കേരളത്തിലെ ആയിരക്കണക്കിന് കുടുംബങ്ങള്‍ക്ക് ആശ്വാസം നല്‍കുന്ന ജപ്തി വിരുദ്ധ ബില്‍ കേരള നിയമസഭ പാസ്സാക്കി. 1968 ലെ നിയമം ഭേദഗതി ചെയ്തു കൊണ്ടാണ് 2024 ലെ നികുതി സവൂലാക്കല്‍ ബില്‍ (The Kerala Taxation Laws (Amendment) Bill-2024) കേരള നിയമസഭ ഒറ്റക്കെട്ടായി പാസാക്കിയത്.

ഇനി കുടുംബങ്ങളെ തെരുവിലേക്ക് ഇറക്കി വിടാനാകില്ല
കേരളത്തിലെ ഏതൊരു ബാങ്കിനും,ധനകാര്യ സ്ഥാപനത്തിനും,ഇതര വകുപ്പുകള്‍ക്കും വീടും, സ്ഥലവും,കെട്ടിടവും,വസ്തുവും ജപ്തി ചെയ്ത് കൊണ്ട് ഒരു കുടുംബത്തെയും തെരുവില്‍ തള്ളുന്ന കണ്ണില്‍ ചോരയില്ലാത്ത പ്രവര്‍ത്തി ഇനി മുതല്‍ ചെയ്യാന്‍ കഴിയില്ല.കേരളത്തിലെ സഹകരണ ബാങ്കുകള്‍,ദേശസാല്‍കൃത ബാങ്കുകള്‍,ഷെഡ്യൂള്‍ഡ് ബാങ്കുകള്‍, കോമേഷ്യല്‍ ബാങ്കുകള്‍ തുടങ്ങിയവയുടെ എല്ലാ തരം ജപ്തി നടപടികളിലും കേരള സര്‍ക്കാരിന് ഇടപെടാന്‍ പൂര്‍ണ്ണ അധികാരം നല്‍കുന്ന ജപ്തി വിരുദ്ധ നിയമമാണ് നിയമസഭ പാസാക്കിയത്. 1968 ലെ 87 സെക്ഷനുകള്‍ അടങ്ങിയ നിയമമാണ് കേരള നിയമസഭ ധേദഗതി ചെയ്തത്.

Revenue Recovery Proceedings
എല്ലാ തരം ജപ്തി നടപടികളിലും ഇടപെടാനും, സ്റ്റേ നല്‍കാനും, മൊറട്ടോറിയം പ്രഖ്യാപിക്കാനും സര്‍ക്കാരിന് പുതിയ ജപ്തി വിരുദ്ധ ബില്‍ അധികാരവും,അവകാശവും നല്‍കുന്നുണ്ട്.
25000 രൂപ വരെ തഹസില്‍ദാര്‍,ഒരു ലക്ഷം രൂപ വരെ ജില്ലാ കളക്ടര്‍, അഞ്ച് ലക്ഷം രൂപ വരെ റവന്യൂ വകുപ്പ് മന്ത്രി, 10 ലക്ഷം രൂപ വരെ ധനകാര്യ വകുപ്പ് മന്ത്രി,20 ലക്ഷം രൂപ വരെ കേരളാ മുഖ്യമന്ത്രി,
20 ലക്ഷം രൂപയ്ക്ക് മുകളില്‍ കേരള സര്‍ക്കാര്‍ എന്നീ അധികാര കേന്ദ്രങ്ങള്‍ക്ക് ജപ്തി നടപടികള്‍ തടയുവാനും,ഗഡുക്കള്‍ നല്‍കി സാവകാശം അനുവദിച്ച് നല്‍കാനും,ജപ്തി നടപടികളില്‍ മൊറട്ടോറിയം പ്രഖ്യാപിക്കാനും സാധിക്കും.

ജപ്തി വസ്തു ഉടമയ്ക്ക് വില്‍ക്കാം
ജപ്തി ചെയ്ത വീട്,ഭൂമി,കെട്ടിടം,വസ്തു ഇനി മുതല്‍ ഉടമയ്ക്ക് വില്‍ക്കാം.ഉടമ മരിക്കുകയാണെങ്കില്‍ അവകാശികള്‍ക്ക് വില്‍ക്കാം.ജപ്തി വസ്തുവിന്റെ ഉടമയും,വാങ്ങുന്ന ആളും നിശ്ചിത ഫോറത്തില്‍ ജില്ലാ കളക്ടര്‍ക്ക് അപേക്ഷ നല്‍കണം.ഈ രീതിയില്‍ നല്‍കുന്ന അപേക്ഷയില്‍ ജപ്തി വസ്തു വില്‍പന രജിസ്‌ട്രേഷന്‍ ജില്ലാ കളക്ടര്‍ ചെയ്ത് നല്‍കണം.ജപ്തി വിരുദ്ധ ബില്‍ വ്യവസ്ഥ ചെയ്യുന്നു.

പലിശ കുറച്ച് നല്‍കണം
12% വരുന്ന പലിശ 9% ആയി കുറച്ച് നല്‍കാന്‍ ബില്‍ വ്യസ്ഥ ചെയ്യുന്നു
ജപ്തി ചെയ്ത വീട്,ഭൂമി,കെട്ടിടം,വസ്തു ഉടമയ്ക്ക് തിരിച്ച് എടുക്കാം
ജപ്തി ചെയ്യപ്പെട്ട വീട്,ഭൂമി,കെട്ടിടം,വസ്തു ഉടമയ്ക്ക് ,അവകാശികള്‍ക്ക് തിരിച്ച് എടുക്കാന്‍ ജപ്തി വിരുദ്ധ ബില്‍ വ്യസ്ഥ ചെയ്യുന്നു.ജപ്തി വസ്തുവിന്റെ പണം ഗഡുക്കളായി നല്‍കി കൊണ്ട് വസ്തു തിരിച്ചെടുക്കാം.

ജപ്തി വസ്തു ഒരു രൂപയ്ക്ക് സര്‍ക്കാരിന് ഏറ്റെടുത്ത് ഉടമയ്ക്ക് തിരിച്ച് നല്‍കാം
ലേലത്തില്‍ പോകാത്ത വീട്,ഭൂമി,കെട്ടിടം,വസ്തു ഒരു രൂപ പ്രതിഫലം നല്‍കി ജപ്തി വസ്തു സര്‍ക്കാരിന് ഏറ്റെടുക്കാന്‍ ജപ്തി വിരുദ്ധ ബില്‍ സര്‍ക്കാരിന് അധികാരം നല്‍കുന്നു.ഈ വിധം ഏറ്റെടുക്കുന്ന ജപ്തി വസ്തു ഉടമക്കോ, ഉടമ മരിച്ചാല്‍ അവകാശികള്‍ക്കോസര്‍ക്കാര്‍ 5 വര്‍ഷത്തിനുള്ളില്‍ തിരിച്ച് നല്‍കണം.പണം ഗഡുക്കളായി നല്‍കാന്‍ സാവകാശം നല്‍കുകയും വേണം.5 വര്‍ഷത്തിനുള്ളില്‍ ഇത്തരം ജപ്തി വസ്തു ഉടമക്ക് അല്ലാതെ മറ്റൊരാള്‍ക്കും സര്‍ക്കാര്‍ കൈമാറ്റം ചെയ്യാന്‍ പാടില്ല.സര്‍ക്കാരിന്റെ പൊതു ആവശ്യങ്ങള്‍ക്ക് ഈ വസ്തുഏറ്റെടുക്കാന്‍ പാടില്ല.ഒരു തരത്തിലുമുള്ള രൂപമാറ്റവും വസ്തുവില്‍ വരുത്തുവാന്‍ പാടില്ല.ജപ്തി വിരുദ്ധ നിയമം കര്‍ശനമായി അനുശാസിക്കുന്നു.
Sources:onlinegoodnews

http://theendtimeradio.com