ട്രാന്‍സ്‌ഫോമേഴ്‌സ് വിബിഎസ് ഏറ്റവും പുതിയ തീം റോയല്‍ മിഷന്‍ പ്രകാശനം ചെയ്തു.കഴിഞ്ഞ ദിവസം നടന്ന ഫാമിലി സെമിനാറിലാണ് പാസ്റ്റര്‍ പ്രിന്‍സ് തോമസ് റാന്നി രിലീസ് ചെയ്തത്.
മഹാരാജാവിന്റെ ദൗത്യം ചെറുപ്രായത്തില്‍ തന്നെ സ്വന്തജീവിതത്തിലൂടെ പ്രായോഗികമാക്കാന്‍ പുതുതലമുറയെ പ്രാപ്തരാക്കുന്നതാണ് ഈ പാഠ്യപദ്ധതി.ജനുവരി,ഫെബ്രുവരി മാസങ്ങളില്‍ ട്രയിനിംഗുകളും തുടര്‍ന്ന് വിബിഎസുകളും നടക്കും.
പുതുതലമുറയ്ക്ക് ശരിയായ ജീവിത ദര്‍ശനം പകരുന്നതിനുള്ള ട്രാന്‍സ്‌ഫോമേഴ്‌സിന്റെ ശുശ്രൂഷയാണ് വിഷന്‍ ബില്‍ഡിങ്ങ് സ്‌കൂള്‍(വിബിഎസ്). 3 മുതല്‍ 5 ദിവസത്തേക്ക് സഭകളില്‍ നടത്തുന്ന വിബിഎസ് മധ്യവേനലവധിക്കാലത്തു കുട്ടികള്‍ക്ക് ദൈവസാന്നിധ്യത്തിന്റെ ആഘോഷമായി മാറുന്നു.ആക്ഷന്‍ ഗാനങ്ങള്‍,കഥകള്‍,ഗെയിംമുകള്‍,ഒബ്ജക്ട് ലെസ്സണ്‍,മൂവി,ക്രാഫ്റ്റ് തുടങ്ങി പപ്പറ്റ്,മാജിക് ഇങ്ങനെയെല്ലാം ഈ വിബിഎസിലുണ്ട്.മലയാളം,ഇംഗ്ലീഷ് കൂടാതെ ഹിന്ദി ഭാഷയിലും നടത്താവുന്ന വിബിഎസിന്റെ മെറ്റീരിയല്‍സ് ഓണ്‍ലൈനില്‍ ലഭ്യമാണ്.ചുരുങ്ങിയ ചിലവില്‍ കുറച്ചു കുട്ടികള്‍ക്കു വേണ്ടിപോലും നടത്താവുന്ന വിബിഎസ് എന്ന നിലയില്‍ ലോക്കല്‍ സഭകള്‍ക്ക് ട്രാന്‍സ്‌ഫോമേഴ്‌സ് വിബിഎസ് പ്രിയങ്കരമാണിന്ന്. ആദ്യം ബുക്ക് ചെയ്യുന്ന 50 വിബിഎസുകള്‍ക്കു അതില്‍ പങ്കെടുക്കുന്ന 100 കുട്ടികള്‍ക്കുള്ള ചെറു സമ്മാനവും ഇത്തവണ ഉല്‍പ്പെടുത്തിയിട്ടുണ്ട്.ഇന്ത്യയിലുടനീളം അംഗങ്ങളുള്ള ട്രാന്‍സ്‌ഫോമേഴ്‌സ് ടീം പ്രതിഫലേച്ഛ കൂടാതെ കുട്ടികളേയും ടീന്‍സിനേയും രൂപാന്തരാനുഭവത്തിലേക്ക് നയിക്കുന്നത് ജീവിത ദര്‍ശനമായി കാണുന്നു.സഭകളില്‍ വിബിഎസ് സംഘടിപ്പിക്കുന്നതിനും, ട്രെയിനിംഗുകളില്‍ പങ്കെടുത്തു ടീമിന്റെ ഭാഗമാകുന്നതുനും:907 2222 115.
Sources:onlinegoodnews

http://theendtimeradio.com

കൊട്ടാരക്കര : കുന്നിക്കോട് നെടുവന്നൂർ ശാലേം ഗോസ്പെൽ ചർച്ച് ഓഫ് ഗോഡ് സഭാ ശുശ്രൂഷകൻ ചരുവിള വീട്ടിൽ കർത്തൃദാസൻ പാസ്റ്റർ തോമസ്കുട്ടി (ഫിലിപ്പ്, 50 വയസ്സ്) ഡിസംബർ 8 ഞാറാഴ്ച്ച രാവിലെ വിശുദ്ധ സഭാ ആരാധന മധ്യേ കുഴഞ്ഞു വീണ് കർത്തൃസന്നിധിയിൽ ചേർക്കപ്പെട്ടു.
സങ്കീർത്തനം വായിച്ചതിന് ശേഷം കൂടുതൽ പ്രസംഗിക്കാൻ ആഗ്രഹിക്കുന്നില്ല, ശാരീരികമായി ക്ഷീണമുണ്ട് എന്ന് പറഞ്ഞ് അദ്ദേഹം ഇരിക്കുകയും തുടർന്ന് കുഴഞ്ഞ് വീഴുകയുമായിരുന്നു. ഉടനെ തന്നെ സഭാ വിശ്വാസികൾ ആശുപത്രിയിൽ എത്തിച്ചെങ്കിലും മരണം സംഭവിക്കുകയായിരുന്നു.
ഭാര്യ : കർത്തൃദാസി സിസ്റ്റർ ലിസ്സി. മക്കൾ : യബ്ബേസ്, നിസ്സി.
സംസ്കാരം പിന്നീട്.
 http://theendtimeradio.com

അസംബ്ലീസ് ഓഫ് ഗോഡ് മലയാളം ഡിസ്ട്രിക്ട് ജനറല്‍ കണ്‍വന്‍ഷന്‍ ജനുവരി 27 ഫെബ്രുവരി 2 വരെ പറന്തല്‍ എ ജി കണ്‍വന്‍ഷന്‍ സെന്ററില്‍ നടക്കും.ജനുവരി 27ന് വൈകിട്ട് 6ന് നടക്കുന്ന പ്രാരംഭ സമ്മേളനത്തില്‍ സഭാ സൂപ്രണ്ട് പാസ്റ്റര്‍ ടി ജെ സാമുവേല്‍ ഉദ്ഘാടനം ചെയ്യും. ഞായറാഴ്ച പൊതു സഭായോഗത്തോടും കര്‍തൃമേശയോടും കൂടെ കണ്‍വന്‍ഷന്‍ സമാപിക്കും.
ദിവസവും രാവിലെ 9 മണി മുതല്‍ വൈകിട്ട് 5 വരെ വിവിധ സമ്മേളനങ്ങള്‍ നടക്കും. ദിവസവും വൈകിട്ട് 6 മുതല്‍ 9 വരെ പൊതുയോഗങ്ങള്‍ ക്രമീകരിച്ചിരിക്കുന്നു.അനുഗ്രഹീത ദൈവദാസന്മാര്‍ പ്രഭാഷണത്തിനെത്തിച്ചേരും. എ ജി ക്വയര്‍ ഗാനശുശ്രൂഷ നയിക്കും. എക്‌സിക്യൂട്ടീവ് കമ്മറ്റിയോടൊപ്പം കണ്‍വന്‍ഷന്റെ വിജയകരമായ നടത്തിപ്പിനായി വിപുലമായ കമ്മറ്റിയെ പ്രസ്ബിറ്ററി കൂടി നിയോഗിച്ചിട്ടുണ്ട്. സഭാ സെക്രട്ടറി പാസ്റ്റര്‍ തോമസ് ഫിലിപ്പ് ജനറല്‍ കണ്‍വീനറായി പ്രവര്‍ത്തിക്കും.അസോസിയേറ്റ് കണ്‍വീനര്‍മാരായി മേഖലാ ഡയറക്ടര്‍മാരായ പാസ്റ്റേഴ്‌സ് സൈമണ്‍ എം റ്റി, സജി ജെ, സനല്‍കുമാര്‍ ആര്‍ എന്നിവര്‍ പ്രവര്‍ത്തിക്കും.
 http://theendtimeradio.com