*ഡബ്ലിൻ* : നിത്യതയ്ക്കു വേണ്ടി നമ്മെ തന്നെ ഒരുക്കുക എന്ന ആഹ്വാനത്തോടെ ഐപിസി അയർലൻഡ് & ഇ യു റീജിയൻ രണ്ടാമത് വാർഷിക കൺവെൻഷൻ അനുഗ്രഹീത സമാപ്തി .
27ന് വൈകിട്ട് 6 ന് ഐപിസി ഹെബ്രോൺ നോർത്ത് ഡബ്ലിൻ സഭയുടെ ശുശ്രൂഷകൻ പാസ്റ്റർ ജോബി ശാമുവേലിന്റെ അധ്യക്ഷതയിൽ നടന്ന ഉദ്ഘാടന സമ്മേളനത്തിൽ റീജിയൻ സെക്രട്ടറി പാസ്റ്റർ സാനു പി മാത്യു സ്വാഗതം ആശംസിക്കുകയും ഐ പി സി അയർലൻഡ് & ഇ യു റീജിയൻ പ്രസിഡന്റ് പാസ്റ്റർ സി റ്റി എബ്രഹാം രണ്ടാമത് വാർഷിക കൺവെൻഷൻ ഉദ്ഘാടനം ചെയ്യുകയും ചെയ്തു. തുടർന്ന് കേരളക്കരയിലെ അനുഗ്രഹീത കർത്തൃദാസൻ പാസ്റ്റർ വർഗീസ് എബ്രഹാം റാന്നി (രാജു മേത്ര) മുഖ്യ സന്ദേശം നൽകി.
ശനിയാഴ്ച രാവിലെ അയർലൻഡ് &ഇ യു റിജിയൻ ജോയിന്റ് സെക്രട്ടറി പാസ്റ്റർ ഷൈൻ മാത്യുവിന്റെ അധ്യക്ഷതയിൽ നടന്ന പൊതുയോഗത്തിൽ റീജിയൻ കലണ്ടറും ന്യൂസ് ലെറ്ററും റീജിയൻ പ്രസിഡണ്ട് പാസ്റ്റർ സി റ്റി എബ്രഹാം പ്രകാശനം ചെയ്തു.
പാസ്റ്റർ ബാബു സക്കറിയ, പാസ്റ്റർ രാജു മേത്ര എന്നിവർ ദൈവവചനത്തിൽ നിന്നും സംസാരിച്ചു.
ഉച്ചയ്ക്കുശേഷം നടന്ന സോദരി സമാജവാർഷിക സമ്മേളനത്തിൽ സിസ്റ്റർ ഷീല തോമസ് മുഖ്യ സന്ദേശം നൽകി .തുടർന്ന് നടന്ന സൺഡേ സ്കൂളിന്റെ വാർഷിക സമ്മേളനത്തിൽ സൺഡേ സ്കൂൾ പരീക്ഷയിൽ വിജയികളായവർക്ക് സമ്മാനദാനം നൽകുകയും ഏറ്റവും കൂടുതൽ പോയിന്റ് ഐപിസി ഡബ്ലിൻ സഭ നേടുകയും ചെയ്തു. തുടർന്ന് നടന്ന പി വൈ പി എ യുടെ വാർഷിക സമ്മേളനത്തിൽ പാസ്റ്റർ ജോൺ വർഗീസ് സന്ദേശം നൽകുകയും2024- 25 നടന്ന പി വൈ പി എ താലന്ത് പരിശോധനയിൽ വിജയികളായവർക്ക് സമ്മാനം നൽകുകയും ഏറ്റവും കൂടുതൽ പോയിന്റ് ഐപിസി
പി സി ഐ ഡബ്ലിൻ സഭ നേടുകയും ചെയ്തു.
ശനിയാഴ്ച വൈകിട്ട് നടന്ന പൊതുയോഗത്തിൽ ഐപിസി അയർലൻഡ് & ഇ യു റീജിയൻ സെക്രട്ടറി പാസ്റ്റർ സാനു പി മാത്യു അധ്യക്ഷത വഹിക്കുകയും
പാസ്റ്റർ വർഗീസ് എബ്രഹാം (രാജു മേത്ര) തിരുവചനത്തിൽ നിന്ന് സംസാരിക്കുകയും ചെയ്തു.
ഞായറാഴ്ച നടന്ന സംയുക്ത ആരാധനയിൽ അയർലൻഡ് & ഇ യു റീജിയൻ വൈസ് പ്രസിഡന്റ് പാസ്റ്റർ ജിജി എം വർഗീസ് അധ്യക്ഷത വഹിക്കുകയും റീജിയൻ പ്രസിഡണ്ട് പാസ്റ്റർസി റ്റി എബ്രഹാം തിരുവത്താഴ ശുശ്രൂഷ നിർവഹിക്കുകയും പാസ്റ്റർ പാസ്റ്റർ രാജു മേത്ര സമാപന സന്ദേശം നൽകുകയും ചെയ്തു. രണ്ടാമത് റീജിയൻ കൺവെൻഷനിൽ പാസ്റ്റർ ജോജി ജോൺസന്റെ നേതൃത്വത്തിലുള്ള അനുഗ്രഹീത ഗായകസംഘം ഗാന ശുശ്രൂഷകൾക്ക് നേതൃത്വം നൽകി. കൺവെൻഷന്റെ സമാപന യോഗത്തിൽ ഐപിസി അയർലൻഡ് & ഇ യു റീജിയന്റെ എജുക്കേഷൻ പ്രോഗ്രാമിന്റെ ഭാഗമായി നവംബർ മാസത്തിൽ ആരംഭിക്കാൻ പോകുന്ന മോറിയ ബൈബിൾ സെമിനാരിയെ കുറിച്ചുള്ള വിശദീകരണം പാസ്റ്റർ ജോബി ശമുവൽ നൽകുകയുണ്ടായി. കൺവെൻഷനിൽ പങ്കെടുത്ത എല്ലാവർക്കും ട്രഷറർ ബ്രദർ രാജൻ ലൂക്കോസ് നന്ദി പ്രകാശിപ്പിക്കുകയും ചെയ്തു.
 http://theendtimeradio.com

ഷിക്കാഗോ : മലയാള ക്രൈസ്തവ വിശ്വാസ സമൂഹം വിശുദ്ധ സഭാ ആരാധനയിൽ ഉപയോഗിക്കുന്ന ഗാനങ്ങൾ ഉൾപ്പെടെ അനേക ക്രൈസ്തവ ഗാനങ്ങൾ രചിച്ച് ക്രൈസ്തവ കൈരളിക്ക് സംഭാവന നൽകിയ ബഹുമാനപ്പെട്ട പ്രിയ കർത്തൃദാസൻ പാസ്റ്റർ സാംകുട്ടി മത്തായിയെയും അദ്ദേഹത്തിന്റെ കുടുംബത്തെയും അമേരിക്കയിലെ ഷിക്കാഗോ പട്ടണത്തിലുള്ള പെന്തക്കോസ്ത് സമൂഹം ആദരിക്കുന്നു.
ഒക്ടോബർ 5 ശനിയാഴ്ച വൈകിട്ട് 6 മണിക്ക് ഷിക്കാഗോ ഇന്ത്യ പെന്തകോസ്ത് ദൈവസഭയുടെ ഓഡിറ്റോറിയത്തിൽ വച്ച് നടത്തുന്ന സംഗീത ആദരവ് പരിപാടിയിലേക്ക് ഏവർക്കും സ്വാഗതം. അദ്ദേഹം രചിച്ച ഗാനങ്ങൾക്ക് പ്രാധാന്യം നൽകി ക്കൊണ്ട് ഹിസ് വോയിസ് ചിക്കാഗോ എന്ന സംഗീത ഗ്രൂപ്പ് സംഗീത പരിപാടികൾ അവതരിപ്പിക്കും.
Sources:Middleeast Christian Youth Ministries

http://theendtimeradio.com

വാഷിംഗ്ടണ്‍: 2026 സാമ്പത്തിക വര്‍ഷത്തേക്കുള്ള യുഎസ് ഗ്രീന്‍ കാര്‍ഡ് ലോട്ടറിയുടെ (ഡൈവേഴ്സിറ്റി വിസ) രജിസ്ട്രേഷന്‍ ഒക്ടോബര്‍ 2 ബുധനാഴ്ച ഉച്ചയ്ക്ക് 12 മണിക്ക് ആരംഭിക്കും. ഒരു മാസത്തേക്ക് നീണ്ടുനില്‍ക്കുന്ന രജിസ്‌ട്രേഷന്‍ നവംബര്‍ 5 ചൊവ്വാഴ്ച ഉച്ചയ്ക്ക് 12 മണിക്ക് അവസാനിക്കും. യുഎസ് സ്റ്റേറ്റ് ഡിപ്പാര്‍ട്ട്മെന്റ് നടത്തുന്ന ഈ പ്രോഗ്രാം, യുണൈറ്റഡ് സ്റ്റേറ്റ്സിലേക്കുള്ള കുടിയേറ്റ നിരക്ക് കുറഞ്ഞ രാജ്യങ്ങളിലെ പൗരന്മാര്‍ക്ക് ലോട്ടറി അടിസ്ഥാനത്തില്‍ 55,000 ഗ്രീന്‍ കാര്‍ഡുകള്‍ വരെ ലഭ്യമാക്കുന്നു.

ബംഗ്ലാദേശ്, ബ്രസീല്‍, കാനഡ, ചൈന, കൊളംബിയ, ഡൊമിനിക്കന്‍ റിപ്പബ്ലിക്, എല്‍ സാല്‍വഡോര്‍, ഹെയ്തി, ഹോണ്ടുറാസ്, ഇന്ത്യ, ജമൈക്ക, മെക്‌സിക്കോ, നൈജീരിയ, പാകിസ്ഥാന്‍, ഫിലിപ്പീന്‍സ്, റിപ്പബ്ലിക് ഓഫ് കൊറിയ (ദക്ഷിണ കൊറിയ), വെനസ്വേല, വിയറ്റ്‌നാം എന്നീ രാജ്യക്കാര്‍ക്ക് പ്രോഗ്രാമില്‍ പങ്കെടുക്കാന്‍ യോഗ്യതയില്ല. ഈ രാജ്യങ്ങളില്‍ നിന്നുള്ള 50,000ത്തിലധികം സ്വദേശികള്‍ കഴിഞ്ഞ അഞ്ച് വര്‍ഷങ്ങളിലായി യുഎസിലേക്ക് കുടിയേറിയതിനാലാണിത്. അതേസമയം, മക്കാവു എസ്എആര്‍, തായ്വാന്‍ സ്വദേശികള്‍ക്ക് ഡൈവേഴ്സിറ്റി വിസക്ക് അര്‍ഹതയുണ്ട്.

പ്രവേശനം നേടുന്നയാള്‍ക്ക് കുറഞ്ഞത് രണ്ട് വര്‍ഷത്തെ പരിശീലനമോ അനുഭവപരിചയമോ ആവശ്യമുള്ള ഒരു തൊഴിലില്‍ കുറഞ്ഞത് ഒരു ഹൈസ്‌കൂള്‍ വിദ്യാഭ്യാസമോ രണ്ട് വര്‍ഷത്തെ പ്രവൃത്തി പരിചയമോ ഉണ്ടായിരിക്കണം. എന്‍ട്രികള്‍ പൂര്‍ണ്ണമായും സൗജന്യമാണെന്നും https://dvprogram.state.gov എന്നതില്‍ ഓണ്‍ലൈനായി മാത്രമേ സ്വീകരിക്കുകയുള്ളൂവെന്നും യുഎസ് സ്റ്റേറ്റ് ഡിപ്പാര്‍ട്ട്‌മെന്റ് അറിയിച്ചു. അഴിമതികള്‍ ഒഴിവാക്കുന്നതിന് ‘വിസ കണ്‍സള്‍ട്ടന്റ്’ അല്ലെങ്കില്‍ ‘വിസ ഏജന്റ്’ ഇല്ലാതെ എന്‍ട്രികള്‍ സ്വയം സമര്‍പ്പിക്കാനാണ് നിര്‍ദേശം. കൃത്യമല്ലാത്തതോ ഡ്യൂപ്ലിക്കേറ്റോ ആയ എന്‍ട്രികള്‍ സമര്‍പ്പിക്കുന്നവരെ അയോഗ്യരാക്കും.
Sources:azchavattomonline.com

http://theendtimeradio.com