world news
നൈജീരിയയില്‍ ക്രൈസ്തവ കൂട്ടക്കൊല തുടര്‍ക്കഥ: കുട്ടികള്‍ ഉള്‍പ്പെടെ 11 ക്രൈസ്തവരെ കൊലപ്പെടുത്തി
അബുജ: നൈജീരിയയിലെ പ്ലേറ്റോ സംസ്ഥാനത്ത് 4 ദിവസങ്ങള്‍ക്കുള്ളില്‍ ഫുലാനി ഗോത്രവര്‍ഗ്ഗക്കാരും മറ്റ് തീവ്രവാദികളും നടത്തിയ ആക്രമണങ്ങളില്‍ 2 കുട്ടികള്‍ ഉള്‍പ്പെടെ 11 ക്രൈസ്തവര്‍ കൊല്ലപ്പെടുകയും 5 പേര്‍ക്ക് പരിക്കേല്‍ക്കുകയും ചെയ്തതായി പ്രാദേശിക മാധ്യമ റിപ്പോര്‍ട്ടുകള്‍. കഴിഞ്ഞ ഞായറാഴ്ച ബാസ്സാ കൗണ്ടിയിലെ ക്വാള്‍ ജില്ലയിലെ ഡൂ വില്ലേജില്‍ നടന്ന ആക്രമണത്തില്‍ 9, 11 വയസ്സ് പ്രായമുള്ള കുട്ടികള്‍ ഉള്‍പ്പെടെ 8 പേര്‍ അതിദാരുണമായി കൊല്ലപ്പെടുകയും 5 പേര്‍ക്ക് പരിക്കേല്‍ക്കുകയും ചെയ്തുവെന്നു ഇരിഗ്വെ ഡെവലപ്മെന്റ് അസോസിയേഷന്റെ (ഐ.ഡി.എ) ഔദ്യോഗിക വക്താവായ ഡേവിഡ്സണ്‍ മാലിസണ്‍ വെളിപ്പെടുത്തി.
ഞായറാഴ്ച രാത്രി നടന്ന സംഭവം ഇക്കഴിഞ്ഞ ദിവസമാണ് പുറംലോകം അറിയുന്നത്. ഫുലാനികള്‍ ഉറങ്ങിക്കിടന്നിരുന്ന നിരപരാധികളായ ക്രൈസ്തവര്‍ക്കെതിരെ തുരുതുരാ വെടിവെക്കുകയായിരിന്നുവെന്നും തീവ്രവാദികളും ഗോത്രവര്‍ഗ്ഗക്കാരും ചേര്‍ന്ന് ക്രൈസ്തവര്‍ക്കെതിരെ നടത്തുന്ന വംശഹത്യയുടെ തുടര്‍ച്ചയാണിതെന്നും ഡേവിഡ്സണ്‍ പറയുന്നു. പ്ലേറ്റോ സംസ്ഥാനത്തിലെ തന്നെ മാങ്ങു കൗണ്ടിയിലെ അതുഹുണ്‍ പാന്യാം ഗ്രാമത്തില്‍ ഫുലാനികള്‍ നടത്തിയ ആക്രമണത്തില്‍ മൂന്ന്‍ പേര്‍ കൊല്ലപ്പെട്ടതായി പ്രാദേശികവാസികള്‍ അറിയിച്ചിട്ടുണ്ട്. പ്രാദേശിക ക്രിസ്ത്യന്‍ സാമുദായിക നേതാക്കളായ ലോങ്ങ്സേ ജോക്ലെ, ജോഷ്വ ഗുഫ്വം എന്നിവര്‍ ഈ ആക്രമണത്തില്‍ ദുഃഖം രേഖപ്പെടുത്തി.
കൊല്ലപ്പെട്ട മൂന്ന്‍ പേരുടേയും മൃതദേഹങ്ങള്‍ അവര്‍ ജോലിചെയ്തിരുന്ന വയലില്‍ നിന്നുമാണ് കണ്ടെത്തിയതെന്നും മൃതദേഹങ്ങള്‍ അടക്കം ചെയ്തുവെന്നും ലോങ്ങ്സേയും, ജോഷ്വയും പുറത്തുവിട്ട പ്രസ്താവനയില്‍ പറയുന്നു. പ്ലേറ്റോ സംസ്ഥാനത്തിലെ ക്രൈസ്തവര്‍ക്കെതിരെ നടക്കുന്ന ആക്രമണങ്ങള്‍ തടയുവാന്‍ ഇരു നേതാക്കളും നൈജീരിയന്‍ സുരക്ഷ ഏജന്‍സികളോട് ആവശ്യപ്പെട്ടിട്ടുണ്ട്. ക്രൈസ്തവര്‍ക്കെതിരായ ആക്രമണങ്ങള്‍ തടയുന്നതില്‍ നൈജീരിയന്‍ സര്‍ക്കാര്‍ പരാജയമാണെന്ന ആരോപണം വളരെക്കാലം മുന്‍പേ തന്നെ ഉയര്‍ന്നിട്ടുള്ളതാണ്.
2022-ല്‍ വിശ്വാസത്തിന്റെ പേരില്‍ 5014 ക്രിസ്ത്യാനികള്‍ കൊല്ലപ്പെട്ടതില്‍ ഏറ്റവും കൂടുതല്‍ മരണം സംഭവിച്ചത് നൈജീരിയയിലാണ്. ക്രിസ്ത്യാനികള്‍ തട്ടിക്കൊണ്ടുപോകപ്പെടുന്നതിലും ലൈംഗീകവും, മാനസികവുമായി പീഡിപ്പിക്കപ്പെടുന്നതിലും നൈജീരിയതന്നെയാണ് ലോകത്ത് ഏറ്റവും മുന്നില്‍ നില്‍ക്കുന്നത്. അന്താരാഷ്‌ട്ര മതപീഡന നിരീക്ഷക സംഘടനയായ ഓപ്പണ്‍ ഡോഴ്സിന്റെ ഇക്കൊല്ലത്തെ ‘വേള്‍ഡ് വാച്ച് ലിസ്റ്റ്’ പ്രകാരം ഒരു ക്രിസ്ത്യാനിയായി ജീവിക്കുന്നതിന് ഏറ്റവും ബുദ്ധിമുട്ടേറിയ 50 രാഷ്ട്രങ്ങളില്‍ ആറാമതാണ് നൈജീരിയയുടെ സ്ഥാനം.
കടപ്പാട് :പ്രവാചക ശബ്ദം
world news
നിക്കരാഗ്വൻ സ്വേച്ഛാധിപത്യ ഭരണകൂടം കത്തോലിക്കാ സഭയ്ക്കെതിരെ നടത്തിയത് ആയിരത്തോളം ആക്രമണങ്ങൾ
നിക്കരാഗ്വൻ പ്രസിഡന്റ് ഡാനിയൽ ഒർട്ടേഗയുടെ ഭാര്യയും വൈസ് പ്രസിഡന്റുമായ റൊസാരിയോ മുറില്ലോയുടെയും നേതൃത്വത്തിലുള്ള സ്വേച്ഛാധിപത്യ ഭരണകൂടം ആറു വർഷത്തിനിടെ കത്തോലിക്കാ സഭയ്ക്കെതിരെ നടത്തിയത് ആയിരത്തോളം ആക്രമണങ്ങൾ.
ഗവേഷകയും അഭിഭാഷകയുമായ മാർത്ത പട്രീഷ്യ മൊലിനയുടെ റിപ്പോർട്ടിൻ്റെ ആറാമത്തെ ലക്കത്തിലാണ് ഈ വെളിപ്പെടുത്തലുള്ളത്. 2018 ഏപ്രിലിനും 2024 ഡിസംബറിനും ഇടയിൽ സംഭവിച്ച ആക്രമണങ്ങളാണ് ഈ റിപ്പോർട്ടിൽ ഉൾപ്പെടുന്നത്.
“ആറാമത്തെ ഈ ലക്കം മതസ്ഥാപനങ്ങൾക്കെതിരായ 971 ആക്രമണങ്ങൾ രേഖപ്പെടുത്തുന്നു. നിക്കരാഗ്വയിൽ മതസ്വാതന്ത്ര്യത്തിന്മേലുള്ള ആക്രമണം തുടരുന്നു എന്നതിന്റെ തെളിവാണിത്” – ഡിസംബർ 20 ന് പുറത്തിറക്കിയ 443 പേജുള്ള റിപ്പോർട്ടിൽ പറയുന്നു. പുതിയ റിപ്പോർട്ടിൽ വിവിധതരത്തിലുള്ള ആക്രമണങ്ങളെ ഉൾപ്പെടുത്തിയിട്ടുണ്ട്. ഉപരോധങ്ങൾ, നിരോധനങ്ങൾ, മതപരമായ വ്യക്തികളെ അടിച്ചമർത്തൽ, മോഷണങ്ങൾ, അവഹേളനങ്ങൾ, കണ്ടുകെട്ടലുകൾ എന്നിങ്ങനെയുള്ള വിവിധ തരത്തിലുള്ള ആക്രമണങ്ങൾ അവയിൽ ഉൾപ്പെടുന്നുണ്ട്.
Sources:marianvibes
ഡിസംബർ 22 ഞായറാഴ്ച, ഇവാഞ്ചലിക്കൽ ചർച്ചിലെ വിന്നിംഗ് ഓൾ (ഇ. സി. ഡബ്ല്യു. എ.) ൽ ക്രിസ്തുമസ് കരോൾ നടത്തിയതിന് തൊട്ടുപിന്നാലെ, ഗർഭിണി ഉൾപ്പെടെ 14 ക്രിസ്ത്യാനികളെ ആയുധധാരികൾ കൊലപ്പെടുത്തി. പീഠഭൂമി സംസ്ഥാനത്തെ ജോസിൽനിന്ന് ഏകദേശം 22 മൈൽ അകലെയാണ് ആക്രമണം നടന്നത്. നൈജീരിയയിലെ ഇറിഗ്വെ ഗോത്രത്തിനെതിരായ ഏറ്റവും പുതിയ ആക്രമണമാണിത്.
ഇസ്ലാമിക ഫുലാനി തീവ്രവാദികളുടെ ആക്രമണം മൂലം സംഘർഷവും ദുർബലതയും നേരിടുന്ന പ്രദേശമാണിത്. പള്ളിക്കു ചുറ്റുമായി ഏകദേശം ആയിരം ക്രിസ്ത്യാനികൾ താമസിക്കുന്നു. പ്രാദേശികനേതാവ് വുന ഗാഡോ ആക്രമണത്തിൽ തന്റെ വേദന അറിയിച്ചു. ആക്രമണത്തെക്കുറിച്ച് അടുത്തുള്ള ചെക്ക്‌പോസ്റ്റിലെ സൈനിക ഉദ്യോഗസ്ഥരെ അറിയിച്ചിരുന്നെങ്കിലും മുന്നറിയിപ്പുകൾ അവഗണിക്കുകയായിരുന്നു.
ആക്രമണത്തിൽ ഒരു കുടുംബം മുഴുവൻ കൊല്ലപ്പെട്ടു. കൊല്ലപ്പെട്ടവരിൽ ഒരു വയസ്സുകാരി ഷെബ ഏണസ്റ്റും അവളുടെ അമ്മ മേരി സ്റ്റീഫനും ഉൾപ്പെടുന്നു.
Sources:azchavattomonline.com
ഇന്ത്യാ പെന്തെക്കൊസ്ത് ദൈവസഭ (ഐപിസി ) കർണാടക സ്റ്റേറ്റ് 38-ാമത് വാർഷിക കൺവൻഷൻ ജനുവരി 9 വ്യാഴം മുതൽ 12 ഞായർ വരെ കൊത്തന്നൂർ എബനേസർ ക്യാംപസ് ഗ്രൗണ്ടിൽ നടക്കും. വൈകിട്ട് 6ന് സ്റ്റേറ്റ് പ്രസിഡൻറ് പാ. കെ എസ് ജോസഫ് കൺവൻഷൻ ഉദ്ഘാടനം ചെയ്യും.
ദിവസവും വൈകിട്ട് 6 മുതൽ നടക്കുന്ന കൺവൻഷനിൽ പാസ്റ്റർമാരായ കെ എസ് ജോസഫ് , ജോസ് മാത്യു, ഡോ. വർഗീസ് ഫിലിപ്പ്, സാം ജോർജ് ,വിൽസൺ ജോസഫ്, റ്റി.ഡി. തോമസ് , ദാനീയേൽ കൊന്നനിൽക്കുന്നതിൽ, ഷിബു തോമസ്, ഡോ.ജോൺ കെ.മാത്യൂ, ഡോ. അലക്സ് ജോൺ, ഇ.ഡി. ചെല്ലാ ദുരൈ, രാജു ഗരു എന്നിവർ വിവിധ ദിവസങ്ങളിൽ പ്രസംഗിക്കും. ബ്രദർ ജിൻസൺ ഡി.തോമസിൻ്റെ നേതൃത്വത്തിൽ പിവൈപിഎ കൺവൻഷൻ ക്വയർ ഗാനശുശ്രൂഷ നിർവഹിക്കും.
കൺവൻഷനിൽ ദിവസവും വൈകിട്ട് 6.30 മുതൽ ഗാനശുശ്രൂഷ ,സുവിശേഷ പ്രസംഗം എന്നിവ നടക്കും. ജനുവരി 9 രാവിലെ 10.30 ന് ശുശ്രൂഷക സമ്മേളനം , വെള്ളി ,ശനി ദിവസങ്ങളിൽ രാവിലെ 8 മുതൽ 9.30 വരെ ബൈബിൾ ക്ലാസ്, വെള്ളിയാഴ്ച ഉച്ചയ്ക്ക് 2 മുതൽ സോദരി സമാജം സമ്മേളനം പ്രസിഡൻറ് സിസ്റ്റർ ലില്ലിക്കുട്ടി വർഗീസിൻ്റെ നേതൃത്വത്തിൽ നടക്കും. സിസ്റ്റർ രേഷ്മ തോമസ് മുഖ്യാതിഥി ആയിരിക്കും.
കഴിഞ്ഞ അഞ്ച് പതിറ്റാണ്ട് സുവിശേഷ വേലയിലായിരുന്ന ശുശ്രൂഷകരുടെ ഭാര്യമാരെ സോദരി സമാജം സമ്മേളനത്തിൽ പ്രവർത്തകർ ആദരിക്കും. ശനിയാഴ്ച ഉച്ചയ്ക്ക് 2.30 മുതൽ പി.വൈ.പി.എ , സൺഡേസ്ക്കൂൾ വാർഷിക സമ്മേളനവും നടക്കും. സമാപന ദിവസമായ 12 ഞായർ രാവിലെ 8.30 ന് കർണാടകയുടെ ഇതരഭാഗങ്ങളിൽ നിന്നുള്ള ശുശ്രൂഷകരും വിശ്വാസികളും പങ്കെടുക്കുന്ന കൺവെൻഷൻ തിരുവത്താഴ ശുശ്രൂഷയോടും സംയുക്ത ആരാധനയോടെയും സമാപിക്കും. കൺവെൻഷൻ്റെ അനുഗ്രഹത്തിനായി ജനുവരി 3 മുതൽ 5 വരെ ഹൊറമാവ് അഗര ഹെഡ്ക്വാർട്ടേഴ്സിൽ ഉപവാസ പ്രാർഥന നടക്കും.
കൺവെൻഷൻ ജനറൽ കൺവീനറായി സ്റ്റേറ്റ് സെക്രട്ടറി പാ. വർഗീസ് ഫിലിപ്പ് , ജോയിന്റ് കൺവീനർമാരായി പാ. സി.പി. സാമുവേൽ , ബ്രദർ സജി.ടി. പാറേൽ എന്നിവരെയും കൺവൻഷന്റെ സുഗമമായ നടത്തിപ്പിനായി വിവിധ ഉപസമതികളെയും തിരഞ്ഞെടുത്തു. പ്രയർ കൺവീനർ പാ. തോമസ് കോശി, പബ്ലിസിറ്റി കൺവീനർ പാ. വിൽസൺ തോമസ്, മീഡിയ കൺവീനർ പാ. ജോർജ് ഏബ്രഹാം , ഫിനാൻസ് കൺവീനർ ബ്രദർ പി ഒ സാമൂവേൽ എന്നിവരെയും പാസ്റ്റർമാരായ എ. വൈ. ബാബു, കെ പി ജോർജ്, ജോർജ് തോമസ്, സാബു ജോൺ, ജേക്കബ് ഫിലിപ്പ്, ബ്രദർ ജോസ് വർഗീസ്, ബ്രദർ സി.റ്റി.ജോസഫ്, ബ്രദർ ബിജു പാറയിൽ , ബ്രദർ ബ്ലൂസൺ എന്നിവരെയും വിവിധ ഉപസമിതികളുടെ കൺവീനർമാരായും തിരഞ്ഞെടുത്തു.
പാ. കെ.എസ്.ജോസഫിൻ്റെ നേതൃത്വത്തിൻ കീഴിൽ പ്രവർത്തിക്കുന്ന കർണാടക സ്റ്റേറ്റ് പ്രവർത്തകർ ഇക്കുറി കൂടുതൽ ആളുകളെ ഉൾക്കൊള്ളിക്കുന്നതിനാണ് 3 ഏക്കർ വിസ്തൃതിയുള്ള കൊത്തന്നൂർ എബനേസർ ക്യാംപസ് ഗ്രൗണ്ടിൽ കൺവെൻഷൻ നടത്തുന്നത്. കർണാടകയുടെ 31 ജില്ലകളിലായി 24 സെൻ്റർ സഭകളും 22 ഏരിയാ സഭകളും 925 ശുശ്രൂഷകരും കർണാടക സ്റ്റേറ്റ് ഐപിസിയുടെ കീഴിൽ പ്രവർത്തിക്കുന്നു. കന്നട ഭാഷയിൽ വേദപംനത്തിനായി ബാംഗ്ലൂരിലും ഷിവമൊഗയിലും 2 ബൈബിൾ കോളേജുകൾ പ്രവർത്തിക്കുന്നു.
കർണാടകയുടെ വിവിധയിടങ്ങളിൽ നിന്നും കൺവെൻഷനിൽ പങ്കെടുക്കുന്നവർക്ക് താമസം, വാഹനസൗകര്യം തുടങ്ങി വിപുലമായ ഒരുക്കങ്ങൾ ചെയ്ത് വരുന്നതായി ബിസിപിഎ നടത്തിയ വാർത്താ സമ്മേളനത്തിൽ സ്റ്റേറ്റ് പ്രസിഡൻ്റ് പാ. കെ. എസ്. ജോസഫ് , വൈസ് പ്രസിഡൻ്റ് പാ. ജോസ് മാത്യൂ, ജനറൽ കൺവീനർ പാ. ഡോ. വർഗീസ് ഫിലിപ്പ്, പബ്ലിസിറ്റി കൺവീനർ പാ. വിൽസൺ തോമസ് എന്നിവർ പറഞ്ഞു.
Sources:christiansworldnews
ജിമെയിലിനെതിരെ അവതരിപ്പിക്കുന്ന എക്‌സ്‌മെയിലിന്റെ പുതിയ അപ്‌ഡേഷനുമായി മസ്‌ക്
ജിമെയിലിനെതിരെ അവതരിപ്പിക്കുന്ന എക്‌സ്‌മെയിലിന്റെ പുതിയ അപ്‌ഡേഷനുമായി ശതകോടീശ്വരന്‍ ഇലോണ്‍ മസ്‌ക്. ആദ്യം അവതരിപ്പിച്ച ലേ ഔട്ടില്‍ നിന്നും വ്യത്യസ്തമായ പുതിയ ഡിസൈന്‍ എക്‌സ്‌മെയിലിലുണ്ടാകുമെന്ന സൂചനയും പുറത്ത് വരുന്നുണ്ട്....
വെള്ളത്തലയൻ കടൽപ്പരുന്ത് അമേരിക്കയുടെ ദേശീയ പക്ഷി; ഔദ്യോഗികമായി പ്രഖ്യാപിച്ച്‌ ബൈഡൻ
വാഷിങ്ടൺ :അമേരിക്കയുടെ ദേശീയ പക്ഷിയായി വെള്ളത്തലയൻ കടൽപ്പരുന്തിനെ പ്രഖ്യാപിച്ചു. അമേരിക്കൻ പ്രസിഡന്റ് ജോ ബൈഡനാണ്‌ ഇക്കാര്യം ഔദ്യോഗികമായി പ്രഖ്യാപിച്ചത്‌. 240 വർഷത്തിലേറെയായി അമേരിക്കയുടെ പ്രതീകമായി വെള്ളത്തലയൻ കടൽപ്പരുന്ത്...
പി വൈ പി എ 77-ാമത് സംസ്ഥാന ക്യാമ്പിന് നെയ്യാർ ഡാം രാജീവ് ഗാന്ധി റിസർച്ച് ഡെവലപ്മെൻറ് സ്റ്റഡി സെന്ററിൽ ഉജ്ജാല തുടക്കം
2024 ഡിസംബർ 25-28 വരെ നെയ്യാർ ഡാം രാജീവ് ഗാന്ധി റിസർച്ച് ഡെവലപ്മെൻറ് സ്റ്റഡി സെന്ററിൽ വെച്ചു നടക്കുന്ന പി വൈ പി എ 77-മത് സംസ്ഥാന...
ഗാർലാൻഡ് മേയർ സ്ഥാനാർഥി പി.സി. മാത്യു ഓൺലൈൻ ക്യാമ്പയിൻ കിക്ക്‌ ഓഫ് പാസ്റ്റർ ഷാജി കെ. ഡാനിയേൽ നിർവഹിച്ചു
ഡാളസ്: ഗാർലാൻഡ് മേയർ സ്ഥാനാർഥി പി. സി. മാത്യു ഓൺലൈൻ ക്യാമ്പയിൻ കിക്ക്‌ ഓഫ് ഡിസംബർ 15 ചേർന്ന യോഗത്തിൽ അഗപ്പേ ഹോം ഹെൽത്ത് പ്രെസിഡന്റും അഗപ്പേ...
22 മത് മലയാളി പെന്തക്കോസ്റ്റൽ അസ്സോസിയേഷൻ യൂ കെ നാഷണൽ കോൺഫറൻസ് 2025 ഏപ്രിൽ 18,19,20 തീയതികളിൽ
22 മത് മലയാളി പെന്തക്കോസ്റ്റൽ അസ്സോസിയേഷൻ യൂ കെ നാഷണൽ കോൺഫറൻസ് ഇംഗ്ലണ്ടിലെ ബ്രിസ്റ്റോൾ പട്ടണത്തിൽ വച്ച് 2025 ഏപ്രിൽ 18,19,20 തീയതികളിൽ . Sources:christiansworldnews http://theendtimeradio.com...
എം ടി വാസുദേവൻ നായർ അന്തരിച്ചു
കോഴിക്കോട്: മലയാളത്തിന്റെ അതുല്യപ്രതിഭ എം.ടി. വാസുദേവൻ നായർ അന്തരിച്ചു. കോഴിക്കോട്ടെ ആശുപത്രിയിൽ ഹൃദയസംബന്ധമായ അസുഖത്തെ തുടർന്ന് ചികിത്സയിലിരിക്കെ ഇന്ന് രാത്രിയോടെയാണ് മരണം സംഭവിച്ചത്. ഏഴുപതിറ്റാണ്ട് എഴുത്തിന്റെ ‘സുകൃത’മായി...
-
Travel7 months agoയാക്കൂസ കരിഷ്മ:ഓല സ്കൂട്ടറിനേക്കാൾ വിലക്കുറവിൽ കുഞ്ഞൻ കാർ; സിറ്റി യാത്രകൾക്ക് ഇനി ഇവൻ മതിയാവും
-
Movie1 month agoFor KING + COUNTRY Stars’ Big Plan to Bring Message of Jesus, ‘Redemption of Humanity’ to People Across America
-
Tech6 months agoചിത്രങ്ങൾ എഡിറ്റ് ചെയ്യാം; വാട്‌സ്ആപ്പിലെ ‘നീല വളയം’ സ്മാർട്ടാകുന്നു, കാര്യമായ മാറ്റങ്ങൾ
-
Movie1 month agoFor KING + COUNTRY Stars’ Big Plan to Bring Message of Jesus, ‘Redemption of Humanity’ to People Across America
-
National10 months ago300,000-Member Indian Church to Plant 40 More Megachurches
-
National10 months agoനെയ്തേലിപ്പടി ക്രൂസേഡിന് അനുഗ്രഹീത സമാപ്തി
-
Movie9 months agoActor Ryan Phillippe ‘Craving’ Relationship With God After Movie About Christian Missionary
-
Articles7 months ago8 ways the Kingdom connects us back to the Garden of Eden