Connect with us
Slider

Media

ഇരട്ട സുരക്ഷ; സർജിക്കൽ മാസ്‌കിന് ഡിമാൻഡ്

Published

on

കൊച്ചി:കോവിഡിനെ ചെറുക്കാൻ രണ്ടു മാസ്ക് ഒന്നിച്ചിടുന്നത് ഫലപ്രദമാണെന്ന വിദഗ്ധരുടെ നിർദേശത്തെത്തുടർന്ന് സംസ്ഥാനത്ത് സർജിക്കൽ മാസ്കിന് ആവശ്യക്കാരേറുന്നു. ഒരു സർജിക്കൽ മാസ്കും അതിനുമുകളിലായി തുണിമാസ്കും ധരിക്കുന്നതിലൂടെ 85 ശതമാനത്തോളം വൈറസിനെ ചെറുക്കാൻ കഴിയുമെന്നാണ് സെന്റർ ഫോർ ഡിസീസ് കൺട്രോൾ നിർദേശിച്ചത്. ഇതോടെ തുണിമാസ്ക് ഉപയോഗിച്ചിരുന്ന നല്ലൊരു ശതമാനം ആളുകളും സർജിക്കൽ മാസ്ക് തേടിയെത്തി. എൻ 95 മാസ്ക് ഉപയോഗം സുരക്ഷിതമാണെങ്കിലും വില കൂടുതലാണ്.

ഡബിൾ മാസ്കിങ്ങിന്റെ പ്രചാരണം ശക്തമായതോടെ കൂടുതൽ എണ്ണം വാങ്ങനെത്തുന്നർ കൂടിയെന്ന് മെഡിക്കൽ സ്റ്റോർ ജീവനക്കാർ പറയുന്നു. മൂന്നുമാസത്തേക്കുള്ള മാസ്കുകളാണ് പലസ്ഥലങ്ങളിലും സ്റ്റോക്ക് ചെയ്തിരുന്നത്, ആവശ്യം കൂടിയതോടെ സ്റ്റോക്ക് വേഗത്തിൽ തീരുന്ന സാഹചര്യമാണ്.

ഡൽഹി, ഗാസിയാബാദ്, മഹാരാഷ്ട്ര എന്നിവിടങ്ങളിൽനിന്നുള്ള സർജിക്കൽ മാസ്കുകളാണ് കേരളത്തിലേക്ക് കൂടുതലായി എത്തിയിരുന്നത്. ഇതിനൊപ്പംതന്നെ സന്നദ്ധസംഘടനകളും ചെറിയ യൂണിറ്റുകളും മാസ്ക് നിർമാണം ആരംഭിച്ചതോടെ മെഡിക്കൽ ഷോപ്പുകൾക്ക് പുറമേ പൊതുവിപണിയിലും സർജിക്കൽ മാസ്ക് ലഭിക്കാൻ തുടങ്ങി. രണ്ട് ലെയർ സർജിക്കൽ മാസ്കിന് എട്ടു രൂപയും മൂന്നു ലെയർ മാസ്കിന് 10 രൂപയുമാണ് മെഡിക്കൽ സ്റ്റോറുകളടക്കം പൊതുവിപണിയിൽ ഈടാക്കുന്നത്. നിലവാരം കുറച്ച മാസ്കുകളും വിപണിയിലുണ്ട്, ഇതു തടയാനായി ഡ്രഗ്സ് കൺട്രോൾ വിഭാഗം പരിശോധനകൾ കർശനമാക്കി.

സുരക്ഷയ്ക്ക് പ്രാധാന്യമുള്ള മാസ്കുകൾ മാത്രം

”കോവിഡ് രണ്ടാം തരംഗത്തിൽ എല്ലാ മെഡിക്കൽ സാധനങ്ങൾക്കും ഷോർട്ടേജ് വന്നതുപോലെ മാസ്കിനും വന്നിട്ടുണ്ട്. മുമ്പത്തേതിൽനിന്ന് വ്യത്യസ്തമായി ഹോം മെയ്ഡ് മാസ്കുകൾ വിപണിയിലെത്തുന്നതോടെ ഈ ക്ഷാമം പരിഹരിക്കപ്പെടും. അംഗീകൃത കമ്പനികളിൽനിന്നുള്ള മാസ്കുകളാണ് മെഡിക്കൽ ഷോപ്പുകളിൽ നൽകുന്നത്.”
കടപ്പാട് :കേരളാ ന്യൂസ്

Media

ഈ മാസവും സൗജന്യ ഭക്ഷ്യക്കിറ്റ്‌; സാമൂഹ്യ അടുക്കള തുടങ്ങും

Published

on

തിരുവനന്തപുരം : കോവിഡ് വ്യാപനത്തിന്റെയും ലോക്‌ഡൗണിന്റെയും പശ്ചാത്തലത്തിൽ സംസ്ഥാനത്ത് സൗജന്യ ഭക്ഷ്യക്കിറ്റ് വിതരണം മെയ്‌ മാസവും തുടരുമെന്ന്‌ മുഖ്യമന്ത്രി പിണറായി വിജയൻ. അടുത്ത ആഴ്ച കൊടുത്തുതുടങ്ങും. അതിഥിത്തൊഴിലാളികൾക്കും ഭക്ഷ്യക്കിറ്റ് നൽകും.

കോവിഡ്‌ വ്യാപനത്തിന്റെ ആദ്യ ഘട്ടത്തിൽ പട്ടിണി ഇല്ലാതാക്കാൻ 2020 ഏപ്രിൽ മുതൽ റേഷൻ കടകൾവഴി കിറ്റ്‌ വിതരണം ചെയ്‌തിരുന്നു. 8.20 കോടി കിറ്റാണ്‌ ഏപ്രിൽവരെ നൽകിയത്‌. ഈ ലോക്‌ഡൗൺ കാലത്തും ആരും പട്ടിണി കിടക്കാതിരിക്കാൻ സാമൂഹ്യ അടുക്കളകൾ ആരംഭിക്കുമെന്നും മുഖ്യമന്ത്രി പറഞ്ഞു. ആവശ്യമുള്ളവർക്ക്‌ ഭക്ഷണം എത്തിക്കും.

നിയന്ത്രണം ജീവൻ രക്ഷിക്കാൻ

ജീവനും ജീവനോപാധികളും സംരക്ഷിക്കുകയാണ്‌ സർക്കാർ ലക്ഷ്യം. വാരാന്ത്യങ്ങളിലെ നിയന്ത്രണങ്ങളും രാത്രികാല നിയ
ന്ത്രണവും നടപ്പാക്കുന്നത്‌ അതിനാണ്‌. ഇവ രണ്ടും കണക്കിലെടുക്കുമ്പോൾ ഏറ്റവും പ്രധാനം ജീവനുകൾ സംരക്ഷിക്കുകയാണ്‌. കേരളത്തിലെ ഉയർന്ന ജനസാന്ദ്രത കണക്കിലെടുക്കുമ്പോൾ ജനങ്ങൾ തമ്മിലുള്ള സമ്പർക്കം കുറയ്ക്കാൻ ലോക്ഡൗൺ പോലെ ഫലപ്രദമായ മറ്റൊരു നടപടിയില്ല.

ജീവിതശൈലീ രോഗങ്ങൾ ഉള്ളവരുടെയും ജനസംഖ്യാപരമായ ഉയർന്ന അനുപാതവും കേരളത്തിൽ വളരെ കൂടുതലാണ്. ഇതെല്ലാം പരിഗണിക്കുമ്പോൾ രോഗവ്യാപനം മറ്റെവിടത്തേക്കാളും ശക്തമാകാനും മരണം വിതയ്ക്കാനും സാധ്യത കേരളത്തിലുണ്ട്. മെച്ചപ്പെട്ട ആരോഗ്യസംവിധാനങ്ങളുള്ളതിനാൽ മറ്റു പലയിടത്തേക്കാൾ കുറഞ്ഞ മരണനിരക്ക് നമുക്ക് നിലനിർത്താൻ സാധിച്ചേക്കാം. മരണനിരക്ക് എത്ര കുറഞ്ഞാലും രോഗികളുടെ എണ്ണം ഉയർന്നാൽ മരണ സംഖ്യയും ഉയരും. അത്‌ ഒഴിവാക്കിയേ മതിയാകു.

18–-45 വയസ്സ് പരിധിയിലുള്ളവർക്ക് പൂർണമായും ഒറ്റയടിക്ക് വാക്സിൻ നൽകാനാകില്ല. മറ്റ് രോഗങ്ങൾ ഉള്ളവർക്ക് മുൻഗണന നൽകും. രോഗം ഉള്ളവരുടെയും ക്വാറന്റൈൻകാരുടെയും വീട്ടിൽ പോകുന്ന വാർഡ്തല സമിതിക്കാർക്കും മുൻഗണന നൽകുമെന്നും മുഖ്യമന്ത്രി പറഞ്ഞു.
കടപ്പാട് :കേരളാ ന്യൂസ്

Continue Reading

Media

സൗദിയിൽ വാക്സിന്‍ എടുക്കാത്തവര്‍ക്ക് ജോലി ചെയ്യാനാവില്ല

Published

on

റിയാദ്: രാജ്യത്ത് കൊവിഡ് വാക്സിന്‍ ക്യാംപയിന്‍ കൂടുതല്‍ ശക്തിപ്പെടുത്തി സൗദി അധികൃതര്‍. രാജ്യത്തെ എല്ലാ ജീവനക്കാര്‍ക്കും ജോലി സ്ഥലത്തെത്തണമെങ്കില്‍ വാക്സിനേഷന്‍ നിര്‍ബന്ധമാണെന്ന വ്യവസ്ഥയാണ് അധികൃതര്‍ പുതുതായി മുന്നോട്ടുവച്ചിരിക്കുന്നത്. വാക്സിനെടുക്കാത്തവര്‍ക്ക് ജോലി സ്ഥലത്തെത്തി പണിയെടുക്കാനാവില്ലെന്ന് മനുഷ്യവിഭവ- സാമൂഹിക വികസന മന്ത്രാലയത്തെ ഉദ്ധരിച്ച് ഔദ്യോഗിക ടെലിവിഷന്‍ ചാനലായ അല്‍ ഇഖ്ബാരിയ്യ റിപ്പോര്‍ട്ട് ചെയ്തു. രാജ്യത്തെ സര്‍ക്കാര്‍, സ്വകാര്യ, സന്നദ്ധ മേഖലകള്‍ക്കെല്ലാം ഈ നിബന്ധന ബാധകമാണ്. രാജ്യത്ത് കൊവിഡ് വ്യാപനം പ്രതിരോധിക്കുന്നതിന്റെ ഭാഗമായാണ് നടപടി.

എന്നാല്‍ പുതിയ തീരുമാനം എന്ന് മുതലാണ് നടപ്പില്‍ വരികയെന്നോ രണ്ടു ഡോസ് വാക്സിന്‍ സ്വീകരിച്ചവര്‍ക്കു മാത്രമാണോ അനുമതി തുടങ്ങിയ കാര്യങ്ങളെ കുറിച്ച് അറിയിപ്പ് വരാനിരിക്കുന്നതേയുള്ളൂ. അതിനു മുമ്പ് തന്നെ എല്ലാ തൊഴിലുടമകളും സ്ഥാപനങ്ങളും തങ്ങളുടെ ജീവനക്കാര്‍ക്ക് വാക്സിന്‍ ലഭിച്ചുവെന്ന് ഉറപ്പുവരുത്തുന്നതിനുള്ള നടപടികള്‍ സ്വീകരിക്കണമെന്നും മന്ത്രാലയം ആവശ്യപ്പെട്ടു. തീയതി തീരുമാനിച്ചു കഴിഞ്ഞാല്‍ അതിനു ശേഷം വാക്സിനെടുക്കാത്തവര്‍ക്ക് ജോലി സ്ഥലത്ത് ഹാജരാവാന്‍ കഴിയില്ലെന്നും അധികൃതര്‍ വ്യക്തമാക്കി. ജീവനക്കാരുടെയും ജനങ്ങളുടെയും ആരോഗ്യ സുരക്ഷ ഉറപ്പുവരുത്തുന്നതിന്റെ ഭാഗമായി എല്ലാ ആരോഗ്യ പെരുമാറ്റച്ചട്ടങ്ങളും കര്‍ശനമായി പാലിക്കാനും മന്ത്രാലയം ബന്ധപ്പെട്ടവര്‍ക്ക് നിര്‍ദ്ദേശം നല്‍കി.

അതിനിടെ, രാജ്യത്ത് ഇതിനകം ഒരു കോടിയിലേറെ കൊവിഡ് വാക്സിന്‍ ഡോസുകള്‍ വിതരണം ചെയ്തു കഴിഞ്ഞതായി ആരോഗ്യമന്ത്രാലയം അറിയിച്ചു. ജനസംഖ്യയുടെ 29 ശതമാനത്തിലേറെ പേര്‍ക്ക് ഇതിനകം വാക്സിന്‍ ലഭിച്ചു കഴിഞ്ഞു. രാജ്യത്തെ 587 വാക്സിനേഷന്‍ കേന്ദ്രങ്ങളിലൂടെ പ്രതിദിനം ഒന്നര ലക്ഷത്തോളം പേര്‍ക്കാണ് വാക്സിന്‍ നല്‍കിവരുന്നതെന്നും മന്ത്രാലയം വ്യക്തമാക്കി.
Sources:globalindiannews

Continue Reading

Subscribe

Enter your email address

Featured

us news17 hours ago

Sixth-grader shoots classmates in US; 3 people were injured

Three people, including two students, were shot Thursday at an Idaho middle school, according to officials. At a press conference,...

Media17 hours ago

ഈ മാസവും സൗജന്യ ഭക്ഷ്യക്കിറ്റ്‌; സാമൂഹ്യ അടുക്കള തുടങ്ങും

തിരുവനന്തപുരം : കോവിഡ് വ്യാപനത്തിന്റെയും ലോക്‌ഡൗണിന്റെയും പശ്ചാത്തലത്തിൽ സംസ്ഥാനത്ത് സൗജന്യ ഭക്ഷ്യക്കിറ്റ് വിതരണം മെയ്‌ മാസവും തുടരുമെന്ന്‌ മുഖ്യമന്ത്രി പിണറായി വിജയൻ. അടുത്ത ആഴ്ച കൊടുത്തുതുടങ്ങും. അതിഥിത്തൊഴിലാളികൾക്കും...

us news17 hours ago

Nine babies in a single birth, this miracle of the extreme

Bamako: A mother who miraculously gave birth to nine children in a single delivery to the scientific world Halima Sisse,...

Media17 hours ago

സൗദിയിൽ വാക്സിന്‍ എടുക്കാത്തവര്‍ക്ക് ജോലി ചെയ്യാനാവില്ല

റിയാദ്: രാജ്യത്ത് കൊവിഡ് വാക്സിന്‍ ക്യാംപയിന്‍ കൂടുതല്‍ ശക്തിപ്പെടുത്തി സൗദി അധികൃതര്‍. രാജ്യത്തെ എല്ലാ ജീവനക്കാര്‍ക്കും ജോലി സ്ഥലത്തെത്തണമെങ്കില്‍ വാക്സിനേഷന്‍ നിര്‍ബന്ധമാണെന്ന വ്യവസ്ഥയാണ് അധികൃതര്‍ പുതുതായി മുന്നോട്ടുവച്ചിരിക്കുന്നത്....

us news17 hours ago

Bill Gates says India should not be given vaccine formula

Bill Gates has been in the headlines for several reasons since the beginning of the Covid-19 pandemic. The tech mogul...

Media18 hours ago

കൊവിഡ് പോരാട്ടത്തില്‍ ഇന്ത്യയ്ക്ക് എല്ലാ സഹായങ്ങളും വാഗ്ദാനം ചെയ്ത് കമല ഹാരിസ്

കൊവിഡിനെതിരായ പോരാട്ടത്തില്‍ ഇന്ത്യയ്ക്ക് എല്ലാ സഹായങ്ങളും വാഗ്ദാനം ചെയ്ത് അമേരിക്കന്‍ വൈസ് പ്രസിഡന്റ് കമല ഹാരിസ്. ഇന്ത്യയിലെ കൊവിഡ് മരണങ്ങള്‍ ഹൃദയഭേദകമാണെന്ന് അവര്‍ പറഞ്ഞു.പ്രിയപ്പെട്ടവര്‍ നഷ്ടമായവരുടെ വേദനയ്‌ക്കൊപ്പം...

Trending