Media
ചര്ച്ച് ഓഫ് ഗോഡ് കേരളാ സ്റ്റേറ്റ് ഓവര്സിയറായി റവ.സി.സി തോമസ് തുടരും
മുളക്കുഴ: ചര്ച്ച് ഓഫ് ഗോഡ് കേരളാ സ്റ്റേറ്റ് ഓവര്സിയറായി റവ.സി.സി തോമസ് തുടരും. 2020 ജനുവരി 7-ാം തീയതി സഭാ ആസ്ഥാനമായ മുളക്കുഴ സീയോന് കുന്നില് നടന്ന ഓവര്സിയര് പ്രിഫറന്സില് 667 (74.4%) വോട്ട് നേടിയാണ് റവ.സി.സി തോമസ് അതിന് അര്ഹനായത്. നിലവിലുള്ള ഓവര്സിയറെ വിലയിരുത്താനും തുടരണമോ വേണ്ടയോ എന്ന തീരുമാനമെടുക്കുവാനും ശുശ്രൂഷകന്മാര്ക്ക് ലഭിക്കുന്ന അവസരമാണ് ഓവര്സിയര് പ്രിഫറന്സ് ബാലറ്റ്. ചര്ച്ച് ഓഫ് ഗോഡിന്റെ അന്തരാഷ്ട്ര പോളിസിക്കും ജനറല് അസംബബ്ലി മിനിട്സിനും അനുസരിച്ചാണ് 4 വര്ഷത്തിലൊരിക്കല് എല്ലാ ഓവര്സിയര്മാരും ഓവര്സിയര് പ്രിഫറന്സ് നേരിടുന്നത്.ഇന്ഡ്യയിലെ 8 ഓവര്സിയര്മാരും 2020 ജൂലൈയ് 21 മുതല് 24 വരെ അമേരിക്കയിലെ ഇന്ഡ്യാന സംസ്ഥാനത്തിലെ ഇന്ഡ്യാനപോളിസില് നടക്കുന്ന 78-ാമത് ജനറല് അസംബ്ലിക്ക് മുന്നമെ വിവിധ സമയങ്ങളില് പ്രിഫറന്സിനെ നേരിടേണം. 4 വര്ഷത്തിലൊരിക്കല് നടക്കുന്ന പ്രിഫറന്സ് ബാലറ്റില് നിലവിലുള്ള ഓവര്സിയര് തുടരണമെങ്കില് പാസ്റ്റര്മാരുടെ 66 ശതമാനം വോട്ട് നേടണം. ചര്ച്ച് ഓഫ് ഗോഡ് കേരളാ സ്റ്റേറ്റില് നടന്ന ഓവര്സിയര് പ്രിഫറന്സില് ആകെ 933 പാസ്റ്റര്മാര് പ്രിഫറന്സ് രേഖപ്പെടുത്തി. 33 വോട്ടുകള് അസാധുവായി. സാധുവായ വോട്ടുകളില് 667 ശുശ്രൂഷകന്മാര് റവ.സി.സി തോമസ് തുടരണം എന്ന് രേഖപ്പെടുത്തി. പ്രിഫറന്സ് ബാലറ്റിന് ഏഷ്യന് സൂപ്രണ്ട് റവ കെന് ആന്ഡേഴ്സനു വേണ്ടി വേള്ഡ് മിഷന് പ്രതിനിധി റവ. എബനേസര് സെല്വരാജ് നേതൃത്വം കൊടുത്തു.
ചര്ച്ച് ഓഫ് ഗോഡ് കേരളാ സ്റ്റേറ്റ് 97-ാമത് ജനറല്
കണ്വന്ഷന് ജനവരി 20 മുതല് 26 വരെ
വാര്ത്ത: ചര്ച്ച് ഓഫ് ഗോഡ് മീഡിയാ ഡിപ്പാര്ട്ട്മെന്റ്
മുളക്കുഴ: ചര്ച്ച് ഓഫ് ഗോഡ് കേരളാ സ്റ്റേറ്റ് 97ാമത് ജനറല് കണ്വന്ഷന് 2020 ജനുവരി 20 മുതല് 26 വരെ തിരുവല്ലായിലുള്ള ചര്ച്ച് ഓഫ് ഗോഡ് കണ്വന്ഷന് സ്റ്റേഡിയത്തില് വച്ച് നടക്കുന്നതിനുള്ള ഒരുക്കങ്ങള് പുരോഗമിക്കുന്നു. കണ്വന്ഷന്റെ വിജയകരമായ നടത്തിപ്പിനായി പാസ്റ്റര് സി. സി തോമസ് ജനറല് കണ്വീനറായും, പാസ്റ്റര്മാരായ വൈ. റെജിയും, ജെ. ജോസഫും ജോയിന്റ് ജനറല് കണ്വീനര്മാരായും പ്രവര്ത്തിക്കുന്ന വിവിധ കമ്മറ്റികള് പ്രവര്ത്തനം ആരംഭിച്ചു.
2020 ജനുവരി 20-ാം തീയതി തിങ്കളാഴ്ച വൈകിട്ട് 5.30 ന് നടക്കുന്ന ഉദ്ഘാടന സമ്മേളനത്തില് സ്റ്റേറ്റ് ഓവര്സീയര് റവ.സി.സി. തോമസ് കണ്വന്ഷന് ഉത്ഘാടനം ചെയ്യും. വിശ്വാസത്തില് നിലനില്പില് എന്നതാണ് ഈ വര്ഷത്തെ കണ്വന്ഷന് തീം. എല്ലാ ദിവസവും വൈകിട്ട് പൊതുയോഗം ഉണ്ടായിരിക്കും. വൈ.പി.ഇ., സണ്ഡേസ്കൂള്, എല്.എം. സമ്മേളനം, ബൈബിള് സ്കൂള് ഗ്രാജുവേഷന്, മിഷന് സമ്മേളനങ്ങള്, പാസ്റ്റേഴ്സ് കോണ്ഫ്രന്സുകള് തുടങ്ങി വിവിധ ഡിപ്പാര്ട്ട്മെന്റുകളുടെ പ്രോഗ്രാമുകള് ഉണ്ടായിരിക്കും. കണ്വന്ഷനില് വലിയ ആത്മീക പകര്ച്ചയും വിടുതലകളും ഉണ്ടാകേണ്ടതിനായി ദിവസവും രണ്ടു പേര് വീതം ഉപവസിച്ച് പ്രാര്ത്ഥിക്കുന്നു. 2020 ജനുവരി 6 മുതല് 11 വരെ വിവിധ ഡിസ്ട്രിക്ടുകളുടെ നേതൃത്വത്തില് ഉപവാസ പ്രാര്ത്ഥന നടക്കും. ജനുവരി 13 മുതല് 18 കണ്വന്ഷന് സ്റ്റേഡിയത്തില് ഉപവാസ പ്രാര്ത്ഥന നടത്തുന്നതിനുള്ള ക്രമീകരണവും ചെയ്തു വരുന്നു.എല്ലാ ദിവസവും ഭക്ഷണക്രമീകരണവും ഉണ്ടായിരിക്കും. സ്വദേശത്തും വിദേശത്തുമുള്ള ദൈവദാസന്മാര് ഈ പ്രാവശ്യത്തെ കണ്വന്ഷനില് ദൈവവചനം ശുശ്രൂഷിക്കുന്നതായിരിക്കും.
ചര്ച്ച് ഓഫ് ഗോഡ് കേരളാ സ്റ്റേറ്റ് കൗണ്സില് അംഗങ്ങളെ തിരഞ്ഞെടുത്തു;
പാസ്റ്റര് വൈ റെജി ഒന്നാമത്
മുളക്കുഴ: ചര്ച്ച് ഓഫ് ഗോഡ് കേരളാ സ്റ്റേറ്റ് 2020-2022 വര്ഷത്തേക്കുള്ള 15 അംഗ കൗണ്സില് അംഗങ്ങളെ തിരഞ്ഞെടുത്തു. 2020 ജനുവരി 7-ാം തീയതി സഭാ ആസ്ഥാനമായ മുളക്കുഴ സീയോന്കുന്നില് നടന്ന കൗണ്സില് തിരഞ്ഞെടുപ്പില് പാസ്റ്റര്മാരായ വൈ റെജി, പി. സി ചെറിയാന്, പി. എ ജെറാള്ഡ്, റ്റി. എം മാമച്ചന്, ബെന്സ് ഏബ്രഹാം, വൈ ജോസ്, റ്റി എ ജോര്ജ്, കെ ജി ജോണ്, സജി ജോര്ജ്, ബാബു ചെറിയാന്, ഷിജു മത്തായി, വി.പി തോമസ്, എം ജോണ്സന്, വൈ മോനി, എ. പി അഭിലാഷ് എന്നിവരാണ് തിരഞ്ഞെടുക്കപ്പെട്ടത്. ആകെ 33 സ്ഥാനാര്ത്ഥികളാണ് മത്സര രംഗത്ത് ഉണ്ടായിരുന്നത്. 933 ശുശ്രൂഷകന്മാര് തങ്ങളുടെ സമ്മതിദാനാവകാശം വിനിയോഗിച്ചു 12 വോട്ടുകള് അസാധുവായി. ഓവര്സിയര് റവ.സി.സി തോമസ് ഇലക്ഷന് കമ്മീഷണറായി പ്രവര്ത്തിച്ചു.
Articles
അനുദിന ജീവിതത്തിൽ നീതിയും ന്യായവും ഉള്ളവരായിരിക്കുക
ദൈവത്തിന്റെ മുഖ്യ ഗുണങ്ങളിൽ ഒന്നാണ് നീതി. കർത്താവ് നീതിയും ന്യായവും ഇഷ്ടപ്പെടുന്നു എന്ന് സങ്കീർത്തനം 33:5 ൽ പറയുന്നു. ന്യായം ദൈവത്തിന്റെ നീതിയുടെ ഒരു അനിവാര്യ ഘടകമാണ്. യേശു ഭൂമിയിലായിരുന്നപ്പോൾ നീതിയും ന്യായവും സംബന്ധിച്ച ദൈവത്തിന്റെ നിലവാരങ്ങളെ യേശു പൂർണമായി പ്രതിഫലിപ്പിച്ചു. ദൈവത്തെക്കുറിച്ചുള്ള ന്യായവും കരുണാപൂർവമായ നീതിയും സമറിയാക്കാരനെക്കുറിച്ചുള്ള യേശു ഉപമയിലൂടെ വെളിപ്പെടുത്തി. തനിക്കു പരിചയമില്ലാഞ്ഞ, പരുക്കേറ്റ ഒരു മനുഷ്യനെ സഹായിക്കുകവഴി സമറിയാക്കാരൻ നീതിയും ന്യായവുമുള്ള കാര്യമാണു ചെയ്തത്.
ലോകത്തിന്റെ നീതിയും ന്യായവും ഒരു വാളും ഒരു തുലാസും കയ്യിൽ പിടിച്ചിരിക്കുന്ന, കണ്ണു മൂടി കെട്ടിയിരിക്കുന്ന ഒരു സ്ത്രീയായി ചിത്രീകരിക്കുന്നുണ്ട്. മനുഷ നീതി മുഖപക്ഷമില്ലാത്തതായിരിക്കാൻ, അതായത് സമ്പത്തോ സ്വാധീനമോ സംബന്ധിച്ച് അന്ധമായിരിക്കാനാണ് ഇത് കൊണ്ട് ഉദ്ദേശിക്കപ്പെടുന്നത്. പ്രതിയുടെ കുറ്റമോ നിഷ്കളങ്കതയോ അതു ശ്രദ്ധാപൂർവം തുലാസിൽ തൂക്കിനോക്കണം. വാളുകൊണ്ട്, നീതി നിഷ്കളങ്കരെ സംരക്ഷിക്കുകയും കുറ്റം ചെയ്തവരെ ശിക്ഷിക്കുകയും ചെയ്യുന്നു. എന്നാൽ ലോകത്തിലെ നീതിയും ന്യായവും പലപ്പോഴും സമ്പത്തിനാലും അധികാരത്തിനാലും സ്വാധിനിക്കപ്പെടുന്നു
ഭൂമിയിലായിരുന്നപ്പോൾ യേശു നീതിയുക്തവും ന്യായവുമായ മനോഭാവം പ്രകടമാക്കുകയുണ്ടായി. അവൻ നീതിമാനും ന്യായമുള്ളവനുമായിരുന്നു. മാത്രമല്ല, സഹായമാവശ്യമുണ്ടായിരുന്ന ആളുകൾക്കായി, കഷ്ടപ്പാടിനും രോഗത്തിനും മരണത്തിനും അടിപ്പെട്ടവരായിരുന്ന പാപികളായ മനുഷ്യർക്കായി, യേശു തന്റെ ജീവൻ നൽകി. ക്രിസ്തുവിനെ പോലെ നാം നമ്മുടെ അനുദിന ജീവിതത്തിൽ നീതിയും ന്യായവും ഉള്ളവരായിരിക്കുക. അതുപോലെ അർഹിക്കുന്ന വ്യക്തികൾക്കും നീതിയും ന്യായവും നടത്തി കൊടുക്കുക
Sources:marianvibes
Articles
ദൈവമുൻപാകെ വിനീതർക്കാണ് ദൈവം കൃപ പ്രധാനം ചെയ്യുന്നത്
ലോകദൃഷ്ടിയിൽ നീതി എന്ന വാക്കുകൊണ്ട് അർത്ഥമാക്കുന്നത് ഓരോരുത്തർക്കും അർഹമായത് അവരവർക്ക് ലഭിക്കുന്നതിനെയാണ്. എന്നാൽ ദൈവത്തിന്റെ നീതിയും നമ്മുടെ അർഹതയും തമ്മിൽ യാതൊരു ബന്ധവുമില്ലെന്നതാണ്. കാരണം, ഒരു കൈ കൊണ്ടു തലോടുകയും മറുകൈകൊണ്ട് തലയെടുക്കുകയും ചെയ്യുന്ന ദൈവമല്ല നമ്മുടെ ദൈവം. യേശു നമുക്ക് വെളിപ്പെടുത്തിത്തന്ന ദൈവം സ്നേഹമാണ്. ദൈവത്തിന്റെ നീതി അവിടുത്തെ സ്നേഹത്തിന്റെയും കരുണയുടെയും ഒരു ഭാഗമാണ്, മനുഷ്യരെ നീതീകരിച്ച് ദൈവരാജ്യത്തിന് അർഹമാക്കുവാനുള്ള ഒരു മാർഗ്ഗമാണ്. ദൈവത്തിന്റെ നീതി ശരിതെറ്റുകൾ വിലയിരുത്തി നിഷ്പക്ഷമായി വിധിക്കുന്ന ഒന്നല്ല; എന്തുവലിയ പാപം ചെയ്തിട്ടും തന്റെ മുൻപിൽ വരുന്നവരോട് യാതൊരു വിധത്തിലുള്ള നിബന്ധനകളുമില്ലാതെ ക്ഷമിച്ച്, അവർ നഷ്ടപ്പെടുത്തിക്കളഞ്ഞ അവകാശങ്ങൾ പൂർണ്ണമായും പുനസ്ഥാപിച്ചു നൽകുന്നതാണ് ദൈവത്തിന്റെ നീതി.
ദൈവത്തിന്റെ കരുണ ദൈവത്തിന്റെ ദാനമാണ്. അര്ഹതയില്ലാത്തത് ഒരാള് നമുക്കായി ചെയ്തുതരുമ്പോള് നമുക്ക് ആ വ്യക്തിയോട് കടപ്പാടും സ്നേഹവും നന്ദിയും തോന്നുന്നതുപോലെ അര്ഹതയില്ലാത്ത കരുണ നമുക്ക് ലഭിക്കുന്നതുവഴി നാം ദൈവത്തോട് കൂടുതല് നന്ദിയുള്ളവരായിരിക്കുക. അനുതപിക്കുക. പാപം ചെയ്യാതിരിക്കുക. അതിനാണ് ദൈവകരുണ. അർഹത ഇല്ലാഞ്ഞിട്ടും ദൈവം കരുണ കാണിച്ചതു പോലെ നാം മറ്റുള്ളവരോടും കരുണ കാണിക്കുക
ദൈവത്തിൻറെ മുൻപാകെ നാം ഒരോരുത്തരും വിനീതരാകുക. ദൈവമുൻപാകെ വിനിതർക്കാണ് ദൈവം കൃപ പ്രധാനം ചെയ്യുന്നത് പലപ്പോഴും ദൈവം നൽകിയ നന്മകളെ നാം സ്വന്തം കഴിവുകൾ കൊണ്ട് നേടിയത് ആണെന്ന് അഹങ്കരിക്കാറുണ്ട് എന്നാൽ നമുക്ക് കിട്ടിയത് എല്ലാം ദൈവത്തിന്റെ ദാനമാണ് എന്ന് നാം തിരിച്ചറിയുക. നീതി പ്രവര്ത്തിക്കുക; കരുണ കാണിക്കുക; ദൈവത്തിന്റെ സന്നിധിയില് വിനീതനായി ചരിക്കുക ഇതു കൂടാതെ വചനത്തിൽ അധിഷ്ഠിതമായ ജീവിതവും കർത്താവ് നമ്മിൽ നിന്ന് ആഗ്രഹിക്കുന്നു
Sources:marianvibes
Articles
കർത്താവ് നമ്മളെ ഒരു പ്രതിസന്ധിയിലും കൈവിടാതെ നമ്മളെ ചേർത്ത് പിടിക്കുന്ന ദൈവം ആണ്
ജീവിതത്തിൽ ഉറ്റവരും സ്നേഹിതരും കൈവിട്ടാലും കൈവിടാത്ത ദൈവം ആണ് നമ്മുടെ ദൈവം. ഭൂമിയിലെ ബന്ധങ്ങളിൽ ഏറ്റവും പവിത്രമായ ബന്ധമാണ് അമ്മയും കുഞ്ഞും തമ്മിലുള്ള ബന്ധം. അമ്മ തന്റെ കുഞ്ഞിനെ മറന്നാലും ആ കുഞ്ഞിനെ ദൈവം മറക്കുകില്ല എന്നാണ് ദൈവം അരുളിച്ചെയ്യുന്നത്. ദൈവത്തിന്റെ സ്നേഹം അമ്മയുടെ സ്നേഹത്തേക്കാൾ വലുതാണ്. സൃഷ്ടിച്ച ദൈവത്തിന് ഒരുനാളും നമ്മെ കൈവിട്ടു കടന്നു പോകുവാൻ സാധ്യമല്ല. കൂരിരുൾ താഴ്വരയിലൂടെ നാം നടന്നാലും, അവിടുന്ന് നമ്മോടു കൂടെ നടക്കുന്നവനാണ് നമ്മുടെ ദൈവം.
ദൈവം നമ്മെ ഒരിക്കലും ഒറ്റയ്ക്കാക്കി മാറി നിൽക്കുന്നില്ല; മറിച്ച്, നമ്മോടുകൂടെ സദാ ആയിരിക്കുവാൻ അവിടുത്തെ ഏകജാതനെ നമുക്കായി നൽകി, അവന്റെ പേര് ഇമ്മാനുവേൽ എന്നാണ്. ഇമ്മാനുവേൽ എന്ന പേരിന്റെ അർത്ഥം ദൈവം നമ്മോടുകൂടെ ഉണ്ട് എന്നാണ്. നമ്മോടു കൂടെയുള്ള ദൈവം ഒരിക്കലും നമ്മെ തനിച്ചാക്കി മാറി നിൽക്കുന്നില്ല. നമുക്കുചുറ്റും നടക്കുന്നതെല്ലാം നിശ്ചയമായും ദൈവം കാണുന്നു. നാം നമ്മുടെ പ്രതിസന്ധികളെ കാണുന്നതു പോലെതന്നെ അവിടുന്ന് അവയെ കാണുന്നു. ജീവിതത്തിൽ പ്രിയപ്പെട്ടവർ പലരും നമ്മളെ പ്രതിസന്ധിഘട്ടങ്ങളിൽ കൈവിട്ടേക്കാം എന്നാൽ കർത്താവ് നമ്മളെ ഒരു പ്രതിസന്ധിയിലും കൈവിടാതെ നമ്മളെ ചേർത്ത് പിടിക്കുന്ന ദൈവം ആണ്.
ജീവിതത്തിൽ പലപ്പോഴും നമ്മുടെ പ്രതിസന്ധി കാലഘട്ടങ്ങളിൽ നമുക്ക് തോന്നിയേക്കാം ദൈവം നമ്മുടെ കൂടെ ഇല്ലെന്ന് എന്നാൽ ദൈവം നമ്മുടെ കൂടെ തന്നെ ഉണ്ട് അവൻ നമ്മെ ഒരിക്കലും തനിച്ചാക്കി മാറിനിൽക്കുന്നവനല്ല. നമ്മുടെ ജീവിതത്തിൽ പലപ്പോഴും ദൈവം അനുവദിക്കുന്ന ഒറ്റപ്പെടലുകൾ നേരിടേണ്ടി വന്നേക്കാം എന്നാൽ ഈ ഒറ്റപ്പെടലുകൾ ഒന്നും നമ്മെ തളർത്താൻ അല്ല വളർത്താനാണ്. കർത്താവേ എന്ന ഒരു വിളി മാത്രം മതി അവൻ നമ്മുടെ അടുത്ത് ഓടി എത്തും.
Sources:marianvibes
-
us news10 months ago
നോർത്ത് അമേരിക്കൻ പെന്തക്കോസ്തൽ റൈറ്റേഴ്സ് ഫോറം : രാജൻ ആര്യപ്പള്ളി പ്രസിഡന്റ്; നിബു വെള്ളവന്താനം സെക്രട്ടറി
-
us news8 months ago
നോര്ത്ത് അമേരിക്കന് പെന്തക്കോസ്തല് റൈറ്റേഴ്സ് ഫോറം; അറ്റ്ലാന്റാ ചാപ്റ്ററിന് പുതിയ ഭാരവാഹികള്
-
us news11 months ago
‘The Biggest Water Baptism in History’: 4,166 Baptized at Historic Beach from Jesus Movement
-
world news11 months ago
Muslim Husband Found Out His Wife Became a Christian; He Beat Her, Starved Her and Left Her in a Wild Animal Park—But God…
-
National8 months ago
ബൈബിൾ വിതരണം ചെയ്യുന്നതും നല്ല മൂല്യങ്ങൾ പഠിപ്പിക്കുന്നതും മതപരിവർത്തനമല്ല: അലഹബാദ് ഹൈക്കോടതിയുടെ നിര്ണ്ണായക വിധി
-
world news9 months ago
37 Christians Killed in Nigeria in Three Weeks
-
world news12 months ago
ലേലത്തിൽ വെച്ചിരുന്ന ലോകത്തിലെ ഏറ്റവും പഴക്കമുള്ള ഹീബ്രു ബൈബിളിന് റെക്കോര്ഡ് തുക: ലഭിച്ചത് 314 കോടിരൂപ
-
world news11 months ago
യുഎഇ യിൽ ക്രൈസ്തവ ആരാധനാലയങ്ങൾക്ക് ഇനി ലൈസൻസ് നിർബന്ധം