us news
ബൈഡന് ഭരണത്തിന് കീഴില് അമേരിക്ക അഭയം നല്കിയ ക്രൈസ്തവരുടെ എണ്ണത്തില് വന് കുറവ്
![](https://theendtimenews.com/wp-content/uploads/2023/09/Christians.jpg)
വാഷിംഗ്ടണ് ഡിസി: ക്രൈസ്തവര്ക്കെതിരെയുള്ള മതപീഡനം ലോകവ്യാപകമായി ശക്തമായിക്കൊണ്ടിരിക്കുമ്പോഴും കഴിഞ്ഞ അര ദശകത്തിനിടയില് അമേരിക്കയില് അഭയം ലഭിച്ച ക്രൈസ്തവരുടെ എണ്ണത്തില് വന് കുറവെന്ന് വെളിപ്പെടുത്തുന്ന റിപ്പോര്ട്ട് പുറത്ത്. ലാഭേച്ഛയില്ലാതെ പ്രവര്ത്തിക്കുന്ന ക്രിസ്ത്യന് സര്ക്കാരേതര സന്നദ്ധ സംഘടനകളാണ് “ക്ലോസ്ഡ് ഡോഴ്സ്” എന്ന പേരിലുള്ള റിപ്പോര്ട്ട് പുറത്തുവിട്ടിരിക്കുന്നത്. കോവിഡ് പകര്ച്ചവ്യാധിയും ട്രംപ് ഭരണകൂടത്തിന്റെ കാലത്ത് അഭയാര്ത്ഥി പുനരിധിവാസ പരിപാടികള് റദ്ദ് ചെയ്തതുമാണ് ഇതിന്റെ കാരണമായി റിപ്പോര്ട്ട് ചൂണ്ടിക്കാട്ടുന്നത്. ലോകത്ത് ക്രൈസ്തവര് ഏറ്റവും കൂടുതല് പീഡിപ്പിക്കപ്പെടുന്ന രാഷ്ട്രങ്ങളില് നിന്നും അമേരിക്കയിലേക്ക് കുടിയേറുന്ന ക്രൈസ്തവരുടെ എണ്ണത്തില് വലിയ കുറവാണ് റിപ്പോര്ട്ടില് രേഖപ്പെടുത്തിയിട്ടുള്ളത്.
2016-ല് 32,248 പേര് അമേരിക്കയില് അഭയം തേടിയപ്പോള്, 2022 ആയപ്പോഴേക്കും അത് 9528 ആയി കുറഞ്ഞു. 70% കുറവാണ് രേഖപ്പെടുത്തിയിരിക്കുന്നത്. 2016-ല് മ്യാന്മറില് നിന്നും 7634 ക്രൈസ്തവര് അമേരിക്കയില് കുടിയേറിയപ്പോള് 2022-ല് അത് വെറും 587 ആയി കുറഞ്ഞു. ഏഴു വര്ഷം മുന്പ് ഇറാനില് നിന്നുള്ള 2,086 ക്രിസ്ത്യാനികള് അമേരിക്കയില് അഭയം കണ്ടെത്തിയപ്പോള് 2022-ല് അത് 112 ആയി കുറഞ്ഞു. 2016-ല് എറിത്രിയയില് നിന്നും 1,639 ക്രൈസ്തവരും, ഇറാഖില് നിന്നും 1,524 ക്രൈസ്തവര് അമേരിക്കയില് കുടിയേറിയപ്പോള് 2022-ല് അത് യഥാക്രമം 252, 93 ആയി കുറഞ്ഞു.
ലോകത്തെ പല പ്രദേശങ്ങളും ക്രിസ്ത്യാനികള്ക്ക് സുരക്ഷിതമല്ല എന്നത് ദയനീയമായ ഒരു യാഥാര്ത്ഥ്യമാണെന്നും ഈ സാഹചര്യത്തില് അമേരിക്ക ക്രിസ്ത്യാനികള്ക്ക് അഭയം നല്കേണ്ടത് ആവശ്യമാണെന്നും റിപ്പോര്ട്ടില് പറയുന്നു. അന്താരാഷ്ട്ര ക്രിസ്ത്യന് സന്നദ്ധ സംഘടനയായ ‘ഓപ്പണ്ഡോഴ്സ്’ ഈ വര്ഷം ആദ്യത്തില് പുറത്തുവിട്ട വേള്ഡ് വാച്ച് ലിസ്റ്റ് പ്രകാരം ലോകമെമ്പാടുമായി 36 കോടി ക്രിസ്ത്യാനികളാണ് വിവിധ തരത്തിലുള്ള വിവേചനങ്ങള്ക്ക് ഇരയായിക്കൊണ്ടിരിക്കുന്നത്. 2020-ലെ ക്ലോസ്ഡ് ഡോഴ്സ് റിപ്പോര്ട്ട് പ്രകാരം ഈ സംഖ്യ 26 കോടിയായിരുന്നു.
മതപീഡനം ശക്തമായി തുടരുമ്പോഴും അമേരിക്കയില് പുനരധിവസിപ്പിക്കപ്പെട്ട ക്രൈസ്തവരുടെ എണ്ണം വളരെ കുറവാണ്. 2016-ല് 97,000 ക്രൈസ്തവരെ പുനരധിവസിപ്പിക്കപ്പെട്ടപ്പോള് 2018-ല് അത് 23,000 ആയി കുറഞ്ഞു. എന്നാല് അതേ വര്ഷം കാനഡ പുനരധിവസിപ്പിച്ചത് 28,000 അഭയാര്ത്ഥികളെയാണ്. അമേരിക്കന് പുനരധിവാസ പരിപാടിയുടെ ചരിത്രത്തില് ആദ്യമായി പതിനായിരത്തില് അഭയാര്ത്ഥികളെ പുനരധിവസിപ്പിച്ചത് 2020-ലാണ്. 2021-ല് പ്രസിഡന്റ് ബൈഡന് അഭയം നല്കേണ്ടവരുടെ എണ്ണം 15,000 ആയി കുറച്ചിരുന്നുവെങ്കിലും മതസംഘടനകളുടെ എതിര്പ്പ് കാരണം അത് 65,000 ആയി ഉയര്ത്തി. കഴിഞ്ഞ വര്ഷം ആ സംഖ്യ 1,25,000 നിശ്ചയിച്ചുവെങ്കിലും ഈ വര്ഷം വെറും 60,000-ത്തോളം അഭയാര്ത്ഥികള്ക്ക് മാത്രമാണ് അമേരിക്ക അഭയം നല്കിയിട്ടുള്ളൂ.
കടപ്പാട് :പ്രവാചക ശബ്ദം
us news
ഓസ്ട്രേലിയന് പാർലമെൻ്റിൽ നിന്ന് ‘സ്വര്ഗസ്ഥനായ പിതാവേ…’ എന്ന പ്രാര്ത്ഥന നീക്കം ചെയ്യണമെന്ന് ആവശ്യപ്പെട്ട് ഗ്രീന്സ് പാര്ട്ടി എം പി മെഹ്റിന് ഫാറൂഖി
![](https://theendtimenews.com/wp-content/uploads/2024/07/Mehreen-Faruqi.jpg)
ഓസ്ട്രേലിയന് പാര്ലമെന്റിലെ ഉപരി സഭയായ സെനറ്റില് നടപടികള് ആരംഭിക്കുന്നതിനു മുന്നോടിയായി ചൊല്ലുന്ന ‘സ്വര്ഗസ്ഥനായ പിതാവേ…’ എന്ന പ്രാര്ത്ഥന നീക്കം ചെയ്യണമെന്ന ആവശ്യവുമായി ഗ്രീന്സ് പാര്ട്ടി വീണ്ടും രംഗത്ത്. 120 വര്ഷത്തിലേറെയായി അനുവര്ത്തിച്ചുപോരുന്ന സമ്പ്രദായം മാറ്റണമെന്ന ആവശ്യം ഉന്നയിച്ചിരിക്കുന്നത് സെനറ്റര് മെഹ്റിന് ഫാറൂഖിയാണ്. ന്യൂ സൗത്ത് വെയ്ല്സില്നിന്നുള്ള ഗ്രീന്പാര്ട്ടി എംപിയായ മെഹ്റിന് പാകിസ്ഥാന് വംശജയാണ്.
മതവും സർക്കാരും രണ്ടായി നിലനില്ക്കുന്ന ഒരു മതേതര പാര്ലമെന്റിലാണ് താന് വിശ്വസിക്കുന്നത്. സെനറ്റ് ആരംഭിക്കുന്നതിനു മുന്നോടിയായി സ്വര്ഗസ്ഥനായ പിതാവേ… എന്ന പ്രാര്ത്ഥന ചൊല്ലരുതെന്ന് അവര് അഭിപ്രായപ്പെട്ടു. പ്രാര്ത്ഥന നീക്കം ചെയ്യണമെന്ന ആവശ്യത്തിനെതിരേ പ്രതിഷേധം ഉയര്ന്നിട്ടുണ്ട്. അതേസമയം, ഇതിനു മുന്പും ഫെഡറല് പാര്ലമെന്റില് ‘സ്വര്ഗസ്ഥനായ പിതാവേ…’ എന്ന പ്രാര്ഥന നീക്കാനുള്ള ശ്രമങ്ങള് ഉണ്ടായിട്ടുണ്ടെങ്കിലും അതെല്ലാം പരാജയപ്പെട്ടിരുന്നു. കേവലം ഒന്നോ രണ്ടോ ജനപ്രതിനിധികളുടെ ഗൂഡലക്ഷ്യങ്ങള് നടപ്പാക്കാനുള്ള ശ്രമങ്ങള്ക്ക് പലപ്പോഴും മറ്റു പ്രതിനിധികളുടെ പിന്തുണ ലഭിക്കാറില്ല.
വ്യത്യസ്ത വിശ്വാസങ്ങളെ പ്രതിനിധീകരിക്കുന്ന ലോകമെമ്പാടുമുള്ള നിരവധി ആളുകള് ഈ രാജ്യത്ത് താമസിക്കുന്നതിനാല് പ്രാര്ത്ഥന ഒഴിവാക്കണമെന്നാണ് മെഹ്റിന്റെ വാദം. ഈ മാറ്റത്തിനായി ഞങ്ങള് തുടര്ന്നും ശ്രമിക്കുമെന്നും അവര് പറഞ്ഞു. നിലവില്, ന്യൂ സൗത്ത് വെയില്സ് പാര്ലമെന്റിന്റെ പ്രവൃത്തിദിനം ആരംഭിക്കുന്നത് കര്ത്താവിന്റെ പ്രാര്ത്ഥനയോടെയാണ്. ഓസ്ട്രേലിയന് ക്യാപിറ്റല് ടെറിട്ടറി സംസ്ഥാന പാര്ലമെന്റ് ഒഴികെ എല്ലാ ഓസ്ട്രേലിയന് പാര്ലമെന്റുകളിലും കര്ത്താവിന്റെ പ്രാര്ത്ഥന ചൊല്ലുന്നുണ്ട്.
പാലസ്തീന് രാഷ്ട്രത്തെ ഓസ്ട്രേലിയ അംഗീകരിക്കണമെന്ന് സമ്മര്ദം ചെലുത്തുന്ന സെനറ്റര്മാരില് മുന്നിരയില് മെഹ്റിന് ഫാറൂഖിയുമുണ്ട്. നേരത്തെ വിക്ടോറിയ സംസ്ഥാനത്ത് ‘സ്വര്ഗസ്ഥനായ പിതാവേ…’ എന്ന പ്രാര്ഥന പാര്ലമെന്റില്നിന്നു നീക്കം ചെയ്യാനുള്ള പ്രമേയം ദയനീയമായി പരാജയപ്പെട്ടിരുന്നു. വിശ്വാസികളുടെ കടുത്ത പ്രതിഷേധത്തെതുടര്ന്നാണ് അന്ന് ആ നീക്കം പരാജയപ്പെട്ടത്.
Sources:christiansworldnews
us news
പ്രതീക്ഷിക്കാതെ സംഭവിക്കുന്നതിൽ നിന്ന് ദൈവം മാത്രമാണ് രക്ഷിക്കുന്നതെന്ന് ട്രംപ്
![](https://theendtimenews.com/wp-content/uploads/2024/07/Trump.jpg)
യു.എസ് : പ്രതീക്ഷിക്കാത്ത സംഭവിത്തിൽ നിന്ന് ദൈവം മാത്രമാണ് രക്ഷിക്കുന്നത്. നിങ്ങളുടെ നിലപാടുകൾക്കും പ്രാർത്ഥനകൾക്കും എല്ലാവർക്കും നന്ദി. നാം ഭയപ്പെടേണ്ടതില്ല, പകരം നമ്മുടെ വിശ്വാസത്തിൽ ഉറച്ചുനിൽക്കുകയും ദുഷ്ടതയ്ക്കെതിരെ പ്രതികരിക്കുകയും ചെയ്യുമെന്ന് മുൻ പ്രസിഡന്റ്ട്രംപ് പറഞ്ഞു.
ഞാൻ നമ്മുടെ രാജ്യത്തെ സ്നേഹിക്കുകയും നിങ്ങളെ എല്ലാവരെയും സ്നേഹിക്കുകയും ചെയ്യുന്നു, വിസ്കോൺസിനിൽ നിന്ന് ഈ ആഴ്ച നമ്മുടെ മഹത്തായ രാഷ്ട്രത്തോട് സംസാരിക്കാൻ ഞാൻ ആഗ്രഹിക്കുന്നുവെന്നും അദ്ദേഹം കൂട്ടിച്ചേർത്തു.
Sources:christianlive
us news
ചെറുകര മുതല് ഒക്കലഹോമ വരെ പ്രകാശനം ചെയ്തു
![](https://theendtimenews.com/wp-content/uploads/2024/07/Cherukara-muthal-Okalahoma.jpg)
ഒക്കലഹോമ:ഒക്കലഹോമ സിറ്റിയിലെ ആദ്യകാല മലയാളി പെന്തക്കോസ്ത് ശുശ്രൂഷകരിലൊരാളായ പാസ്റ്റര് കെ എം ചാക്കോയുടെ ജീവചരിത്ര ഗ്രന്ഥം ചെറുകര മുതല് ഒക്കലഹോമ വരെ പ്രകാശനം ചെയ്തു.ഹാല്ലേല്ലൂയ്യാ പത്രാധിപരും ഗ്രന്ഥകാരനുമായ സാംകുട്ടി ചാക്കോ നിലമ്പൂരാണ് പുസ്തകരചന നിര്വഹിച്ചിരിക്കുന്നത്.
ജൂണ് 23ന് ഒക്കലഹോമയിലെ പ്രയ്സ് ടാബര്നാക്കിള് ചര്ച്ചില് നടന്ന പ്രകാശന ചടങ്ങുകള്ക്ക് പാസ്റ്റര് ജോസ് എബ്രഹാം അദ്ധ്യക്ഷത വഹിച്ചു.പാസ്റ്റര് സാംകുട്ടി ചാക്കോ മുഖ്യ പ്രഭാഷണം നടത്തി. പാസ്റ്റര് ജോസ് എബ്രഹാമില് നിന്ന് പാസ്റ്റര് സന്തോഷ് കോശി ഈശോ പ്രഥമ കോപ്പി ഏറ്റുവാങ്ങി. പാസ്റ്റര് കെ എം ചാക്കോ മറുപടി പ്രസംഗവും വര്ഗീസ് ജോസഫ്, സാബു വര്ഗീസ് എന്നിവര് ആശംസാ പ്രസംഗങ്ങളും നടത്തി. മക്കളായ കെ സി മാത്യൂ(ജയിംസ്) പ്രസാദ് ജേക്കബ് എന്നിവര് കൃതജ്ഞതാ രേഖപ്പെടുത്തി.
റാന്നി ഏഴോലി സ്വദേശികളായ കെ എം ചാക്കോ മാര്ത്തോമ സഭയില് നിന്ന് വിശ്വാസത്തിലേക്ക് വരികയും ബാംഗ്ലൂര് എസ് എ ബി സി യില് പഠനം നടത്തുകയും ചെയ്തു.
അസംബ്ലീസ് ഓഫ് ഗോഡിലെ ആദ്യകാല സി എ പ്രസിഡന്റും ബഥേല് ബൈബിള് കോളേജ് അധ്യാപകനുമായിരുന്ന പാസ്റ്റര് കെ എം ചാക്കോ 1970 ല് അമേരിക്കയിലേക്ക് കുടിയേറി. ഒക്കലഹോമയിലെ ആരംഭകാല മലയാളി ദൈവദാസന്മാരില് പ്രമുഖനാണ് ഇദ്ദേഹം. സയോണ് പെന്തക്കോസ്ത് സഭയുടെ സ്ഥാപകരിലൊരാളും ദീര്ഘകാലം സീനിയര് ശുശ്രൂഷകനുമായിരുന്നു.
പുസ്തകത്തിന്റെ കോപ്പികള് തിരുവല്ലയിലെ ഹാലേല്ലൂയ്യാ ഓഫീസില് നിന്നും അമേരിക്കയില് പിസിനാക്ക്, എജി ഫാമിലി കോണ്ഫറന്സ് എന്നിവിടങ്ങളിലെ ഹാലേല്ലൂയ്യാ സ്റ്റാളുകളിലും ലഭിക്കും.
Sources:onlinegoodnews
-
us news11 months ago
നോര്ത്ത് അമേരിക്കന് പെന്തക്കോസ്തല് റൈറ്റേഴ്സ് ഫോറം; അറ്റ്ലാന്റാ ചാപ്റ്ററിന് പുതിയ ഭാരവാഹികള്
-
world news12 months ago
37 Christians Killed in Nigeria in Three Weeks
-
National10 months ago
ബൈബിൾ വിതരണം ചെയ്യുന്നതും നല്ല മൂല്യങ്ങൾ പഠിപ്പിക്കുന്നതും മതപരിവർത്തനമല്ല: അലഹബാദ് ഹൈക്കോടതിയുടെ നിര്ണ്ണായക വിധി
-
Hot News12 months ago
ഫോണെടുക്കുന്നില്ലെന്ന,പരാതി ഇനി വേണ്ട.. വൈദ്യുതി സംബന്ധമായ പരാതി നല്കാൻ ട്രോള് ഫ്രീ നമ്പര് അവതരിപ്പിച്ച് കെഎസ്ഇബി
-
world news9 months ago
50 രാജ്യങ്ങളിലേക്ക് കുവൈത്ത് പൗരന്മാർക്ക് വിസയില്ലാതെ സഞ്ചരിക്കാം
-
National5 months ago
നെയ്തേലിപ്പടി ക്രൂസേഡിന് അനുഗ്രഹീത സമാപ്തി
-
Life11 months ago
സൂര്യനെ ലക്ഷ്യമിട്ട് കുതിച്ച് ആദിത്യ എൽ1; ഇന്ത്യയുടെ ആദ്യ സൗരദൗത്യം വിജയകരം
-
National9 months ago
Pentecostal mission center demolished in India; pastor, 17 others arrested