ആലപ്പുഴ :ആകാശക്കാഴ്‌ചകളുടെ സൗന്ദര്യം നുകരാൻ ശനി മുതൽ ആലപ്പുഴയിലും സൗകര്യമൊരുങ്ങുന്നു. കൂറ്റൻ ബലൂണിൽ 200 അടിവരെ ഉയരത്തിൽ പറന്ന്‌ കാഴ്‌ചകാണാം.ജില്ലാ ടൂറിസം പ്രമോഷൻ കൗൺസിലും കേരള അഡ്വഞ്ചർ ടൂറിസം പ്രമോഷൻ സൊസൈറ്റിയും ചേർന്നാണ്‌ ഹോട്ട് എയർ ബലൂൺ റൈഡ് സംഘടിപ്പിക്കുന്നത്‌.

15 മിനിറ്റ് റൈഡിന് 1000 രൂപയാണ് ഫീസ്. ഒരേസമയം നാലുപേർക്ക് യാത്ര ചെയ്യാം. കാലാവസ്ഥ അനുകൂലമാണെങ്കിൽ 200 അടി ഉയരത്തിൽ വരെ ബലൂണിൽ പറക്കാനാകും. സാഹസിക സഞ്ചാര മേഖലയിൽ പ്രശസ്‌തരായ പെർഫെക്‌ട്‌‌ ടെൻസ് അഡ്വഞ്ചേഴ്സാണ് ബലൂൺ റൈഡിന്റെ ഓപ്പറേറ്റർമാർ.
ആലപ്പുഴ റിക്രിയേഷൻ ഗ്രൗണ്ടിൽ രാവിലെ ആറിന്‌ എംഎൽഎമാരായ പി പി ചിത്തരഞ്ജൻ, എച്ച് സലാം, നഗരസഭാധ്യക്ഷ സൗമ്യരാജ്, കലക്‌ടർ വി ആർ കൃഷ്‌ണതേജ, സബ് കലക്‌ടർ സൂരജ് ഷാജി എന്നിവർ ആദ്യയാത്ര നടത്തി.
കടപ്പാട് :കേരളാ ന്യൂസ്

http://theendtimeradio.com

സംസ്ഥാനത്ത് ഇനി ഹയർസെക്കന്ററി പരീക്ഷ പാസാകുന്നവർക്ക് ഡ്രൈവിംഗ് ലൈസൻസിന് ലേണേഴ്സ് ഒഴിവാകും. ഹയർ സെക്കന്‍ററി സിലബസിൽ റോഡ് നിയമങ്ങൾ പഠിക്കാൻ പാഠപുസ്തകം വരുന്നു. പുസ്കത്തിന്‍റെ പ്രകാശനം മറ്റന്നാൾ നടക്കും.

കേന്ദ്ര മോട്ടോർ വാഹന നിയമത്തിൽ ഭേദഗതി വരുത്താൻ നടപടിയെടുക്കുമെന്നും ഗതാഗത വകുപ്പ് അറിയിച്ചു. ഡ്രൈവിംഗ് ലൈസൻസ് എടുക്കുന്നതിന് മുമ്പ് അറിഞ്ഞിരിക്കേണ്ട കാര്യങ്ങൾ പാഠപുസ്തകത്തിലുണ്ടാകും.

ഹയർ സെക്കന്‍ററി വിദ്യാർത്ഥികളിൽ റോഡ് നിയമങ്ങളെക്കുറിച്ച് അവബോധം സൃഷ്ടിക്കുന്നതിന് പാഠ്യപദ്ധതിയിൽ ഉൾപ്പെടുത്തി മോട്ടോർ വാഹന വകുപ്പ് തയ്യാറാക്കിയ പുസ്തകം ഗതാഗത വകുപ്പ് മന്ത്രി ആന്‍റണി രാജു വിദ്യാഭ്യാസ വകുപ്പ് മന്ത്രി വി. ശിവൻകുട്ടിക്ക് നൽകി പ്രകാശനം ചെയ്യും. സെപ്റ്റംബർ 28ന് രാവിലെ 10 ന് സെക്രട്ടേറിയറ്റിലെ പി ആർ ചേമ്പറിലാണ് പുസ്തക പ്രകാശന ചടങ്ങ്.

റോഡ് നിയമങ്ങൾ, മാർക്കിംഗുകൾ, സൈനുകൾ എന്നിവയും വാഹന അപകട കാരണങ്ങളും നിയമ പ്രശ്‌നങ്ങളും റോഡ് സുരക്ഷാ സംവിധാനങ്ങളും ഉൾപ്പെടെ മോട്ടോർ വാഹന സംബന്ധമായി ഡ്രൈവിംഗ് ലൈസൻസ് എടുക്കുന്നതിനു മുൻപ് അറിഞ്ഞിരിക്കേണ്ട കാര്യങ്ങളെക്കുറിച്ച് സമഗ്രമായി പ്രതിപാദിക്കുന്ന പുസ്തകമാണ് ഹയർ സെക്കന്‍ററി പാഠ്യപദ്ധതിയിൽ ഉൾപ്പെടുത്തി മോട്ടോർ വാഹന വകുപ്പ് തയ്യാറാക്കിയിരിക്കുന്നത്.

പുസ്തകം പാഠ്യപദ്ധതിയിലുൾപ്പെടുത്തുന്നതിനാൽ ഹയർ സെക്കന്ററി പരീക്ഷ പാസ്സായി ഡ്രൈവിംഗ് ലൈസൻസ് നേടാൻ പ്രായപൂർത്തിയാകുമ്പോൾ പ്രത്യേക ലേണേഴ്‌സ് ലൈസൻസ് എടുക്കേണ്ടി വരില്ല.

കേന്ദ്ര മോട്ടോർ വാഹന നിയമത്തിൽ ഇതിനാവശ്യമായ ഭേദഗതി വരുത്താൻ ഗതാഗത വകുപ്പ് നടപടി സ്വീകരിക്കും. ഇത്തരത്തിൽ രാജ്യത്തുതന്നെ ആദ്യമായി തയ്യാറാക്കിയിട്ടുള്ള പുസ്തകം പഠിപ്പിക്കുന്നതിനാവശ്യമായ പരിശീലനം അദ്ധ്യാപകർക്ക് നൽകുന്നതിനും മോട്ടോർ വാഹന വകുപ്പ് സംവിധാനം ഒരുക്കും.
Sources:azchavattomonline

http://theendtimeradio.com

കൊച്ചി: കൊച്ചിയിലേക്ക് പുതിയ അതിവേഗ സര്‍വ്വീസുമായി കെഎസ്ആര്‍ടിസി. ദിർഘ ദൂര യാത്രക്കാർക്ക് വളരെ വേഗത്തിൽ തിരുവനന്തപുരത്ത് നിന്ന് എറണാകുളത്ത് എത്തുന്നതിനും തിരികെ വരുന്നതിനും, സർക്കാർ ഓഫീസുകളും മറ്റു ഇതര സ്ഥാപനങ്ങളിലും പോയി വരുന്ന ഉദ്യോഗസ്ഥരെ ലക്ഷ്യമാക്കിയാണ് പുതിയ സര്‍വ്വീസ്. ജനശതാബ്ദി മോഡലിൽ ആണ് കെഎസ്ആര്‍ടിസിയുടെ എന്‍ഡ് റ്റു എന്‍ഡ് ലോ ഫ്ലോർ എസി ബസ് സർവീസ്.

തിരുവനന്തപുരം സെൻട്രൽ ഡിപ്പോയിൽ നിന്നും തിങ്കളാഴ്ച (26-9-2022) മുതൽ സർവീസ് ആരംഭിക്കും. അവധി ദിവസങ്ങൾ ഒഴികെ എല്ലാ ദിവസവും രാവിലെ 5.10 ന് തിരുവനന്തപുരത്ത് നിന്നും ആരംഭിച്ച് 9.40 ന് എറണാകുളത്ത് എത്തുകയും തിരികെ വൈകിട്ട് 5.20 ന് എറണാകുളത്ത് നിന്ന് തിരിച്ച് രാത്രി 9.50ന് എത്തുന്ന വിധമാണ് ഷെഡ്യൂൾ ക്രമീകരിച്ചിട്ടുള്ളത്. ഈ സർവിസിനു വേണ്ടി പുഷ് ബാക്ക് സിറ്റുള്ള രണ്ട് ബസുകൾ അനുവദിച്ചിട്ടുണ്ട്. ഈ ബസുകൾ യാത്രക്കാരെ കയറ്റുന്നതിനായി കൊല്ലം അയത്തിൽ ഫീഡർ സ്റ്റേഷനിലും ആലപ്പുഴ കൊമ്മാടി ഫീഡർ സ്റ്റേഷനിലും 1 മിനിറ്റ് മാത്രം നിർത്തുന്നതാണ്.

മറ്റൊരു സ്ഥലത്തും പുതിയ സര്‍വ്വീസിന് സ്റ്റോപ്പുണ്ടാവുകയില്ല. 24-9-2022 മുതല്‍ ടിക്കറ്റ് ബുക്കിംഗ് ആരംഭിച്ചു. ഓണ്‍ലൈന്‍ വഴി യാത്രക്കാർക്ക് ടിക്കറ്റ് ബുക്ക് ചെയ്യാവുന്നതാണ്. യാത്രക്കാർക്ക് അര മണിക്കൂർ മുൻപ് ടിക്കറ്റുകൾ തിരുവനന്തപുരം സെൻട്രൽ ബസ് സ്റ്റേഷനിൽ നിന്നും, കൊല്ലം അയത്തിൽ, ആലപ്പുഴ കൊമ്മാടി ഫീഡർ സ്റ്റേഷനിൽ നിന്നും വാങ്ങാനുള്ള സൗകര്യം എർപ്പെടുത്തിയിട്ടുണ്ട്. ഈ ബസിൽ കണ്ടക്ടർ ഉണ്ടാവുകയില്ല. കെഎസ്ആര്‍ടിസിയുടെ ചരിത്രത്തിൽ ആദ്യമായാണ് കണ്ടക്ടർ ഇല്ലാതെ സർവീസ് നടത്തുന്നത്. വിജയകരമായാൽ കുടുതൽ സർവീസുകള്‍ ആരംഭിക്കുമെന്ന് സെൻട്രൽ ജില്ലാ അധികാരി ബിഎസ് ഷിജു അറിയിച്ചു.
Sources:Asianetnews

http://theendtimeradio.com