world news
ക്രിസ്തു വിശ്വാസം സ്വീകരിച്ചതിന് വധഭീഷണി നേരിടുന്ന നൈജീരിയന് പെണ്കുട്ടിക്ക് സംരക്ഷണം ഉറപ്പുവരുത്തി കോടതി വിധി
![](https://theendtimenews.com/wp-content/uploads/2023/08/Mary-Olowe.jpg)
അബൂജ: പശ്ചിമാഫ്രിക്കന് രാജ്യമായ നൈജീരിയയിൽ ഇസ്ലാം മതം ഉപേക്ഷിച്ച് ക്രിസ്തു വിശ്വാസം സ്വീകരിച്ചതിൻ്റെ പേരില് സ്വന്തം പിതാവില് നിന്നും സഹോദരന്മാരില് നിന്നും വധഭീഷണി നേരിട്ടുകൊണ്ടിരിക്കുന്ന പെണ്കുട്ടിക്ക് സംരക്ഷണം ഉറപ്പാക്കിക്കൊണ്ട് നൈജീരിയന് ഹൈക്കോടതി വിധി. വധഭീഷണിയെ തുടർന്ന് മേരി ഒലോവെ (സുരക്ഷ ഭീഷണി നിലനിൽക്കുന്നതിനാൽ പേര് യഥാർത്ഥമല്ല) എന്ന പെണ്കുട്ടിയെ അവളുടെ അമ്മ തന്നെ രഹസ്യമായി ക്രിസ്ത്യന് കൂട്ടായ്മയില് എത്തിച്ചിരിക്കുകയാണെന്നു ഇക്കാര്യത്തില് മേരിയെ സഹായിച്ചുകൊണ്ടിരിക്കുന്ന അലയന്സ് ഡിഫെന്ഡിംഗ് ഫ്രീഡം (എ.ഡി.എഫ്) അന്താരാഷ്ട്ര മതസ്വാതന്ത്ര്യ നിരീക്ഷക സംഘടന പറയുന്നു. പിതാവും, സഹോദരന്മാരും കൊല്ലുമെന്ന് ഭീഷണിപ്പെടുത്തിയതിനെത്തുടര്ന്ന് മേരിയും, അമ്മയും നിയമസഹായം തേടി കോടതിയെ സമീപിക്കുകയായിരുന്നു.
ഇസ്ലാം ഉപേക്ഷിച്ച് ക്രിസ്തു വിശ്വാസം സ്വീകരിക്കുവാനുള്ള തീരുമാനം പരാതിക്കാരിയുടെ മൗലീകാവകാശമാണെന്നും, അത് ലംഘിക്കരുതെന്നും, അവളെ ഭീഷണിപ്പെടുത്തുകയോ വധിക്കാന് ശ്രമിക്കുകയോ ചെയ്യുന്നത് ശിക്ഷക്കു വിധേയമാണെന്നുമാണ് കോടതിവിധി. ഈ വിധിക്കെതിരെ ഇതുവരെ ആരും അപ്പീലിന് പോയിട്ടില്ലെന്നാണ് എ.ഡി.എഫ് പറയുന്നത്. ഇസ്ലാമില് നിന്നും ക്രിസ്തു വിശ്വാസത്തിലേക്ക് പരിവര്ത്തനം ചെയ്യുവാനുള്ള മേരിയുടെ മൗലീക അവകാശത്തെ കോടതി അംഗീകരിക്കുകയും, വധഭീഷണിയില് നിന്നും അവള്ക്ക് സംരക്ഷണം നല്കുകയും ചെയ്തതില് ആശ്വാസമുണ്ടെന്നും എ.ഡി.എഫ് ഇന്റര്നാഷണലിന്റെ നിയമോപദേഷ്ടാവായ സീന് നെല്സണ് വെള്ളിയാഴ്ച പ്രസ്താവിച്ചു. ഇത് പ്രധാനപ്പെട്ട വിധിയാണെന്നും, ക്രിസ്തുവില് വിശ്വസിക്കുന്നതിന്റെ പേരില് വധഭീഷണി നേരിടുന്ന മറ്റുള്ളവര്ക്കും ഈ വിധി ഗുണകരമാകുവാനാണ് തങ്ങളുടെ പ്രാര്ത്ഥനയെന്നും വിശ്വാസത്തിന്റെ പേരില് ആരും അടിച്ചമര്ത്തപ്പെടരുതെന്നും പ്രസ്താവനയിലുണ്ട്.
നൈജീരിയയിലെ മതസ്വാതന്ത്ര്യം സംബന്ധിച്ച അമേരിക്കന് സ്റ്റേറ്റ് ഡിപ്പാര്ട്ട്മെന്റിന്റെ 2022-ലെ റിപ്പോര്ട്ട് പ്രകാരം നൈജീരിയന് ഭരണഘടനയില് ഒരു ദേശീയ മതമില്ല. മതസ്വാതന്ത്ര്യവും നൈജീരിയന് ഭരണഘടന ഉറപ്പുനല്കുന്നുണ്ട്. അന്താരാഷ്ട്ര മതസ്വാതന്ത്ര്യ സംഘടനയായ ഓപ്പണ്ഡോഴ്സിന്റെ വേള്ഡ് വാച്ച് ലിസ്റ്റ് പ്രകാരം ലോകത്ത് ക്രൈസ്തവനായി ജീവിക്കുന്നതിനു ഏറ്റവും കൂടുതല് ബുദ്ധിമുട്ടുള്ള രാജ്യങ്ങളില് ഒന്നാണ് നൈജീരിയ. സംഘടനയുടെ ഏറ്റവും പുതിയ പട്ടികയില് ആറാമതാണ് നൈജീരിയയുടെ സ്ഥാനം. കഴിഞ്ഞ വര്ഷം മാത്രം ക്രിസ്തു വിശ്വാസത്തിന്റെ പേരില് 5,500 ക്രൈസ്തവരാണ് ലോകമെമ്പാടമായി കൊല്ലപ്പെട്ടതെന്നും, ഇതില് 90% നൈജീരിയയിലാണെന്നും എ.ഡി.എഫ് ഇന്റര്നാഷണല് പറയുന്നു.
കടപ്പാട് :പ്രവാചക ശബ്ദം
world news
മസ്കറ്റില് എല് റോയ് റിവൈവല് ബൈബിള് കോളജിന്റെ പ്രഥമ ഗ്രാജുവേഷന് നടന്നു
![](https://theendtimenews.com/wp-content/uploads/2024/07/El-Roy-Revival-Bible-College.jpg)
എല് റോയ് റിവൈവല് ബൈബിള് കോളജിന്റെ പ്രഥമ ഗ്രാജുവേഷന് ജൂലൈ 6ന് ഗാലാ ചര്ച്ച് ക്യാമ്പസില് നടന്നു. ഡോ. സ്റ്റാലിന് കെ. തോമസ് (അയാട്ടാ ഇന്റര് നാഷണല് ഡയറക്ടര്), ഡോ. ഡേവിഡ് ടക്കര്(അയാട്ടാ ഇന്റര് നാഷ്ണല് ഫാക്കല്റ്റി യു.എസ്.എ), മിസ്സസ് റെനീ ടക്കര് (യുഎസ്എ), എന്നിവര് മുഖ്യ അതിഥികളായിരുന്നു. പഠനം വിജയകരമായി പൂര്ത്തിയാക്കിയ ഏഴുപേര് ബിറ്റിഎച്ച്, എം.ഡിവ് ബിരുദങ്ങള് ഏറ്റുവാങ്ങി. സ്ഥാപനത്തിന്റ ഡയറക്ടര് റവ റെജികുമാര് നേതൃത്വം നൽകി .
റവ. റെജി എസ്എബിസി ബാഗ്ലൂരില് നിന്ന് എം.ഡിവ് ബിരുദദാരിയും ഭാര്യ സിസ്റ്റര് ശരണ്യ ദേവ് മണക്കാല എഫ്.റ്റി. എസ് ല് നിന്ന് ബി.ഡി ബിരുദദാരിയുമാണ്. ഇവരുടെ കഴിഞ്ഞ പന്ത്രണ്ടു വര്ഷത്തെ പരിശ്രമവും ദര്ശന സാക്ഷാത്കാരവുമാണ് ഒമാന് എന്ന രാജ്യത്ത് ഇങ്ങനെ ഒരു സ്ഥാപനം കഴിഞ്ഞ നാലു വര്ഷമായി നടത്തി മനോഹരമായ നിലയില് ഒരു ഗ്രാജുവേഷന് നടത്തുവാന് കാരണമായത്. അയാട്ടായുടെ അംഗീകാരത്തോടെയാണ് ഈ സ്ഥാപനം പ്രവര്ത്തിയ്ക്കുന്നത്. എല്-റോയ് ചര്ച്ച് ക്വയര് ഗാനശുശ്രൂഷ നിര്വഹിച്ചു.
Sources:globalindiannews
world news
സൗദി അറേബ്യയിൽ ജോലിയിൽ നിന്നും വിരമിക്കാനുള്ള പ്രായം അറുപത്തി അഞ്ചായി ഉയർത്തി
![](https://theendtimenews.com/wp-content/uploads/2024/07/Saudi-Arabia.jpg)
റിയാദ്: സൗദി അറേബ്യയിൽ ജോലിയിൽ നിന്നും വിരമിക്കാനുള്ള പ്രായം അറുപത്തി അഞ്ചായി ഉയർത്തി. കഴിഞ്ഞ ദിവസം കിരീടാവകാശി മുഹമ്മദ് ബിൻ സൽമാന്റെ അധ്യക്ഷതയിൽ ചേർന്ന യോഗത്തിലാണ് പുതിയ തീരുമാനം. വിഷൻ 2030ന്റെ പരിഷ്കരണ പദ്ധതികളുടെ ഭാഗമായാണ് പുതിയ തീരുമാനം.നേരത്തെ വിരമിക്കാനുള്ള പ്രായ പരിധി അറുപതു വയസായിരുന്നു.
പൊതുമേഖലകളിലും സ്വകാര്യ മേഖലകളിലും പ്രവർത്തിക്കുന്നവർക്ക് നിയമം ബാധകമാണ്. വിരമിച്ചതിന് ശേഷവും പൗരന്മാരുടെ ജീവിതം സുസ്ഥിരമാക്കുന്നതിന്റെ ഭാഗമായാണ് പുതിയ തീരുമാനം. പൗരന്മാർക്ക് സ്ഥിരതയാർന്ന ജീവിത ശൈലി ഉറപ്പാക്കലും ലക്ഷ്യമിടുന്നു. പുതിയ തീരുമാനവുമായി ബന്ധപെട്ട് വിരമിച്ച പൗരന്മാരുടെ ജീവിത വ്യവസ്ഥ മെച്ചപ്പെടുത്താനുള്ള പദ്ധതികളും തയ്യാറാക്കും. പൗരന്മാരുടെ സുരക്ഷിത ജീവിതം ഉറപ്പാക്കാൻ കഴിയും വിധമാണ് പുതിയ നയം തയ്യാറാക്കുന്നത്.
Sources:globalindiannews
world news
നൈജീരിയയിൽ വീണ്ടും ഫുലാനി തീവ്രവാദികൾ മൂന്ന് ക്രൈസ്തവരെ കൊലപ്പെടുത്തി
![](https://theendtimenews.com/wp-content/uploads/2020/12/Fulani-Militants-in-nigeria.png)
നൈജീരിയയിൽ നിന്നും വീണ്ടും ക്രൈസ്തവ രോദനം. ക്രൈസ്തവവർക്ക് നേരെ ആക്രമണം അഴിച്ചുവിട്ട് ഫുലാനി തീവ്രവാദികൾ. സംസ്ഥാനത്തെ ബസ്സയിലെ കിമാക്പ ജില്ലയിലെ മയംഗ ഗ്രാമത്തിൽ ഇസ്ലാമിക തീവ്രവാദികൾ പതിയിരുന്നു നടത്തിയ ആക്രമണത്തിൽ മൂന്നു ക്രൈസ്തവർ ആണ് കൊല്ലപ്പെട്ടത്.
രാത്രി എട്ട് മണിയോടെ വിശ്വാസികൾ വീട്ടിലേക്ക് വരുന്നതിനിടെയാണ് ആക്രമണം ഉണ്ടായത്. വടികളും വാളുകളും ഉപയോഗിച്ചാണ് തീവ്രവാദികൾ ഇവരെ ആക്രമിച്ചത്. ആക്രമണത്തെ സ്ഥിരീകരിക്കുകയും അപലപിക്കുകയും ചെയ്തുകൊണ്ട് ഇറിഗ്വെ ഡെവലപ്മെന്റ്റ് അസോസിയേഷൻ (ഐ. ഡി. എ.) ഒരു പ്രസ്താവന പുറത്തിറക്കി. ആക്രമണകാരികളെ പിടികൂടി നിയമത്തിന് മുന്നിൽ കൊണ്ടുവരുന്നത് ഉറപ്പാക്കാൻ നൈജീരിയൻ സുരക്ഷാ ഏജൻറുമാരോട് ഐ. ഡി. എ.യുടെ ദേശീയ പബ്ലിക് സെക്രട്ടറി സാം ജുഗോയും ആവശ്യപ്പെട്ടു.
Sources:marianvibes
-
us news11 months ago
നോര്ത്ത് അമേരിക്കന് പെന്തക്കോസ്തല് റൈറ്റേഴ്സ് ഫോറം; അറ്റ്ലാന്റാ ചാപ്റ്ററിന് പുതിയ ഭാരവാഹികള്
-
world news12 months ago
37 Christians Killed in Nigeria in Three Weeks
-
National10 months ago
ബൈബിൾ വിതരണം ചെയ്യുന്നതും നല്ല മൂല്യങ്ങൾ പഠിപ്പിക്കുന്നതും മതപരിവർത്തനമല്ല: അലഹബാദ് ഹൈക്കോടതിയുടെ നിര്ണ്ണായക വിധി
-
Hot News12 months ago
ഫോണെടുക്കുന്നില്ലെന്ന,പരാതി ഇനി വേണ്ട.. വൈദ്യുതി സംബന്ധമായ പരാതി നല്കാൻ ട്രോള് ഫ്രീ നമ്പര് അവതരിപ്പിച്ച് കെഎസ്ഇബി
-
world news9 months ago
50 രാജ്യങ്ങളിലേക്ക് കുവൈത്ത് പൗരന്മാർക്ക് വിസയില്ലാതെ സഞ്ചരിക്കാം
-
National5 months ago
നെയ്തേലിപ്പടി ക്രൂസേഡിന് അനുഗ്രഹീത സമാപ്തി
-
Life11 months ago
സൂര്യനെ ലക്ഷ്യമിട്ട് കുതിച്ച് ആദിത്യ എൽ1; ഇന്ത്യയുടെ ആദ്യ സൗരദൗത്യം വിജയകരം
-
National9 months ago
Pentecostal mission center demolished in India; pastor, 17 others arrested