മസ്‌കത്ത്: മസ്‌കത്തില്‍ നിന്നു കണ്ണൂരിലേക്കുള്ള എയര്‍ ഇന്ത്യ എക്സ്പ്രസ് യാത്രക്കാര്‍ക്ക് അധിക ബാഗേജ് ഓഫർ. ഒമാന്‍ ദേശീയ ദിനത്തോടനുബന്ധിച്ചാണ് വിമാനക്കമ്പനിയുടെ ഓഫർ. പത്ത് കിലോ അധിക സൗജന്യ ബാഗേജാണ് ഓഫറായി നൽകുന്നത്.

ഈ മാസം അവസാനം വരെ 40 കിലോ വരെ ബാഗേജ് എയര്‍ ഇന്ത്യ എക്സ്പ്രസ് അനുവദിക്കും. ഹാന്‍ഡ് ബാഗേജ് ഏഴ് കിലോയ്ക്ക് പുറമെയാണിത്. അതേസമയം കണ്ണൂരിലേക്ക് മാത്രമാണ് ഓഫർ നിലവിലുള്ളത്. നേരത്തെ ഗോ ഫസ്റ്റ് വിമാന കമ്പനിയും കണ്ണൂര്‍ സെക്ടറിലേക്കുള്ള യാത്രക്കാര്‍ക്ക് 40 കിലോ ബാഗേജ് ആനുകൂല്യം ഏര്‍പ്പെടുത്തിയിരുന്നു.
Sources:globalindiannews

http://theendtimeradio.com

സംസ്ഥാനത്തെ ആംബുലൻസുകളെ അടിമുടി മാറ്റുന്ന പുതിയ നിര്‍ദ്ദേശങ്ങളുമായി സംസ്ഥാന ഗതാഗത അതോറിറ്റി. മൃതദേഹങ്ങള്‍ കൊണ്ടുപോകാൻമാത്രം ഉപയോഗിക്കുന്ന ആംബുലൻസുകൾ തിരിച്ചറിയുന്നതിനുള്ള മാർഗനിർദേശം ഉള്‍പ്പെടെ സുപ്രധാന നിര്‍ദ്ദേശങ്ങളാണ് സംസ്ഥാന ഗതാഗത അതോറിറ്റി മുന്നോട്ടു വച്ചിരിക്കുന്നത് എന്നാണ് റിപ്പോര്‍ട്ടുകള്‍.

മൃതദേഹങ്ങള്‍ കൊണ്ടുപോകുന്ന ആംബുലൻസുകളിൽ ഇനി സൈറൺ ഉപയോഗിക്കാനാവില്ല. മൃതദേഹം കൊണ്ടുപോകുന്ന വാഹനമാണെന്ന് തിരിച്ചറിയാൻ ‘Hearsse’ എന്ന് മുന്നിലും പിന്നിലും വശങ്ങളിലും പെയിന്റു കൊണ്ട് എഴുതണം. വാഹനത്തിന് ചുറ്റിലും മധ്യഭാഗത്ത് 15 സെന്റീമീറ്റർ വീതിയിൽ നേവിബ്ലൂ നിറത്തിൽ വരയിടുകയും വേണം.

ടൂറിസ്റ്റ് ബസുകൾക്ക് പിന്നാലെ സംസ്ഥാനത്തെ മുഴുവൻ ആംബുലൻസുകളും വെള്ളനിറത്തിലേക്ക് മാറണമെന്ന നിർദേശം സംസ്ഥാന ഗതാഗത അതോറിറ്റി മുന്നോട്ട വച്ചിട്ടുണ്ട്. 2023 ജനുവരി ഒന്നുമുതൽ ഇത് 8നിലവിലുള്ള ആംബുലൻസുകൾ കാര്യക്ഷമതാ പരിശോധന നടക്കുന്ന മുറയ്ക്ക് നിറം മാറ്റിയാൽ മതിയാകും. വാഹനത്തിന്റെ മുന്നിലെയും പിന്നിലെയും ബമ്പറുകളിൽ ഉൾപ്പെടെ തിളങ്ങുന്ന വെള്ള (ബ്രില്യന്റ് വൈറ്റ്) നിറം അടിക്കാനാണ് നിർദേശം. വെഹിക്കിൾ ലൊക്കേഷൻ ട്രാക്കിങ് ഡിവൈസും സ്ഥാപിക്കണം എന്നും നിര്‍ദ്ദേശം ഉണ്ട്.

അതേസമയം ആംബുലൻസുമായി ബന്ധപ്പെട്ട മറ്റൊരു വാര്‍ത്തയില്‍ കലൂരിൽ രോഗിയുമായി വന്ന ആംബുലൻസ്​ മറിഞ്ഞ് രോഗി മരിച്ച സംഭവത്തില്‍ ആംബുലൻസ് ഡ്രൈവർക്ക് എതിരെ പൊലീസ് കേസ് എടുത്തു. മനഃപൂർവമല്ലാത്ത നരഹത്യക്കാണ് കേസ് രജിസ്റ്റർ ചെയ്‍തത്. ആംബുലൻസിൽ ഉണ്ടായിരുന്ന രോഗിയായ പറവൂർ സ്വദേശി വിനീത (65) ആണ് മരിച്ചത്​. അപകടത്തിൽപ്പെട്ട ആംബുലൻസിൽ നിന്നും വിനീതയെ ആശുപത്രിയിൽ എത്തിക്കുമ്പോഴേക്കും മരിക്കുകയായിരുന്നു. പറവൂർ ഡോൺ ബോസ്​കോ ഹോസ്​പിറ്റലിൽ നിന്ന്​ ലിസി ആശുപത്രിയിലേക്ക് രോഗി​യെ മാറ്റുന്നതിനിടെയാണ് അപകടമുണ്ടായത്. കഴിഞ്ഞ ദിവസം വൈകിട്ട് 3.20 ഓടെ ആയിരുന്നു അപകടം. കലൂര്‍ സിഗ്നലിനു മുന്നിലുള്ള യുടേണിലേയ്ക്കു തിരിയുന്നതിനു മുൻപു ബൈക്ക് മുന്നിലേക്കു ചാടിയതോടെയാണ് ആംബുലന്‍സ് മറിഞ്ഞത് എന്നാണ് റിപ്പോര്‍ട്ടുകള്‍.
Sources:globalindiannews

http://theendtimeradio.com

ചെന്നൈ: തമിഴ്നാട്ടിൽ ട്രാഫിക് നിയമലംഘനങ്ങൾക്കുള്ള പിഴ കുത്തനെ വർദ്ധിപ്പിച്ചു. അമ്പത് ശതമാനത്തിലധികമാണ് വർദ്ധന. ലൈസൻസ് ഇല്ലാതെയോ ലൈസൻസ് സസ്പെൻഡ് ചെയ്തിരിക്കുമ്പോഴോ ലൈസൻസ് കാലാവധി കഴിഞ്ഞതിന് ശേഷമോ വാഹനമോടിച്ചാൽ അയ്യായിരം മുതൽ പതിനായിരം രൂപ വരെയായി പിഴത്തുക ഉയർത്തി.

മദ്യപിച്ച് വാഹനമോടിച്ചാൽ പതിനായിരം രൂപയാണ് പിഴ. മദ്യപിച്ച് വാഹനമോടിച്ചതായി കണ്ടെത്തിയാൽ ഡ്രൈവർ മാത്രമല്ല, ഒപ്പമുള്ളവരും പിഴയൊടുക്കണം. ആംബുലൻസിന്‍റെയോ അഗ്നിരക്ഷാസേനയുടേയോ വാഹനത്തിന്‍റെ യാത്ര തടസ്സപ്പെടുത്തും വിധം വാഹനം ഓടിച്ചാൽ പിഴ പതിനായിരം.

അശ്രദ്ധമായ ഡ്രൈവിംഗ്, സാഹസികമായ ഡ്രൈവിംഗ്, ഹെൽമെറ്റും സീറ്റ് ബെൽറ്റും ഇല്ലാതെ വാഹനമോടിക്കൽ, അനാവശ്യമായി ഹോൺ മുഴക്കൽ അടക്കം ട്രാഫിക് നിയമലംഘനങ്ങൾക്കെല്ലാം പിഴത്തുക കുത്തനെ ഉയർത്തിയിട്ടുണ്ട്. പുതുക്കിയ പിഴ നിരക്ക് ഇന്നു മുതൽ പ്രാബല്യത്തിൽ വന്നു.
Sources:globalindiannews

http://theendtimeradio.com