us news
ഇന്ത്യൻ ഓവർസീസ് കോൺഗ്രസ് യുഎസ്എ (ഐഒസി) ക്ക് പുതിയ നേതൃത്വം.
![](https://theendtimenews.com/wp-content/uploads/2020/06/mcms-10.jpg)
ന്യൂ യോർക്ക് : ഇന്ത്യൻ നാഷണൽ കോൺഗ്രസിന്റെ പ്രവാസി വിഭാഗമായ ഇന്ത്യൻ ഓവർസീസ് കോൺഗ്രസ് യുഎസ്എ (ഐഒസി) ക്ക് പുതിയ നേതൃത്വം. പുതിയ ഭാരവാഹികളായി റോയി മന്താന, ഡാളസ് (ചെയർമാൻ ), ജെയിംസ് കൂടൽ, ഹൂസ്റ്റൺ (പ്രസിഡന്റ് ), ജീമോൻ റാന്നി, ഹൂസ്റ്റൺ (ജനറൽ സെക്രട്ടറി ), സൈമൺ വാളച്ചെരിൽ (ട്രഷറർ) എന്നിവരേയും സീനിയർ വൈസ് പ്രസിഡന്റുമാരായി ജോസഫ് എബ്രഹാം (ഹൂസ്റ്റൺ) , ഹരി നമ്പൂതിരി(മക്ക് ആലൻ), പി.പി. ചെറിയാൻ (ഡാളസ്), ഫനീന്ദർ റെഡി (ഡാളസ്) എന്നിവരേയും മധു എരുഗു (ഡാളസ്) ,സ്റ്റീഫൻ മറ്റത്തിൽ (സാൻ അന്റോണിയോ),രാജേഷ് ഗമ്പാ (ഹൂസ്റ്റൺ), പ്രവീൺ മന്നം (ഡാളസ്), രാജൻ മാത്യു (ഡാളസ്) എന്നിവരെ വൈസ് പ്രസിഡന്റുമാരായും ഷിബു സാമുവൽ (ഡാളസ്),ഹരി പ്രസാദ് സാലിഗോമ്മുള (ഓസ്റ്റിൻ), പ്രഭു മെന്റു(ഡാളസ്) , മോസ് വിൽസൺ (ഡാളസ്) ,ശിവയ്യ ഗൗഡ് മച്ചാരിയ (ഡാളസ്) എന്നിവരെ സെക്രട്ടറിമാരായും തെരഞ്ഞെടുത്തു.
ജോയിന്റ് ട്രഷറർ: തോമസ് ചെള്ളേത്ത് (ഡാളസ്), ജോമോൻ എടയാടി (മെബർഷിപ്പ് ചെയർമാൻ) ജോൺ കെ. ഐസക്ക് (എബി – മെംബർഷിപ് കോഓർഡിനേറ്റർ) പൊന്നു പിള്ള (വുമൺ സെൽ ചെയർ പേഴ്സൺ), ജേക്കബ് കുടശനാട് (പബ്ലിക് റിലേഷൻസ് ചെയർമാൻ), രഞ്ജിത്ത് പിള്ള (ഐടി ചെയർമാൻ), ബിബി പാറയിൽ (സേവാദൾ ചെയർമാൻ), രാജ് ബെജ്വല (യൂത്ത് ഫോറം ചെയർമാൻ), മെവിൻ ജോൺ ഏബ്രഹാം (യൂത്ത് ഫോറം കോഓർഡിനേറ്റർ), ഫ്രിക്സ്മോൻ മൈക്കിൾ (ഫിനാൻസ് കമ്മിറ്റി ചെയർമാൻ ), റെനി കവലയിൽ( ഇവന്റ്സ് കോഓർഡിനേറ്റർ) എന്നിവരും എക്സിക്യൂട്ടീവ് കമ്മിറ്റി അംഗങ്ങളായി ബേബി മണക്കുന്നേൽ ,ബോബൻ കൊടുവത്ത്, എസ്.കെ. ചെറിയാൻ ,തോമസ് ഒലിയാംകുന്നേൽ, ,ജോർജ് ഏബ്രഹാം, എ.സി. ജോർജ്, വാവച്ചൻ മത്തായി, സുരേഷ് രാമകൃഷ്ണൻ,സജി ജോർജ് മാരാമൺ, ബിനോയ് ലൂക്കോസ് തത്തംകുളം, ബിജു പുളിയിലേത്ത് ,റോയി വെട്ടുകുഴി,സോജി ലൂക്കോസ് ,ബാബു ചാക്കോ ,എബ്രഹാം തോമസ് (അച്ചൻകുഞ്ഞ്), ഡാനിയേൽ ചാക്കോ, സജി ഇലഞ്ഞിക്കൽ, മാമ്മൻ ജോർജ്, ഈപ്പൻ തോമസ്, പ്രവീൺ ചിന്ത,സാക് തോമസ് എന്നിവരും തെരഞ്ഞെടുക്കപ്പെട്ടു,
ഓവർസീസ് കോൺഗ്രസ് ടെക്സാസ് ഘടകം പ്രസിഡന്റായി തെരഞ്ഞെടുക്കപ്പെട്ടതിൽ സന്തോഷമുണ്ടെന്നും ജാതി മത വർഗീയ വിധ്വംസക ശക്തികൾക്കെതിരെ ഉദാത്തമായ ജനാധിപത്യ മൂല്യങ്ങളിലൂന്നിയ പോരാട്ടങ്ങൾക്ക് എന്നും നേതൃത്വം കൊടുത്തിട്ടുള്ള കോൺഗ്രസ് പാർട്ടിയുടെ കരങ്ങൾക്ക് ശക്തി പകരുവാൻ ഈ അവസരം വിനിയോഗിക്കുമെന്നു ഹൂസ്റ്റണിലെ പൊതുകാര്യപ്രവർത്തകനും വിവിധ സാമൂഹിക സാംസ്കാരിക സംഘടനകളുടെ നേത്രത്വം വഹിക്കുകയും ചെയുന്ന പ്രസിഡന്റ് ജെയിംസ് കൂടൽ അറിയിച്ചു.
ഇന്ത്യൻ ഓവർസീസ് കോൺഗ്രസ് ടെക്സാസ് ചാപ്റ്റർ രൂപീകരിച്ചതിൽ ഏറെ അഭിമാനവും സന്തോഷവുമുണ്ടെന്നും സംഘടനക്ക് ശക്തി പകരുവാനും വിവിധ സിറ്റികളിൽ സിറ്റി ചാപ്റ്ററുകൾ രൂപീകരിച്ച് സംഘടനയെ ശക്തിപ്പെടുത്തുന്നതിന് ഉടൻ ശ്രമിക്കുമെന്ന് ചെയർമാൻ റോയി മന്താന പറഞ്ഞു.
ഇന്ത്യയിലെ വിവിധ സംസ്ഥാങ്ങളിൽ നിന്നുള്ള ഇന്ത്യൻ നാഷണൽ കോൺഗ്രസ് പ്ര വർത്തകരുടെ കൂട്ടായ്മകൾ ടെക്സസിലെ വിവിധ നഗരങ്ങൾ കേന്ദ്രീകരിച്ചു രൂപീകരിക്കുക, നിലവിലുള്ള കൂട്ടായ്മകൾ സജീവമാക്കുക തുടങ്ങിയ ഭാരിച്ച ഉത്തരവാദിത്വമാണ് തങ്ങളിൽ നിക്ഷിപ്തമായിരിക്കുന്നതെന്നു വിദ്യാർഥിപ്രസ്ഥാനത്തിലൂടെ കോൺഗ്രസിന്റെ നേത്ര്വത്വ നിരയിലേക്കുയർന്ന അമേരിക്കയിലെ അറിയപ്പെടുന്ന മാധ്യമപ്രവർത്തകനും സാമൂഹ്യ സാംസ്കാരിക പ്രവർത്തകനുമായ ജനറൽ സെക്രട്ടറി ജീമോൻ റാന്നി പറഞ്ഞു.
മതേതര ജനാധിപത്യ മൂല്യങ്ങളിലൂന്നിയ പോരാട്ടങ്ങൾക്ക് എന്നും നേതൃത്വം കൊടുത്തിട്ടുള്ള കോൺഗ്രസിനെ ശക്തി പകരുവാൻ ഈ അവസരം വിനിയോഗിക്കുമെന്നും കുടുതൽ അംഗങ്ങളെ ചേർക്കുന്നതിന് മെമ്പർഷിപ് ഡ്രൈവ് നടത്തുമെന്നും മെമ്പർഷിപ് കമ്മിറ്റി ചെയർമാൻ ജോമോൻ ഇടയാടി അഭിപ്രായപ്പെട്ടു.
ടെക്സസ് ചാപ്റ്റർ രൂപീകരണത്തിൽ അതിയായ സന്തോഷമുണ്ടെന്ന് ഐഒസി ദേശിയ ഭാരവാഹികളായ ചെയർമാൻ സാം പിട്രോഡ, പ്രസിഡന്റ് മൊഹിന്ദർ സിംഗ് ജനറൽ സെക്രട്ടറി ഹർബച്ചൻ സിംഗ് എന്നിവർ അറിയിച്ചു. പുതിയതായി തെരെഞ്ഞെടുക്കപ്പെട്ട ഭാരവാഹികളെ അവർ അഭിനന്ദിച്ചു.
ഇന്ത്യൻ ഓവർസീസ് കോൺഗ്രസ് കേരളാ ചാപ്റ്റർ ദേശീയ പ്രസിഡന്റ് ലീലാ മാരേട്ടും വൈസ് പ്രസിഡന്റ് ബേബി മണക്കുന്നേലും പുതിയ ഭരണസമിതിക്ക് എല്ലാ പിന്തുണയും അഭിനന്ദനവും അറിയിച്ചു.
ഇന്ത്യൻ ഓവർസീസ് കോൺഗ്രസ് ദേശീയ നേതൃത്വവുമായി സഹകരിച്ച് പ്രവർത്തിക്കുന്നതിലേക്കുവേണ്ട നടപടികൾ സ്വീകരിക്കുന്നതിനായും കൂടുതൽ കോൺഗ്രസ് പ്രവർത്തകരെ ഉൾപ്പെടുത്തി ചാപ്റ്റർ വിപുലീകരിക്കുന്നതിനായും യോഗം തിരഞ്ഞെടുത്ത കമ്മിറ്റിയെ ചുമതലപ്പെടുത്തി. ഇന്ത്യയിലേയും പ്രത്യേകിച്ച് കേരളത്തിലേയും രാഷ്ട്രീയ അരക്ഷിതാവസ്ഥ മറികടക്കുവാൻ ഓവർസീസ് കോൺഗ്രസ് സഘടനകളുടെ പ്രവർത്തനങ്ങൾ അനിവാര്യമാണെന്ന് ഐഒസി വൈസ് ചെയർമാൻ ജോർജ് ഏബ്രഹാം പറഞ്ഞു.
us news
ഓസ്ട്രേലിയന് പാർലമെൻ്റിൽ നിന്ന് ‘സ്വര്ഗസ്ഥനായ പിതാവേ…’ എന്ന പ്രാര്ത്ഥന നീക്കം ചെയ്യണമെന്ന് ആവശ്യപ്പെട്ട് ഗ്രീന്സ് പാര്ട്ടി എം പി മെഹ്റിന് ഫാറൂഖി
![](https://theendtimenews.com/wp-content/uploads/2024/07/Mehreen-Faruqi.jpg)
ഓസ്ട്രേലിയന് പാര്ലമെന്റിലെ ഉപരി സഭയായ സെനറ്റില് നടപടികള് ആരംഭിക്കുന്നതിനു മുന്നോടിയായി ചൊല്ലുന്ന ‘സ്വര്ഗസ്ഥനായ പിതാവേ…’ എന്ന പ്രാര്ത്ഥന നീക്കം ചെയ്യണമെന്ന ആവശ്യവുമായി ഗ്രീന്സ് പാര്ട്ടി വീണ്ടും രംഗത്ത്. 120 വര്ഷത്തിലേറെയായി അനുവര്ത്തിച്ചുപോരുന്ന സമ്പ്രദായം മാറ്റണമെന്ന ആവശ്യം ഉന്നയിച്ചിരിക്കുന്നത് സെനറ്റര് മെഹ്റിന് ഫാറൂഖിയാണ്. ന്യൂ സൗത്ത് വെയ്ല്സില്നിന്നുള്ള ഗ്രീന്പാര്ട്ടി എംപിയായ മെഹ്റിന് പാകിസ്ഥാന് വംശജയാണ്.
മതവും സർക്കാരും രണ്ടായി നിലനില്ക്കുന്ന ഒരു മതേതര പാര്ലമെന്റിലാണ് താന് വിശ്വസിക്കുന്നത്. സെനറ്റ് ആരംഭിക്കുന്നതിനു മുന്നോടിയായി സ്വര്ഗസ്ഥനായ പിതാവേ… എന്ന പ്രാര്ത്ഥന ചൊല്ലരുതെന്ന് അവര് അഭിപ്രായപ്പെട്ടു. പ്രാര്ത്ഥന നീക്കം ചെയ്യണമെന്ന ആവശ്യത്തിനെതിരേ പ്രതിഷേധം ഉയര്ന്നിട്ടുണ്ട്. അതേസമയം, ഇതിനു മുന്പും ഫെഡറല് പാര്ലമെന്റില് ‘സ്വര്ഗസ്ഥനായ പിതാവേ…’ എന്ന പ്രാര്ഥന നീക്കാനുള്ള ശ്രമങ്ങള് ഉണ്ടായിട്ടുണ്ടെങ്കിലും അതെല്ലാം പരാജയപ്പെട്ടിരുന്നു. കേവലം ഒന്നോ രണ്ടോ ജനപ്രതിനിധികളുടെ ഗൂഡലക്ഷ്യങ്ങള് നടപ്പാക്കാനുള്ള ശ്രമങ്ങള്ക്ക് പലപ്പോഴും മറ്റു പ്രതിനിധികളുടെ പിന്തുണ ലഭിക്കാറില്ല.
വ്യത്യസ്ത വിശ്വാസങ്ങളെ പ്രതിനിധീകരിക്കുന്ന ലോകമെമ്പാടുമുള്ള നിരവധി ആളുകള് ഈ രാജ്യത്ത് താമസിക്കുന്നതിനാല് പ്രാര്ത്ഥന ഒഴിവാക്കണമെന്നാണ് മെഹ്റിന്റെ വാദം. ഈ മാറ്റത്തിനായി ഞങ്ങള് തുടര്ന്നും ശ്രമിക്കുമെന്നും അവര് പറഞ്ഞു. നിലവില്, ന്യൂ സൗത്ത് വെയില്സ് പാര്ലമെന്റിന്റെ പ്രവൃത്തിദിനം ആരംഭിക്കുന്നത് കര്ത്താവിന്റെ പ്രാര്ത്ഥനയോടെയാണ്. ഓസ്ട്രേലിയന് ക്യാപിറ്റല് ടെറിട്ടറി സംസ്ഥാന പാര്ലമെന്റ് ഒഴികെ എല്ലാ ഓസ്ട്രേലിയന് പാര്ലമെന്റുകളിലും കര്ത്താവിന്റെ പ്രാര്ത്ഥന ചൊല്ലുന്നുണ്ട്.
പാലസ്തീന് രാഷ്ട്രത്തെ ഓസ്ട്രേലിയ അംഗീകരിക്കണമെന്ന് സമ്മര്ദം ചെലുത്തുന്ന സെനറ്റര്മാരില് മുന്നിരയില് മെഹ്റിന് ഫാറൂഖിയുമുണ്ട്. നേരത്തെ വിക്ടോറിയ സംസ്ഥാനത്ത് ‘സ്വര്ഗസ്ഥനായ പിതാവേ…’ എന്ന പ്രാര്ഥന പാര്ലമെന്റില്നിന്നു നീക്കം ചെയ്യാനുള്ള പ്രമേയം ദയനീയമായി പരാജയപ്പെട്ടിരുന്നു. വിശ്വാസികളുടെ കടുത്ത പ്രതിഷേധത്തെതുടര്ന്നാണ് അന്ന് ആ നീക്കം പരാജയപ്പെട്ടത്.
Sources:christiansworldnews
us news
പ്രതീക്ഷിക്കാതെ സംഭവിക്കുന്നതിൽ നിന്ന് ദൈവം മാത്രമാണ് രക്ഷിക്കുന്നതെന്ന് ട്രംപ്
![](https://theendtimenews.com/wp-content/uploads/2024/07/Trump.jpg)
യു.എസ് : പ്രതീക്ഷിക്കാത്ത സംഭവിത്തിൽ നിന്ന് ദൈവം മാത്രമാണ് രക്ഷിക്കുന്നത്. നിങ്ങളുടെ നിലപാടുകൾക്കും പ്രാർത്ഥനകൾക്കും എല്ലാവർക്കും നന്ദി. നാം ഭയപ്പെടേണ്ടതില്ല, പകരം നമ്മുടെ വിശ്വാസത്തിൽ ഉറച്ചുനിൽക്കുകയും ദുഷ്ടതയ്ക്കെതിരെ പ്രതികരിക്കുകയും ചെയ്യുമെന്ന് മുൻ പ്രസിഡന്റ്ട്രംപ് പറഞ്ഞു.
ഞാൻ നമ്മുടെ രാജ്യത്തെ സ്നേഹിക്കുകയും നിങ്ങളെ എല്ലാവരെയും സ്നേഹിക്കുകയും ചെയ്യുന്നു, വിസ്കോൺസിനിൽ നിന്ന് ഈ ആഴ്ച നമ്മുടെ മഹത്തായ രാഷ്ട്രത്തോട് സംസാരിക്കാൻ ഞാൻ ആഗ്രഹിക്കുന്നുവെന്നും അദ്ദേഹം കൂട്ടിച്ചേർത്തു.
Sources:christianlive
us news
ചെറുകര മുതല് ഒക്കലഹോമ വരെ പ്രകാശനം ചെയ്തു
![](https://theendtimenews.com/wp-content/uploads/2024/07/Cherukara-muthal-Okalahoma.jpg)
ഒക്കലഹോമ:ഒക്കലഹോമ സിറ്റിയിലെ ആദ്യകാല മലയാളി പെന്തക്കോസ്ത് ശുശ്രൂഷകരിലൊരാളായ പാസ്റ്റര് കെ എം ചാക്കോയുടെ ജീവചരിത്ര ഗ്രന്ഥം ചെറുകര മുതല് ഒക്കലഹോമ വരെ പ്രകാശനം ചെയ്തു.ഹാല്ലേല്ലൂയ്യാ പത്രാധിപരും ഗ്രന്ഥകാരനുമായ സാംകുട്ടി ചാക്കോ നിലമ്പൂരാണ് പുസ്തകരചന നിര്വഹിച്ചിരിക്കുന്നത്.
ജൂണ് 23ന് ഒക്കലഹോമയിലെ പ്രയ്സ് ടാബര്നാക്കിള് ചര്ച്ചില് നടന്ന പ്രകാശന ചടങ്ങുകള്ക്ക് പാസ്റ്റര് ജോസ് എബ്രഹാം അദ്ധ്യക്ഷത വഹിച്ചു.പാസ്റ്റര് സാംകുട്ടി ചാക്കോ മുഖ്യ പ്രഭാഷണം നടത്തി. പാസ്റ്റര് ജോസ് എബ്രഹാമില് നിന്ന് പാസ്റ്റര് സന്തോഷ് കോശി ഈശോ പ്രഥമ കോപ്പി ഏറ്റുവാങ്ങി. പാസ്റ്റര് കെ എം ചാക്കോ മറുപടി പ്രസംഗവും വര്ഗീസ് ജോസഫ്, സാബു വര്ഗീസ് എന്നിവര് ആശംസാ പ്രസംഗങ്ങളും നടത്തി. മക്കളായ കെ സി മാത്യൂ(ജയിംസ്) പ്രസാദ് ജേക്കബ് എന്നിവര് കൃതജ്ഞതാ രേഖപ്പെടുത്തി.
റാന്നി ഏഴോലി സ്വദേശികളായ കെ എം ചാക്കോ മാര്ത്തോമ സഭയില് നിന്ന് വിശ്വാസത്തിലേക്ക് വരികയും ബാംഗ്ലൂര് എസ് എ ബി സി യില് പഠനം നടത്തുകയും ചെയ്തു.
അസംബ്ലീസ് ഓഫ് ഗോഡിലെ ആദ്യകാല സി എ പ്രസിഡന്റും ബഥേല് ബൈബിള് കോളേജ് അധ്യാപകനുമായിരുന്ന പാസ്റ്റര് കെ എം ചാക്കോ 1970 ല് അമേരിക്കയിലേക്ക് കുടിയേറി. ഒക്കലഹോമയിലെ ആരംഭകാല മലയാളി ദൈവദാസന്മാരില് പ്രമുഖനാണ് ഇദ്ദേഹം. സയോണ് പെന്തക്കോസ്ത് സഭയുടെ സ്ഥാപകരിലൊരാളും ദീര്ഘകാലം സീനിയര് ശുശ്രൂഷകനുമായിരുന്നു.
പുസ്തകത്തിന്റെ കോപ്പികള് തിരുവല്ലയിലെ ഹാലേല്ലൂയ്യാ ഓഫീസില് നിന്നും അമേരിക്കയില് പിസിനാക്ക്, എജി ഫാമിലി കോണ്ഫറന്സ് എന്നിവിടങ്ങളിലെ ഹാലേല്ലൂയ്യാ സ്റ്റാളുകളിലും ലഭിക്കും.
Sources:onlinegoodnews
-
us news11 months ago
നോര്ത്ത് അമേരിക്കന് പെന്തക്കോസ്തല് റൈറ്റേഴ്സ് ഫോറം; അറ്റ്ലാന്റാ ചാപ്റ്ററിന് പുതിയ ഭാരവാഹികള്
-
world news12 months ago
37 Christians Killed in Nigeria in Three Weeks
-
National10 months ago
ബൈബിൾ വിതരണം ചെയ്യുന്നതും നല്ല മൂല്യങ്ങൾ പഠിപ്പിക്കുന്നതും മതപരിവർത്തനമല്ല: അലഹബാദ് ഹൈക്കോടതിയുടെ നിര്ണ്ണായക വിധി
-
Hot News12 months ago
ഫോണെടുക്കുന്നില്ലെന്ന,പരാതി ഇനി വേണ്ട.. വൈദ്യുതി സംബന്ധമായ പരാതി നല്കാൻ ട്രോള് ഫ്രീ നമ്പര് അവതരിപ്പിച്ച് കെഎസ്ഇബി
-
world news9 months ago
50 രാജ്യങ്ങളിലേക്ക് കുവൈത്ത് പൗരന്മാർക്ക് വിസയില്ലാതെ സഞ്ചരിക്കാം
-
National5 months ago
നെയ്തേലിപ്പടി ക്രൂസേഡിന് അനുഗ്രഹീത സമാപ്തി
-
Life11 months ago
സൂര്യനെ ലക്ഷ്യമിട്ട് കുതിച്ച് ആദിത്യ എൽ1; ഇന്ത്യയുടെ ആദ്യ സൗരദൗത്യം വിജയകരം
-
National9 months ago
Pentecostal mission center demolished in India; pastor, 17 others arrested