Media
ചർച്ച് ഓഫ് ഗോഡ് കേരളാ സ്റ്റേറ്റ് പ്രെയർസെൽ ഡിപ്പാർട്ട്മെന്റ് 15 മണിക്കൂർ ചെയിൻ പ്രെയർ മീറ്റിംഗ് ഒക്ടോബർ 23 ന്
ചർച്ച് ഓഫ് ഗോഡ് കേരളാ സ്റ്റേറ്റ് പ്രെയർ സെൽ ഡിപ്പാർട്ട്മെന്റിന്റെ ആഭിമുഖ്യത്തിൽ 2021 ഒക്ടോബർ 23 ശനിയാഴ്ച രാവിലെ 6 മണി മുതൽ രാത്രി 9 മണി വരെയുള്ള 15 മണിക്കൂർ ചെയിൻ പ്രെയർ Zoom (സൂം) ഫ്ലാറ്റ്ഫോമിൽ കൂടി നടത്തപ്പെടുന്നു. ദൈവസഭയുടെ 94 സെന്ററുകളിൽ നിന്നും ഓരോ മണിക്കൂറും 6 സെന്ററുകൾ വീതം ഈ പ്രാർത്ഥനാ ചങ്ങലയിൽ കണ്ണികളാകും. അന്നേദിവസം രാത്രി 8 മണി മുതൽ നടക്കുന്ന സമാപന യോഗത്തിൽ സ്റ്റേറ്റ് ഓവർസിയർ റവ. സി.സി. തോമസ് തിരുവചന സന്ദേശം നല്കും. പ്രെയർസെൽ ഡിപ്പാർട്ട്മെന്റ് ഡയറക്ടർ പാസ്റ്റർ സജി ജോർജ്, സെക്രട്ടറി പാസ്റ്റർ അനീഷ് ഏലപ്പാറ എന്നിവർ നേതൃത്വം നല്കും. ഏവരും പ്രാർത്ഥനാപൂർവ്വം പങ്കെടുത്താലും.
Zoom ലിങ്ക്
httpss://us02web.zoom.us/j/9411168812?pwd=bFE4Y0ZWNjdLcGx4emJoWEk0VWlZdz09
15 മണിക്കൂർ പ്രാർത്ഥന◾
? പ്രാർത്ഥനാവിഷയങ്ങൾ?
➡️ ആഗോളവ്യാപകമായ ഒരു ഉണർവ്വിനു വേണ്ടി..
➡️ ദൈവസഭയിലെ എല്ലാ ദൈവദാസന്മാരെയും ദൈവമക്കളെയും ദൈവം ശക്തമായി ഉപയോഗിക്കേണ്ടതിനായി..
➡️ ദൈവസഭയിലുള്ള എല്ലാ ദൈവമക്കളും പരിശുദ്ധാത്മാവിന്റെ നിറവു പ്രാപിക്കേണ്ടതിനായും, ആത്മാവിന്റെ ഫലം പുറപ്പെടുവിക്കുന്നവരായിത്തീരേണ്ടതിനും..
➡️ ദൈവസഭയുടെ ആത്മീക, ഭൗതീക ഉന്നമനത്തിനായി..
➡️ ദൈവസഭയുടെ സ്റ്റേറ്റ് ഓവർസിയർ, കുടുംബം, സ്റ്റേറ്റ് കൗൺസിൽ അംഗങ്ങൾ, ബിലിവേഴ്സ് ബോർഡ്, ഡിപ്പാർട്ട്മെന്റ് ഹെഡ്സ് എന്നിവരെ ഓർത്തും, അവരുടെ കുടുംബാംഗങ്ങളെ ഓർത്തും..
➡️ നമ്മുടെ എല്ലാ സെന്റർ ശുശ്രൂഷകന്മാരെയും, അവരുടെ കുടുംബങ്ങളെയും, എല്ലാ പ്രാദേശിക ശുശ്രൂഷകന്മാരെയും, അവരുടെ കുടുംബങ്ങളെയും, ദൈവസഭയിലെ എല്ലാ വിശ്വാസികളെയും ഓർത്ത്..
➡️ യോവേൽ പ്രവാചകൻ കണ്ടതുപോലെ ഈ കാലഘട്ടത്തിൽ നമ്മുടെ പുത്രീപുത്രന്മാർ പ്രവചിക്കുന്നവരാകുവാനും, ആത്മാഭിഷേകം പ്രാപിക്കേണ്ടതിനായും..
➡️ നമ്മുടെ കുഞ്ഞുങ്ങൾ വിദ്യാഭ്യാസ മേഖലയിൽ ഉന്നതി പ്രാപിക്കുവാനും, തെറ്റായ ബന്ധങ്ങളിൽ അകപ്പെട്ടു പോകാതിരിക്കുവാനും..
➡️ കുടുംബബന്ധങ്ങൾ തകർന്നുകൊണ്ടിരിക്കുന്ന ഈ കാലഘട്ടത്തിൽ നമ്മുടെ കുടുംബങ്ങളുടെ ഭദ്രതയ്ക്കും അനുഗ്രഹത്തിനും വേണ്ടി..
➡️ ദൈവകൃപയിൽ നിന്നും പിന്മാറിപ്പോയ ദൈവദാസന്മാരും, ദൈവമക്കളും യഥാസ്ഥാനപ്പെട്ടു മടങ്ങിവരുവാൻ..
➡️വാഹനാപകടങ്ങളിൽ നിന്ന് ദൈവദാസന്മാരും ദൈവമക്കളും വിടുവിക്കപ്പെടുവാനും, ആത്മഹത്യ, കൊലപാതകം എന്നിവ സംഭവിക്കാതിരിക്കുവാനും വേണ്ടി..
➡️ ഏകരായി വിശ്വാസത്തിൽ വന്നവരുടെ നിലനില്പ്പിനും, വിവാഹ പ്രായമായ സഹോദരീ സഹോദരന്മാർക്ക് തക്ക തുണകളെ ലഭിക്കുവാനും..
➡️ കടഭാരങ്ങളിലൂടെ കടന്നുപോകുന്നവർക്കു വേണ്ടി, വീടില്ലാത്തവർക്കു വേണ്ടി, തലമുറകളില്ലാത്തവർക്കുവേണ്ടി..
➡️ സ്വന്തമായി സ്ഥലം, സഭാഹോൾ, പാഴ്സനേജ്, സെമിത്തേരി എന്നിവ ഇല്ലാത്ത സഭകൾക്ക് ഈ വർഷം തന്നെ അവ ലഭിക്കുവാൻ..
➡️ വർഷങ്ങളായി രോഗികളായി കഴിയുന്ന ദൈവദാസീദാസന്മാരുടെ സൗഖ്യത്തിനായും, മാരക രോഗങ്ങളിൽ നിന്നും ദൈവം തന്റെ ജനത്തെ വിടുവിക്കേണ്ടതിനായും..
➡️ കോവിഡ് മഹാമാരിയെ ദൈവം തുടച്ചുനീക്കേണ്ടതിനായും, ലോക ജനതയെ രക്ഷിക്കേണ്ടതിനായും..
➡️ വർഷംതോറും കേരള ജനത നേരിടുന്ന പ്രളയങ്ങൾ, പേമാരികൾ, ഉരുൾപൊട്ടലുകൾ തുടങ്ങിയ പ്രകൃതിക്ഷോഭങ്ങളിൽ നിന്നും വിടുതൽ ലഭിക്കുവാൻ..
➡️ ഇന്ത്യൻ രാഷ്ട്രപതി, ഉപരാഷ്ട്രപതി, പ്രധാനമന്ത്രി, ക്യാബിനറ്റ് മന്ത്രിമാർ, ഗവർണർമാർ, സംസ്ഥാനങ്ങൾ ഭരിക്കുന്ന മുഖ്യമന്ത്രിമാർ, എം. പി.മാർ, എം. എൽ. എ.മാർ, എന്നിവരെ ഓർത്ത്..
➡️ നമ്മുടെ സഭകളിൽ പുതിയ കുടുംബങ്ങൾ വന്നുചേരുവാൻ, സ്നാനങ്ങൾ നടക്കുവാൻ, സഭകൾക്കെതിരെയുള്ള പൈശാചിക പ്രവൃത്തികൾ നിർവ്വീര്യമാകുവാൻ..
➡️ സഭകളിൽ ഐക്യതയും ദൈവസ്നേഹവും ദൈവകൃപയും നിറഞ്ഞൊഴുകുവാൻ..
➡️ സുവിശേഷ വിരോധികൾ രക്ഷിക്കപ്പെട്ട് ക്രിസ്തു ശിഷ്യരായിത്തീരുവാൻ..
➡️ ലോകത്തെ തീവ്രവാദസംഘങ്ങളിൽ നിന്നു വിടുവിക്കുവാനും, സാത്താൻ സേവക്കാരും, സാത്താന്യ ആരാധനക്കാരും മാനസാന്തരപ്പെടുവാനും, അവർ സുവിശേഷ വക്താക്കളായിത്തീരുവാനും വേണ്ടി..
➡️ കർത്താവിന്റെ വരവിനായി സഭ ഒരുക്കപ്പെടുവാനും, ജീവിത വിശുദ്ധിയിലും, ഉപദേശ അടിസ്ഥാനത്തിലും ഉറച്ചു നില്ക്കേണ്ടതിനായും..
➡️ പ്രെയർസെൽ ഡിപ്പാർട്ട്മെന്റിന്റെ പ്രവർത്തനങ്ങൾക്കായും, ബോർഡ് അംഗങ്ങൾക്കായും..
➡️ നമ്മുടെ ഓരോ കുടുംബങ്ങളിൽ നിന്നും ശക്തരായ പ്രാർത്ഥനാവീരർ എഴുന്നേല്ക്കേണ്ടതിനായി..
➡️ 2022-ൽ നടക്കാൻ പോകുന്ന നമ്മുടെ ജനറൽ കൺവൻഷന്റെ അനുഗ്രഹത്തിനായി നമുക്കു പ്രാർത്ഥിക്കാം?.
Articles
അനുദിന ജീവിതത്തിൽ നീതിയും ന്യായവും ഉള്ളവരായിരിക്കുക
ദൈവത്തിന്റെ മുഖ്യ ഗുണങ്ങളിൽ ഒന്നാണ് നീതി. കർത്താവ് നീതിയും ന്യായവും ഇഷ്ടപ്പെടുന്നു എന്ന് സങ്കീർത്തനം 33:5 ൽ പറയുന്നു. ന്യായം ദൈവത്തിന്റെ നീതിയുടെ ഒരു അനിവാര്യ ഘടകമാണ്. യേശു ഭൂമിയിലായിരുന്നപ്പോൾ നീതിയും ന്യായവും സംബന്ധിച്ച ദൈവത്തിന്റെ നിലവാരങ്ങളെ യേശു പൂർണമായി പ്രതിഫലിപ്പിച്ചു. ദൈവത്തെക്കുറിച്ചുള്ള ന്യായവും കരുണാപൂർവമായ നീതിയും സമറിയാക്കാരനെക്കുറിച്ചുള്ള യേശു ഉപമയിലൂടെ വെളിപ്പെടുത്തി. തനിക്കു പരിചയമില്ലാഞ്ഞ, പരുക്കേറ്റ ഒരു മനുഷ്യനെ സഹായിക്കുകവഴി സമറിയാക്കാരൻ നീതിയും ന്യായവുമുള്ള കാര്യമാണു ചെയ്തത്.
ലോകത്തിന്റെ നീതിയും ന്യായവും ഒരു വാളും ഒരു തുലാസും കയ്യിൽ പിടിച്ചിരിക്കുന്ന, കണ്ണു മൂടി കെട്ടിയിരിക്കുന്ന ഒരു സ്ത്രീയായി ചിത്രീകരിക്കുന്നുണ്ട്. മനുഷ നീതി മുഖപക്ഷമില്ലാത്തതായിരിക്കാൻ, അതായത് സമ്പത്തോ സ്വാധീനമോ സംബന്ധിച്ച് അന്ധമായിരിക്കാനാണ് ഇത് കൊണ്ട് ഉദ്ദേശിക്കപ്പെടുന്നത്. പ്രതിയുടെ കുറ്റമോ നിഷ്കളങ്കതയോ അതു ശ്രദ്ധാപൂർവം തുലാസിൽ തൂക്കിനോക്കണം. വാളുകൊണ്ട്, നീതി നിഷ്കളങ്കരെ സംരക്ഷിക്കുകയും കുറ്റം ചെയ്തവരെ ശിക്ഷിക്കുകയും ചെയ്യുന്നു. എന്നാൽ ലോകത്തിലെ നീതിയും ന്യായവും പലപ്പോഴും സമ്പത്തിനാലും അധികാരത്തിനാലും സ്വാധിനിക്കപ്പെടുന്നു
ഭൂമിയിലായിരുന്നപ്പോൾ യേശു നീതിയുക്തവും ന്യായവുമായ മനോഭാവം പ്രകടമാക്കുകയുണ്ടായി. അവൻ നീതിമാനും ന്യായമുള്ളവനുമായിരുന്നു. മാത്രമല്ല, സഹായമാവശ്യമുണ്ടായിരുന്ന ആളുകൾക്കായി, കഷ്ടപ്പാടിനും രോഗത്തിനും മരണത്തിനും അടിപ്പെട്ടവരായിരുന്ന പാപികളായ മനുഷ്യർക്കായി, യേശു തന്റെ ജീവൻ നൽകി. ക്രിസ്തുവിനെ പോലെ നാം നമ്മുടെ അനുദിന ജീവിതത്തിൽ നീതിയും ന്യായവും ഉള്ളവരായിരിക്കുക. അതുപോലെ അർഹിക്കുന്ന വ്യക്തികൾക്കും നീതിയും ന്യായവും നടത്തി കൊടുക്കുക
Sources:marianvibes
Articles
ദൈവമുൻപാകെ വിനീതർക്കാണ് ദൈവം കൃപ പ്രധാനം ചെയ്യുന്നത്
ലോകദൃഷ്ടിയിൽ നീതി എന്ന വാക്കുകൊണ്ട് അർത്ഥമാക്കുന്നത് ഓരോരുത്തർക്കും അർഹമായത് അവരവർക്ക് ലഭിക്കുന്നതിനെയാണ്. എന്നാൽ ദൈവത്തിന്റെ നീതിയും നമ്മുടെ അർഹതയും തമ്മിൽ യാതൊരു ബന്ധവുമില്ലെന്നതാണ്. കാരണം, ഒരു കൈ കൊണ്ടു തലോടുകയും മറുകൈകൊണ്ട് തലയെടുക്കുകയും ചെയ്യുന്ന ദൈവമല്ല നമ്മുടെ ദൈവം. യേശു നമുക്ക് വെളിപ്പെടുത്തിത്തന്ന ദൈവം സ്നേഹമാണ്. ദൈവത്തിന്റെ നീതി അവിടുത്തെ സ്നേഹത്തിന്റെയും കരുണയുടെയും ഒരു ഭാഗമാണ്, മനുഷ്യരെ നീതീകരിച്ച് ദൈവരാജ്യത്തിന് അർഹമാക്കുവാനുള്ള ഒരു മാർഗ്ഗമാണ്. ദൈവത്തിന്റെ നീതി ശരിതെറ്റുകൾ വിലയിരുത്തി നിഷ്പക്ഷമായി വിധിക്കുന്ന ഒന്നല്ല; എന്തുവലിയ പാപം ചെയ്തിട്ടും തന്റെ മുൻപിൽ വരുന്നവരോട് യാതൊരു വിധത്തിലുള്ള നിബന്ധനകളുമില്ലാതെ ക്ഷമിച്ച്, അവർ നഷ്ടപ്പെടുത്തിക്കളഞ്ഞ അവകാശങ്ങൾ പൂർണ്ണമായും പുനസ്ഥാപിച്ചു നൽകുന്നതാണ് ദൈവത്തിന്റെ നീതി.
ദൈവത്തിന്റെ കരുണ ദൈവത്തിന്റെ ദാനമാണ്. അര്ഹതയില്ലാത്തത് ഒരാള് നമുക്കായി ചെയ്തുതരുമ്പോള് നമുക്ക് ആ വ്യക്തിയോട് കടപ്പാടും സ്നേഹവും നന്ദിയും തോന്നുന്നതുപോലെ അര്ഹതയില്ലാത്ത കരുണ നമുക്ക് ലഭിക്കുന്നതുവഴി നാം ദൈവത്തോട് കൂടുതല് നന്ദിയുള്ളവരായിരിക്കുക. അനുതപിക്കുക. പാപം ചെയ്യാതിരിക്കുക. അതിനാണ് ദൈവകരുണ. അർഹത ഇല്ലാഞ്ഞിട്ടും ദൈവം കരുണ കാണിച്ചതു പോലെ നാം മറ്റുള്ളവരോടും കരുണ കാണിക്കുക
ദൈവത്തിൻറെ മുൻപാകെ നാം ഒരോരുത്തരും വിനീതരാകുക. ദൈവമുൻപാകെ വിനിതർക്കാണ് ദൈവം കൃപ പ്രധാനം ചെയ്യുന്നത് പലപ്പോഴും ദൈവം നൽകിയ നന്മകളെ നാം സ്വന്തം കഴിവുകൾ കൊണ്ട് നേടിയത് ആണെന്ന് അഹങ്കരിക്കാറുണ്ട് എന്നാൽ നമുക്ക് കിട്ടിയത് എല്ലാം ദൈവത്തിന്റെ ദാനമാണ് എന്ന് നാം തിരിച്ചറിയുക. നീതി പ്രവര്ത്തിക്കുക; കരുണ കാണിക്കുക; ദൈവത്തിന്റെ സന്നിധിയില് വിനീതനായി ചരിക്കുക ഇതു കൂടാതെ വചനത്തിൽ അധിഷ്ഠിതമായ ജീവിതവും കർത്താവ് നമ്മിൽ നിന്ന് ആഗ്രഹിക്കുന്നു
Sources:marianvibes
Articles
കർത്താവ് നമ്മളെ ഒരു പ്രതിസന്ധിയിലും കൈവിടാതെ നമ്മളെ ചേർത്ത് പിടിക്കുന്ന ദൈവം ആണ്
ജീവിതത്തിൽ ഉറ്റവരും സ്നേഹിതരും കൈവിട്ടാലും കൈവിടാത്ത ദൈവം ആണ് നമ്മുടെ ദൈവം. ഭൂമിയിലെ ബന്ധങ്ങളിൽ ഏറ്റവും പവിത്രമായ ബന്ധമാണ് അമ്മയും കുഞ്ഞും തമ്മിലുള്ള ബന്ധം. അമ്മ തന്റെ കുഞ്ഞിനെ മറന്നാലും ആ കുഞ്ഞിനെ ദൈവം മറക്കുകില്ല എന്നാണ് ദൈവം അരുളിച്ചെയ്യുന്നത്. ദൈവത്തിന്റെ സ്നേഹം അമ്മയുടെ സ്നേഹത്തേക്കാൾ വലുതാണ്. സൃഷ്ടിച്ച ദൈവത്തിന് ഒരുനാളും നമ്മെ കൈവിട്ടു കടന്നു പോകുവാൻ സാധ്യമല്ല. കൂരിരുൾ താഴ്വരയിലൂടെ നാം നടന്നാലും, അവിടുന്ന് നമ്മോടു കൂടെ നടക്കുന്നവനാണ് നമ്മുടെ ദൈവം.
ദൈവം നമ്മെ ഒരിക്കലും ഒറ്റയ്ക്കാക്കി മാറി നിൽക്കുന്നില്ല; മറിച്ച്, നമ്മോടുകൂടെ സദാ ആയിരിക്കുവാൻ അവിടുത്തെ ഏകജാതനെ നമുക്കായി നൽകി, അവന്റെ പേര് ഇമ്മാനുവേൽ എന്നാണ്. ഇമ്മാനുവേൽ എന്ന പേരിന്റെ അർത്ഥം ദൈവം നമ്മോടുകൂടെ ഉണ്ട് എന്നാണ്. നമ്മോടു കൂടെയുള്ള ദൈവം ഒരിക്കലും നമ്മെ തനിച്ചാക്കി മാറി നിൽക്കുന്നില്ല. നമുക്കുചുറ്റും നടക്കുന്നതെല്ലാം നിശ്ചയമായും ദൈവം കാണുന്നു. നാം നമ്മുടെ പ്രതിസന്ധികളെ കാണുന്നതു പോലെതന്നെ അവിടുന്ന് അവയെ കാണുന്നു. ജീവിതത്തിൽ പ്രിയപ്പെട്ടവർ പലരും നമ്മളെ പ്രതിസന്ധിഘട്ടങ്ങളിൽ കൈവിട്ടേക്കാം എന്നാൽ കർത്താവ് നമ്മളെ ഒരു പ്രതിസന്ധിയിലും കൈവിടാതെ നമ്മളെ ചേർത്ത് പിടിക്കുന്ന ദൈവം ആണ്.
ജീവിതത്തിൽ പലപ്പോഴും നമ്മുടെ പ്രതിസന്ധി കാലഘട്ടങ്ങളിൽ നമുക്ക് തോന്നിയേക്കാം ദൈവം നമ്മുടെ കൂടെ ഇല്ലെന്ന് എന്നാൽ ദൈവം നമ്മുടെ കൂടെ തന്നെ ഉണ്ട് അവൻ നമ്മെ ഒരിക്കലും തനിച്ചാക്കി മാറിനിൽക്കുന്നവനല്ല. നമ്മുടെ ജീവിതത്തിൽ പലപ്പോഴും ദൈവം അനുവദിക്കുന്ന ഒറ്റപ്പെടലുകൾ നേരിടേണ്ടി വന്നേക്കാം എന്നാൽ ഈ ഒറ്റപ്പെടലുകൾ ഒന്നും നമ്മെ തളർത്താൻ അല്ല വളർത്താനാണ്. കർത്താവേ എന്ന ഒരു വിളി മാത്രം മതി അവൻ നമ്മുടെ അടുത്ത് ഓടി എത്തും.
Sources:marianvibes
-
us news10 months ago
നോർത്ത് അമേരിക്കൻ പെന്തക്കോസ്തൽ റൈറ്റേഴ്സ് ഫോറം : രാജൻ ആര്യപ്പള്ളി പ്രസിഡന്റ്; നിബു വെള്ളവന്താനം സെക്രട്ടറി
-
us news8 months ago
നോര്ത്ത് അമേരിക്കന് പെന്തക്കോസ്തല് റൈറ്റേഴ്സ് ഫോറം; അറ്റ്ലാന്റാ ചാപ്റ്ററിന് പുതിയ ഭാരവാഹികള്
-
us news11 months ago
‘The Biggest Water Baptism in History’: 4,166 Baptized at Historic Beach from Jesus Movement
-
world news11 months ago
Muslim Husband Found Out His Wife Became a Christian; He Beat Her, Starved Her and Left Her in a Wild Animal Park—But God…
-
National8 months ago
ബൈബിൾ വിതരണം ചെയ്യുന്നതും നല്ല മൂല്യങ്ങൾ പഠിപ്പിക്കുന്നതും മതപരിവർത്തനമല്ല: അലഹബാദ് ഹൈക്കോടതിയുടെ നിര്ണ്ണായക വിധി
-
world news9 months ago
37 Christians Killed in Nigeria in Three Weeks
-
world news11 months ago
ലേലത്തിൽ വെച്ചിരുന്ന ലോകത്തിലെ ഏറ്റവും പഴക്കമുള്ള ഹീബ്രു ബൈബിളിന് റെക്കോര്ഡ് തുക: ലഭിച്ചത് 314 കോടിരൂപ
-
world news11 months ago
യുഎഇ യിൽ ക്രൈസ്തവ ആരാധനാലയങ്ങൾക്ക് ഇനി ലൈസൻസ് നിർബന്ധം