world news
പാസ്റ്ററെ കൊലപ്പെടുത്താൻ ശ്രമിച്ച കേസിൽ പ്രതിക്ക് രണ്ട് വർഷം തടവ് വിധിച്ചു, ദക്ഷിണ കൊറിയൻ കോടതി
ഒരു പാസ്റ്ററെ കൊലപ്പെടുത്താൻ ശ്രമിക്കുകയും പള്ളിയുടെ ബിൽഡിംഗ് മാനേജരെ പരിക്കേൽപ്പിക്കുകയും ചെയ്ത കേസിൽ 50 വയസ്സുള്ള പ്രതിക്ക് ദക്ഷിണ കൊറിയൻ കോടതി രണ്ട് വർഷം തടവ് വിധിച്ചു.
സുവോൺ ജില്ലാ കോടതി ക്രിമിനൽ ഡിവിഷൻ 12-ലെ ചീഫ് ജഡ്ജ് ഹ്വാങ് ഇൻ-സങ്, പേര് വെളിപ്പെടുത്താത്ത പ്രതിക്ക് ജയിൽ ശിക്ഷ വിധിക്കുകയും ജനുവരി 14-ന് സൈക്കോളജിക്കൽ തെറാപ്പിക്ക് വിധേയനാക്കാൻ ഉത്തരവിടുകയും ചെയ്തതായി , Yonhap News Agency ജനുവരി 17-ന് റിപ്പോർട്ട് ചെയ്തു.
വധശ്രമത്തിന് ശിക്ഷിക്കപ്പെട്ടയാളുടെ പേരുവിവരങ്ങളും ഇരകളുടെ പേരും പരസ്യമായി വെളിപ്പെടുത്തിയിട്ടില്ല. പാസ്റ്ററോട് ഇയാൾക്ക് ഉണ്ടായിരുന്ന ശത്രുതയ്ക്ക് പിന്നിലെ സാഹചര്യം ഇതു റിപ്പോർട്ട് ചെയ്തിട്ടില്ല.
2023 ആഗസ്ത് 4 ന് ജിയോങ്ഗി-ഡോയിലെ ഒരു ക്രിസ്ത്യൻ പള്ളി കെട്ടിടത്തിൽ പാസ്റ്ററെ കൊല്ലാൻ ഉദ്ദേശിച്ച് കയ്യിൽ കത്തിയുമായി കടന്നു കയറുകയായിരുന്നു
ശിക്ഷിക്കപ്പെട്ടയാൾക്ക് പാസ്റ്ററെ വർഷങ്ങളായി അറിയാമെന്ന് ആരോപിക്കപ്പെടുന്നു, പ്രതി പിന്നീട് കെട്ടിട മാനേജരെ 100 മീറ്ററോളം ആക്രമിക്കാൻ ഓടിക്കുകയും , ആക്രമണത്തിൽ നിന്ന് രക്ഷനേടാൻ മാനേജർ അഭയം പ്രാപിച്ച കെട്ടിടത്തിന്റെ ഗ്ലാസ് വാതിലിൽ തകർക്കുകയുമായിരുന്നു.
ദൃക്സാക്ഷികളുടെ റിപ്പോർട്ടിന്റെ അടിസ്ഥാനത്തിൽ സ്ഥലത്തെത്തിയ പോലീസ് പിന്നീട് പ്രതിയെ കീഴ്പ്പെടുത്തി. “പിശാച്” തന്നെ പാസ്റ്ററെ ആക്രമിക്കാൻ പ്രേരിപ്പിച്ചുവെന്നും കുറ്റകൃത്യം നടന്ന സമയത്ത് താൻ മാനസികവും ശാരീരികവുമായ തളർച്ചയിലായിരുന്നുവെന്നും ഇത് തന്റെ ബോധം നഷ്ടപ്പെടുത്തുന്ന അവസ്ഥയിലായിരുന്നെന്നും ഇയാൾ വിചാരണ വേളയിൽ അവകാശപ്പെട്ടിരുന്നു. എന്നാൽ ഭ്രാന്താണെന്ന അദ്ദേഹത്തിന്റെ വാദങ്ങൾ കോടതി തള്ളി.
“കുറ്റകൃത്യത്തിൽ പ്രതിയുടെ മാനസികരോഗം ഒരു പങ്കു വഹിച്ചിട്ടുണ്ടെങ്കിലും, വസ്തുക്കളെ വേർതിരിച്ചറിയാനും അവന്റെ പെരുമാറ്റം നിയന്ത്രിക്കാനുമുള്ള പ്രതിയുടെ കഴിവ് അക്കാലത്ത് പൂർണ്ണമായും ഇല്ലാതായതായി കാണുന്നില്ല,” എന്ന് ജഡ്ജി ഹ്വാങ് വിധിയിൽ പറഞ്ഞു.
Sources:christiansworldnews
world news
പരിശുദ്ധാത്മാവ് നമ്മുടെ ജീവിതത്തിൻ്റെ നായകനാണ്; അവിടുന്ന് നമുക്ക് ധൈര്യം നൽകുന്നു: ഫ്രാൻസിസ് പാപ്പ
നമുക്ക് ധൈര്യവും ഐക്യവും നൽകുന്ന പരിശുദ്ധാത്മാവ് നമ്മുടെ ജീവിതത്തിൻ്റെ നായകനാണെന്ന് ഓർമിപ്പിച്ചുകൊണ്ട് ഫ്രാൻസിസ് പാപ്പ. പെന്തക്കുസ്താ തിരുനാളിനു മുന്നോടിയായി ശനിയാഴ്ച നൽകിയ സന്ദേശത്തിലാണ് പാപ്പ പരിശുദ്ധാത്മാവിനെക്കുറിച്ചു സംസാരിച്ചത്.
“‘പരിശുദ്ധാത്മാവ് എന്താണ്’ എന്ന ചോദ്യത്തിന് എങ്ങനെ ഉത്തരം നൽകണമെന്ന് പലർക്കും അറിയില്ല. പരിശുദ്ധാത്മാവാണ് നമ്മുടെ ജീവിതത്തിൻ്റെ നായകൻ. അവൻ നമ്മെ മുന്നോട്ടു കൊണ്ടുപോകുന്നു. മുന്നോട്ടുപോകാൻ നമ്മെ സഹായിക്കുന്നു, നമ്മുടെ ക്രിസ്തീയജീവിതം വികസിപ്പിക്കാൻ നമ്മെ സഹായിക്കുന്നു. പരിശുദ്ധാത്മാവ് നമ്മുടെ ഉള്ളിലുണ്ട്. നാം എല്ലാവർക്കും പരിശുദ്ധാത്മാവിനെ സ്നാനത്തിലൂടെയും സ്ഥിരീകരണത്തിലൂടെയും ലഭിച്ചു. ക്രിസ്തീയജീവിതം നയിക്കാൻ പരിശുദ്ധാത്മാവ് നമുക്ക് ധൈര്യം നൽകുന്നു. ഈ ധൈര്യം കൊണ്ട് ഞങ്ങളുടെ ജീവിതം മാറുന്നു”- പാപ്പ പറഞ്ഞു.
പരിശുദ്ധാത്മാവിനെ ലഭിച്ചപ്പോൾ ഭയപ്പെട്ടിരുന്നുവെങ്കിലും സുവിശേഷം പ്രസംഗിക്കാൻ ധൈര്യത്തോടെ മുന്നോട്ടുപോയ അപ്പോസ്തലന്മാരെ മാർപാപ്പ ഒരു ഉദാഹരണമായി എടുത്തുകാട്ടി.
Sources:azchavattomonline.com
world news
ചൈനയിൽ ഒരു വൈദികനുൾപ്പെടെ രണ്ടുപേരെ കാണാതായി
ചൈനയിലെ ഏറ്റവും വലിയ രഹസ്യ കത്തോലിക്ക സമൂഹങ്ങളിലൊന്നായ ഹെബെയ് പ്രവിശ്യയിലെ ബയോഡിംഗ് രൂപതയിൽ നിന്നും ഒരു വൈദികൻ ഉൾപ്പെടെ രണ്ടുപേരെ കാണാതായി. ഏപ്രിൽ 17- ന് ശേഷം ഷാവോ കൗണ്ടിയിൽ നിന്നുള്ള ഫാ. ചി ഹുയിയനാണ് കാണാതായ വൈദികൻ. ഏപ്രിൽ 29- ന് ഹെബെയ് പ്രവിശ്യയിലെ ഷാങ്ജിയാകൗവിൽ – സമൂഹത്തിലെ പ്രൊഫ. ചെൻ ഹെകുനെയും കാണാതായിട്ടുണ്ട്. കഴിഞ്ഞ ആഴ്ചകളിലാണ് ഈ രണ്ട് കേസുകൾ റിപ്പോർട്ട് ചെയ്തിട്ടുള്ളത്.
മതസ്വാതന്ത്ര്യമില്ലാത്ത ചൈനയിൽ ഏറ്റവുമധികം സ്വാധീനം ചെലുത്തുന്ന ഒന്നാണ് ബോഡിംഗിലെ ഭൂഗർഭ കത്തോലിക്ക സമൂഹം. ഇപ്രകാരം കാണാതാകുന്നവരെക്കുറിച്ച് കൂടുതൽ വിശദാംശങ്ങൾ ഒന്നും പിന്നീട് അറിവായിട്ടില്ല. 1900-ൽ മാതാവ് പ്രത്യക്ഷപ്പെട്ടതായി പറയപ്പെടുന്ന ഡോങ്ലുവിലേക്കുള്ള തീർഥാടനവുമായി ബന്ധപ്പെട്ട് ബിഷപ്പ് ജിയാക്കോമോ സു ഷിമിൻ 1997-ൽ അറസ്റ്റിലായി. ബിഷപ് സു ഷിമിനെ പിന്നീട് 2003-ൽ ബാവോഡിംഗ് ആശുപത്രിയിൽ ഒരിക്കൽ കണ്ടിട്ടുണ്ട്. അതിനുശേഷം അദ്ദേഹത്തെക്കുറിച്ച് കൃത്യമായ വാർത്തകളൊന്നും ലഭിച്ചിട്ടില്ല.
Sources:azchavattomonline.com
world news
മ്യാന്മറിൽ രണ്ടു ദേവാലയങ്ങൾക്കു നേരെ വ്യോമാക്രമണം
മെയ് പതിനൊന്നിനും പന്ത്രണ്ടിനുമിടയിൽ മ്യാന്മറിലെ ചിൻ സംസ്ഥാനത്ത് ഒരു കത്തോലിക്കാ ദേവാലയത്തിനും മറ്റൊരു ബാപ്റ്റിസ്റ്റ് ദേവാലയത്തിനുംനേരെ വ്യോമാക്രമണമുണ്ടായതായി ഫീദെസ് വാർത്താ ഏജൻസി അറിയിച്ചു. കലായ് രൂപതയുടെ കീഴിലുള്ളതാണ് ആക്രമിക്കപ്പെട്ട കത്തോലിക്കാ ദേവാലയം. ടോൻസാങ് നഗരത്തിനടുത്തുള്ള ലങ്ടാക് ഗ്രാമത്തിലാണ് ആക്രമിക്കപ്പെട്ട ഇരുദേവാലയങ്ങളും. സംഭവത്തിൽ ആർക്കും പരിക്കേറ്റതായി റിപ്പോർട്ട് ചെയ്യപ്പെട്ടിട്ടില്ല.
വിമതഗ്രൂപ്പുകൾക്കെതിരെയുള്ള ആക്രമണത്തിന്റെ ഭാഗമായാണ് മ്യാന്മാർ വ്യോമസേന ആരാധനാലയങ്ങൾ ഉൾപ്പെടെയുള്ള ഇടങ്ങൾക്കുനേരെ ബോംബാക്രമണം നടത്തിയത്. സംഭവത്തിൽ അഞ്ചു വീടുകൾ തകർന്നു. മ്യാന്മറിലെ കലായ് രൂപതയുടെ കീഴിലുള്ള ഒരു ദേവാലയവും ആക്രമിക്കപ്പെട്ടവയിൽപെടും. ഇവിടെയുണ്ടായിരുന്ന ടൈറ്റസ് എൻ സാ ഖാൻ എന്ന വൈദികനും മറ്റു വിശ്വാസികളും രക്ഷപെട്ട് അടുത്തുള്ള കാടുകളിൽ അഭയം തേടിയതായി ഏജൻസി അറിയിച്ചു. ലങ്ടാക് ഗ്രാമവും സമീപത്തുള്ള മറ്റു രണ്ടു ഗ്രാമങ്ങളും ആക്രമണത്തിലൂടെ മ്യാന്മറിലെ സൈന്യം പിടിച്ചെടുത്തു. ചിൻ സംസ്ഥാനത്തെ 86 % ജനങ്ങളും ക്രൈസ്തവരാണ്. ഇവിടെ നാളുകളായി ആളുകൾക്കിടയിൽ സംഘർഷങ്ങളും അക്രമങ്ങളും നിലനിൽക്കുന്നുണ്ടെന്നും ഫീദെസ് വാർത്താ ഏജൻസി റിപ്പോർട്ട് ചെയ്തു.
2021-ൽ സൈന്യം ഭരണം പിടിച്ചെടുത്തതിനുശേഷം, ഈ പ്രദേശത്തുള്ള വർഗീയന്യൂനപക്ഷങ്ങൾ പ്രതിരോധനിരയോടു ചേർന്ന് സൈന്യത്തിനെതിരെ പോരാട്ടം തുടരുകയാണ്. എന്നാൽ അതേസമയം മ്യാന്മറിലെ സൈന്യം, സാധാരണ ജനങ്ങളുടെ വീടുകളും സ്കൂളുകളും ദൈവാലയങ്ങളും തകർക്കുകയും, രാജ്യത്തിന്റെ വിവിധ ഭാഗങ്ങളിലെ സ്ഥിതി വഷളാക്കുകയും ചെയ്തുവരികയാണെന്നും റിപ്പോർട്ടുകൾ പറയുന്നു.
ഇന്ത്യയും ബംഗ്ലാദേശുമായി അതിർത്തി പങ്കിടുന്ന ചിൻ സംസ്ഥാനത്ത്, പ്രതിരോധസേന നിർണ്ണായകമായ ക്യിന്ദ്വേ നഗരം പിടിച്ചെടുത്തു. സ്വാതന്ത്ര്യം ലഭിച്ച നാൾ മുതൽ കേന്ദ്രസർക്കാരിനെതിരെ പോരാടിവന്നിരുന്ന വർഗന്യൂനപക്ഷസേന നിലവിലെ സംഘർഷങ്ങളിൽ പങ്കെടുക്കുന്നുണ്ട്. ആക്രമങ്ങൾ സാധാരണ ജനങ്ങളെ, പ്രത്യേകിച്ച് സാഗയിങ് പ്രദേശത്തുള്ളവരെ ഗുരുതരമായി ബാധിക്കുന്നുണ്ടെന്നും ഏജൻസി വിശദീകരിച്ചു.
Sources:azchavattomonline.com
-
us news11 months ago
നോർത്ത് അമേരിക്കൻ പെന്തക്കോസ്തൽ റൈറ്റേഴ്സ് ഫോറം : രാജൻ ആര്യപ്പള്ളി പ്രസിഡന്റ്; നിബു വെള്ളവന്താനം സെക്രട്ടറി
-
us news9 months ago
നോര്ത്ത് അമേരിക്കന് പെന്തക്കോസ്തല് റൈറ്റേഴ്സ് ഫോറം; അറ്റ്ലാന്റാ ചാപ്റ്ററിന് പുതിയ ഭാരവാഹികള്
-
us news12 months ago
‘The Biggest Water Baptism in History’: 4,166 Baptized at Historic Beach from Jesus Movement
-
world news12 months ago
Muslim Husband Found Out His Wife Became a Christian; He Beat Her, Starved Her and Left Her in a Wild Animal Park—But God…
-
National9 months ago
ബൈബിൾ വിതരണം ചെയ്യുന്നതും നല്ല മൂല്യങ്ങൾ പഠിപ്പിക്കുന്നതും മതപരിവർത്തനമല്ല: അലഹബാദ് ഹൈക്കോടതിയുടെ നിര്ണ്ണായക വിധി
-
world news10 months ago
37 Christians Killed in Nigeria in Three Weeks
-
world news12 months ago
യുഎഇ യിൽ ക്രൈസ്തവ ആരാധനാലയങ്ങൾക്ക് ഇനി ലൈസൻസ് നിർബന്ധം
-
world news11 months ago
ക്രൈസ്തവര് തിങ്ങി പാര്ക്കുന്ന നിനവേ പ്രവിശ്യയിലെ ജനസംഖ്യ ഘടന തകിടം മറിക്കാൻ ശ്രമം: ഗുരുതര ആരോപണവുമായി ഇറാഖിലെ പാര്ട്ടികള്