National
വിദേശത്തേക്ക് പറക്കുന്ന മലയാളികളുടെ എണ്ണം വർധിക്കുന്നു; 2023ല് കേരളം വിട്ടത് 2.5 ലക്ഷം വിദ്യാര്ഥികള്
![](https://theendtimenews.com/wp-content/uploads/2024/06/study-abroad.jpg)
മെച്ചപ്പെട്ട ജീവിത സാഹചര്യങ്ങൾ തേടി വിദേശത്തേക്ക് പറക്കുന്ന ഇന്ത്യക്കാരുടെ എണ്ണം പ്രതിദിനം വർധിക്കുകയാണ് എന്നാണ് കണക്കുകൾ വ്യക്തമാക്കുന്നത്. വിദ്യാഭ്യാസത്തിനായും തൊഴിലിനായും ഒക്കെ ഇത്തരത്തിൽ പോകുന്നവർ പിന്നീട അവിടെ തന്നെ സ്ഥിര താമസം ആക്കുന്നതാണ് കണ്ടു വരുന്ന കാഴ്ച. മലയാളികൾ ആണ് ഇക്കാര്യത്തിൽ ഏറെ മുന്നിൽ എന്ന റിപോർട്ടുകൾ ആണ് ഇപ്പോൾ പുറത്തു വരുന്നത്.
കഴിഞ്ഞ വർഷം മാത്രം വിദ്യാഭ്യാസത്തിനായി കേരളം വിട്ട് വിദേശരാജ്യങ്ങളിലേക്ക് പോയത് 2.5 ലക്ഷം വിദ്യാർത്ഥികളാണ് എന്നാണ് കണക്കുകൾ വ്യക്തമാക്കുന്നത്. 2018ല് 1,29,763 പേരാണ് കേരളം വിട്ടത്. എന്നാൽ 5 വർഷങ്ങൾക്ക് ശേഷം ഇത് ഇരട്ടിയിലധികം ആയി എന്നാണ് കണക്കുകൾ പറയുന്നത്.
2023ൽ എറണാകുളം ജില്ലയിൽ നിന്നാണ് ഏറ്റവുമധികം പേർ വിദേശത്ത് പോയത്. 43,990 പേർ. 35873 എന്ന കണക്കോടെ തൃശൂരും,35382 എണ്ണത്തോടെ കോട്ടയവും തൊട്ട് പിറകിൽ ഉണ്ട്. ഏറ്റവും കുറവ് വിദ്യാര്ഥികള് പോയത് വയനാട്ടില് നിന്നാണ്. 3750 വിദ്യാർത്ഥികൾ വയനാട് ജില്ലയില് നിന്ന് കേരളം വിട്ടത്. ലോകത്താകമാനമുള്ള മലയാളി പ്രവാസികളുടെ എണ്ണത്തില് 11.3 ശതമാനമായി വിദ്യാർത്ഥികൾ കൂടിയെന്നാണ് കണക്ക്.
നോർക്ക നടത്തിയ കേരള മൈഗ്രേഷന് സർവേയിലാണ് പുതിയ കണ്ടെത്തൽ. യു.കെയാണ് കുടിയേറ്റത്തിൽ മുന്നിലുള്ള രാജ്യം. തൊട്ടുപിന്നാലെ കാനഡയുമുണ്ട്.
Sources:azchavattomonline.com
National
രാജസ്ഥാനില് ക്രൈസ്തവര്ക്ക് നേരെ വിഎച്ച്പി പ്രവര്ത്തകരുടെ ആക്രമണം: ക്രൈസ്തവരെ അറസ്റ്റ് ചെയ്ത് പോലീസിന്റെ വേട്ടയാടലും
![](https://theendtimenews.com/wp-content/uploads/2024/07/VHP-activists-attack-Christians-in-Rajasthan.jpg)
ജയ്പൂര്: രാജസ്ഥാനില് നിര്ബന്ധിത മതപരിവര്ത്തനം ആരോപിച്ച് ക്രൈസ്തവ വിശ്വാസികളുടെ വീട്ടില്ക്കയറി വിശ്വ ഹിന്ദു പരിഷത്തിന്റെ ആക്രമണം. രാജസ്ഥാനിലെ ഭരത്പൂരിലെ രാജസ്ഥാന് സ്റ്റേറ്റ് ഇന്ഡസ്ട്രിയല് ഡവലപ്മെന്റ് ആന്റ് ഇന്വെസ്റ്റ്മെന്റ് ഏരിയയില് പ്രാര്ത്ഥന കൂട്ടായ്മ നടക്കുകയായിരിന്ന ഭവനത്തിലേക്ക് ഇരച്ചെത്തിയ തീവ്ര ഹിന്ദുത്വവാദികള് സ്ത്രീകള് ഉള്പ്പെടെയുള്ളവരെ ക്രൂരമായി മര്ദ്ദിക്കുകയായിരിന്നു.
വെള്ളിയാഴ്ചയാണ് സംഭവം നടന്നത്. അതേസമയം വിവരമറിഞ്ഞെത്തിയ പ്രാദേശിക പോലീസ് അക്രമികളെ അറസ്റ്റ് ചെയ്യുന്നതിന് പകരം സ്ത്രീകള് ഉള്പ്പെടെ 28 ക്രൈസ്തവരെ കസ്റ്റഡിയിലെടുത്തു. ഹിന്ദുത്വവാദികളുടെ ഒത്താശയിലാണ് കേസ് ഫയല് ചെയ്തതെന്ന് കരുതപ്പെടുന്നു. വീട്ടില് അതിക്രമിച്ചു കയറിയ വിഎച്ച്പി പ്രവര്ത്തകര് പ്രാര്ത്ഥനയ്ക്കു നേതൃത്വം നല്കിയെന്ന് ആരോപിച്ച് യുവാക്കളെ പൊതിരെ തല്ലുന്നതിന്റെ വീഡിയോ ദൃശ്യങ്ങള് ഉള്പ്പെടെ പുറത്തുവന്നിട്ടുണ്ട്. വസ്ത്രങ്ങള് കീറി ചോരയൊലിക്കുന്ന യുവാവിനെ പുറത്തിറക്കി നിലത്തിട്ട് ആക്രമിക്കുന്നതും വീഡിയോയില് ദൃശ്യമാണ്.
ആക്രമണത്തിന് നേതൃത്വം നല്കിയ ഹിന്ദുത്വവാദികളെ അറസ്റ്റ് ചെയ്യുന്നതിന് പകരം ക്രൈസ്തവ വിശ്വാസികളായ സ്ത്രീകളെ ഉള്പ്പെടെയുള്ളവരെ അകാരണമായി ബലം പ്രയോഗിച്ചു കസ്റ്റഡിയിലെടുത്ത മതുരഗേറ്റ് പോലീസ് നടപടിയ്ക്കെതിരെ പ്രതിഷേധം ശക്തമാണ്. ഭാരതത്തിന്റെ വിവിധ ഭാഗങ്ങളില് ക്രൈസ്തവര് ഉള്പ്പെടെയുള്ള ന്യൂനപക്ഷങ്ങള്ക്ക് നേരെ തീവ്ര ഹിന്ദുത്വവാദികള് നടത്തുന്ന ആക്രമണങ്ങളില് വാദി പ്രതിയാകുന്ന രീതിയാണ് കണ്ടുവരുന്നത്. അതിനു ഏറ്റവും പുതിയ ഉദാഹരണമാണ് ഈ സംഭവം.
കടപ്പാട് :പ്രവാചക ശബ്ദം
National
ജി.എം മീഡിയ പ്രവർത്തക സമ്മേളനം സൂം പ്ലാറ്റ്ഫോമിൽ നടന്നു
![](https://theendtimenews.com/wp-content/uploads/2024/07/GM-Media.jpg)
തിരുവനന്തപുരം: –ഗോസ്പൽ മിറർ (GM) പ്രവർത്തക സമ്മേളനവും, കാര്യാലോചനകളും ജൂലൈ അഞ്ചാം തീയതി വൈകിട്ട് 9 PM മുതൽ 10.30 വരെ സൂം പ്ലാറ്റ്ഫോമിൽ നടന്നു. സുവിശേഷകൻ ജിജോ പാലക്കാട് പ്രാർത്ഥിച്ച് ആരംഭിച്ച മീറ്റിങ്ങിൽ GM മീഡിയ ഡയറക്ടർ പാസ്റ്റർ പോൾ സുരേന്ദ്രൻ പ്രവർത്തകരെ അഭിസംബോധന ചെയ്തു സംസാരിച്ചു. വരും ദിവസങ്ങളിൽ ജിഎം മീഡിയയുടെ പ്രവർത്തനങ്ങൾ കൂടുതൽ മേഖലകളിലേക്ക് എത്തിക്കണമെന്നും ആയതിന് എല്ലാ പ്രവർത്തകരും ഉത്സാഹിക്കണമെന്നും തന്റെ സന്ദേശത്തിൽ കൂടെ ഡയറക്ടർ അറിയിച്ചു. GM മീഡിയ ചീഫ് എഡിറ്റർ പാസ്റ്റർ ജിപി കുറ്റിച്ചൽ ഓരോ മേഖലയിലും നടത്തേണ്ടുന്ന പ്രമോഷണൽ മീറ്റിങ്ങുകളെ പറ്റിയും, ഐഡി കാർഡ് വിതരണത്തെസംബന്ധിച്ചും സംസാരിച്ചു. പാലക്കാട്,കാസർഗോഡ്, കർണാടക, തമിഴ്നാട്,തിരുവനന്തപുരം, തുടങ്ങി വിവിധമേഖലകളിൽ ഉള്ള ജിഎം പ്രവർത്തകർ സന്നിഹിതരായിരുന്നു.. ക്രൈസ്തവ വാർത്താമാധ്യമ രംഗത്തു അനുഗ്രഹീതമായ മുന്നേറ്റം നടത്തുവാൻ വരും നാളുകളിൽ ശക്തമായി പ്രവർത്തിക്കാം എന്ന ഉത്സാഹത്തോടു കൂടിയ തീരുമാനത്തോടെ പ്രവർത്തക സമ്മേളനം പര്യവസാനിച്ചു. പാസ്റ്റർ KT ജോസഫ് പ്രാർത്ഥിച്ചു.
Sources:gospelmirror
National
സുരക്ഷിതം; പിഎസ്സി പ്രൊഫൈല് ലോഗിന് ചെയ്യാന് ഇനി ഒടിപി സംവിധാനവും
![](https://theendtimenews.com/wp-content/uploads/2024/07/PSC-profile.jpg)
തിരുവനന്തപുരം: പിഎസ്സിയിൽ രജിസ്റ്റർ ചെയ്ത ഉദ്യോഗാർഥികൾ ഇനി പ്രൊഫൈലിൽ ലോഗിൻ ചെയ്യാൻ ഒടിപി ആവശ്യമാണ്. സുരക്ഷയുടെ ഭാഗമായാണ് ഒടിപി സംവിധാനം ഏർപ്പെടുത്തിയത്. ആദ്യഘട്ടത്തില് നിലവിലെ യൂസര് ഐഡിയും പാസ്വേര്ഡും ഉപയോഗിച്ച് ഉദ്യോഗാർഥികള് ലോഗിന് ചെയ്യുമ്പോള് പ്രൊഫൈലില് രജിസ്റ്റര് ചെയ്ത മൊബൈല് നമ്പറും ഇമെയില് വിലാസവും അടങ്ങിയ സ്ക്രീന് പ്രത്യക്ഷപ്പെടും. മൊബൈല് നമ്പറും ഇമെയിലും നിലവില് ഉപയോഗത്തിലുള്ളതാണെന്ന് ഉദ്യോഗാര്ഥികള് ഉറപ്പുവരുത്തേണ്ടതും അല്ലാത്തപക്ഷം ആവശ്യമായ തിരുത്തല് വരുത്തേണ്ടതുമാണ്. കൂടാതെ ഒടിപി സംവിധാനം ഉപയോഗിച്ച് അവ വെരിഫൈ ചെയ്യുകയും വേണം.
യൂസര് ഐഡിയും പാസ്വേഡും ഉപയോഗിച്ച് പ്രൊഫൈല് ലോഗിന് ചെയ്യുമ്പോള് വെരിഫൈ ചെയ്ത മൊബൈല് നമ്പറിലോ ഇമെയിലിലോ ലഭ്യമാകുന്ന ഒടിപി രേഖപ്പെടുത്തി ഉദ്യോഗാർഥികള്ക്ക് പ്രൊഫൈലില് പ്രവേശിക്കാം. സുരക്ഷാകാരണങ്ങളാല് ആറുമാസത്തിലൊരിക്കല് പാസ്വേര്ഡ് പുതുക്കുവാന് ഉദ്യോഗാർഥികള് ശ്രദ്ധിക്കേണ്ടതാണെന്നും പിഎസ്സി അറിയിച്ചു
Sources:Metro Journal
-
us news11 months ago
നോര്ത്ത് അമേരിക്കന് പെന്തക്കോസ്തല് റൈറ്റേഴ്സ് ഫോറം; അറ്റ്ലാന്റാ ചാപ്റ്ററിന് പുതിയ ഭാരവാഹികള്
-
world news12 months ago
37 Christians Killed in Nigeria in Three Weeks
-
National10 months ago
ബൈബിൾ വിതരണം ചെയ്യുന്നതും നല്ല മൂല്യങ്ങൾ പഠിപ്പിക്കുന്നതും മതപരിവർത്തനമല്ല: അലഹബാദ് ഹൈക്കോടതിയുടെ നിര്ണ്ണായക വിധി
-
world news9 months ago
50 രാജ്യങ്ങളിലേക്ക് കുവൈത്ത് പൗരന്മാർക്ക് വിസയില്ലാതെ സഞ്ചരിക്കാം
-
National4 months ago
നെയ്തേലിപ്പടി ക്രൂസേഡിന് അനുഗ്രഹീത സമാപ്തി
-
Hot News12 months ago
ഫോണെടുക്കുന്നില്ലെന്ന,പരാതി ഇനി വേണ്ട.. വൈദ്യുതി സംബന്ധമായ പരാതി നല്കാൻ ട്രോള് ഫ്രീ നമ്പര് അവതരിപ്പിച്ച് കെഎസ്ഇബി
-
Life10 months ago
സൂര്യനെ ലക്ഷ്യമിട്ട് കുതിച്ച് ആദിത്യ എൽ1; ഇന്ത്യയുടെ ആദ്യ സൗരദൗത്യം വിജയകരം
-
Movie12 months ago
‘The Chosen’ actor details encounter with Holy Spirit: ‘From the outside in, He overtook me’