Travel
ബസ്, ഓട്ടോ, ടാക്സി ചാർജ് വർധന മെയ് ഒന്ന് മുതൽ പ്രാബല്യത്തിൽ വരും
![](https://theendtimenews.com/wp-content/uploads/2022/04/bus-auto-and-taxi.jpg)
ബസ്, ഓട്ടോ-ടാക്സി ചാർജ് വർധന മെയ് ഒന്ന് മുതൽ പ്രാബല്യത്തിൽ വരും. ഗതാഗതമന്ത്രി ആന്റണി രാജുവാണ് ഇക്കാര്യം അറിയിച്ചത്. വിദ്യാർഥികളുടെ കൺസഷൻ നിരക്ക് വർധിപ്പിക്കുന്നതിനെ കുറിച്ച് ഇപ്പോൾ തീരുമാനമായിട്ടില്ല. കൺസെഷൻ പരിശോധിക്കുന്നതിനുള്ള സമിതിയെ പിന്നീട് നിയോഗിക്കുമെന്നും അദ്ദേഹം പറഞ്ഞു.
മിനിമം ബസ് ചാർജ് 8ൽ നിന്ന് 10 രൂപയാക്കിയാണ് വർധിപ്പിച്ചത്. പിന്നീടുള്ള ഓരോ കിലോ മീറ്ററിനും ഒരു രൂപ വീതം വർധിപ്പിച്ചു. ഓട്ടോ മിനിമം ചാർജ് 30 രൂപയാക്കിയാണ് വർധിപ്പിച്ചത്. രണ്ട് കിലോമീറ്ററിനാണ് 30 രൂപ. പിന്നീടുള്ള കിലോമീറ്ററിന് 15 രൂപയാണ് നിരക്ക്.
ടാക്സി മിനിമം ചാർജ് 200 രൂപയാക്കിയാണ് വർധിപ്പിച്ചത്. അഞ്ച് കിലോ മീറ്ററിനാണ് ഈ നിരക്ക്. നേരത്തെ 175 രൂപയായിരുന്നു നിരക്ക്. കിലോമീറ്റർ നിരക്ക് 17 രൂപയിൽ നിന്നും 20 രൂപയാക്കി ഉയർത്തി. 1500 സി.സിക്ക് മുകളിലുള്ള കാറിന്റെ നിരക്ക് 200 രൂപയിൽ നിന്നും 225 രൂപയാക്കിയും വർധിപ്പിച്ചു.
Sources:Metro Journal
Travel
ദുബായില് ആകാശ ടാക്സി അടുത്ത വര്ഷം
![](https://theendtimenews.com/wp-content/uploads/2024/08/Sky-taxi-in-Dubai-next-year.jpg)
ദുബായ്: ദുബായില് ആകാശ ടാക്സി അടുത്ത വര്ഷം അവസാനത്തോടെ യാഥാര്ത്ഥ്യമാകും. പദ്ധതിക്ക് നേതൃത്വം നല്കുന്ന യു.എസ് ആസ്ഥാനമായ ജോബി ഏവിയേഷന് ഉന്നത വൃത്തങ്ങളാണ് ഇതു സംബന്ധിച്ച് വെളിപ്പെടുത്തിയത്. എയര് ടാക്സികള് വരുന്നതോടെ യാത്രാ സമയം 70 ശതമാനത്തോളം കുറയും.
2026നകം ദുബായില് എയര് ടാക്സി ആരംഭിക്കുന്നതിനുള്ള കരാറില് യുഎസ് ആസ്ഥാനമായുള്ള ഏവിയേഷന് കമ്പനി ജോബിയുമായി ആര്ടിഎ ഒപ്പുവെച്ചിരുന്നു. ദുബായ് വിമാനത്താവളം,ഡൗണ്ടൗണ്, മറീന, പാം ജുമൈറ എന്നിവിടങ്ങളിലായിരിക്കും ആദ്യഘട്ടത്തില് സര്വീസ് നടത്തുക. എയര് ടാക്സിയില് ഒരാള്ക്ക് യാത്ര ചെയ്യാനുള്ള ചെലവ് 350 ദിര്ഹമായിരിക്കുമെന്നാണ് പ്രതീക്ഷ. ജോബി വികസിപ്പിച്ച ആപ്പ് വഴി യാത്രക്കാര്ക്ക് അവരുടെ എയര് ടാക്സി യാത്രകള് ബുക്ക് ചെയ്യാന് കഴിയും.
യാത്രക്കാര്ക്ക് ആകാശത്ത് നിന്നുള്ള മനോഹരമായ നഗരക്കാഴ്ചകള് ആസ്വദിക്കാനാകും വിധമാണ് എയര് ടാക്സി രൂപകല്പന ചെയ്തിരിക്കുന്നത്. എന്നാല് പ്രകൃതിദൃശ്യങ്ങള്ക്കപ്പുറം നഗരത്തിലെ ഗതാഗത കുരുക്കില്പ്പെടാതെ യാത്ര ചെയ്യാം എന്നതാണ് ഏറ്റവും പ്രധാനം. ദുബായ് രാജ്യാന്തര വിമാനത്താവളത്തില് നിന്ന് നിന്ന് പാം ജുമൈറയിലേയ്ക്ക് റോഡ് മാര്ഗം യാത്ര ചെയ്യാന് 45 മിനിറ്റ് മുതല് ഒരു മണിക്കൂര് വരെ എടുക്കുമ്പോള് എയര് ടാക്സിയിലിത് 10 മുതല് 12 മിനിറ്റ് വരെയായിരിക്കും. ഒരേസമയം നാല് യാത്രക്കാര്ക്കും പൈലറ്റിനും ഇരിക്കാനും ബാഗേജുകള് വയ്ക്കാനും സൗകര്യമുണ്ട്.
Sources:azchavattomonline.com
Travel
ഹിന്ദി പ്രധാനഭാഷ, ഇന്ത്യന് വംശജര് 44%; ജീവിതത്തിലൊരിക്കലെങ്കിലും കണ്ടിരിക്കണം ഈ ദ്വീപരാഷ്ട്രം
![](https://theendtimenews.com/wp-content/uploads/2024/08/Republic-of-Fiji.jpg)
ഉദയസൂര്യന്റെ നാടെന്ന ഖ്യാതി ജപ്പാന് അവകാശപ്പെട്ടതാണെങ്കിലും ജപ്പാനു കിഴക്ക് ദക്ഷിണ പസിഫിക്കിൽ ഓഷ്യാനിയയുടെ ഭാഗമായി ചിതറിക്കിടക്കുന്ന മുന്നൂറിലേറെ ദ്വീപുകളുടെ സമൂഹമായ റിപ്പബ്ലിക് ഓഫ് ഫിജിക്കാണ് ആ വിശേഷണം കൂടുതൽ അനുയോജ്യമാകുന്നത്. ഓരോ ദിവസവും അവിടെയാണ് ലോകത്തിലെ ആദ്യത്തെ സൂര്യോദയം. നമ്മൾ ഇന്ത്യയിൽ സൂര്യനെ കാണുന്നതിന് ആറര മണിക്കൂർ മുമ്പ് ഫിജിയിൽ സൂര്യനെത്തുന്നു.
ലോകത്തിലെ തന്നെ ഏറ്റവും പ്രശസ്തമായ വിനോദസഞ്ചാര കേന്ദ്രങ്ങളിലൊന്നാണ് ഫിജി. അതിമനോഹരമായ ഭൂപ്രകൃതിയും പവിഴപ്പുറ്റുകളും തെളിമയാർന്ന കടലിനോട് ചേർന്ന് കിടക്കുന്ന കായലും ഫിജിയെ സഞ്ചാരികളുടെ പ്രിയപ്പെട്ട ഇടമാക്കി മാറ്റുന്നു. മുന്നൂറിലേറെ ദ്വീപുകളുള്ള ഒരു ദ്വീപസമൂഹമാണിത്. 150 ദശലക്ഷം വർഷങ്ങൾക്കു മുൻപ് നടന്ന അഗ്നിപർവത പ്രവർത്തനങ്ങൾ കൊണ്ട് രൂപപ്പെട്ടതാണ് ഫിജിയിലെ ദ്വീപുകൾ. ലോകത്തിലെ ഏറ്റവും സന്തോഷമുള്ള രാജ്യങ്ങളിലൊന്നായും ഫിജി അറിയപ്പെടുന്നു.
ഒൻപത് ലക്ഷത്തോളമാണ് ഫിജിയിലെ ജനസംഖ്യ. അതിൽ 87 ശതമാനവും രണ്ട് പ്രധാന ദ്വീപുകളിലായി അധിവസിക്കുന്നു. വിതി ലെവുവിലാണ് തലസ്ഥാനമായ സുവ. തുറമുഖനഗരം. ബ്രിട്ടീഷ് കൊളോണിയൽ വാഴ്ചക്കാലത്ത് നിർമിക്കപ്പെട്ട കെട്ടിടങ്ങൾ നഗരത്തിന് ആകർഷകമായ പ്രൗഢി നൽകുന്നു. എല്ലാവർക്കും ഇംഗ്ലീഷ് അറിയാമെന്നതാണ് ഫിജിയിലെ പ്രത്യേകത. ഔദ്യോഗികഭാഷയും വ്യവഹാരഭാഷയും ഇംഗ്ലീഷാണ്. പുറമേ ഫിജിയനും ഹിന്ദിയും.
1643ൽ ടാസ്മൻ കണ്ടെത്തിയതും 1774-ൽ ക്യാപ്റ്റൻ കുക്ക് ബ്രിട്ടീഷുകാർക്ക് പരിചയപ്പെടുത്തിയതുമായ ഫിജിയൻ ദ്വീപസമൂഹം 1874-ൽ ബ്രിട്ടന്റെ കോളനിയായി. തോട്ടങ്ങളിൽ പണിയെടുക്കുന്നതിന് അവർ ധാരാളം ഇന്ത്യാക്കാരെ ഫിജിയിലെത്തിച്ചു. അങ്ങനെയാണ് ഫിജിയിൽ ഇന്ത്യൻ വംശജരുണ്ടായത്. ജനസംഖ്യയുടെ 44 ശതമാനം ഇന്ത്യൻ വംശജരാണ്. അവർ ഫിജിയൻ കലർന്ന ഹിന്ദി സംസാരിക്കുന്നു. ഹിന്ദി സിനിമകൾ ഫിജിയിൽ പ്രദർശിപ്പിക്കുന്നു. ഇന്ത്യൻ വാർത്തകൾ ഫിജിയിലെ പത്രങ്ങളിൽ വായിക്കാം. പഞ്ചസാരയും ടൂറിസവുമാണ് ഫിജിയുടെ പ്രധാന വരുമാനമാർഗം.
പവിഴപ്പുറ്റുകളും നീലത്തടാകങ്ങളും ചേർന്ന് ഫിജിയുടെ കടൽത്തീരത്തെ സഞ്ചാരികളുടെ ഇഷ്ടകേന്ദ്രമാക്കുന്നു. സുന്ദരകാഴ്ചകൾ മാത്രമല്ല സാഹസിക സഞ്ചാരികളെ കത്ത് സ്കൂബ ഡൈവിങ്ങും ഇവിടെ ഒരുക്കിയിട്ടുണ്ട്. പവിഴ പുറ്റുകൾ, മനോഹരമായ സൂര്യാസ്തമയ കാഴ്ച, ഹരിതഭംഗി, ട്രക്കിങ്, ആഡംബര റിസോർട്ടുകൾ എന്നിങ്ങനെ ഫിജി മുന്നോട്ടുവെക്കുന്ന സാധ്യതകൾ വലുതാണ്. അതുകൊണ്ടുതന്നെ ഹണിമൂൺ ടൂറിസത്തിന് പ്രശസ്തമാണ് ഫിജി. വിസ ഇല്ലാതെ ഇന്ത്യയിൽ നിന്നുള്ള സന്ദർശകർക്ക് ഫിജിയിലെത്താം. ആഗമനവേളയിൽ നാല് മാസത്തേക്കുള്ള സന്ദർശക പെർമിറ്റ് വിമാനത്താവളത്തിൽ ലഭിക്കും.
Sources:azchavattomonline.com
Travel
ഗൂഗിൾ മാപ്സിനെ വെല്ലുവിളിയായി ആപ്പിൾ മാപ്സ് ബ്രൗസറിൽ വരുന്നു
![](https://theendtimenews.com/wp-content/uploads/2024/07/Apple-Maps.jpg)
ആപ്പിൾ മാപ്പ്സ് പബ്ലിക്ക് ബീറ്റ വേർഷൻ വെബിൽ പുറത്തിറക്കി. വെബിലെ ആപ്പിൾ മാപ്സ് ലോകമെമ്പാടുമുള്ള ഉപയോക്താക്കളെ അവരുടെ ബ്രൗസറുകളിൽ നിന്ന് നേരിട്ട് സേവനം ആക്സസ് ചെയ്യാൻ അനുവദിക്കുന്നു. നിലവിൽ, ഗൂഗിൾ മാപ്സ് ഉപയോക്താക്കളെ അവരുടെ ബ്രൗസറുകളിൽ നിന്ന് നേരിട്ട് മാപ്പുകൾ ആക്സസ് ചെയ്യാൻ അനുവദിക്കുന്നു. ഡ്രൈവിംഗ്, നടത്തം, ഇന്ധന സ്റ്റേഷനുകൾ, ഒരു സ്ഥലവുമായി ബന്ധപ്പെട്ട എല്ലാ വിശദാംശങ്ങളും അവരുടെ ബ്രൗസറിൽ നിന്ന് നേരിട്ട് ആക്സസ് ചെയ്യാൻ ഉപയോക്താക്കൾക്ക് കഴിയുമെന്ന് ആപ്പിൾ അതിൻ്റെ ബ്ലോഗ് പോസ്റ്റിൽ പറഞ്ഞു. Apple Maps നിലവിൽ Chrome-നും കമ്പനിയുടെ സ്വന്തം Safari ബ്രൗസറിനും അനുയോജ്യമാണ്.
Chrome ബ്രൗസർ ഉപയോഗിച്ച് ഞങ്ങൾ Apple Maps ബീറ്റ പതിപ്പ് ആക്സസ് ചെയ്തു. ശൂന്യമായ റോഡുകൾക്കും കനത്ത ട്രാഫിക്കിനുമായി ഒരേ നീലയും ചുവപ്പും നിറത്തിലുള്ള സൂചകങ്ങൾ ഫീച്ചർ ചെയ്യുന്ന ലേഔട്ട് Google Maps-ന് സമാനമാണ്. ടോൾ ഈടാക്കാത്ത റൂട്ടുകൾ തിരഞ്ഞെടുക്കാൻ കഴിയുന്ന ഒരു ഓപ്ഷനും നിങ്ങൾക്ക് ലഭിക്കും. Apple Maps-ൽ പിന്നീടുള്ള തീയതികൾക്കായുള്ള റൂട്ടുകളും നിങ്ങൾക്ക് പരിശോധിക്കാം.
Sources:azchavattomonline.com
-
us news12 months ago
നോര്ത്ത് അമേരിക്കന് പെന്തക്കോസ്തല് റൈറ്റേഴ്സ് ഫോറം; അറ്റ്ലാന്റാ ചാപ്റ്ററിന് പുതിയ ഭാരവാഹികള്
-
Travel3 months ago
യാക്കൂസ കരിഷ്മ:ഓല സ്കൂട്ടറിനേക്കാൾ വിലക്കുറവിൽ കുഞ്ഞൻ കാർ; സിറ്റി യാത്രകൾക്ക് ഇനി ഇവൻ മതിയാവും
-
National11 months ago
ബൈബിൾ വിതരണം ചെയ്യുന്നതും നല്ല മൂല്യങ്ങൾ പഠിപ്പിക്കുന്നതും മതപരിവർത്തനമല്ല: അലഹബാദ് ഹൈക്കോടതിയുടെ നിര്ണ്ണായക വിധി
-
world news10 months ago
50 രാജ്യങ്ങളിലേക്ക് കുവൈത്ത് പൗരന്മാർക്ക് വിസയില്ലാതെ സഞ്ചരിക്കാം
-
National6 months ago
നെയ്തേലിപ്പടി ക്രൂസേഡിന് അനുഗ്രഹീത സമാപ്തി
-
Life12 months ago
സൂര്യനെ ലക്ഷ്യമിട്ട് കുതിച്ച് ആദിത്യ എൽ1; ഇന്ത്യയുടെ ആദ്യ സൗരദൗത്യം വിജയകരം
-
Life11 months ago
മനുഷ്യന് താമസിക്കാന് ചന്ദ്രനില് വീടുകള്; നാസ 3ഡി പ്രിന്ററുകള് ചന്ദ്രനിലേക്കയക്കും
-
Movie5 months ago
Actor Ryan Phillippe ‘Craving’ Relationship With God After Movie About Christian Missionary