world news
ഭരണകൂടം വേട്ടയാടുന്ന നിക്കരാഗ്വേ ക്രൈസ്തവര്ക്ക് സഹായ പ്രഖ്യാപനവുമായി ഹംഗറി
![](https://theendtimenews.com/wp-content/uploads/2023/09/Hungarian-Foreign-Minister-Peter-Szjarto.jpg)
ബുഡാപെസ്റ്റ്: നിക്കരാഗ്വേന് ഏകാധിപതി ഡാനിയല് ഒര്ട്ടേഗയുടെ നേതൃത്വത്തിലുള്ള ഏകാധിപത്യ ഭരണകൂടത്തിന്റെ കീഴില് പൊറുതിമുട്ടിയിരിക്കുന്ന നിക്കരാഗ്വേയിലെ ക്രിസ്ത്യാനികള്ക്ക് സഹായവുമായി യൂറോപ്യന് രാജ്യമായ ഹംഗറി. ഇന്നലെ വ്യാഴാഴ്ചയാണ് ഹംഗറി വിദേശകാര്യ മന്ത്രി പീറ്റര് സിജാര്ട്ടോ ഇക്കാര്യം പ്രഖ്യാപിച്ചത്. നിക്കരാഗ്വേയിലെ ക്രിസ്ത്യാനികള് സമീപകാലങ്ങളില് അനുഭവിച്ച കഷ്ടതകള് കണക്കിലെടുത്ത് ഹംഗറി അവരെ സഹായിക്കുമെന്നു സിജാര്ട്ടോ ഉറപ്പ് നല്കി. നിക്കരാഗ്വേന് സര്ക്കാര് രാജ്യത്തെ ജെസ്യൂട്ട് സമൂഹത്തിന്റെ പ്രവര്ത്തനങ്ങള് നിരോധിക്കുകയും, രാജ്യത്തെ ഏറ്റവും വലിയ കത്തോലിക്കാ സര്വ്വകലാശാല അടച്ചിടുകയും ചെയ്ത വാര്ത്ത പുറത്തുവന്ന ഉടന് തന്നെ, താന് വത്തിക്കാന് വിദേശകാര്യ സെക്രട്ടറി റിച്ചാര്ഡ് ഗല്ലാഘര് മെത്രാപ്പോലീത്തയുമായി ഫോണില് സംസാരിച്ചിരുന്നെന്നും സിജാര്ട്ടോ വെളിപ്പെടുത്തി.
അടച്ചിട്ട സര്വ്വകലാശാലയിലെ വിദ്യാര്ത്ഥികള്ക്ക് സ്കോളര്ഷിപ്പ് നല്കുവാനും, കഷ്ടതകളിലൂടെ കടന്നുപോയിക്കൊണ്ടിരിക്കുന്ന ജെസ്യൂട്ട് വൈദികരെ സഹായിക്കുവാനും ഹംഗറി തയ്യാറാണെന്ന് മെത്രാപ്പോലീത്തയോട് പറഞ്ഞിട്ടുണ്ടെന്നും സിജാര്ട്ടോ പറഞ്ഞു. നിക്കരാഗ്വേ ഭരണകൂടം രാജ്യത്തെ കത്തോലിക്കാ സമൂഹത്തിനെതിരെ കൈകൊണ്ടിരിക്കുന്ന നടപടികള് ഉടന്തന്നെ അവസാനിപ്പിക്കണമെന്നു ആവശ്യപ്പെട്ട സിജാര്ട്ടോ, ഐക്യരാഷ്ട്രസഭയുടെ വരാനിരിക്കുന്ന ജനറല് അസംബ്ലിയോട് അനുബന്ധിച്ച് താന് നിക്കരാഗ്വേന് വിദേശകാര്യ മന്ത്രിയുമായി ചര്ച്ചകള് ആരംഭിക്കുമെന്നും കൂട്ടിച്ചേര്ത്തു.
പീഡിത ക്രൈസ്തവര്ക്ക് വേണ്ടി ശക്തമായ ഇടപെടല് നടത്തുന്ന നടത്തുന്ന രാജ്യമാണ് ഹംഗറിയിലെ വിക്ടര് ഓര്ബന് ഭരണകൂടം. സിറിയ, ഇറാഖ്, ലെബനോന് ഉള്പ്പെടെയുള്ള നിരവധി രാജ്യങ്ങളിലെ ക്രൈസ്തവരുടെ നിലനില്പ്പിന് വേണ്ടി ഓര്ബന് ഭരണകൂടം വലിയ രീതിയില് സഹായ ഇടപെടലുകള് നടത്തിയിട്ടുണ്ട്. അതേസമയം നിക്കരാഗ്വേ പ്രസിഡന്റ് ഡാനിയല് ഒര്ട്ടേഗയുടെ നേതൃത്വത്തില് കത്തോലിക്ക സഭയുടെ മേല് നടത്തുന്ന അടിച്ചമര്ത്തലുകള് സമീപകാലത്തായി ശക്തമായിരിക്കുകയാണ്. ഈ പശ്ചാത്തലത്തില് ഹംഗറിയുടെ ഇടപെടല് ക്രൈസ്തവ സമൂഹത്തിന് വലിയ ആശ്വാസം പകരുമെന്നാണ് വിലയിരുത്തപ്പെടുന്നത്.
ജനാധിപത്യത്തെ പിന്തുണക്കുന്ന സഭാനിലപാടാണ് കത്തോലിക്കാ സഭയെ ഒര്ട്ടേഗയുടെ ശത്രുവാക്കിയത്. മതഗല്പ്പ രൂപതാധ്യക്ഷനും, എസ്തേലി അപ്പസ്തോലിക അഡ്മിനിസ്ട്രേറ്ററുമായ മോണ്. റോളണ്ടോ അല്വാരെസിനെ 26 വര്ഷവും, 4 മാസവും ശിക്ഷ വിധിച്ച് ജയിലിലാക്കിയതിനു പുറമേ, അപ്പസ്തോലിക പ്രതിനിധി വാള്ഡെമാര് സ്റ്റാനിസ്ലോ സോമ്മാര്ടാഗിനേയും, വിശുദ്ധ മദര് തെരേസ സ്ഥാപിച്ച മിഷണറീസ് ഓഫ് ചാരിറ്റി സമൂഹം ഉള്പ്പെടെ വിവിധ സന്യാസ സമൂഹങ്ങളിലെ കന്യാസ്ത്രീകളെയും രാജ്യത്തു നിന്നും പുറത്താക്കുകയും ചെയ്തിരുന്നു. നിക്കാരാഗ്വേയിലെ 66 ലക്ഷം വരുന്ന ജനസംഖ്യയുടെ 58.5 ശതമാനവും കത്തോലിക്കരാണ്.
കടപ്പാട് :പ്രവാചക ശബ്ദം
world news
മസ്കറ്റില് എല് റോയ് റിവൈവല് ബൈബിള് കോളജിന്റെ പ്രഥമ ഗ്രാജുവേഷന് നടന്നു
![](https://theendtimenews.com/wp-content/uploads/2024/07/El-Roy-Revival-Bible-College.jpg)
എല് റോയ് റിവൈവല് ബൈബിള് കോളജിന്റെ പ്രഥമ ഗ്രാജുവേഷന് ജൂലൈ 6ന് ഗാലാ ചര്ച്ച് ക്യാമ്പസില് നടന്നു. ഡോ. സ്റ്റാലിന് കെ. തോമസ് (അയാട്ടാ ഇന്റര് നാഷണല് ഡയറക്ടര്), ഡോ. ഡേവിഡ് ടക്കര്(അയാട്ടാ ഇന്റര് നാഷ്ണല് ഫാക്കല്റ്റി യു.എസ്.എ), മിസ്സസ് റെനീ ടക്കര് (യുഎസ്എ), എന്നിവര് മുഖ്യ അതിഥികളായിരുന്നു. പഠനം വിജയകരമായി പൂര്ത്തിയാക്കിയ ഏഴുപേര് ബിറ്റിഎച്ച്, എം.ഡിവ് ബിരുദങ്ങള് ഏറ്റുവാങ്ങി. സ്ഥാപനത്തിന്റ ഡയറക്ടര് റവ റെജികുമാര് നേതൃത്വം നൽകി .
റവ. റെജി എസ്എബിസി ബാഗ്ലൂരില് നിന്ന് എം.ഡിവ് ബിരുദദാരിയും ഭാര്യ സിസ്റ്റര് ശരണ്യ ദേവ് മണക്കാല എഫ്.റ്റി. എസ് ല് നിന്ന് ബി.ഡി ബിരുദദാരിയുമാണ്. ഇവരുടെ കഴിഞ്ഞ പന്ത്രണ്ടു വര്ഷത്തെ പരിശ്രമവും ദര്ശന സാക്ഷാത്കാരവുമാണ് ഒമാന് എന്ന രാജ്യത്ത് ഇങ്ങനെ ഒരു സ്ഥാപനം കഴിഞ്ഞ നാലു വര്ഷമായി നടത്തി മനോഹരമായ നിലയില് ഒരു ഗ്രാജുവേഷന് നടത്തുവാന് കാരണമായത്. അയാട്ടായുടെ അംഗീകാരത്തോടെയാണ് ഈ സ്ഥാപനം പ്രവര്ത്തിയ്ക്കുന്നത്. എല്-റോയ് ചര്ച്ച് ക്വയര് ഗാനശുശ്രൂഷ നിര്വഹിച്ചു.
Sources:globalindiannews
world news
സൗദി അറേബ്യയിൽ ജോലിയിൽ നിന്നും വിരമിക്കാനുള്ള പ്രായം അറുപത്തി അഞ്ചായി ഉയർത്തി
![](https://theendtimenews.com/wp-content/uploads/2024/07/Saudi-Arabia.jpg)
റിയാദ്: സൗദി അറേബ്യയിൽ ജോലിയിൽ നിന്നും വിരമിക്കാനുള്ള പ്രായം അറുപത്തി അഞ്ചായി ഉയർത്തി. കഴിഞ്ഞ ദിവസം കിരീടാവകാശി മുഹമ്മദ് ബിൻ സൽമാന്റെ അധ്യക്ഷതയിൽ ചേർന്ന യോഗത്തിലാണ് പുതിയ തീരുമാനം. വിഷൻ 2030ന്റെ പരിഷ്കരണ പദ്ധതികളുടെ ഭാഗമായാണ് പുതിയ തീരുമാനം.നേരത്തെ വിരമിക്കാനുള്ള പ്രായ പരിധി അറുപതു വയസായിരുന്നു.
പൊതുമേഖലകളിലും സ്വകാര്യ മേഖലകളിലും പ്രവർത്തിക്കുന്നവർക്ക് നിയമം ബാധകമാണ്. വിരമിച്ചതിന് ശേഷവും പൗരന്മാരുടെ ജീവിതം സുസ്ഥിരമാക്കുന്നതിന്റെ ഭാഗമായാണ് പുതിയ തീരുമാനം. പൗരന്മാർക്ക് സ്ഥിരതയാർന്ന ജീവിത ശൈലി ഉറപ്പാക്കലും ലക്ഷ്യമിടുന്നു. പുതിയ തീരുമാനവുമായി ബന്ധപെട്ട് വിരമിച്ച പൗരന്മാരുടെ ജീവിത വ്യവസ്ഥ മെച്ചപ്പെടുത്താനുള്ള പദ്ധതികളും തയ്യാറാക്കും. പൗരന്മാരുടെ സുരക്ഷിത ജീവിതം ഉറപ്പാക്കാൻ കഴിയും വിധമാണ് പുതിയ നയം തയ്യാറാക്കുന്നത്.
Sources:globalindiannews
world news
നൈജീരിയയിൽ വീണ്ടും ഫുലാനി തീവ്രവാദികൾ മൂന്ന് ക്രൈസ്തവരെ കൊലപ്പെടുത്തി
![](https://theendtimenews.com/wp-content/uploads/2020/12/Fulani-Militants-in-nigeria.png)
നൈജീരിയയിൽ നിന്നും വീണ്ടും ക്രൈസ്തവ രോദനം. ക്രൈസ്തവവർക്ക് നേരെ ആക്രമണം അഴിച്ചുവിട്ട് ഫുലാനി തീവ്രവാദികൾ. സംസ്ഥാനത്തെ ബസ്സയിലെ കിമാക്പ ജില്ലയിലെ മയംഗ ഗ്രാമത്തിൽ ഇസ്ലാമിക തീവ്രവാദികൾ പതിയിരുന്നു നടത്തിയ ആക്രമണത്തിൽ മൂന്നു ക്രൈസ്തവർ ആണ് കൊല്ലപ്പെട്ടത്.
രാത്രി എട്ട് മണിയോടെ വിശ്വാസികൾ വീട്ടിലേക്ക് വരുന്നതിനിടെയാണ് ആക്രമണം ഉണ്ടായത്. വടികളും വാളുകളും ഉപയോഗിച്ചാണ് തീവ്രവാദികൾ ഇവരെ ആക്രമിച്ചത്. ആക്രമണത്തെ സ്ഥിരീകരിക്കുകയും അപലപിക്കുകയും ചെയ്തുകൊണ്ട് ഇറിഗ്വെ ഡെവലപ്മെന്റ്റ് അസോസിയേഷൻ (ഐ. ഡി. എ.) ഒരു പ്രസ്താവന പുറത്തിറക്കി. ആക്രമണകാരികളെ പിടികൂടി നിയമത്തിന് മുന്നിൽ കൊണ്ടുവരുന്നത് ഉറപ്പാക്കാൻ നൈജീരിയൻ സുരക്ഷാ ഏജൻറുമാരോട് ഐ. ഡി. എ.യുടെ ദേശീയ പബ്ലിക് സെക്രട്ടറി സാം ജുഗോയും ആവശ്യപ്പെട്ടു.
Sources:marianvibes
-
us news11 months ago
നോര്ത്ത് അമേരിക്കന് പെന്തക്കോസ്തല് റൈറ്റേഴ്സ് ഫോറം; അറ്റ്ലാന്റാ ചാപ്റ്ററിന് പുതിയ ഭാരവാഹികള്
-
world news12 months ago
37 Christians Killed in Nigeria in Three Weeks
-
National10 months ago
ബൈബിൾ വിതരണം ചെയ്യുന്നതും നല്ല മൂല്യങ്ങൾ പഠിപ്പിക്കുന്നതും മതപരിവർത്തനമല്ല: അലഹബാദ് ഹൈക്കോടതിയുടെ നിര്ണ്ണായക വിധി
-
Hot News12 months ago
ഫോണെടുക്കുന്നില്ലെന്ന,പരാതി ഇനി വേണ്ട.. വൈദ്യുതി സംബന്ധമായ പരാതി നല്കാൻ ട്രോള് ഫ്രീ നമ്പര് അവതരിപ്പിച്ച് കെഎസ്ഇബി
-
world news9 months ago
50 രാജ്യങ്ങളിലേക്ക് കുവൈത്ത് പൗരന്മാർക്ക് വിസയില്ലാതെ സഞ്ചരിക്കാം
-
National5 months ago
നെയ്തേലിപ്പടി ക്രൂസേഡിന് അനുഗ്രഹീത സമാപ്തി
-
Life11 months ago
സൂര്യനെ ലക്ഷ്യമിട്ട് കുതിച്ച് ആദിത്യ എൽ1; ഇന്ത്യയുടെ ആദ്യ സൗരദൗത്യം വിജയകരം
-
National9 months ago
Pentecostal mission center demolished in India; pastor, 17 others arrested