‍ക്ക് മാത്രം പ്രവേശനം. ഏതു സഭയിലെ വ്യക്തിയാണെങ്കിലും, കുടുംബമായും, സമൂഹത്തിന്റെ നാനാതുറയിലുള്ള ആര്‍ക്കും പങ്കെടുക്കാം. 20 വയസ്സു മുതല്‍ എത്ര വയസ്സുവരെയുള്ളവര്‍ക്കും ഇതില്‍ ചേരാവുന്നതാണ്. വിദ്യാഭ്യാസ യോഗ്യതയോ, മറ്റ് മാനദണ്ഡങ്ങളോ പ്രവേശനത്തിന് ബാധകമല്ല. മലയാളത്തിലാണ് ക്ലാസ്സുകള്‍. പ്രവേശനം സൗജന്യമാണ്. താല്‍പര്യമുള്ളവര്‍ 2019 സെപ്റ്റംബര്‍ 21 ന് മുമ്പായി പേര് രജിസ്റ്റര്‍ ചെയ്യേണ്ടതാണ്. പഠനം പൂര്‍ത്തിയാക്കുന്നവരുടെ ഗ്രാജുവേഷനും തിയോളജിക്കല്‍ അസോസിയേഷന്‍ അംഗീകൃത സര്‍ട്ടിഫിക്കേറ്റ് വിതരണവും പഠനാനന്തരം അനവധി ദൈവദാസന്മാരുടേയും, ദൈവമക്കളുടേയും സാന്നിദ്ധ്യത്തില്‍ ഐ ഇ എം ഓഡിറ്റോറിയത്തില്‍ വെച്ച് നടത്തപ്പെടും. ദീര്‍ഘ വര്‍ഷങ്ങള്‍ ബൈബിള്‍ കോളേജുകളില്‍ പോയി പഠിക്കുവാന്‍ സാധിക്കാത്തവര്‍ക്ക് ഇതൊരു സുവര്‍ണ്ണാവസരം ആണ്. പഠന വിഷയങ്ങളുടെ പ്രിന്റഡ് നോട്ടും, ഫയലും വിഷയവുമായി ബന്ധപ്പെട്ട പുസ്തകങ്ങളും സൗജന്യമായി ക്ലാസുകളില്‍ ലഭ്യമാണ്. ആധുനിക സൗകര്യങ്ങളുള്ള പ്രത്യേക ക്ലാസ് റൂം സജ്ജീകരിക്കപ്പെട്ടിട്ടുണ്ട്. പങ്കെടുക്കുന്നവര്‍ക്ക് സംശയനിവാരണം നടത്തുന്നതിനായി അതാത് മേശകളില്‍ ഉച്ചഭാഷിണിയുടെ സഹായം ഉണ്ടായിരിക്കുന്നതാണ്. ക്ലാസുകള്‍ നയിക്കുന്നവരുടെ വിഷയങ്ങള്‍ ആസ്പദമാക്കി വീഡിയോ പ്രദര്‍ശനം നടത്തപ്പെടും. പങ്കെടുക്കുന്നവര്‍ക്ക് ചോദ്യങ്ങള്‍ ചോദിക്കുവാനും സംവാദം നടത്തുന്നതിനും വേണ്ടിയുള്ള ക്രമീകരണങ്ങളും ചെയ്തിട്ടുണ്ട്. താല്‍പര്യമുള്ളവര്‍ താഴെ കാണുന്ന ഫോണ്‍ നമ്പരുകളില്‍ വിളിച്ച് പേരും വിലാസവും നല്‍കി രജിസ്റ്റര്‍ ചെയ്യുക. രജിസ്റ്റര്‍ ചെയ്തവര്‍ സെപ്റ്റംബര്‍ 21 ന് ശനിയാഴ്ച രാവിലെ 10 മണിക്ക് കല്ലുമല-മാവേലിക്കര ഐ ഇ എം ആഡിറ്റോറിയത്തില്‍ വന്ന് സൗജന്യമായി ലഭിക്കുന്ന ഈ ക്ലാസുകളില്‍ പങ്കെടുക്കുന്നതിനായി ലഭിക്കുന്ന സൗജന്യ പ്രവേശന പാസ് വാങ്ങേണ്ടതാണ്. അന്നേ ദിവസം മരണാനന്തര ജീവിതം എന്ന വിഷയത്തെ ആസ്പദമാക്കിയുള്ള 5 മണിക്കൂര്‍ നീണ്ടുനില്‍ക്കുന്ന മോഡല്‍ ക്ലാസ് ഉണ്ടായിരിക്കുന്നതാണ്.
9847472016/ 8281301330/ 8547071252/ 8301851478