തിരുവല്ല: ശാരോൻ ഫെലോഷിപ് ചർച്ച് സൺ‌ഡേ സ്കൂൾ അസോസിയേഷന് 2024-26 വർഷത്തേക്കുള്ള പുതിയ നേതൃത്വം നിലവിൽ വന്നു. 2024 ജൂലൈ 27 ശനിയാഴ്ച രാവിലെ 10:00 മുതൽ 01:00 വരെ തിരുവല്ല ശാരോൻ ഓഡിറ്റോറിയത്തിൽ നടന്ന സൺഡേസ്കൂൾ അസ്സോസിയേഷൻ ജനറൽ ബോഡി യോഗത്തിൽ വെച്ചാണ് പുതിയ ഭരണസമിതി തെരഞ്ഞെടുക്കപ്പെട്ടത്.
ശാരോൻ സഭാ മിനിസ്റ്റേഴ്സ് കൗൺസിൽ ജനറൽ സെക്രട്ടറി പാസ്റ്റർ.വി.ജെ.തോമസ്, ഓഫീസ് സെക്രട്ടറി ബ്രദർ റ്റി.ഒ. പൊടിക്കുഞ്ഞ് എന്നിവർ തെരഞ്ഞെടുപ്പിനു നേതൃത്വം നല്കി.
ജനറൽ ബോഡിയിൽ നിന്ന് അസോസിയേഷൻ ഭാരവാഹികളായ ജനറൽ കമ്മറ്റിയെയും, ജനറൽ കമ്മറ്റിയിൽ നിന്ന് ഔദ്യോഗിക ചുമതലക്കാരായ 21 അംഗ എക്സിക്യുട്ടീവ് കമ്മിറ്റിയെയും തെരഞ്ഞെടുക്കുകയായിരുന്നു.
പാസ്റ്റർ സനു ജോസഫ്, (ഡയറക്ടർ),പാസ്റ്റർ വിൻസെൻ്റ് മാത്യു, (അസോ.ഡയറക്ടർ), ബ്രദർ കെ തങ്കച്ചൻ, (ജനറൽ സെക്രട്ടറി), സിസ്റ്റർ സോണിയാ എൽ (അസോ. സെക്രട്ടറി),ബ്രദർ റോഷി തോമസ് (ജനറൽ ട്രഷറർ), പാസ്റ്റർ മാത്യു വി.ജേക്കബ് (പരീക്ഷാ കൺട്രോളർ),പാസ്റ്റർ പി.എ. ചാക്കോച്ചൻ (ജനറൽ കോർഡിനേറ്റർ), സുവി.എബി ബേബി (ഓർഗനൈസർ), പാസ്റ്റർ സിജി ജോൺസൺ (ട്രെയ്നിംഗ് കോ-ഓർഡിനേറ്റർ), പാസ്റ്റർ അലക്സാണ്ടർ കോശി (ലിറ്ററേച്ചർ സെക്രട്ടറി),പാസ്റ്റർ ജോസ് ജോർജ് (മീഡി.യ സെക്രട്ടറി), പാസ്റ്റർ എബ്രഹാം തോമസ്, പാസ്റ്റർ സാംകുട്ടി ജോൺ,പാസ്റ്റർ റെജി പി ശമുവേൽ,പാസ്റ്റർ ടൈറ്റസ് ജി ശമുവേൽ, പാസ്റ്റർ ജോമോൻ ജെ, പാസ്റ്റർ ജോയി സി കൊച്ചാക്കൽ,ബ്രദർ കോശി മാത്യു,ബ്രദർ റ്റി തങ്കച്ചൻ,ബ്രദർ ജോജൻ ജോസഫ്, സിസ്റ്റർ ജെസി ജോസ് (മെമ്പേഴ്‌സ്) എന്നിവരാണ് എക്സിക്യൂട്ടീവ് കമ്മിറ്റി അംഗങ്ങൾ.
Sources:gospelmirror

http://theendtimeradio.com

ബാംഗ്ലൂർ : സെൻട്രൽ ഡിസ്ട്രിക്ട് ഓഫ് സൗത്ത് ഇന്ത്യ അസംബ്ലീസ് ഓഫ് ഗോഡ് ആനക്കൽ,,രാം നഗര, ബിടുതി, മാഗടി സെക്ഷൻ പാസ്റ്റേഴ്സ് ഫെലോഷിപ്പ് ജൂലൈ മാസം ഇരുപത്തി അഞ്ചാം തീയതി രാവിലെ പത്തര മുതൽ ബിടുതി എ ജി ചർച്ച് ലക്ഷ്മി സാഗരയിൽ വച്ച് സെക്ഷൻ പ്രസ്ബിറ്റർ റവ: സി സി മാത്യുവിന്റെ അധ്യക്ഷതയിൽ നടന്നു. പ്രസ്തുത മീറ്റിംഗിൽ റവ: ദേവപ്രസാദ് ദൈവവചനം ശുശ്രൂഷിച്ചു. അനേക ദൈവദാസന്മാരും ദൈവദാസിന്മാരും ഈ മീറ്റിംഗിൽ പങ്കെടുത്തു. കൂടി വന്നവർക്ക് എല്ലാം ഈ മീറ്റിംഗ് വളരെ അനുഗ്രഹമായിരുന്നു.
Sources:gospelmirror

http://theendtimeradio.com

ഭാരതത്തിലെ 11 സംസ്ഥാനങ്ങൾ നടപ്പിലാക്കിയിരിക്കുന്ന കടുത്ത മതപരിവർത്തന നിരോധന നിയമങ്ങൾ പിൻവലിക്കണമെന്ന് ഇന്ത്യയിലെ ക്രൈസ്തവൈക്യ വേദി (United Christian Forum -UCF) അഭ്യർത്ഥിച്ചു.

കേന്ദ്ര ന്യൂനപക്ഷ വകുപ്പ് മന്ത്രി കിരൺ റിജിജുവുമായി നടത്തിയ കൂടിക്കാഴ്ചാ വേളയിലാണ് ക്രൈസ്തവൈക്യ വേദിയുടെ എട്ടംഗ പ്രതിനിധിസംഘം ഈ ആവശ്യം ഉന്നയിച്ചത്.

മതപരിവർത്തന നിരോധന നിയമം ക്രൈസ്തവർക്കെതിരെ ഒരു ആയുധമായി ഉപയോഗിക്കുന്ന അവസ്ഥയാണുള്ളതെന്ന വസ്തുത ഈ പ്രതിനിധിസംഘം ചൂണ്ടിക്കാട്ടി. പരിദേവനങ്ങൾ പരിഗണിക്കാമെന്ന് മന്ത്രി കിരൺ സമ്മതിച്ചിട്ടുണ്ടെന്ന് ക്രൈസ്തവൈക്യവേദിയുടെ പ്രതിനിധി എ.സി.മൈക്കിൾ വെളിപ്പെടുത്തി.
Sources:marianvibes

http://theendtimeradio.com