world news
ഓസ്‌ട്രേലിയയിൽ പഠിക്കാൻ പോവുകയാണോ? വിദേശ വിദ്യാർഥികൾക്ക് പുതിയ നിയമങ്ങൾ
സിഡ്നി: ഉന്നത വിദ്യാഭ്യാസത്തിനായി വിദേശത്തേക്ക് പോകുന്ന ഇന്ത്യൻ വിദ്യാർഥികളുടെ എണ്ണം ഓരോ വർഷം കഴിയുന്തോറും വർധിച്ചുകൊണ്ടിരിക്കുകയാണ്. ഗ്ലോബൽ എജ്യുക്കേഷൻ കോൺക്ലേവിന്റെ ഏറ്റവും പുതിയ ഇന്ത്യൻ സ്റ്റുഡന്റ് മൊബിലിറ്റി റിപ്പോർട്ട് അനുസരിച്ച്, 2023 ൽ ഏകദേശം 1.3 ദശലക്ഷം ഇന്ത്യൻ വിദ്യാർഥികൾ വിദേശത്ത് പഠിക്കുന്നുണ്ടെന്ന് കരുതുന്നു. എന്നാലിപ്പോൾ സ്റ്റഡി വിസയ്ക്കും തൊഴിൽ വിസയ്ക്കും കർശനമായ നിയമങ്ങളാണ് ചില രാജ്യങ്ങൾ കൊണ്ടുവരുന്നത്.
ലോകത്തിലെ മികച്ച 100 സർവകലാശാലകളിൽ ഒമ്പത്, മികച്ച 50 വിദ്യാർത്ഥി സൗഹൃദ നഗരങ്ങളിൽ ആറ് എന്നിങ്ങനെ സവിശേഷതകളുള്ള ഓസ്‌ട്രേലിയ വിദേശ വിദ്യാർഥികൾക്ക് മികച്ച തിരഞ്ഞെടുപ്പാണ്. ഓസ്‌ട്രേലിയയിൽ അനുവദിച്ച താൽക്കാലിക വിദ്യാർഥി വിസകളുടെ എണ്ണം 2023 ജൂലൈയിൽ 654,870 എന്ന എക്കാലത്തെയും ഉയർന്ന നിരക്കിലെത്തി. അതിനിടെ വിദേശികളെയും വിദേശ വിദ്യാർത്ഥികളെയും സ്വാധീനിക്കുന്ന ഇമിഗ്രേഷൻ നിയമങ്ങളിൽ ഓസ്‌ട്രേലിയൻ സർക്കാർ നിരവധി മാറ്റങ്ങൾ വരുത്തി.
ജോലി സമയ പരിധി
ഓസ്‌ട്രേലിയൻ തൊഴിൽ നിയമപ്രകാരം മറ്റെല്ലാ ജീവനക്കാരെയും പോലെ വിദേശ വിദ്യാർത്ഥികൾക്കും ഒരേ അവകാശമുണ്ട്. 2023 ജൂലൈ ഒന്ന് മുതൽ അനുവദനീയമായ ജോലി സമയത്തിന്റെ പരിധി, പഠന കാലയളവിലും സെമസ്റ്ററുകളിലും രണ്ടാഴ്ചയിൽ 48 മണിക്കൂർ എന്ന തോതിൽ വർധിപ്പിച്ചു. സ്റ്റുഡന്റ് വിസയുള്ളവർക്ക് ഓസ്‌ട്രേലിയയിൽ പഠിക്കാമെന്ന് മാത്രമല്ല ശമ്പളമുള്ള ജോലി ചെയ്യാനും പഠിക്കുമ്പോൾ വിലപ്പെട്ട തൊഴിൽ പരിചയം നേടാനും സാധിക്കും.
നൈപുണ്യമുള്ള-അംഗീകൃത ഗ്രാജുവേറ്റ് വിസ
എൻജിനീയറിംഗ് ബിരുദധാരികൾക്ക് ഓസ്‌ട്രേലിയയിൽ 18 മാസം വരെ താമസിക്കാനോ ജോലി ചെയ്യാനോ പഠിക്കാനോ അനുവദിക്കുന്ന സ്‌കിൽഡ്-അംഗീകൃത ഗ്രാജ്വേറ്റ് വിസ 2023 ഡിസംബർ 22 മുതൽ പരിമിതപ്പെടുത്തിയിരിക്കുന്നു.
ഉയർന്ന സമ്പാദ്യ തെളിവ്
വിദേശ വിദ്യാർഥികൾ സ്റ്റുഡന്റ് വിസയ്ക്ക് അപേക്ഷിക്കുമ്പോൾ കാണിക്കേണ്ട തുകയിൽ വർധനവുണ്ടായിട്ടുണ്ട്. 2023 ഒക്ടോബർ ഒന്ന് മുതൽ, സ്റ്റുഡന്റ് വിസ അപേക്ഷകർ വാർഷിക ജീവിത ചിലവുകൾക്കായി തങ്ങളുടെ സമ്പാദ്യത്തിൽ കുറഞ്ഞത് 24,505 ഓസ്‌ട്രേലിയൻ ഡോളർ കൈവശം ഉണ്ടെന്ന് കാണിക്കേണ്ടതുണ്ട്.
ഓസ്‌ട്രേലിയൻ സ്റ്റുഡന്റ് വിസ ലഭിക്കുന്നതിനുള്ള ആവശ്യകതകളിൽ ഒന്ന്, നിങ്ങൾ താമസിക്കുന്ന സമയത്ത് നിങ്ങളുടെ യാത്ര, കോഴ്‌സ് ഫീസ്, ജീവിത ചിലവ് എന്നിവ ഉൾക്കൊള്ളാൻ ആവശ്യമായ പണമുണ്ടെന്നതിന്റെ തെളിവാണ്. നിങ്ങൾ പഠിക്കുമ്പോൾ സാമ്പത്തിക ബുദ്ധിമുട്ടുകൾ ഉണ്ടാകാനുള്ള സാധ്യത കുറയ്ക്കുന്നതിനാണ് ഇത്. 2023 ഒക്ടോബർ ഒന്നിനോ അതിനുശേഷമോ നിങ്ങൾ പുതിയ അപേക്ഷ സമർപ്പിച്ചിട്ടുണ്ടെങ്കിൽ, ഈ പുതിയ തുകകളുടെ തെളിവ് നിങ്ങൾ കാണിക്കേണ്ടതുണ്ട്.
ഒരേ സമയം രണ്ട് കോഴ്‌സുകളിൽ ചേരാനാവില്ല
വിദേശ വിദ്യാർത്ഥികൾക്ക് അവരുടെ പ്രിൻസിപ്പൽ കോഴ്‌സിൽ പഠിച്ച് ആദ്യത്തെ ആറ് മാസത്തിനുള്ളിൽ ഒരേ സമയം രണ്ട് കോഴ്‌സുകളിൽ ചേരാൻ കഴിയില്ലെന്ന് ഓസ്‌ട്രേലിയൻ സർക്കാർ പ്രഖ്യാപിച്ചിട്ടുണ്ട്. ഈ മാറ്റം ഇതിനകം ഒരേസമയം രണ്ട് കോഴ്‌സുകൾ പഠിക്കുന്ന വിദ്യാർത്ഥികളെ ബാധിക്കില്ല.
വിസ പ്രോസസിംഗ് സമയങ്ങൾ
2023-ൽ വിദ്യാർത്ഥി വിസ അപേക്ഷയുടെ ശരാശരി പ്രോസസിംഗ് സമയം 16 ദിവസമായി കുറച്ചിരിക്കുന്നു. എന്നിരുന്നാലും, നിങ്ങൾ അപൂർണമായ അപേക്ഷ സമർപ്പിക്കുകയാണെങ്കിൽ, തുടർനടപടികൾ സ്വീകരിക്കുന്നതിനായി നിങ്ങൾക്ക് (ImmiAccount-ൽ) അറിയിപ്പ് ലഭിക്കും.
ഇംഗ്ലീഷ് പ്രാവീണ്യ പരീക്ഷകളിൽ കൂടുതൽ സ്‌കോർ വേണം
ഇംഗ്ലീഷ് പ്രാവീണ്യ പരീക്ഷകളിൽ (IELTS, TOEFL, Duolingo തുടങ്ങിയവ) വിദേശ വിദ്യാർത്ഥികൾക്ക് ഉയർന്ന സ്കോറുകൾ ഉണ്ടായിരിക്കണമെന്ന് അടുത്തിടെ ഓസ്‌ട്രേലിയൻ സർക്കാർ പ്രഖ്യാപിച്ചു. ഇപ്പോൾ താൽക്കാലിക വിസയ്ക്കുള്ള ഐഇഎൽടിഎസ് സ്‌കോർ 6.0ൽ നിന്ന് 6.5 ആയി ഉയർത്തി. അതേസമയം സ്റ്റുഡന്റ് വിസയ്ക്ക് ഇത് 5.5ൽ നിന്ന് 6.0 ആക്കി ഉയർത്തിയിട്ടുണ്ട്.
Sources:azchavattomonline
ചൈനയിലെ ഏറ്റവും വലിയ രഹസ്യ കത്തോലിക്ക സമൂഹങ്ങളിലൊന്നായ ഹെബെയ് പ്രവിശ്യയിലെ ബയോഡിംഗ് രൂപതയിൽ നിന്നും ഒരു വൈദികൻ ഉൾപ്പെടെ രണ്ടുപേരെ കാണാതായി. ഏപ്രിൽ 17- ന് ശേഷം ഷാവോ കൗണ്ടിയിൽ നിന്നുള്ള ഫാ. ചി ഹുയിയനാണ് കാണാതായ വൈദികൻ. ഏപ്രിൽ 29- ന് ഹെബെയ് പ്രവിശ്യയിലെ ഷാങ്ജിയാകൗവിൽ – സമൂഹത്തിലെ പ്രൊഫ. ചെൻ ഹെകുനെയും കാണാതായിട്ടുണ്ട്. കഴിഞ്ഞ ആഴ്ചകളിലാണ് ഈ രണ്ട് കേസുകൾ റിപ്പോർട്ട് ചെയ്തിട്ടുള്ളത്.
മതസ്വാതന്ത്ര്യമില്ലാത്ത ചൈനയിൽ ഏറ്റവുമധികം സ്വാധീനം ചെലുത്തുന്ന ഒന്നാണ് ബോഡിംഗിലെ ഭൂഗർഭ കത്തോലിക്ക സമൂഹം. ഇപ്രകാരം കാണാതാകുന്നവരെക്കുറിച്ച് കൂടുതൽ വിശദാംശങ്ങൾ ഒന്നും പിന്നീട് അറിവായിട്ടില്ല. 1900-ൽ മാതാവ് പ്രത്യക്ഷപ്പെട്ടതായി പറയപ്പെടുന്ന ഡോങ്‌ലുവിലേക്കുള്ള തീർഥാടനവുമായി ബന്ധപ്പെട്ട് ബിഷപ്പ് ജിയാക്കോമോ സു ഷിമിൻ 1997-ൽ അറസ്റ്റിലായി. ബിഷപ് സു ഷിമിനെ പിന്നീട് 2003-ൽ ബാവോഡിംഗ് ആശുപത്രിയിൽ ഒരിക്കൽ കണ്ടിട്ടുണ്ട്. അതിനുശേഷം അദ്ദേഹത്തെക്കുറിച്ച് കൃത്യമായ വാർത്തകളൊന്നും ലഭിച്ചിട്ടില്ല.
Sources:azchavattomonline.com
മെയ് പതിനൊന്നിനും പന്ത്രണ്ടിനുമിടയിൽ മ്യാന്മറിലെ ചിൻ സംസ്ഥാനത്ത് ഒരു കത്തോലിക്കാ ദേവാലയത്തിനും മറ്റൊരു ബാപ്റ്റിസ്റ്റ് ദേവാലയത്തിനുംനേരെ വ്യോമാക്രമണമുണ്ടായതായി ഫീദെസ് വാർത്താ ഏജൻസി അറിയിച്ചു. കലായ് രൂപതയുടെ കീഴിലുള്ളതാണ് ആക്രമിക്കപ്പെട്ട കത്തോലിക്കാ ദേവാലയം. ടോൻസാങ് നഗരത്തിനടുത്തുള്ള ലങ്ടാക് ഗ്രാമത്തിലാണ് ആക്രമിക്കപ്പെട്ട ഇരുദേവാലയങ്ങളും. സംഭവത്തിൽ ആർക്കും പരിക്കേറ്റതായി റിപ്പോർട്ട് ചെയ്യപ്പെട്ടിട്ടില്ല.
വിമതഗ്രൂപ്പുകൾക്കെതിരെയുള്ള ആക്രമണത്തിന്റെ ഭാഗമായാണ് മ്യാന്മാർ വ്യോമസേന ആരാധനാലയങ്ങൾ ഉൾപ്പെടെയുള്ള ഇടങ്ങൾക്കുനേരെ ബോംബാക്രമണം നടത്തിയത്. സംഭവത്തിൽ അഞ്ചു വീടുകൾ തകർന്നു. മ്യാന്മറിലെ കലായ് രൂപതയുടെ കീഴിലുള്ള ഒരു ദേവാലയവും ആക്രമിക്കപ്പെട്ടവയിൽപെടും. ഇവിടെയുണ്ടായിരുന്ന ടൈറ്റസ് എൻ സാ ഖാൻ എന്ന വൈദികനും മറ്റു വിശ്വാസികളും രക്ഷപെട്ട് അടുത്തുള്ള കാടുകളിൽ അഭയം തേടിയതായി ഏജൻസി അറിയിച്ചു. ലങ്ടാക് ഗ്രാമവും സമീപത്തുള്ള മറ്റു രണ്ടു ഗ്രാമങ്ങളും ആക്രമണത്തിലൂടെ മ്യാന്മറിലെ സൈന്യം പിടിച്ചെടുത്തു. ചിൻ സംസ്ഥാനത്തെ 86 % ജനങ്ങളും ക്രൈസ്തവരാണ്. ഇവിടെ നാളുകളായി ആളുകൾക്കിടയിൽ സംഘർഷങ്ങളും അക്രമങ്ങളും നിലനിൽക്കുന്നുണ്ടെന്നും ഫീദെസ് വാർത്താ ഏജൻസി റിപ്പോർട്ട് ചെയ്തു.
2021-ൽ സൈന്യം ഭരണം പിടിച്ചെടുത്തതിനുശേഷം, ഈ പ്രദേശത്തുള്ള വർഗീയന്യൂനപക്ഷങ്ങൾ പ്രതിരോധനിരയോടു ചേർന്ന് സൈന്യത്തിനെതിരെ പോരാട്ടം തുടരുകയാണ്. എന്നാൽ അതേസമയം മ്യാന്മറിലെ സൈന്യം, സാധാരണ ജനങ്ങളുടെ വീടുകളും സ്കൂളുകളും ദൈവാലയങ്ങളും തകർക്കുകയും, രാജ്യത്തിന്റെ വിവിധ ഭാഗങ്ങളിലെ സ്ഥിതി വഷളാക്കുകയും ചെയ്തുവരികയാണെന്നും റിപ്പോർട്ടുകൾ പറയുന്നു.
ഇന്ത്യയും ബംഗ്ലാദേശുമായി അതിർത്തി പങ്കിടുന്ന ചിൻ സംസ്ഥാനത്ത്, പ്രതിരോധസേന നിർണ്ണായകമായ ക്യിന്ദ്വേ നഗരം പിടിച്ചെടുത്തു. സ്വാതന്ത്ര്യം ലഭിച്ച നാൾ മുതൽ കേന്ദ്രസർക്കാരിനെതിരെ പോരാടിവന്നിരുന്ന വർഗന്യൂനപക്ഷസേന നിലവിലെ സംഘർഷങ്ങളിൽ പങ്കെടുക്കുന്നുണ്ട്. ആക്രമങ്ങൾ സാധാരണ ജനങ്ങളെ, പ്രത്യേകിച്ച് സാഗയിങ് പ്രദേശത്തുള്ളവരെ ഗുരുതരമായി ബാധിക്കുന്നുണ്ടെന്നും ഏജൻസി വിശദീകരിച്ചു.
Sources:azchavattomonline.com
ലണ്ടൻ: വിദേശ രാജ്യങ്ങളിൽ നിന്നുള്ള കുടിയേറ്റം കുറയ്ക്കാൻ യുകെ കടുത്ത നടപടി സ്വീകരിച്ചതിന് പിന്നാലെ വിദ്യാർത്ഥികളുടെ ആശ്രിത വിസ (ഡിപെൻഡന്റ് വിസ) അപേക്ഷകളിൽ 80% കുറവ് രേഖപ്പെടുത്തിയതായി പ്രധാനമന്ത്രി ഋഷി സുനക്.
മാർച്ച് 11 മുതൽ കെയറർമാരുടെ ഡിപെൻഡന്റ് വിസ നിരോധനം യുകെയിൽ പ്രാബല്യത്തിൽ വന്നു. ഭർത്താവിനെയോ ഭാര്യയെയോ കുട്ടികളെയോ മറ്റുവിധത്തിലുള്ള ആശ്രിതരേയോ യുകെയിലേക്ക് കൊണ്ടുവരാനും കൂടെ താമസിപ്പിക്കാനുമുള്ള ഇതോടെ അനുമതി ഇല്ലാതാകും.
അതെസമയം ഡിപെൻഡന്റ് വിസ എടുത്ത് മാറ്റിയതോടെ യുകെയിലേക്ക് ജോലിക്കും പഠന വിസയും തേടുന്നവരുടെ എണ്ണത്തിൽ വലിയ കുറവുണ്ടായി. യുകെയിലെ 75-ലധികം സർവ്വകലാശാലകളിൽ നടത്തിയ ഒരു സർവേയെ അടിസ്ഥാനമാക്കി ഈവനിംഗ് സ്റ്റാൻഡേർഡിൻ്റെ റിപ്പോർട്ട് അനുസരിച്ച്, 2024 സെപ്റ്റംബറിൽ ബിരുദാനന്തര ബിരുദ അപേക്ഷകളിൽ 88 ശതമാനം കുറവുണ്ടായതായി കാണിക്കുന്നു. മുൻവർഷത്തെ അപേക്ഷിച്ച് മൊത്തത്തിൽ 27 ശതമാനം ഇടിവ് രേഖപ്പെടുത്തി.
അതുപോലെ ഇതിനൊപ്പം കുടിയേറ്റ നിയന്ത്രണം ലക്ഷ്യമിട്ട് ഹോം സെക്രട്ടറി ജെയിംസ് ക്ലെവർലി 2023 ഡിസംബർ 4-ന് പ്രഖ്യാപിച്ച നിയമമാറ്റങ്ങളുടെ അഞ്ചിന പദ്ധതിയും പ്രാബല്യത്തിൽ വന്നു. സ്‌കിൽഡ് വർക്കർ വിസയ്ക്കുള്ള ഏറ്റവും കുറഞ്ഞ ശമ്പളം മിനിമം £26,200 ൽ നിന്ന് £38,700 ആയി ഉയർത്തി. എന്നാൽ നഴ്സിംഗും സോഷ്യൽ കെയറും ഉൾപ്പെടുന്ന ഹെൽത്ത് ആൻ്റ് കെയർ വർക്കർ വിസയ്ക്കോ ദേശീയ ശമ്പള സ്കെയിലുകളിലുള്ള വിദ്യാഭ്യാസ മേഖലാ ജീവനക്കാർക്കോ ഈ മാറ്റം ബാധകമാകില്ല.
അതുപോലെ പാർട്ട്ണർ അഥവാ ജീവിത പങ്കാളി വിസയ്‌ക്കായി ആരെയെങ്കിലും സ്പോൺസർ ചെയ്യുന്നതിന് ആവശ്യമായ ഏറ്റവും കുറഞ്ഞ വരുമാനം പ്രതിവർഷം £18,600 ൽ നിന്ന് ആദ്യം £29,000 ആയും ഒടുവിൽ ഏകദേശം £38,700 ആയും ഉയരും.
എന്നിരുന്നാലും, സ്‌കിൽഡ് വർക്കേഴ്‌സിന് യുകെ വാതിൽ തുറന്നിരിക്കുന്നു. വിദഗ്ധ തൊഴിലാളി വിസ, ആരോഗ്യ, പരിചരണ തൊഴിലാളി വിസകൾക്ക് പരിധിയില്ല. വ്യവസായ സംരംഭകർക്ക് യുകെയിൽ ബിസിനസുകൾ കണ്ടെത്തുന്നതിനോ സ്വയം സ്പോൺസർഷിപ്പ് ഉപയോഗിച്ച് കൈമാറ്റം ചെയ്യുന്നതിനോ അനുമതി നൽകുന്നത് തുടരും.
Sources:azchavattomonline.com
Christian Persecution on the Rise in Latin America
Latin America — Throughout Latin America, Christians are increasingly enduring persecution for their faith in Jesus Christ, often at the...
ബില്ലി ഗ്രഹാമിന്റെ പ്രതിമ യുഎസ് ക്യാപിറ്റളിൽ അനാച്ഛാദനം ചെയ്തു
വാഷിങ്ടൻ ഡി സി : അന്തരിച്ച ബില്ലി ഗ്രഹാമിന്റെ പ്രതിമ യുഎസ് ക്യാപിറ്റളിൽ വ്യാഴാഴ്ച അനാച്ഛാദനം ചെയ്തു. നോർത്ത് കാരോലൈനയിലെ സുവിശേഷകനായ ഇദ്ദേഹം അമേരിക്കയുടെ പാസ്റ്റർ എന്നാണ്...
ചൈനയിൽ ഒരു വൈദികനുൾപ്പെടെ രണ്ടുപേരെ കാണാതായി
ചൈനയിലെ ഏറ്റവും വലിയ രഹസ്യ കത്തോലിക്ക സമൂഹങ്ങളിലൊന്നായ ഹെബെയ് പ്രവിശ്യയിലെ ബയോഡിംഗ് രൂപതയിൽ നിന്നും ഒരു വൈദികൻ ഉൾപ്പെടെ രണ്ടുപേരെ കാണാതായി. ഏപ്രിൽ 17- ന് ശേഷം...
ഛത്തീസ്ഗഡിൽ ക്രൈസ്തവ വിശ്വാസം സ്വീകരിച്ചതിന്റെ പേരിൽ യുവാവ് കൊല്ലപ്പെട്ടു
ഛത്തീസ്ഗഡിലെ ബസ്തർ മേഖലയിൽ ക്രിസ്തുവിശ്വാസം സ്വീകരിച്ച ആദിവാസികൾക്കെതിരായ ആക്രമണങ്ങൾ അവസാനിക്കുന്നില്ല. ക്രൈസ്തവരോട് കടുത്ത വിവേചനം ഗ്രാമങ്ങളിൽ തുടരുന്നുവെന്ന് വെളിപ്പെടുത്തുന്നത്തിനുള്ള ഒരു പുതിയ തെളിവാണ് 22 കാരനായ കോസ...
ലക്ഷദ്വീപിലേക്ക് അതിവേഗത്തിലെത്താം; ഏഴു മണിക്കൂർ യാത്ര, 650 രൂപ മാത്രം, വടക്കൻ കേരളത്തിനും കുതിപ്പേകാൻ പാസഞ്ചർ കപ്പൽ
മംഗളൂരു: ലക്ഷദ്വീപിലേക്കൊന്നു യാത്ര പോകാൻ ആഗ്രഹിക്കാത്ത ആളുകളുണ്ടാകുമോ? പവിഴപ്പുറ്റുകൾ നിറഞ്ഞ ദ്വീപിലേക്ക് ഒന്ന് പോയിവരണമെങ്കിൽ കടമ്പകളേറെയാണ്. ഈ നൂലാമാലകളെല്ലാം പൂർത്തിയാക്കി കപ്പലിൽ ടിക്കറ്റിന് ശ്രമിക്കുമ്പോൾ ടിക്കറ്റ് കിട്ടാത്ത...
Court grants relief for Protestant Pastor & wife
The top court in a western Indian state has revoked an official order that prohibited a Protestant pastor and his...
-
us news11 months agoനോർത്ത് അമേരിക്കൻ പെന്തക്കോസ്തൽ റൈറ്റേഴ്സ് ഫോറം : രാജൻ ആര്യപ്പള്ളി പ്രസിഡന്റ്; നിബു വെള്ളവന്താനം സെക്രട്ടറി
-
us news9 months agoനോര്ത്ത് അമേരിക്കന് പെന്തക്കോസ്തല് റൈറ്റേഴ്സ് ഫോറം; അറ്റ്ലാന്റാ ചാപ്റ്ററിന് പുതിയ ഭാരവാഹികള്
-
us news12 months ago‘The Biggest Water Baptism in History’: 4,166 Baptized at Historic Beach from Jesus Movement
-
world news12 months agoMuslim Husband Found Out His Wife Became a Christian; He Beat Her, Starved Her and Left Her in a Wild Animal Park—But God…
-
National8 months agoബൈബിൾ വിതരണം ചെയ്യുന്നതും നല്ല മൂല്യങ്ങൾ പഠിപ്പിക്കുന്നതും മതപരിവർത്തനമല്ല: അലഹബാദ് ഹൈക്കോടതിയുടെ നിര്ണ്ണായക വിധി
-
world news10 months ago37 Christians Killed in Nigeria in Three Weeks
-
world news12 months agoയുഎഇ യിൽ ക്രൈസ്തവ ആരാധനാലയങ്ങൾക്ക് ഇനി ലൈസൻസ് നിർബന്ധം
-
world news11 months agoക്രൈസ്തവര് തിങ്ങി പാര്ക്കുന്ന നിനവേ പ്രവിശ്യയിലെ ജനസംഖ്യ ഘടന തകിടം മറിക്കാൻ ശ്രമം: ഗുരുതര ആരോപണവുമായി ഇറാഖിലെ പാര്ട്ടികള്