ബഹറിന്‍: ഐ പി സി ബഥേല്‍ ബഹറിന്‍ സഭയുടെ ആഭിമുഖ്യത്തില്‍ സുവിശേഷയോഗവും സംഗീതവിരുന്നും അധാരി പാര്‍ക്കിലുള്ള അല്‍ദുറ ഹാളില്‍ വെച്ച് നവംബര്‍ 4 മുതല്‍ 6 വരെ എല്ലാ ദിവസവും രാത്രി 7 മണി മുതല്‍ 9.30 വരെ നടത്തപ്പെടുന്നു.മുഖ്യ പ്രാസംഗീകന്‍ പാസ്റ്റര്‍ പ്രിന്‍സ് റാന്നി ആണ്. ഡോ.ബ്ലസ്സന്‍ മേമന, ബ്ലമിന്‍ ബാബു എന്നിവരുടെ നേതൃത്വത്തിലുള്ള ചര്‍ച്ച് ക്വയര്‍ ആരാധനയ്ക്ക് നേതൃത്വം വഹിക്കും. പാസ്റ്റര്‍ വിനില്‍. സി. ജോസഫ് മീറ്റിംഗുകള്‍ക്ക് നേതൃത്വം നല്‍കും.

രാജസ്ഥാന്‍: 18 ലക്ഷത്തിലധികം വരുന്ന ബാഗ്ഡി ഭാഷക്കാര്‍ക്ക് വേണ്ടി വിക്ലിഫ് പരിഭാഷകരായ ജിജി മാത്യൂ, ബീന ദമ്പതികള്‍ സുദീര്‍ഘ വര്‍ഷങ്ങള്‍ ബാഗ്ഡി ജനതയോടൊപ്പം താമസിച്ച് ഭാഷാ പരിശീലനം നേടി പരിഭാഷ നിര്‍വഹിച്ച ബാഗ്ഡി പുതിയ നിയമത്തിന്റെ സമര്‍പ്പണ ശുശ്രൂഷ ഹനുമാന്‍ഗഡില്‍ വെച്ച് സെപ്റ്റംബര്‍ 28 ന് വിക്ലിഫ് ഇന്ത്യാ ചെയര്‍മാന്‍ തിമൊഥി ഡാനിയേല്‍ നിര്‍വഹിച്ചു.വിക്ലിഫ് ഇന്ത്യാ സി ഇ ഒ ജോണ്‍ മത്തായി കാതേട്ട്, മാത്യൂ എബനേസര്‍, സുനില്‍ ബി മാത്യൂ തുടങ്ങിയവര്‍ സംബന്ധിച്ചു. ജിജി മാത്യൂവും കുടുംബവും, അവരോടൊപ്പം ശുശ്രൂഷയില്‍ സഹകരിച്ച മാതൃഭാഷാ പരിഭാഷകരും ബാഗ്ഡിയില്‍ പ്രവര്‍ത്തിക്കുന്ന നിരവധി സഭാശുശ്രൂഷകരും, വിശ്വാസികളും ഈ ചടങ്ങില്‍ സംബന്ധിച്ചു. ഹൃദയ ഭാഷയില്‍ ആദ്യമായി പ്രിന്റു ചെയ്തു ലഭിച്ച പുതിയ നിയമം ബാഗ്ഡി വിശ്വാസികള്‍ ആവേശപൂര്‍വ്വം ഏറ്റുവാങ്ങി. വിക്ലിഫ് ഇന്ത്യായുടെ നേതൃത്വത്തില്‍ തര്‍ജ്ജമ പൂര്‍ത്തിയാക്കിയ മറ്റ് 7 ഭാഷകളിലും പുതിയ നിയമം ഉടന്‍ പുറത്തിറങ്ങും.

ബീഹാര്‍ കേന്ദ്രമാക്കി പ്രവര്‍ത്തിക്കുന്ന ഇമ്മാനുവേല്‍ മിഷന്റെ 35 മത് വാര്‍ഷിക സമ്മേളനം പാട്‌നയിലെ ഫുല്‍വാരിയിലുള്ള ഇമ്മാനുവേല്‍ മിഷന്‍ സ്‌കൂള്‍ ക്യാമ്പസില്‍ വെച്ച് ഒക്‌ടോബര്‍ 29 മുതല്‍ 31 വരെ നടത്തപ്പെടും. മുഖ്യ സന്ദേശം റവ.ശേഖര്‍ കല്യാണ്‍പൂര്‍, റവ.ടി.വി. തോമസ്, റവ. ബാബു ജോര്‍ജ്ജ്, ഇമ്മാനുവേല്‍ മിഷന്‍ സ്ഥാപക ഡയറക്ടറായ റവ. ഇ.എ. എബ്രഹാം തുടങ്ങിയവര്‍ നല്‍കും. പൂണെയില്‍ നിന്നും സണ്ണി വിശ്വാസും സംഘവും ഗാനശുശ്രൂഷ നിര്‍വഹിക്കും. കുട്ടികള്‍ക്കുവേണ്ടിയും യുവജനങ്ങള്‍ക്കായും പ്രത്യേക മീറ്റിംഗുകള്‍ ഉണ്ടായിരിക്കും. ബീഹാറില്‍ കഴിഞ്ഞ 3 പതിറ്റാണ്ടിലേറെയായി പ്രവര്‍ത്തിച്ചു കൊണ്ടിരിക്കുന്ന മിഷന്‍ പ്രവര്‍ത്തനമാണ് ഇമ്മാനുവേല്‍ മിഷന്‍. വിശദ വിവരങ്ങള്‍ക്ക്: 9431218243.