Business
ബാങ്ക് ജീവനക്കാരുടെ കുടുംബപെൻഷൻ അവസാന ശമ്പളത്തിന്റെ 30% ആക്കി; 9,284ല്നിന്ന് 35,000 രൂപ വരെ ഉയരും
![](https://theendtimenews.com/wp-content/uploads/2021/08/pension.jpg)
മുംബൈ:രാജ്യത്തെ പൊതുമേഖലാ ബാങ്ക് ജീവനക്കാരുടെ കുടുംബ പെൻഷൻ അവസാന ശമ്പളത്തിന്റെ 30 ശതമാനമായി കേന്ദ്രസർക്കാർ ഉയർത്തി. പൊതുമേഖലാ ബാങ്കുകളുടെ സേവനം മെച്ചപ്പെടുത്തുന്നതിനും സംശുദ്ധ സ്മാർട്ട് ബാങ്കിങ് ലക്ഷ്യമിട്ടുമുള്ള ഭേദഗതികളടങ്ങിയ ‘ഈസ് 4.0’ (എൻഹാൻസ്ഡ് ആക്സസ് ആൻഡ് സർവീസ് എക്സലൻസ്) നയം മുംബൈയിൽ പുറത്തിറക്കിക്കൊണ്ടാണ് ധനമന്ത്രി ഇതു പ്രഖ്യാപിച്ചത്. ഇതോടൊപ്പം ബാങ്ക് ജീവനക്കാരുടെ ദേശീയ പെൻഷൻ പദ്ധതി (എൻ.പി.എസ്.) യിലേക്കുള്ള ബാങ്കുകളുടെ വിഹിതം പത്തുശതമാനത്തിൽനിന്ന് 14 ശതമാനമായി ഉയർത്തുകയും ചെയ്തു.
പ്രഖ്യാപനമനുസരിച്ച് ബാങ്ക് ജീവനക്കാരുടെ കുടുംബ പെൻഷന് മുമ്പുണ്ടായിരുന്ന 9,284 രൂപയെന്ന പരിധി ഇല്ലാതാകും. അവസാന ശമ്പളത്തിന്റെ 30 ശതമാനമാക്കിയതോടെ 30,000 രൂപ മുതൽ 35,000 രൂപ വരെ പെൻഷൻ ലഭ്യമാകുമെന്ന് ഫിനാൻസ് സെക്രട്ടറി ദേബാശിഷ് പാണ്ഡ വ്യക്തമാക്കി.
ബാങ്കുകളുടെ സാമ്പത്തിക പ്രകടനം വിലയിരുത്തുന്നതിനും കോവിഡ് മഹാമാരിയുടെ പ്രതിസന്ധി മറികടക്കുന്നതിൽ ഓരോ ബാങ്കും കൈവരിച്ച പുരോഗതി വിലയിരുത്തുന്നതിനുമായി ധനമന്ത്രി 12 പൊതുമേഖലാ ബാങ്കുകളുടെയും സി.ഇ.ഒ.മാരുമായി കൂടിക്കാഴ്ച നടത്തി. വടക്കു കിഴക്കൻ സംസ്ഥാനങ്ങൾ, ബംഗാൾ, ഒഡിഷ എന്നിവയ്ക്കായി പ്രത്യേക പദ്ധതികൾ രൂപവത്കരിക്കാൻ മന്ത്രി ബാങ്കുകളോട് അഭ്യർഥിച്ചു. ഇതോടൊപ്പം വായ്പവളർച്ച മെച്ചപ്പെടുത്തുന്നതിന് ജില്ലകൾ കേന്ദ്രീകരിച്ച് പദ്ധതികളൊരുക്കണം.
ബാങ്കുകളുടെ നേതൃത്വത്തിലുള്ള ആസ്തി പുനർനിർമാണ കമ്പനിയായ എൻ.എ.ആർ.സി.എലിന് ലൈസൻസ് ലഭിക്കാനായി ബാങ്കുകൾ റിസർവ് ബാങ്കിനെ സമീപിച്ചിട്ടുണ്ട്. ബാഡ് ബാങ്കിനു കൈമാറുന്ന കിട്ടാക്കടത്തിന് സർക്കാർ ഗ്യാരന്റി നിൽക്കുന്ന കാര്യം പരിഗണനയിലാണ്. തുടർച്ചയായി അഞ്ചുവർഷം നഷ്ടം വരുത്തിക്കൊണ്ടിരുന്ന പൊതുമേഖലാ ബാങ്കുകൾ ഇത്തവണ 31,817 കോടി രൂപ ലാഭമുണ്ടാക്കിയതായി മന്ത്രി പറഞ്ഞു.
ലോജിസ്റ്റിക് മേഖലയ്ക്കും കയറ്റുമതി മേഖലയ്ക്കും സമയാധിഷ്ഠിതമായി സഹായം ലഭ്യമാക്കുന്ന രീതിയിൽ പദ്ധതികൾ തയ്യാറാക്കാൻ കയറ്റുമതി പ്രോത്സാഹന ഏജൻസികൾ, ചേംബർ ഓഫ് കൊമേഴ്സ് ആൻഡ് ഇൻഡസ്ട്രി എന്നിവയുമായി ചേർന്ന് പ്രവർത്തിക്കാനും ബാങ്കുകളോട് നിർദേശിച്ചിട്ടുണ്ട്. ഇന്ത്യൻ കമ്പനികൾ വിദേശ വിപണിയിൽ ലിസ്റ്റ് ചെയ്യുന്നതിനുള്ള മാർഗനിർദേശങ്ങളും ചട്ടങ്ങളും അടുത്ത ബജറ്റിൽ പ്രഖ്യാപിക്കുമെന്നും മന്ത്രി അറിയിച്ചു.
കടപ്പാട് :കേരളാ ന്യൂസ്
Business
യുപിഐ ആപ്ലിക്കേഷൻ വഴിയുള്ള പണമിടപാടിന് ഖത്തറിലും സൗകര്യമൊരുങ്ങുന്നു
![](https://theendtimenews.com/wp-content/uploads/2024/07/UPI.jpg)
ദോഹ : ഇന്ത്യയിൽ വ്യാപകമായി ഉപയോഗിക്കപ്പെടുന്ന യുപിഐ ആപ്ലിക്കേഷൻ വഴിയുള്ള പണമിടപാടിന് ഖത്തറിലും സൗകര്യമൊരുങ്ങുന്നു. ക്യുആര് കോഡ് സ്കാൻ ചെയ്ത് പണമിടപാട് നടത്താവുന്ന ഈ സംവിധാനം ഖത്തറിലെ പ്രമുഖ ബാങ്കായ ഖത്തര് നാഷനൽ ബാങ്കാണ് നടപ്പിലാക്കുന്നത്. യുപിഐ സംവിധാനമൊരുക്കുന്നതിനായി ഖത്തര് നാഷനല് ബാങ്കും എന്പിസിഐ (നാഷനൽ പേയ്മെന്റ്സ് കോർപറേഷൻ ഓഫ് ഇന്ത്യ) ഇന്റര്നാഷണല് പേയ്മെന്റ് ലിമിറ്റഡും തമ്മില് ഇതുസംബന്ധിച്ച ധാരണയിലെത്തി.
ഇത് നിലവിൽ വരുന്നതോടെ ഇന്ത്യന് പ്രവാസികള്ക്കും വിനോദ സഞ്ചാരികള്ക്കും രാജ്യത്തുടനീളം യുപിഐ വഴി പണമിടപാട് നടത്താം. റസ്റ്ററന്റുകൾ, റീട്ടെയില് ഷോപ്പുകള്, ടൂറിസ്റ്റ് കേന്ദ്രങ്ങള്, ഡ്യൂട്ടി ഫ്രീ ഷോപ്പുകള് എന്നിവിടങ്ങളിലെല്ലാം ഈ സേവനം ലഭ്യമാകും. ഖത്തറിൽ ക്യുആർ കോഡ് ഉപയോഗിച്ച് പണം ഇടപാട് നടത്തുന്നവരുടെ ഇന്ത്യൻ ബാങ്ക് അക്കൗണ്ടിൽ നിന്ന് പണം നല്കാനാകും. ചുരുങ്ങിയ ദിവസത്തെ സന്ദർശനത്തിനായി ഖത്തറിൽ എത്തുന്ന ഇന്ത്യക്കാർക്ക് ഈ സംവിധാനം ഏറെ ഉപകാരപ്രദമാകും.
ഖത്തറിലെ റീട്ടെയില് -റസ്റ്ററന്റ് മേഖലകളില് ഇന്ത്യന് പ്രവാസി സംരംഭങ്ങള് ഏറെയുണ്ട്. ഇവര്ക്കെല്ലാം ഈ സേവനം വലിയ രീതിയില് പ്രയോജനപ്പെടും. ഉപഭോക്താക്കള്ക്ക് മികച്ചതും വേഗത്തിലുമുള്ള സേവനം ലഭ്യമാക്കാന് എന്ഐപിഎല്ലുമായുള്ള ധാരണയിലൂടെ സാധ്യമാകുമെന്ന് ഖത്തര് നാഷനല് ബാങ്ക് സീനിയര് എക്സിക്യൂട്ടീവ് വൈസ് പ്രസിഡന്റ് ആദില് അലി അല് മാലികി പറഞ്ഞു.
Sources:globalindiannews
Business
റൂപേ കാര്ഡ് ഇടപാടുകള് ഇനി ചിപ്പ് വഴി മാത്രം
![](https://theendtimenews.com/wp-content/uploads/2024/07/RuPay-card.jpg)
കാര്ഡ് വഴിയുള്ള പണമിടപാടുകള്ക്ക് മാഗ്നെറ്റിക് സ്ട്രൈപ് സംവിധാനം ഇല്ലാതാകുന്നു. ഇനി ഇ.എം.പി ചിപ്പ് വഴിയുള്ള ഇടപാടുകളാകും നടക്കുക. ഇതിനായുള്ള ശ്രമങ്ങള് കമ്പനികള് നടത്തി തുടങ്ങി. സാമ്പത്തിക തട്ടിപ്പ് തടയാന് നാഷണല് പേയ്മെന്റ് കോര്പ്പറേഷന് ഓഫ് ഇന്ത്യയുടെതാണ് പുതിയ തീരുമാനം.
റൂപേ കര്ഡ് ഉപയോഗിച്ച് സൈ്വപ്പിംഗ് മെഷീനുകളിലെ പണമിടപാടുകള് ഇനി ഇ.എം.വി ചിപ്പുകള് വഴി മാത്രമാകും. അതായത് ജൂലൈ ഒന്നു മുതല് റുപേയ് ക്രെഡിറ്റ്/ഡെബിറ്റ് കാര്ഡുകളിലെ മാഗ്നറ്റിക് സ്ട്രൈപ് ഉപയോഗിച്ച് ഇന്ത്യക്കുള്ളിലെ സൈ്വപ്പിങ് മെഷീനുകളില് (പിഒഎസ്) പണമിടപാട് നടത്താനാകില്ല. പകരം റൂപേ കാര്ഡുകളിലെ ഇ.എം.വി ചിപ്പ് തന്നെ ഉപയോഗിക്കണ്ടേി വരും.
കാര്ഡുകളുടെ പിന്വശത്തു മുകളിലായി കാണുന്ന സ്ട്രൈപ്പില് ആണ് കാര്ഡിന്റെ വിവരങ്ങള് സൂക്ഷിക്കുന്നത്. ഇത് പകര്ത്തി വ്യാജ കാര്ഡ് ഉണ്ടാക്കി തട്ടിപ്പ് നടത്തുന്നതായി കണ്ടെത്തിയിരുന്നു. ഇതോടെയാണ് ഇ. എം. വി ചിപ്പുകള് കൂടി നിര്ബന്ധമാക്കിയത്. അതേസമയം അന്താരാഷ്ട്ര ഇടപാടുകള്ക്കും പ്രീപെയ്ഡ് റൂപേ കാര്ഡുകള്ക്കും മഗ്നറ്റിക് സ്ട്രൈപ്പ് സംവിധാനം തുടരും.
Sources:Metro Journal
Business
മൊബൈൽ ഫോൺ നിരക്ക് വർധിപ്പിച്ച് എയർടെല്ലും; 20 ശതമാനം വരെ വർധന
![](https://theendtimenews.com/wp-content/uploads/2021/05/airtel.jpg)
ജൂലൈ മൂന്ന് മുതല് മൊബൈല് നിരക്കുകളില് 10 മുതല് 21 ശതമാനം വരെ വര്ധന പ്രഖ്യാപിച്ച് ഭാരതി എയര്ടെല്. എതിരാളികളായ റിലയന്സ് ജിയോ നിരക്ക് കൂട്ടി മണിക്കൂറുകള്ക്കുള്ളിലാണ് എയര്ടെല്ലിന്റെയും തീരുമാനം. മറ്റൊരു ടെലികോം ഓപറേറ്ററായ വോഡഫോണ്-ഐഡിയയും അധികം വൈകാതെ നിരക്ക് വര്ധന പ്രഖ്യാപിക്കും. ഒരു ഉപയോക്താവില് നിന്നും ലഭിക്കുന്ന ശരാശരി വരുമാനം 300 രൂപയാക്കി നിലനിർത്തേണ്ടത് ഇന്ത്യയിലെ ടെലികോം ഓപ്പറേറ്റര്മാരുടെ നിലനില്പ്പിന് അത്യാവശ്യമാണെന്ന് ചൂണ്ടിക്കാട്ടിയാണ് എയര്ടെല്ലിന്റെ തീരുമാനം. നിലവില് ഒരാളില് നിന്നും ലഭിക്കുന്ന ശരാശരി വരുമാനം 181.7 രൂപയാണെന്നാണ് കണക്ക്. ഉപയോക്താക്കളുടെ സാമ്പത്തിക ഭാരം കുറയ്ക്കാന് കുറഞ്ഞ നിരക്കിലാണ് വര്ധനവെന്നും എയര്ടെല് വിശദീകരിക്കുന്നു.
പരിധിയില്ലാതെ കോളുകളും ഇന്റര്നെറ്റും ലഭിക്കുന്ന പ്ലാനുകളില് വലിയ മാറ്റമാണ് എയര്ടെല് വരുത്തിയത്. 179 രൂപയുടെ പ്ലാൻ ഇനി 199, 455ന്റെ പ്ലാൻ 509, 1799ന്റെ പ്ലാൻ 1999 എന്നിങ്ങനെയാകും.
479 രൂപയുടെ ഡെയ്ലി പ്ലാന് 579 രൂപയാക്കി, 20.8% വര്ധന. നേരത്തെ 265 രൂപയുണ്ടായിരുന്ന ഡെയ്ലി പ്ലാന് ഇപ്പോള് 299 രൂപയായി. 299ന്റെ പ്ലാന് 349 രൂപയും 359ന്റെ പ്ലാന് 409 രൂപയും 399ന്റേത് 449 രൂപയുമായി കൂട്ടി. 19 രൂപയുടെ ഒരു ജിബി ഡെയിലി ഡേറ്റ ആഡ് ഓണ് പ്ലാന് 22 രൂപയാക്കി.
Sources:Metro Journal
-
us news11 months ago
നോര്ത്ത് അമേരിക്കന് പെന്തക്കോസ്തല് റൈറ്റേഴ്സ് ഫോറം; അറ്റ്ലാന്റാ ചാപ്റ്ററിന് പുതിയ ഭാരവാഹികള്
-
world news12 months ago
37 Christians Killed in Nigeria in Three Weeks
-
National10 months ago
ബൈബിൾ വിതരണം ചെയ്യുന്നതും നല്ല മൂല്യങ്ങൾ പഠിപ്പിക്കുന്നതും മതപരിവർത്തനമല്ല: അലഹബാദ് ഹൈക്കോടതിയുടെ നിര്ണ്ണായക വിധി
-
Hot News12 months ago
ഫോണെടുക്കുന്നില്ലെന്ന,പരാതി ഇനി വേണ്ട.. വൈദ്യുതി സംബന്ധമായ പരാതി നല്കാൻ ട്രോള് ഫ്രീ നമ്പര് അവതരിപ്പിച്ച് കെഎസ്ഇബി
-
world news9 months ago
50 രാജ്യങ്ങളിലേക്ക് കുവൈത്ത് പൗരന്മാർക്ക് വിസയില്ലാതെ സഞ്ചരിക്കാം
-
National5 months ago
നെയ്തേലിപ്പടി ക്രൂസേഡിന് അനുഗ്രഹീത സമാപ്തി
-
Life11 months ago
സൂര്യനെ ലക്ഷ്യമിട്ട് കുതിച്ച് ആദിത്യ എൽ1; ഇന്ത്യയുടെ ആദ്യ സൗരദൗത്യം വിജയകരം
-
National9 months ago
Pentecostal mission center demolished in India; pastor, 17 others arrested