world news
വിദ്യാർത്ഥികൾക്ക് ആശ്വാസം: താത്കാലിക വിസയുള്ളവർക്ക് പോലീസ് ക്ലിയറൻസ് ആവശ്യമില്ല
![](https://theendtimenews.com/wp-content/uploads/2023/08/study-visa-for-canada.jpg)
ഒട്ടാവ: സ്റ്റുഡൻറ് വിസയിലുൾപ്പെടെ താത്കാലിക താമസക്കാരായി രാജ്യത്തേക്ക് പ്രവേശിക്കുന്നവർക്ക് പോലീസ് ക്ലിയറൻസ് സർട്ടിഫിക്കറ്റ് ആവശ്യമില്ലെന്ന് കനേഡിയൻ സർക്കാർ പുതിയ മാർഗരേഖ പുറത്തിറക്കി. ഈ തീരുമാനം അന്താരാഷ്ട്ര വിദ്യാർത്ഥികൾക്കും താൽക്കാലിക തൊഴിലാളികൾക്കും സഹായകമായേക്കാം.
കാനഡയിൽ എത്തുന്നവർക്ക് വിരലടയാളം പോലുള്ള ബയോമെട്രിക് വെരിഫിക്കേഷൻ മുമ്പ് സുരക്ഷാ സ്ക്രീനിംഗിനായി ഉപയോഗിച്ചിരുന്നു. കൂടാതെ വരുന്ന രാജ്യത്ത് നിന്നുള്ള പോലീസ് സർട്ടിഫിക്കറ്റുകളും വേണ്ടി വന്നിരുന്നു. ഈ നിയമമാണ് എടുത്ത് കളഞ്ഞിരിക്കുന്നത്. ആവശ്യമെങ്കിൽ അധിക സുരക്ഷാ സ്ക്രീനിംഗിൻ്റെ ഭാഗമായി മാത്രമേ അത്തരം സർട്ടിഫിക്കറ്റുകൾ അഭ്യർത്ഥിക്കാവൂ എന്ന് കാനഡയിലെ ഇമിഗ്രേഷൻ, അഭയാർത്ഥി, പൗരത്വ മന്ത്രി മാർക്ക് മില്ലർ പറഞ്ഞു.
ഖാലിസ്ഥാൻ അനുകൂല വ്യക്തി ഹർദീപ് സിംഗ് നിജ്ജാറിൻ്റെ കൊലപാതകത്തിൽ ഉൾപ്പെട്ടതായി ആരോപിക്കപ്പെടുന്ന വ്യക്തികളുടെ അറസ്റ്റിനെത്തുടർന്ന് താൽക്കാലിക താമസക്കാരുടെ, പ്രത്യേകിച്ച് അന്താരാഷ്ട്ര വിദ്യാർത്ഥികളുടെ സുരക്ഷാ പരിശോധനകൾ കർശനമാക്കണമെന്ന ആവശ്യം ഉയർന്നിരുന്നു.
പഞ്ചാബിൽ നിന്നുള്ള ക്രിമിനൽ പശ്ചാത്തലമുള്ളവരെ കാനഡയിലേക്ക് കടക്കാൻ അനുവദിച്ചതിന് അവരുടെ സുരക്ഷാപരിശോധനയുടെ പാളിച്ചയാണെന്ന് ഇന്ത്യൻ വിദേശകാര്യ മന്ത്രി എസ് ജയശങ്കറും വിമർശിച്ചിരുന്നു, എന്നാൽ മില്ലർ സർക്കാരിൻ്റെ സ്ക്രീനിംഗ് രീതികളെ ന്യായീകരിക്കുകയും അപേക്ഷാ പ്രക്രിയയിൽ അശ്രദ്ധയാണെന്ന ആരോപണങ്ങൾ നിഷേധിക്കുകയും ചെയ്തു. കാനഡയുടെ അതിർത്തികളുടെ സുരക്ഷയും സുരക്ഷയും നിലനിർത്തുന്നതിനുള്ള സർക്കാരിൻ്റെ സമർപ്പണത്തെ അദ്ദേഹം ഊന്നിപ്പറഞ്ഞു.
Sources:azchavattomonline.com
world news
മസ്കറ്റില് എല് റോയ് റിവൈവല് ബൈബിള് കോളജിന്റെ പ്രഥമ ഗ്രാജുവേഷന് നടന്നു
![](https://theendtimenews.com/wp-content/uploads/2024/07/El-Roy-Revival-Bible-College.jpg)
എല് റോയ് റിവൈവല് ബൈബിള് കോളജിന്റെ പ്രഥമ ഗ്രാജുവേഷന് ജൂലൈ 6ന് ഗാലാ ചര്ച്ച് ക്യാമ്പസില് നടന്നു. ഡോ. സ്റ്റാലിന് കെ. തോമസ് (അയാട്ടാ ഇന്റര് നാഷണല് ഡയറക്ടര്), ഡോ. ഡേവിഡ് ടക്കര്(അയാട്ടാ ഇന്റര് നാഷ്ണല് ഫാക്കല്റ്റി യു.എസ്.എ), മിസ്സസ് റെനീ ടക്കര് (യുഎസ്എ), എന്നിവര് മുഖ്യ അതിഥികളായിരുന്നു. പഠനം വിജയകരമായി പൂര്ത്തിയാക്കിയ ഏഴുപേര് ബിറ്റിഎച്ച്, എം.ഡിവ് ബിരുദങ്ങള് ഏറ്റുവാങ്ങി. സ്ഥാപനത്തിന്റ ഡയറക്ടര് റവ റെജികുമാര് നേതൃത്വം നൽകി .
റവ. റെജി എസ്എബിസി ബാഗ്ലൂരില് നിന്ന് എം.ഡിവ് ബിരുദദാരിയും ഭാര്യ സിസ്റ്റര് ശരണ്യ ദേവ് മണക്കാല എഫ്.റ്റി. എസ് ല് നിന്ന് ബി.ഡി ബിരുദദാരിയുമാണ്. ഇവരുടെ കഴിഞ്ഞ പന്ത്രണ്ടു വര്ഷത്തെ പരിശ്രമവും ദര്ശന സാക്ഷാത്കാരവുമാണ് ഒമാന് എന്ന രാജ്യത്ത് ഇങ്ങനെ ഒരു സ്ഥാപനം കഴിഞ്ഞ നാലു വര്ഷമായി നടത്തി മനോഹരമായ നിലയില് ഒരു ഗ്രാജുവേഷന് നടത്തുവാന് കാരണമായത്. അയാട്ടായുടെ അംഗീകാരത്തോടെയാണ് ഈ സ്ഥാപനം പ്രവര്ത്തിയ്ക്കുന്നത്. എല്-റോയ് ചര്ച്ച് ക്വയര് ഗാനശുശ്രൂഷ നിര്വഹിച്ചു.
Sources:globalindiannews
world news
സൗദി അറേബ്യയിൽ ജോലിയിൽ നിന്നും വിരമിക്കാനുള്ള പ്രായം അറുപത്തി അഞ്ചായി ഉയർത്തി
![](https://theendtimenews.com/wp-content/uploads/2024/07/Saudi-Arabia.jpg)
റിയാദ്: സൗദി അറേബ്യയിൽ ജോലിയിൽ നിന്നും വിരമിക്കാനുള്ള പ്രായം അറുപത്തി അഞ്ചായി ഉയർത്തി. കഴിഞ്ഞ ദിവസം കിരീടാവകാശി മുഹമ്മദ് ബിൻ സൽമാന്റെ അധ്യക്ഷതയിൽ ചേർന്ന യോഗത്തിലാണ് പുതിയ തീരുമാനം. വിഷൻ 2030ന്റെ പരിഷ്കരണ പദ്ധതികളുടെ ഭാഗമായാണ് പുതിയ തീരുമാനം.നേരത്തെ വിരമിക്കാനുള്ള പ്രായ പരിധി അറുപതു വയസായിരുന്നു.
പൊതുമേഖലകളിലും സ്വകാര്യ മേഖലകളിലും പ്രവർത്തിക്കുന്നവർക്ക് നിയമം ബാധകമാണ്. വിരമിച്ചതിന് ശേഷവും പൗരന്മാരുടെ ജീവിതം സുസ്ഥിരമാക്കുന്നതിന്റെ ഭാഗമായാണ് പുതിയ തീരുമാനം. പൗരന്മാർക്ക് സ്ഥിരതയാർന്ന ജീവിത ശൈലി ഉറപ്പാക്കലും ലക്ഷ്യമിടുന്നു. പുതിയ തീരുമാനവുമായി ബന്ധപെട്ട് വിരമിച്ച പൗരന്മാരുടെ ജീവിത വ്യവസ്ഥ മെച്ചപ്പെടുത്താനുള്ള പദ്ധതികളും തയ്യാറാക്കും. പൗരന്മാരുടെ സുരക്ഷിത ജീവിതം ഉറപ്പാക്കാൻ കഴിയും വിധമാണ് പുതിയ നയം തയ്യാറാക്കുന്നത്.
Sources:globalindiannews
world news
നൈജീരിയയിൽ വീണ്ടും ഫുലാനി തീവ്രവാദികൾ മൂന്ന് ക്രൈസ്തവരെ കൊലപ്പെടുത്തി
![](https://theendtimenews.com/wp-content/uploads/2020/12/Fulani-Militants-in-nigeria.png)
നൈജീരിയയിൽ നിന്നും വീണ്ടും ക്രൈസ്തവ രോദനം. ക്രൈസ്തവവർക്ക് നേരെ ആക്രമണം അഴിച്ചുവിട്ട് ഫുലാനി തീവ്രവാദികൾ. സംസ്ഥാനത്തെ ബസ്സയിലെ കിമാക്പ ജില്ലയിലെ മയംഗ ഗ്രാമത്തിൽ ഇസ്ലാമിക തീവ്രവാദികൾ പതിയിരുന്നു നടത്തിയ ആക്രമണത്തിൽ മൂന്നു ക്രൈസ്തവർ ആണ് കൊല്ലപ്പെട്ടത്.
രാത്രി എട്ട് മണിയോടെ വിശ്വാസികൾ വീട്ടിലേക്ക് വരുന്നതിനിടെയാണ് ആക്രമണം ഉണ്ടായത്. വടികളും വാളുകളും ഉപയോഗിച്ചാണ് തീവ്രവാദികൾ ഇവരെ ആക്രമിച്ചത്. ആക്രമണത്തെ സ്ഥിരീകരിക്കുകയും അപലപിക്കുകയും ചെയ്തുകൊണ്ട് ഇറിഗ്വെ ഡെവലപ്മെന്റ്റ് അസോസിയേഷൻ (ഐ. ഡി. എ.) ഒരു പ്രസ്താവന പുറത്തിറക്കി. ആക്രമണകാരികളെ പിടികൂടി നിയമത്തിന് മുന്നിൽ കൊണ്ടുവരുന്നത് ഉറപ്പാക്കാൻ നൈജീരിയൻ സുരക്ഷാ ഏജൻറുമാരോട് ഐ. ഡി. എ.യുടെ ദേശീയ പബ്ലിക് സെക്രട്ടറി സാം ജുഗോയും ആവശ്യപ്പെട്ടു.
Sources:marianvibes
-
us news11 months ago
നോര്ത്ത് അമേരിക്കന് പെന്തക്കോസ്തല് റൈറ്റേഴ്സ് ഫോറം; അറ്റ്ലാന്റാ ചാപ്റ്ററിന് പുതിയ ഭാരവാഹികള്
-
world news12 months ago
37 Christians Killed in Nigeria in Three Weeks
-
National10 months ago
ബൈബിൾ വിതരണം ചെയ്യുന്നതും നല്ല മൂല്യങ്ങൾ പഠിപ്പിക്കുന്നതും മതപരിവർത്തനമല്ല: അലഹബാദ് ഹൈക്കോടതിയുടെ നിര്ണ്ണായക വിധി
-
Hot News12 months ago
ഫോണെടുക്കുന്നില്ലെന്ന,പരാതി ഇനി വേണ്ട.. വൈദ്യുതി സംബന്ധമായ പരാതി നല്കാൻ ട്രോള് ഫ്രീ നമ്പര് അവതരിപ്പിച്ച് കെഎസ്ഇബി
-
world news9 months ago
50 രാജ്യങ്ങളിലേക്ക് കുവൈത്ത് പൗരന്മാർക്ക് വിസയില്ലാതെ സഞ്ചരിക്കാം
-
National5 months ago
നെയ്തേലിപ്പടി ക്രൂസേഡിന് അനുഗ്രഹീത സമാപ്തി
-
Life11 months ago
സൂര്യനെ ലക്ഷ്യമിട്ട് കുതിച്ച് ആദിത്യ എൽ1; ഇന്ത്യയുടെ ആദ്യ സൗരദൗത്യം വിജയകരം
-
National9 months ago
Pentecostal mission center demolished in India; pastor, 17 others arrested