പൊതു നന്മയ്ക്കായി 16 സെന്റ് സ്ഥലം വിട്ടുനൽകി മാതൃകയായി ലാലുച്ചായൻ!ഒരടി ഭൂമിക്കായി പോലും തർക്കങ്ങൾ നടക്കുന്ന കാലത്ത്, വഴിയില്ലാതെ ബുദ്ധിമുട്ടിയിരുന്ന പത്തോളം കുടുംബങ്ങൾക്ക് വഴിയൊരുക്കാൻ സ്വന്തം 16 സെന്റ് ഭൂമി വിട്ടുനൽകി പാസ്റ്റർ ജോർജ് എബ്രഹാം (ലാലുച്ചായൻ).

മലയിൽ പുത്തൻ വീട്ടിൽ പാസ്റ്റർ ജോർജ് എബ്രഹാം എന്ന ലാലുചയനെ കുറിച്ച് പറയുമ്പോൾ കോന്നിക്കാർക്ക് ആയിരം നാക്കാണ്. മൂന്നടി പാതയിലൂടെ നലരപതിറ്റാണ്ട് കൊണ്ട് നടന്ന ഒരു കൂട്ടം ജനത്തിൻ്റെ കാണപ്പെട്ട ദൈവമാണ് അദ്ദേഹം.

പത്തനംതിട്ട ജില്ലയിലെ കോന്നി , അതുരങ്കൽ ഗ്രാമവാസികൾക്ക് കിട്ടിയ ഓണ ബംപർ സമ്മാനം ആണ് ഈ പൊതു വഴി.
ഒരു നുള്ളു മണ്ണിനുവേണ്ടി രക്തബന്ധങ്ങൾ പോലും തമ്മിലടിക്കുന്ന ഈ കാലത്ത് ലലുച്ചായൻ എന്ന ഈ പ്രേഷിത പ്രവർത്തകൻ സമൂഹത്തിന് മാതൃകയായി.

അനേക വർഷം ദോഹയിൽ ബിസിനസിനൊപ്പം സുവിശേഷ പ്രവർത്തനവും ആതുരസേവനവും ചെയ്ത പാസ്റ്റർ എബ്രഹാം പ്രവാസ ജീവിതത്തിൽ നിന്നും തിരികെ എത്തി നാട്ടിലാണ് ഇപ്പൊൾ. ദേശത്ത് പാർത്ത് വിശ്വസ്ത ആചരിക്കുന്ന ഈ ദൈവഭൃത്യൻ സ്വദേശത്ത് ഇപ്പോഴും സുവിശേഷ വേലയിൽ വ്യാപൃതനാണ്. നല്ലൊരു ഗ്രന്ഥകാരനും, പ്രഭാഷകനുമായ അദ്ദേഹം ഇതിന് മുമ്പും നിർധനർക്ക് വീടും, വഴിയും, ചികിത്സാ സഹായവും ചെയ്തിട്ടുണ്ട്.

തൻ്റെ സഹധർമ്മിണി വത്സമ്മയുടെ പ്രാർഥനയും സന്മനസ്സുമാണ് ഇതിൻ്റെ പിന്നിലുള്ള വിജയമെന്ന് നാട്ടുകാർ ഒന്നായി പറയുന്നു.
മൂന്ന് ആൺമക്കളും കുടുംബവും ഈ സാമൂഹിക സേവനത്തിന് പിതാവിനൊപ്പം മുന്നിലുണ്ട്.
അദ്ദേഹം ചെയ്യുന്ന ഒരു പൊതുനന്മയും ആരും അറിയരുത് എന്നാണ് അദ്ദേഹത്തിൻ്റെ ആഗ്രഹം. എന്നാൽ സ്വന്തം സ്ഥലം പൊതുവഴിക്ക് വിട്ടുകൊടുത്തപ്പോൾ പഞ്ചായത്ത് പ്രസിഡൻ്റിൻ്റെ നിർബന്ധം മൂലമാണ് മാധ്യമങ്ങൾക്ക് മുമ്പിൽ പ്രത്യക്ഷപ്പെട്ടത്. ഈ വാർത്ത നാട്ടുകാർ മാധ്യമങ്ങളിൽ പ്രചരിപ്പിച്ചതോടെയാണ് താൻ അങ്ങനെ വരേണ്ടിവന്നതും.

“നാം ഈ ലോകത്തിൽ വന്നപ്പോൾ ഒന്നും കൊണ്ടുവന്നില്ല, പോകുമ്പോൾ ഒന്നും കൊണ്ടുപോകയുമില്ല. ജീവിച്ചിരിക്കുമ്പോൾ സമൂഹത്തിനും സാധുക്കൾക്കും ഉപകാരപ്രദമായ കാര്യങ്ങൾ ചെയ്യുക….” ആ ചിന്തയാണ് ഇങ്ങനെയുള്ള സാമൂഹിക സേവനം ചെയ്യുവാൻ പ്രേരിപ്പിക്കുന്നത് എന്ന് അദ്ദേഹം പറയുന്നു.പ്രായമായ ഒരുപാട് ആൾക്കാർ ഇവിടെയുണ്ട്. പെട്ടന്ന് അവർക്കൊന്നു ആശുപത്രിയിൽ പോകണമെങ്കിൽ നല്ലൊരു വഴിയില്ല. അതിന് ഒരു പരിഹാരം കൂടിയാണ് ഈ വഴി. അവരുടെ പ്രാർത്ഥന ഞങ്ങൾക്ക് കിട്ടുമല്ലോ അദ്ദേഹം കൂട്ടിച്ചേർത്തു.

സന്മനസ്സുള്ളവർ ഇനിയും എഴുന്നേൽക്കണം. വഴിയും, വെള്ളവും, വെളിച്ചവും ഇല്ലാത്തവർക്ക് എത്തിച്ചുകൊടുക്കുവാൻ ഇത് ഏവർക്കും മാതൃക തന്നെ.
Sources:cchintha.in

http://theendtimeradio.com

കോട്ടയം : സത്യസന്ധതയും സമഗ്രതയുമാണ് ഒരു യഥാർത്ഥ മാധ്യമ പ്രവർത്തകൻ്റെ അടിസ്ഥാന ഗുണമെന്ന് മുൻ ചീഫ് സെക്രട്ടറിയും ഗ്രന്ഥകാരനുമായ ഡോ. ജിജി തോംസൺ ഐ എഎസ് പ്രസ്താവിച്ചു.ലോകമെങ്ങുമുള്ള മലയാളി പെന്തെക്കോസ്ത് മാധ്യമ പ്രവർത്തകരുടെയും എഴുത്തുകാരുടെയും കൂട്ടായ്മയായ ഗ്ലോബൽ മലയാളി പെന്തക്കോസ്ത് മീഡിയ അസോസിയേഷൻ നടത്തിയ അഞ്ചാമത് മീഡിയ കോൺഫറൻസിൽ മുഖ്യ പ്രഭാഷണം നടത്തുകയായിരുന്നു അദ്ദേഹം.

നിർമിത ബുദ്ധിക്ക് ലേഖനമെഴുതാം, പക്ഷേ സത്യനിഷ്ഠ പുലർത്താൻ കഴിഞ്ഞെന്ന് വരില്ല. അൽഗോരിതങ്ങൾക്ക് വിവരങ്ങൾ പ്രചരിപ്പിക്കാം, ജ്ഞാനം സൃഷ്ടിക്കാൻ കഴിയില്ല. ധാർമിക ധൈര്യം മനുഷ്യ ഹൃദയങ്ങളിൽ നിന്നാണ് വരുന്നത്. ആരും കാണാത്തപ്പോൾ പ്പോലും ശരിയായി ചെയ്യുന്നതാണ് സമഗ്രത. ക്രിസ്തീയ മൂല്യങ്ങൾ മാധ്യമ പ്രവർത്തനങ്ങൾക്ക് ശക്തമായ അടിത്തറ നൽകുന്നു എന്നും സത്യത്തിനുവേണ്ടി ത്യാഗം സഹിക്കുന്നവരാണ്
യഥാർത്ഥ പത്ര പ്രവർത്തകർ എന്നും ഡോ. ജിജി തോംസൺ പറഞ്ഞു.

സെപ്റ്റംബർ 10 മുതൽ 12 വരെ സൂം പ്ലാറ്റ്ഫോമിൽ നടത്തിയ മീഡിയ കോൺഫറൻസ് ഡബ്ലു. എം. ഇ ജനറൽ പ്രസിഡൻ്റ് ഡോ. ഒ എം രാജുക്കുട്ടി ഉദ്ഘാടനം ചെയ്തു. മീഡിയ അസോസിയേഷൻ ചെയർമാൻ പാസ്റ്റർ പി ജി മാത്യൂസ് അധ്യക്ഷത വഹിച്ചു. മുതിർന്ന പത്രപ്രവർത്തകനും മലയാള മനോരമ മുൻ എഡിറ്റോറിയൽ ഡയറക്ടറുമായ ജോസ് പനച്ചിപ്പുറം, 24ന്യൂസ് ചാനൽ എഡിറ്റർ ഇൻ ചാർജ് പി പി ജെയിംസ്, പ്രമുഖ പ്രഭാഷകരും എഴുത്തുകാരുമായ ഡോ. മാത്യു വർഗീസ് ഒക്ലഹോമ, ജോർജ് കോശി മൈലപ്ര, റവ. ജോർജ് മാത്യു പുതുപ്പള്ളി, സി വി മാത്യു എന്നിവർ വിവിധ വിഷയങ്ങളിൽ പ്രഭാഷണം നടത്തി. പാസ്റ്റർ ബാബു ജോർജ് പത്തനാപുരം, പാസ്റ്റർ സാംകുട്ടി ചാക്കോ നിലമ്പൂർ എന്നിവർ അധ്യക്ഷത വഹിച്ചു. പാസ്റ്റർ സാംസൺ കോട്ടൂർ, ഡോ. ബ്ലെസൻ മേമന, റീത്ത മാനുവൽ സിൽവേര എന്നിവർ ഗാനങ്ങൾ ആലപിച്ചു. ജനറൽ സെക്രട്ടറി ഷിബു മുള്ളംകാട്ടിൽ സ്വാഗതവും മീഡിയ കൺവീനർ സജി മത്തായി കാതേട്ട് നന്ദിയും പറഞ്ഞു.

പാസ്റ്റർ അനീഷ് കൊല്ലംകോട്, ഫിന്നി പി മാത്യു, ഷാജൻ ജോൺ ഇടയ്ക്കാട് എന്നിവർ യോഗ നടപടികൾ നിയന്ത്രിച്ചു. ടോണി
ഡി ചെവ്വൂക്കാരൻ, പാസ്റ്റർ ജെ ജോസഫ്,ചാക്കോ കെ തോമസ് എന്നിവർ പ്രമേയങ്ങൾ അവതരിപ്പിച്ചു.രാജൻ ആര്യപ്പള്ളി, റോജിൻ പൈനുംമൂട്, ഡോ. സാം കണ്ണംപളളി, സാം കൊണ്ടാഴി എന്നിവർ വിവിധ പരിപാടികൾ അവതരിപ്പിച്ചു. പാസ്റ്റർമാരായ സി പി മോനായി, സാം മുഖത്തല, സണ്ണി പി സാമുവേൽ,കെ ജെ ജോബ്, ഡോ. വി പി ഫിലിപ്പ്, ഡോ.ബിനു ഡാനിയേൽ എന്നിവർ പ്രാർത്ഥന നയിച്ചു. ഫിന്നി ജോൺസൺ ടെക്നിക്കൽ കോർഡിനേറ്ററായി പ്രവർത്തിച്ചു

ഇന്ത്യ, ഗൾഫ്, യു എസ് എ, കാനഡ, യൂറോപ്പ്‌ എന്നീ രാജ്യങ്ങളിൽ നിന്നുള്ള ക്രൈസ്തവ എഴുത്തുകാരും മാധ്യമ പ്രവർത്തകരും അഭ്യുദയ കാംക്ഷികളും മീഡിയ കോൺഫറൻസിൽ പങ്കെടുത്തു.

http://theendtimeradio.com

തിരുവനന്തപുരം: ഐപിസി വെമ്പായം സെൻ്റർ സൺഡേസ്കൂൾ അസോസിയേഷന്റെ ആഭിമുഖ്യത്തിൽ നടത്തുന്ന ഈ വർഷത്തെ താലന്തു പരിശോധന സെപ്റ്റംബർ. 21 തിങ്കളാഴ്ച രാവിലെ 9 മണി മുതൽ നാലാഞ്ചിറ ഐപിസി ജയോത്സവം വർഷിപ്പ് സെൻ്ററിൽ നടക്കും.

ഐപിസി കേരളാ സ്റ്റേറ്റ് കൗൺസിൽ അംഗീകാരമുള്ളതും അസോസിയേഷനിൽ രജിസ്റ്റർ ചെയ്തിട്ടുള്ളതുമായ സണ്ടേസ്കൂളുകളിലെ വിദ്യാർത്ഥികൾക്കാണ് മത്സരങ്ങളിൽ പങ്കെടുക്കുവാൻ അവസരം. പ്രായത്തിന്റെ അടിസ്ഥാനത്തിൽ സബ്ജൂനിയർ, ജൂനിയർ, ഇൻ്റർമീഡിയറ്റ്, സീനിയർ എന്നിങ്ങനെ 4 ഗ്രൂപ്പുകളെയാണ് മത്സരങ്ങൾ ക്രമീകരിച്ചിരിക്കുന്നത്. പ്രസംഗം, ലളിതഗാനം, ബൈബിൾ ക്വിസ് , വാക്യമെഴുത്ത്, ഉപന്യാസം, ഗ്രൂപ്പ് സോംഗ്, ക്ലാസിക്കൽ മ്യൂസിക്, വിവിധ ഉപകരണ സംഗീതങ്ങൾ എന്നിവയാണ് പ്രധാന മത്സരയിനങ്ങൾ. കൂടാതെ അധ്യാപകർക്കായി പ്രത്യേക മത്സരങ്ങളും ഉണ്ടായിരിക്കും.

കൂടുതൽ വിവരങ്ങൾക്കും നിബന്ധനകൾക്കുമായി സൺഡേസ്കൂൾ ഭാരവാഹികളുമായി ബന്ധപ്പെടണമെന്ന് സൂപ്രണ്ട് Pr. ഷൈജു വെള്ളനാട് , സെക്രട്ടറി Pr അനീഷ് കുമാർ , ട്രഷറർ Pr.അഭിലാഷ് എന്നിവർ അറിയിച്ചു.
ബന്ധപ്പെടുക : 9645114452, 9656384337

താലന്തു കൺവീനർ : Pr അഭിലാഷ് : 9961646771

താലന്തു ജോ:കൺവീനർ : Pr ബിനുരാൻ : 9895584797
 http://theendtimeradio.com