Connect with us
Slider

Media

മുൻ മന്ത്രി ആർ ബാലകൃഷ്ണപിള്ള അന്തരിച്ചു

Published

on

കേരള കോൺഗ്രസ് സ്ഥാപക നേതാക്കളിലൊരാളും മുൻ മന്ത്രിയുമായ ആർ ബാലകൃഷ്ണപിള്ള അന്തരിച്ചു. 86 വയസായിരുന്നു. ഇന്ന് പുലർച്ചെയായിരുന്നു അന്ത്യം. വാർധക്യ സഹജമായ അസുഖങ്ങളാൽ ഏറെ നാളായി ചികിത്സയിലായിരുന്നു. ശ്വാസതടസ്സത്തെ തുടർന്ന് കൊട്ടാരക്കരയിലെ സ്വകാര്യ ആശുപത്രിയിൽ പ്രവേശിപ്പിച്ച അദ്ദേഹത്തിന്റെ ആരോഗ്യനില ഗുരുതരമായതിനെ തുടർന്ന് തിരുവനന്തപുരത്തെ ആശുപത്രിയിലേക്ക് മാറ്റിയിരുന്നു.

കേരള നിയമസഭയിൽ 9 തവണ എംഎൽഎ ആയ ബാലകൃഷ്ണപിള്ള അഞ്ച് തവണ മന്ത്രി പദവും അലങ്കരിച്ചു. കേരള കോൺഗ്രസ് (ബി) ചെയർമാൻ, മുന്നാക്ക സമുദായ ക്ഷേമ കോർപറേഷൻ ചെയർമാൻ എന്നീ നിലകളിൽ പ്രവർത്തിച്ചുവരികയായിരുന്നു. നായർ സർവീസ് സൊസൈറ്റി (എൻഎസ്എസ്) ബോർഡ് ഓഫ് ഡയറക്ടേഴ്സ് അംഗമാണ്.

ശ്രീമൂലം പ്രജാസഭാംഗമായിരുന്ന വാളകം കീഴൂട്ട് രാമൻപിള്ളയുടെയും കാർത്യായനിയമ്മയുടേയും മകനായി 1934 ഏപ്രിൽ ഏഴിന് കൊട്ടാരക്കരയിലെ വാളകത്താണ് ബാലകൃഷ്ണപിളളയുടെ ജനനം. വിദ്യാർഥിയായിരിക്കെ രാഷ്ട്രീയ ജീവിതം തുടങ്ങി. തിരുവിതാംകൂർ സ്റ്റുഡന്റ്സ് യൂണിയനിൽ പ്രവർത്തിച്ചു. പിന്നീട് കോൺഗ്രസിൽ ചേർന്നു. 1964ൽ കെ.എം ജോർജിനൊപ്പം കേരള കോൺഗ്രസിന് രൂപം നൽകി. കേരള കോൺഗ്രസിന്റെ സ്ഥാപക ജനറൽ സെക്രട്ടറിയായിരുന്നു. കേരള കോൺഗ്രസിന്റെ സ്ഥാപക സംസ്ഥാന കമ്മിറ്റി ഭാരവാഹികളില്‍ ജീവിച്ചിരുന്നവരിൽ അവസാനത്തെയാൾ കൂടിയായിരുന്നു അദ്ദേഹം. കേരള കോണ്‍ഗ്രസിലെ അഭിപ്രായ വ്യത്യസങ്ങളെ തുടര്‍ന്ന് കേരള കോൺഗ്രസ് പിളരുകയും 1977ൽ ബാലകൃഷ്ണപിള്ള കേരള കോൺഗ്രസ് (ബി) രൂപീകരിക്കുകയും ചെയ്തു. 1960 ൽ 25ആം വയസിൽ പത്തനാപുരത്തുനിന്നാണ് ആദ്യമായി നിയമസഭയിലേക്ക് തെരഞ്ഞെടുക്കപ്പെട്ടത്. 1965ലും വിജയിച്ചു. 1967ലും 1970ലും പരാജയപ്പെട്ടു. 1977 മുതൽ 2001 വരെ എംഎല്‍എയായി. 2006ൽ ഐഷാ പോറ്റിയോട് പരാജയപ്പെട്ടു.

ഗതാഗതം, എക്‌സൈസ്, വൈദ്യുതി വകുപ്പുകൾ കൈകാര്യം ചെയ്‌തു. 1982ൽ വൈദ്യുതി മന്ത്രിയായിരിക്കെ നടപ്പാക്കിയ ഇടമലയാർ, കല്ലട പദ്ധതികളുമായി ബന്ധപ്പെട്ട അഴിമതിക്കേസിൽ സുപ്രീംകോടതി അദ്ദേഹത്തെ ഒരു വർഷം തടവിന് ശിക്ഷിച്ചു. കാലാവധി പൂർത്തിയാകുംമുൻപ് ശിക്ഷാ ഇളവ് ലഭിച്ചു. 2018ൽ എൽഡിഎഫിലെത്തി. മകന്‍ കെ.ബി ഗണേഷ് കുമാറിനായി ഈ തെരഞ്ഞെടുപ്പില്‍ പ്രചാരണത്തിനെത്തി. അതിനിടെ ആരോഗ്യനില മോശമായി. അവസാനകാലം വരെ അദ്ദേഹം രാഷ്ടീയത്തില്‍ സജീവമായിരുന്നു.

പരേതയായ ആർ. വൽസലയാണ് ഭാര്യ. ഉഷ മോഹൻദാസ്, കെ.ബി ഗണേഷ്കുമാർ എംഎൽഎ, ബിന്ദു ബാലകൃഷ്ണൻ എന്നിവർ മക്കൾ.

Media

ഈ മാസവും സൗജന്യ ഭക്ഷ്യക്കിറ്റ്‌; സാമൂഹ്യ അടുക്കള തുടങ്ങും

Published

on

തിരുവനന്തപുരം : കോവിഡ് വ്യാപനത്തിന്റെയും ലോക്‌ഡൗണിന്റെയും പശ്ചാത്തലത്തിൽ സംസ്ഥാനത്ത് സൗജന്യ ഭക്ഷ്യക്കിറ്റ് വിതരണം മെയ്‌ മാസവും തുടരുമെന്ന്‌ മുഖ്യമന്ത്രി പിണറായി വിജയൻ. അടുത്ത ആഴ്ച കൊടുത്തുതുടങ്ങും. അതിഥിത്തൊഴിലാളികൾക്കും ഭക്ഷ്യക്കിറ്റ് നൽകും.

കോവിഡ്‌ വ്യാപനത്തിന്റെ ആദ്യ ഘട്ടത്തിൽ പട്ടിണി ഇല്ലാതാക്കാൻ 2020 ഏപ്രിൽ മുതൽ റേഷൻ കടകൾവഴി കിറ്റ്‌ വിതരണം ചെയ്‌തിരുന്നു. 8.20 കോടി കിറ്റാണ്‌ ഏപ്രിൽവരെ നൽകിയത്‌. ഈ ലോക്‌ഡൗൺ കാലത്തും ആരും പട്ടിണി കിടക്കാതിരിക്കാൻ സാമൂഹ്യ അടുക്കളകൾ ആരംഭിക്കുമെന്നും മുഖ്യമന്ത്രി പറഞ്ഞു. ആവശ്യമുള്ളവർക്ക്‌ ഭക്ഷണം എത്തിക്കും.

നിയന്ത്രണം ജീവൻ രക്ഷിക്കാൻ

ജീവനും ജീവനോപാധികളും സംരക്ഷിക്കുകയാണ്‌ സർക്കാർ ലക്ഷ്യം. വാരാന്ത്യങ്ങളിലെ നിയന്ത്രണങ്ങളും രാത്രികാല നിയ
ന്ത്രണവും നടപ്പാക്കുന്നത്‌ അതിനാണ്‌. ഇവ രണ്ടും കണക്കിലെടുക്കുമ്പോൾ ഏറ്റവും പ്രധാനം ജീവനുകൾ സംരക്ഷിക്കുകയാണ്‌. കേരളത്തിലെ ഉയർന്ന ജനസാന്ദ്രത കണക്കിലെടുക്കുമ്പോൾ ജനങ്ങൾ തമ്മിലുള്ള സമ്പർക്കം കുറയ്ക്കാൻ ലോക്ഡൗൺ പോലെ ഫലപ്രദമായ മറ്റൊരു നടപടിയില്ല.

ജീവിതശൈലീ രോഗങ്ങൾ ഉള്ളവരുടെയും ജനസംഖ്യാപരമായ ഉയർന്ന അനുപാതവും കേരളത്തിൽ വളരെ കൂടുതലാണ്. ഇതെല്ലാം പരിഗണിക്കുമ്പോൾ രോഗവ്യാപനം മറ്റെവിടത്തേക്കാളും ശക്തമാകാനും മരണം വിതയ്ക്കാനും സാധ്യത കേരളത്തിലുണ്ട്. മെച്ചപ്പെട്ട ആരോഗ്യസംവിധാനങ്ങളുള്ളതിനാൽ മറ്റു പലയിടത്തേക്കാൾ കുറഞ്ഞ മരണനിരക്ക് നമുക്ക് നിലനിർത്താൻ സാധിച്ചേക്കാം. മരണനിരക്ക് എത്ര കുറഞ്ഞാലും രോഗികളുടെ എണ്ണം ഉയർന്നാൽ മരണ സംഖ്യയും ഉയരും. അത്‌ ഒഴിവാക്കിയേ മതിയാകു.

18–-45 വയസ്സ് പരിധിയിലുള്ളവർക്ക് പൂർണമായും ഒറ്റയടിക്ക് വാക്സിൻ നൽകാനാകില്ല. മറ്റ് രോഗങ്ങൾ ഉള്ളവർക്ക് മുൻഗണന നൽകും. രോഗം ഉള്ളവരുടെയും ക്വാറന്റൈൻകാരുടെയും വീട്ടിൽ പോകുന്ന വാർഡ്തല സമിതിക്കാർക്കും മുൻഗണന നൽകുമെന്നും മുഖ്യമന്ത്രി പറഞ്ഞു.
കടപ്പാട് :കേരളാ ന്യൂസ്

Continue Reading

Media

സൗദിയിൽ വാക്സിന്‍ എടുക്കാത്തവര്‍ക്ക് ജോലി ചെയ്യാനാവില്ല

Published

on

റിയാദ്: രാജ്യത്ത് കൊവിഡ് വാക്സിന്‍ ക്യാംപയിന്‍ കൂടുതല്‍ ശക്തിപ്പെടുത്തി സൗദി അധികൃതര്‍. രാജ്യത്തെ എല്ലാ ജീവനക്കാര്‍ക്കും ജോലി സ്ഥലത്തെത്തണമെങ്കില്‍ വാക്സിനേഷന്‍ നിര്‍ബന്ധമാണെന്ന വ്യവസ്ഥയാണ് അധികൃതര്‍ പുതുതായി മുന്നോട്ടുവച്ചിരിക്കുന്നത്. വാക്സിനെടുക്കാത്തവര്‍ക്ക് ജോലി സ്ഥലത്തെത്തി പണിയെടുക്കാനാവില്ലെന്ന് മനുഷ്യവിഭവ- സാമൂഹിക വികസന മന്ത്രാലയത്തെ ഉദ്ധരിച്ച് ഔദ്യോഗിക ടെലിവിഷന്‍ ചാനലായ അല്‍ ഇഖ്ബാരിയ്യ റിപ്പോര്‍ട്ട് ചെയ്തു. രാജ്യത്തെ സര്‍ക്കാര്‍, സ്വകാര്യ, സന്നദ്ധ മേഖലകള്‍ക്കെല്ലാം ഈ നിബന്ധന ബാധകമാണ്. രാജ്യത്ത് കൊവിഡ് വ്യാപനം പ്രതിരോധിക്കുന്നതിന്റെ ഭാഗമായാണ് നടപടി.

എന്നാല്‍ പുതിയ തീരുമാനം എന്ന് മുതലാണ് നടപ്പില്‍ വരികയെന്നോ രണ്ടു ഡോസ് വാക്സിന്‍ സ്വീകരിച്ചവര്‍ക്കു മാത്രമാണോ അനുമതി തുടങ്ങിയ കാര്യങ്ങളെ കുറിച്ച് അറിയിപ്പ് വരാനിരിക്കുന്നതേയുള്ളൂ. അതിനു മുമ്പ് തന്നെ എല്ലാ തൊഴിലുടമകളും സ്ഥാപനങ്ങളും തങ്ങളുടെ ജീവനക്കാര്‍ക്ക് വാക്സിന്‍ ലഭിച്ചുവെന്ന് ഉറപ്പുവരുത്തുന്നതിനുള്ള നടപടികള്‍ സ്വീകരിക്കണമെന്നും മന്ത്രാലയം ആവശ്യപ്പെട്ടു. തീയതി തീരുമാനിച്ചു കഴിഞ്ഞാല്‍ അതിനു ശേഷം വാക്സിനെടുക്കാത്തവര്‍ക്ക് ജോലി സ്ഥലത്ത് ഹാജരാവാന്‍ കഴിയില്ലെന്നും അധികൃതര്‍ വ്യക്തമാക്കി. ജീവനക്കാരുടെയും ജനങ്ങളുടെയും ആരോഗ്യ സുരക്ഷ ഉറപ്പുവരുത്തുന്നതിന്റെ ഭാഗമായി എല്ലാ ആരോഗ്യ പെരുമാറ്റച്ചട്ടങ്ങളും കര്‍ശനമായി പാലിക്കാനും മന്ത്രാലയം ബന്ധപ്പെട്ടവര്‍ക്ക് നിര്‍ദ്ദേശം നല്‍കി.

അതിനിടെ, രാജ്യത്ത് ഇതിനകം ഒരു കോടിയിലേറെ കൊവിഡ് വാക്സിന്‍ ഡോസുകള്‍ വിതരണം ചെയ്തു കഴിഞ്ഞതായി ആരോഗ്യമന്ത്രാലയം അറിയിച്ചു. ജനസംഖ്യയുടെ 29 ശതമാനത്തിലേറെ പേര്‍ക്ക് ഇതിനകം വാക്സിന്‍ ലഭിച്ചു കഴിഞ്ഞു. രാജ്യത്തെ 587 വാക്സിനേഷന്‍ കേന്ദ്രങ്ങളിലൂടെ പ്രതിദിനം ഒന്നര ലക്ഷത്തോളം പേര്‍ക്കാണ് വാക്സിന്‍ നല്‍കിവരുന്നതെന്നും മന്ത്രാലയം വ്യക്തമാക്കി.
Sources:globalindiannews

Continue Reading

Subscribe

Enter your email address

Featured

us news17 hours ago

Sixth-grader shoots classmates in US; 3 people were injured

Three people, including two students, were shot Thursday at an Idaho middle school, according to officials. At a press conference,...

Media18 hours ago

ഈ മാസവും സൗജന്യ ഭക്ഷ്യക്കിറ്റ്‌; സാമൂഹ്യ അടുക്കള തുടങ്ങും

തിരുവനന്തപുരം : കോവിഡ് വ്യാപനത്തിന്റെയും ലോക്‌ഡൗണിന്റെയും പശ്ചാത്തലത്തിൽ സംസ്ഥാനത്ത് സൗജന്യ ഭക്ഷ്യക്കിറ്റ് വിതരണം മെയ്‌ മാസവും തുടരുമെന്ന്‌ മുഖ്യമന്ത്രി പിണറായി വിജയൻ. അടുത്ത ആഴ്ച കൊടുത്തുതുടങ്ങും. അതിഥിത്തൊഴിലാളികൾക്കും...

us news18 hours ago

Nine babies in a single birth, this miracle of the extreme

Bamako: A mother who miraculously gave birth to nine children in a single delivery to the scientific world Halima Sisse,...

Media18 hours ago

സൗദിയിൽ വാക്സിന്‍ എടുക്കാത്തവര്‍ക്ക് ജോലി ചെയ്യാനാവില്ല

റിയാദ്: രാജ്യത്ത് കൊവിഡ് വാക്സിന്‍ ക്യാംപയിന്‍ കൂടുതല്‍ ശക്തിപ്പെടുത്തി സൗദി അധികൃതര്‍. രാജ്യത്തെ എല്ലാ ജീവനക്കാര്‍ക്കും ജോലി സ്ഥലത്തെത്തണമെങ്കില്‍ വാക്സിനേഷന്‍ നിര്‍ബന്ധമാണെന്ന വ്യവസ്ഥയാണ് അധികൃതര്‍ പുതുതായി മുന്നോട്ടുവച്ചിരിക്കുന്നത്....

us news18 hours ago

Bill Gates says India should not be given vaccine formula

Bill Gates has been in the headlines for several reasons since the beginning of the Covid-19 pandemic. The tech mogul...

Media18 hours ago

കൊവിഡ് പോരാട്ടത്തില്‍ ഇന്ത്യയ്ക്ക് എല്ലാ സഹായങ്ങളും വാഗ്ദാനം ചെയ്ത് കമല ഹാരിസ്

കൊവിഡിനെതിരായ പോരാട്ടത്തില്‍ ഇന്ത്യയ്ക്ക് എല്ലാ സഹായങ്ങളും വാഗ്ദാനം ചെയ്ത് അമേരിക്കന്‍ വൈസ് പ്രസിഡന്റ് കമല ഹാരിസ്. ഇന്ത്യയിലെ കൊവിഡ് മരണങ്ങള്‍ ഹൃദയഭേദകമാണെന്ന് അവര്‍ പറഞ്ഞു.പ്രിയപ്പെട്ടവര്‍ നഷ്ടമായവരുടെ വേദനയ്‌ക്കൊപ്പം...

Trending