National
മണിപ്പൂര് ക്രൈസ്തവര്ക്കെതിരെ നടക്കുന്നത് സര്ക്കാര് ഒത്താശയോടെയുള്ള കലാപം: ആരോപണവുമായി മനുഷ്യാവകാശ പ്രവര്ത്തകര്
ഇംഫാല്: മണിപ്പൂരിലെ ക്രൈസ്തവര്ക്കെതിരെ നടക്കുന്ന അക്രമങ്ങള് സര്ക്കാര് ഒത്താശയോടെയാണെന്ന ഗുരുതര ആരോപണവുമായി മുംബൈയില് സമാനമനസ്കരായ മതനിരപേക്ഷ മനുഷ്യാവകാശ പ്രവര്ത്തകരുടെ പത്രസമ്മേളനം. വിരമിച്ച ജസ്റ്റിസ് അഭെയ് തിപ്സെ, ഷക്കീര് ഷെയിഖ്, ഡോള്ഫി ഡിസൂസ എന്നിവര് നേതൃത്വം നല്കുന്ന യുണൈറ്റഡ് എഗൈന്സ്റ്റ് ഇന് ജസ്റ്റിസ് ആന്ഡ് ഡിസ്ക്രിമിനേഷന് എന്ന സംഘടനയാണ് ഇക്കഴിഞ്ഞ വ്യാഴാഴ്ച മുംബൈയിലെ ‘സി.എസ്.എം.ടി’യില് പത്രസമ്മേളനം സംഘടിപ്പിച്ചത്. മണിപ്പൂരിലെ ക്രിസ്ത്യന് ഗോത്ര സമൂഹം നേരിട്ടുകൊണ്ടിരിക്കുന്ന അക്രമങ്ങളെ സംഘടന ശക്തമായ ഭാഷയില് അപലപിച്ചു. കത്തോലിക്കാ വൈദികനായ ഫാ. ഫ്രേസര് മസ്കാരന്ഹാന്സ് എസ്.ജെ, സാമൂഹ്യപ്രവര്ത്തകരായ ഇര്ഫാന് എഞ്ചിനീയര്, സലിം ഖാന്, മാധ്യമപ്രവര്ത്തകനായ നിരഞ്ചന് ടാക്ലെ എന്നിവരായിരുന്നു മുഖ്യ പ്രഭാഷകര്.
ഇന്ന് മണിപ്പൂര് നേരിടുന്ന അപകടം ഒരുനാള് നമ്മുടെ വീട്ടുവാതിക്കലും എത്തുമെന്ന് മുന്നറിയിപ്പ് നല്കിയ കൂട്ടായ്മ, മറ്റ് സംസ്ഥാനങ്ങളിലെ മതന്യൂനപക്ഷങ്ങള് ഐക്യദാര്ഢ്യം പ്രഖ്യാപിക്കണമെന്ന് മുംബൈ നിവാസികളോട് അഭ്യര്ത്ഥിച്ചു. വിവിധ സംസ്ഥാനങ്ങളിലെ വലതുപക്ഷ സര്ക്കാരുകളുടെ ഉദയമാണ് ദേശവ്യാപകമായി മതന്യൂനപക്ഷങ്ങള്ക്കെതിരെ നടക്കുന്ന അടിച്ചമര്ത്തല് വര്ദ്ധിച്ചതിന്റെ കാരണമായി അവര് ചൂണ്ടിക്കാട്ടിയത്. 2002-ല് ഗുജറാത്തിലും, 2008-ല് ഒഡീഷയിലെ കന്ധമാലിലും അക്രമങ്ങള് നടന്ന സംസ്ഥാനങ്ങളിലെ ഗവണ്മെന്റുകള് വരുത്തുന്ന ബോധപൂര്വ്വമായ കാലതാമസം, ഇത്തരം ആക്രമണങ്ങളില് സംസ്ഥാന സര്ക്കാരിനും പങ്കുണ്ടോ എന്ന് ചിന്തിക്കുവാന് നമ്മളെ പ്രേരിപ്പിക്കുമെന്നു ഫാ. ഫ്രേസര് പറഞ്ഞു. മണിപ്പൂരില് സ്കൂളുകളും, കോളേജുകളും നടത്തുന്ന ജെസ്യൂട്ട് വൈദികര് വരെ ആക്രമിക്കപ്പെട്ടുവെന്നും അദ്ദേഹം ചൂണ്ടിക്കാട്ടി.
അക്രമങ്ങള് പൊട്ടിപ്പുറപ്പെടുന്നതിനു ദിവസങ്ങള്ക്ക് മുന്പ് ‘ആര്.എസ്.എസ്’മായി ബന്ധപ്പെട്ട് സംഘപരിവാറിന്റെ ഭാഗമായി പ്രവര്ത്തിക്കുന്ന ‘വനവാസി കല്യാണ് ആശ്രമം’ പ്രവര്ത്തകരുടെ മണിപ്പൂരിലേക്കുള്ള വരവ് വെറും ആകസ്മികത അല്ലെന്നു നാസിക്കില് നിന്നുമുള്ള മാധ്യമപ്രവര്ത്തകനായ നിരഞ്ചന് ടാക്ലെ പറഞ്ഞു. മണിപ്പൂരിലെ ഭൂരിപക്ഷ സമുദായമായ ഹിന്ദു മെയ്തി സമുദായത്തിന് പട്ടികവര്ഗ്ഗ പദവി നല്കുന്നതിനെതിരെയുള്ള ക്രിസ്ത്യന് ഗോത്രവര്ഗ്ഗമായ കുക്കികളുടെയും, നാഗാകളുടെയും പ്രതിഷേധത്തെ സംഘടന പിന്തുണക്കുകയും ചെയ്തിട്ടുണ്ട്. വിവാദമായ ഈ വിധിയാണ് മണിപ്പൂരില് നിരവധി പേരുടെ കൊലപാതകത്തിനിടയാക്കിയ കലാപത്തിന് കാരണമായത്. ചുരുങ്ങിയ ദിവസങ്ങള്ക്കിടെ അന്പതില്പരം ക്രൈസ്തവ ദേവാലയങ്ങളാണ് അക്രമികള് അഗ്നിക്കിരയാക്കിയത്.
കടപ്പാട് :പ്രവാചക ശബ്ദം
National
ഷാലോം പ്രയർ വാരിയേഴ്സ് രണ്ടാം വാർഷിക കൺവെൻഷൻ 2024
ഷാലോം പ്രയർ വാരിയേഴ്സ് എന്ന ഓൺലൈൻ പ്രാർത്ഥനാ കൂട്ടായ്മയുടെ രണ്ടാമത് വാർഷിക കൺവെൻഷൻ 2024 മെയ് 1 മുതൽ 3 വരെ രാത്രി 7 മണിക്ക് സൂം പ്ലാറ്റ്ഫോമിൽ നടക്കുന്നു. കർത്താവിൽ പ്രസിദ്ധരായ , Pr P C Cherian (Ranni), Pr K J Thomas (Kumaly), Pr K J Mathew ( Punalur) എന്നീ ദൈവദാസന്മാർ ദൈവ വചനത്തിൽ നിന്നും പ്രസംഗിക്കുന്നു. Evg. Lalu Pampady, Pr Shaji Mathew (Thiruvananthapuram), Br Jibin Titus Hebron ( USA) എന്നിവർ ആരാധന നയിക്കും. ഈ അനുഗ്രഹീത മീറ്റിംഗുകൾക്ക് Pr Anil K Sam – Hyderabad നേതൃത്വം നൽകുന്നു. കൂടുതൽ വിവരങ്ങൾക്ക്- 9963884134 എന്ന നമ്പറിൽ ബന്ധപെടുക.
Sources:faithtrack
National
സി ഇ എം 2024 – 2026 വർഷത്തെ പ്രവർത്തന ഉദ്ഘാടനം ശാരോൻ സഭാ നാഷണൽ പ്രസിഡൻ്റ് പാസ്റ്റർ എബ്രഹാം ജോസഫ് നിർവഹിച്ചു
തിരുവല്ല: ക്രിസ്ത്യൻ ഇവാഞ്ചലിക്കൽ മൂവ്മെന്റ് (സി ഇ എം) 2024-2026 വർഷത്തെ പ്രവർത്തന ഉദ്ഘാടനം ഏപ്രിൽ 22 തിങ്കളാഴ്ച വൈകിട്ട് 5 ന് ആലുവ-അശോകപുരം ശാരോൻ ഫെല്ലോഷിപ്പ് ചർച്ചിൽ വച്ച് നടന്നു. സഭാ നാഷണൽ പ്രസിഡന്റ് പാസ്റ്റർ എബ്രഹാം ജോസഫ് ഉദ്ഘാടനം ചെയ്തു.
സി ഇ എം ജനറൽ പ്രസിഡന്റ് പാസ്റ്റർ സാംസൺ പി തോമസ് അധ്യക്ഷത വഹിച്ചു. പാസ്റ്റർ ഫെബിൻ ബോസ് കുരുവിള മുഖ്യ സന്ദേശം നൽകി.
സി ഇ എം ജനറൽ സെക്രട്ടറി പാസ്റ്റർ ടോണി തോമസ് പ്രവർത്തന വിശദീകരണം നൽകി. വിവിധ സുവിശേഷീകരണ, ജീവകാരുണ്യ
(ഭവന-വിദ്യാഭ്യാസ-ചികിത്സ സഹായം) പദ്ധതികളുടെ പ്രവർത്തന ഉദ്ഘാടനവും നടന്നു. ആലുവ സെൻ്റർ മിനിസ്റ്റർ പാസ്റ്റർ എഡിസൺ സാമൂവേൽ അനുഗ്രഹ പ്രാർത്ഥന നടത്തി.
സി ഇ എം ക്വയർ ഗാനങ്ങൾ ആലപിച്ചു. ടാലൻ്റ് ടെസ്റ്റ് കൺവീനർ പാസ്റ്റർ പോൾസൺ വി എസ് സ്വാഗതവും സി ഇ എം ട്രഷറാർ ബ്രദർ റോഷി തോമസ് നന്ദിയും അറിയിച്ചു.
വിവിധ യൂണിവേഴ്സിറ്റി പരീക്ഷകളിൽ ഉന്നത വിജയം കരസ്ഥമാക്കി റാങ്ക് ജേതാക്കളായവരെ അനുമോദിച്ചു.
ശാരോൻ സഭാ അന്തർദേശീയ പ്രസിഡന്റ് പാസ്റ്റർ ജോൺ തോമസ്, പാസ്റ്റർ ഇമ്മാനുവേൽ പോത്തൻ(ഡൂലോസ് ബൈബിൾ കോളേജ് ആലുവ),പാസ്റ്റർ സനു ജോസഫ്(സണ്ടേസ്കൂൾ അസോസിയേഷൻ), പാസ്റ്റർ അനീഷ് കൊല്ലംകോട് (റൈറ്റേഴ്സ് ഫോറം), പാസ്റ്റർ ജിജോ യോഹന്നാൻ (ഇവാഞ്ചലിസം ബോർഡ്),ബ്രദർ ജേക്കബ് വർഗീസ് (ചിൽഡ്രൻസ് ഹോം), പാസ്റ്റർ ബിനു എബ്രഹാം(സി ഇ എം മുൻ വൈസ് പ്രസിഡൻ്റ്),സിസ്റ്റർ ലില്ലിക്കുട്ടി എഡിസൺ (വനിതാ സമാജം) തുടങ്ങിയവർ ആശംസകൾ അറിയിച്ചു.കുവൈറ്റ്, ദോഹ,ബഹറിൻ, യു.എ.ഇ,യു.എസ്.എ, യു.കെ,ന്യൂസിലൻ്റ് തുടങ്ങിയ സ്ഥലങ്ങളിലെ സഭകളുടെ ആശംസകളും സി ഇ എം ഭാരവാഹികൾ അറിയിച്ചു.
സി ഇ എം ജനറൽ കോ കോർഡിനേറ്റർ പാസ്റ്റർ സാം ജി കോശി പൊതു ക്രമീകരണങ്ങൾക്കു നേതൃത്വം നൽകി.
പെരുമ്പാവൂർ സെൻ്റർ മിനിസ്റ്റർ പാസ്റ്റർ തോമസ് ചാക്കോ പ്രാർത്ഥിച്ച് ആരംഭിച്ച സമ്മേളനം സഭാ നാഷണൽ പ്രസിഡൻ്റ് പാസ്റ്റർ എബ്രഹാം ജോസഫിന്റെ പ്രാർത്ഥനയോടും ആശീർവാദത്തോടും സമാപിച്ചു.
Sources:faithtrack
National
സാമൂഹികനവീകരണത്തിന് പെന്തക്കോസ്ത് സഭകളുടെ പങ്ക് ശ്രദ്ധേയം; മന്ത്രി കെ രാജന്
തൃശ്ശൂര്: സാമൂഹിക നീതിക്കും നവീകരണത്തിനുമായി നിലകൊണ്ട ക്രിസ്ത്യന് വിഭാഗമാണ് പെന്തക്കോസ്ത് സഭകളെന്നു സംസ്ഥാന റവന്യൂ മന്ത്രി കെ രാജന് പറഞ്ഞു.ഐപിസി സോഷ്യല് വെല്ഫെയര് ബോര്ഡിന്റെ ആഭിമുഖ്യത്തില് തൃശ്ശൂര് ഇരുമ്പുപാലം ഐപിസി സഭാഹാളില് നടന്ന മുഖാമുഖ ചര്ച്ചയില് സംസാരിക്കുകയായിരുന്നു അദ്ദേഹം.
പാവപ്പെട്ടവരുടെയും അശരണരുടെയും ഇടയില് അപ്പമായും ആശ്വാസമായും ഓടിയെത്തുകയും,ഉച്ചനീചത്വത്തിനെതിരെ പോരാടുകയും ചെയ്തു.ഇത്തരം പ്രവര്ത്തന ശൈലിയാണ് കമ്മ്യൂണിസ്റ്റുകളുടെയും,ഐപിസി സോഷ്യല് വെല്ഫെറെ ബോര്ഡ് നടപ്പിലാക്കുന്ന പ്രവര്ത്തനങ്ങള് മാതൃകയാണ്.ഒരു രൂപ നാണയത്തിലൂടെ അനേകര്ക്ക് ആശ്വാസമാകാമെന്ന് തെളിയിച്ച ഈ സംഘടനയുടെ പ്രവര്ത്തന മികവ് അഭിനന്ദാര്ഹമാണെന്ന് അദ്ദേഹം കൂട്ടിച്ചേര്ത്തു.ഐപിസി തൃശ്ശൂര് ഈസ്റ്റ് സെന്റര് ശുശ്രൂഷകന് പാസ്റ്റര് മാത്യൂ തോമസ് അദ്ധ്യക്ഷനായിരുന്നു. ജില്ലയിലെ വണ് റുപ്പീ ചലഞ്ച് ബോക്സ് വിതരണോല്ഘാടനം മന്ത്രി നിര്വഹിച്ചു.
ബോര്ഡ് ചെയര്മാന് സജി മത്തായി കാതേട്ട്, വൈസ് ചെയര്മാന് ജോസ് ജോണ് കായംകുളം എന്നിവര് പദ്ധതി വിശദീകരണം നടത്തി.പാസ്റ്റര്മാരായ പി എം ജോയ്,ജോസഫ് എന്നിവര് നേതൃത്വം നല്കി.ഇതിനോടനുബന്ധിച്ച് പീച്ചി സെന്ററില് നടന്ന സമ്മേളനത്തില് സെന്ററിലേക്കുള്ള മെഡിക്കല് സഹായവിതരണവും നടന്നു.
സജി മത്തായി കാതേട്ട് (ചെയര്മാന്) ജോസ് ജോണ് കായംകുളം(വൈസ് ചെയര്മാന്)ബേസില് അറക്കപ്പടി(സെക്രട്ടറി) പാസ്റ്റര് ബോബന് ക്ലീറ്റസ്(ജോയിന്റ് സെക്രട്ടറി)ജോബി എബ്രഹാം(ട്രഷറര്) പാസ്റ്റര് ജോണ്സണ് കുര്യന്(കോര്ഡിനേറ്റര്) ജോര്ജ് തോമസ്(ഫിനാന്സ് കോര്ഡിനേറ്റര്)സന്ദീപ് വിളമ്പുകണ്ടം(മീഡിയ) പാസ്റ്റര് വര്ഗീസ് ബേബി(സ്പിരിച്വല് മെന്റര്) ഡേവീസ് സാം (ഓഫീസ് അഡ്മിനിസ്ട്രേറ്റര്) തുടങ്ങിയവര് അടങ്ങുന്ന സമിതിയാണ് പ്രവര്ത്തനങ്ങള്ക്ക് നേതൃത്വം നല്കുന്നത്. വെസ്ലീ മാത്യൂ(ഡാളസ്)ആണ് ഡയറക്ടര്.സോഷ്യല് വെല്ഫെയര് ബോര്ഡിന്റെ പ്രവര്ത്തനങ്ങള്ക്കായി കൗണ്സില് അംഗങ്ങളെ കൂടാതെ എല്ലാ ജില്ലകളിലും കോര്ഡിനേറ്റരും പ്രവര്ത്തനങ്ങള്ക്ക് നേതൃത്വം നല്കുന്നു.
Sources:onlinegoodnews
-
us news10 months ago
നോർത്ത് അമേരിക്കൻ പെന്തക്കോസ്തൽ റൈറ്റേഴ്സ് ഫോറം : രാജൻ ആര്യപ്പള്ളി പ്രസിഡന്റ്; നിബു വെള്ളവന്താനം സെക്രട്ടറി
-
us news8 months ago
നോര്ത്ത് അമേരിക്കന് പെന്തക്കോസ്തല് റൈറ്റേഴ്സ് ഫോറം; അറ്റ്ലാന്റാ ചാപ്റ്ററിന് പുതിയ ഭാരവാഹികള്
-
us news11 months ago
‘The Biggest Water Baptism in History’: 4,166 Baptized at Historic Beach from Jesus Movement
-
world news11 months ago
Muslim Husband Found Out His Wife Became a Christian; He Beat Her, Starved Her and Left Her in a Wild Animal Park—But God…
-
National8 months ago
ബൈബിൾ വിതരണം ചെയ്യുന്നതും നല്ല മൂല്യങ്ങൾ പഠിപ്പിക്കുന്നതും മതപരിവർത്തനമല്ല: അലഹബാദ് ഹൈക്കോടതിയുടെ നിര്ണ്ണായക വിധി
-
world news9 months ago
37 Christians Killed in Nigeria in Three Weeks
-
world news11 months ago
ലേലത്തിൽ വെച്ചിരുന്ന ലോകത്തിലെ ഏറ്റവും പഴക്കമുള്ള ഹീബ്രു ബൈബിളിന് റെക്കോര്ഡ് തുക: ലഭിച്ചത് 314 കോടിരൂപ
-
world news11 months ago
യുഎഇ യിൽ ക്രൈസ്തവ ആരാധനാലയങ്ങൾക്ക് ഇനി ലൈസൻസ് നിർബന്ധം