Life
മനുഷ്യന് താമസിക്കാന് ചന്ദ്രനില് വീടുകള്; നാസ 3ഡി പ്രിന്ററുകള് ചന്ദ്രനിലേക്കയക്കും
നാസയുടെ എക്കാലത്തേയും മഹത്തായ ബഹിരാകാശ ദൗത്യങ്ങളിലൊന്നാണ് അപ്പോളോ. സോവിയറ്റ് യൂണിയനുമായുള്ള ബഹിരാകാശ മത്സര കാലത്ത് ഇരു രാജ്യങ്ങളും മത്സരിച്ച് മുന്നേറിയ ചാന്ദ്ര പര്യവേക്ഷണ ദൗത്യങ്ങള് ആരിലും ആവേശമുണര്ത്തുന്നവയാണ്.
അപ്പോളോ 17 ദൗത്യത്തില് 75 മണിക്കൂര് നേരമാണ് മനുഷ്യര് ചന്ദ്രനില് ചെലവഴിച്ചത് ലൂണാര് റോവറില് ചന്ദ്രനില് സഞ്ചരിക്കുകയും ചെയ്തു. ഈ കാഴ്ചകള് അന്ന് ഭൂമിയിലെ ടിവികളിലൂടെ ആളുകള് കണ്ടു. 1972 ല് പസഫിക് സമുദ്രത്തില് ഈ ദൗത്യ പേടകം വന്നിറങ്ങിയതിന് ശേഷം പിന്നീടാരും തന്നെ ചന്ദ്രനില് പോയിട്ടില്ല.
ഇപ്പോഴിതാ നാസ വീണ്ടും ചാന്ദ്ര പര്യവേക്ഷണ ദൗത്യങ്ങള്ക്ക് ഒരുങ്ങുകയാണ്. അപ്പോളോ 17 ദൗത്യത്തിന് 50 വര്ഷങ്ങള്ക്കിപ്പുറം ആര്ട്ടെമിസ് ദൗത്യങ്ങളിലൂടെ മനുഷ്യനെ വീണ്ടും ചന്ദ്രനിലെത്തിക്കാനുള്ള ശ്രമത്തിലാണ് നാസ. ഇത്തവണ പക്ഷെ, ദൗത്യത്തിന്റെ ലക്ഷ്യങ്ങള് പലതാണ്.
ചന്ദ്രനില് മനുഷ്യവാസത്തിനുതകുന്ന വീടുകള് നിര്മിക്കുകയാണ് അതില് പ്രധാനപ്പെട്ട ഒന്ന്. വിവിധ ശാസ്ത്ര ദൗത്യങ്ങളുമായെത്തുന്ന ബഹിരാകാശ സഞ്ചാരികള്ക്കും വിനോദ സഞ്ചാരിയായെത്തുന്ന സാധാരണ മനുഷ്യര്ക്കും ഇവിടെ താമസിക്കാനാവും. 2040 ഓടു കൂടി ഇത് സാധ്യമാവുമെന്നാണ് പ്രതീക്ഷിക്കുന്നതെന്ന് ന്യൂയോര്ക്ക് ടൈംസ് റിപ്പോര്ട്ടില് പറയുന്നു.
ഇതിനായി നാസ 3ഡി പ്രിന്ററുകള് ചന്ദ്രനിലേക്കയക്കുകയും അവിടെ കെട്ടിടങ്ങള് നിര്മിക്കുകയും ചെയ്യും. ചന്ദ്രോപരിതലത്തിലെ പാറക്കല്ലുകളും ധാതുക്കളും ഉപയോഗിച്ചുള്ള സിമന്റ് കൊണ്ട് കെട്ടിടങ്ങള് പ്രിന്റ് ചെയ്തെടുക്കാനാണ് പദ്ധതി.
ഇതിന്റെ ഭാഗമായി ടെക്സാസിലെ ഓസ്റ്റിന് ആസ്ഥാനമായി പ്രവര്ത്തിക്കുന്ന ഐക്കണ് (ICON) എന്ന കമ്പനിയുമായി സഹകരിച്ചുവരികയാണ് നാസ. 2020 ലാണ് ഐക്കണിന് നാസയില് നിന്നും ആദ്യമായി ഫണ്ട് ലഭിച്ചത്. 2022 ല് 6 കോടി ഡോളര് കൂടി നാസ പ്രഖ്യാപിച്ചു. ഭൂമിക്ക് പുറത്ത്, അവിടെ ലഭ്യമായ വസ്തുക്കള് ഉപയോഗിച്ച് റോക്കറ്റ് ലാന്ഡിങ് പാഡ് മുതല് മനുഷ്യന് താമസിക്കാനുള്ള കെട്ടിടങ്ങള് വരെ നിര്മിക്കാന് സാധിക്കുന്ന നിര്മാണ സാങ്കേതിക വിദ്യ വികസിപ്പിക്കുകയാണ് ഐക്കണിന്റെ ചുമതല. 2040 ഓടു കൂടി ത്രിഡി പ്രിന്റര് സാങ്കേതിക വിദ്യ സാധ്യമാക്കുകയാണ് ഐക്കണിന്റെ ലക്ഷ്യം. വടക്കേ അമേരിക്കയില് ആദ്യമായി ത്രിഡി പ്രിന്റ് ചെയ്ത വീടുകള്നിര്മിച്ച വുള്ക്കാന് റോബോട്ടിക് ലാര്ജ് സ്കെയില് കണ്സ്ട്രക്ഷന് സംവിധാനത്തിന്റെ സ്രഷ്ടാക്കളാണ് ഐക്കണ്.
ഇപ്പോള് പരീക്ഷണ ഘട്ടത്തിലിരിക്കുന്ന ഈ ത്രീഡി പ്രിന്ററുകള് ആദ്യ പരീക്ഷണത്തിനായി 2024 ഫെബ്രുവരിയില് ചന്ദ്രനിലയക്കും. എങ്കിലും ആര്ട്ടെമിസ് 2 ദൗത്യത്തില് മനുഷ്യനെ വിജയകരമായി ചന്ദ്രനില് എത്തിച്ചതിന് ശേഷമായിരിക്കും ഇത്. നാല് പേരാണ് ആര്ട്ടെമിസ് 2 ദൗത്യത്തിലുണ്ടാവുക. 2025 ലോ 2026 ലോ വിക്ഷേപിക്കുന്ന ആര്ട്ടെമിസ് 3 ദൗത്യത്തില് മനുഷ്യര് ചന്ദ്രന്റെ ദക്ഷിണ ധ്രുവത്തില് ഇറങ്ങും. സ്പേസ് എക്സ് സ്റ്റാര്ഷിപ്പിലാവും ഈ യാത്ര.
ചന്ദ്രനില് മനുഷ്യന്റെ സ്ഥിര വാസം സാധ്യമാക്കുക എന്നത് ആര്ട്ടെമിസ് ദൗത്യങ്ങളുടെ പ്രധാന ലക്ഷ്യങ്ങളിലൊന്നാണ്. ചന്ദ്രനിലെ തന്നെ വിഭവങ്ങള് ഇതിനായി പ്രയോജനപ്പെടത്താനുള്ള ശ്രമങ്ങളാണ് നടന്നുവരുന്നത്. ഭൂമിയെ ഭ്രമണം ചെയ്യുന്ന അന്താരാഷ്ട്ര ബഹിരാകാശ നിലയത്തിന് സമാനമായി ചന്ദ്രനില് താമസിച്ചുകൊണ്ട് ശാസ്ത്ര ഗവേഷണങ്ങള് നടത്താനാകുന്ന ഒരിടമായിരിക്കും അത്.
സ്പേസ് എക്സിന്റെ സ്റ്റാര്ഷിപ്പ് പോലെ വലിയ അളവില് സാധന സാമഗ്രികള് വഹിക്കാനാകുന്ന വിക്ഷേപണ വാഹനങ്ങളും അപകടരഹിതമായ മൂണ്ലാന്ഡിങ് സാങ്കേതിക വിദ്യകളും ഇതിനായി ആവശ്യമുണ്ട്. ഒപ്പം ചന്ദ്രനിലെ നിര്മാണം, ഗതാഗതം, ജലലഭ്യത, ഓക്സിജന് ലഭ്യത എന്നിവയെല്ലാം സാധ്യമാക്കുന്നതിനുള്ള ദ്രുതഗതിയിലുള്ള ശ്രമങ്ങളും നടന്നുവരുന്നുണ്ട്.
Sources:azchavattomonline
ബീജിങ്: സമുദ്രനിരപ്പില് നിന്ന് 5.5 മൈല് (8.85 കി.മീ) ഉയരമുള്ള ലോകത്തിലെ ഏറ്റവും പൊക്കമുള്ള കൊടുമുടിയായ എവറസ്റ്റിന്റെ വളര്ച്ച പ്രതീക്ഷിച്ചതിനേക്കാള് വേഗത്തിലാണെന്ന് ശാസ്ത്രലോകം. എവറസ്റ്റ് പ്രതീക്ഷിച്ചതിലും വേഗത്തില് വളരുകയാണെന്നും അതിനുള്ള കാരണം കണ്ടെത്തിയെന്നും ചൈനീസ് ശാസ്ത്രജ്ഞര് പറയുന്നു. സമീപത്തുള്ള രണ്ട് നദീതടങ്ങളുടെ സംഗമവുമായി ബന്ധപ്പെട്ടാണ് എവറസ്റ്റിന്റെ വളര്ച്ചയുടെ വേഗമെന്ന് ശാസ്ത്രജ്ഞര് വ്യക്തമാക്കി.
89,000 വര്ഷങ്ങള്ക്ക് മുമ്പ് കോസി നദി അരുണ് നദിയുമായി ലയിച്ചതോടെ എവറസ്റ്റിന് ഏകദേശം 49-164 അടി (1,550 മീറ്റര്) ഉയരം ലഭിച്ചുവെന്ന് ഗവേഷകര് അനുമാനിക്കുന്നു. നദികള് കാലക്രമേണ ഗതി മാറിയതിനാല് കോസി അരുണിനെ കീഴടക്കുകയും ത്വരിതഗതിയിലുള്ള മണ്ണൊലിപ്പിന് കാരണമാകുകയും ചെയ്തു.
ഓരോ വര്ഷവും ഏകദേശം 0.01-0.02 ഇഞ്ച് (0.20.5 മില്ലിമീറ്റര്) എന്ന തോതില് എവറസ്റ്റ് വളരുകയാണ്. ഈ ഭൂമിശാസ്ത്രപരമായ പ്രക്രിയയെ ഐസോസ്റ്റാറ്റിക് റീബൗണ്ട് എന്നാണ് ശാസ്ത്രലോകം വിശേഷിപ്പിക്കുന്നത്. ഈ പ്രക്രിയ എവറസ്റ്റിനടുത്തുള്ള പ്രദേശത്തെ ഭാരം കുറയാന് കാരണമായെന്നാണ് ബീജിംഗിലെ ചൈന യൂണിവേഴ്സിറ്റി ഓഫ് ജിയോസയന്സസിലെ ജിയോ സയന്റിസ്റ്റ് ജിന്-ജെന് ഡായ് പറയുന്നത്. ഭൗമോപരിതലത്തില് നിന്ന് ഐസോ അല്ലെങ്കില് ഉരുകിയ പാറകള്പോലുള്ള കനത്ത ഭാരം നീക്കം ചെയ്യുമ്പോള് അതിനടിയിലുള്ള ഭൂമി പതുക്കെ ഉയരുമെന്നും ഡായ് കൂട്ടിച്ചേര്ത്തു.
എവറസ്റ്റിന്റെ വാര്ഷിക ഉയര്ച്ച നിരക്കിന്റെ ഏകദേശം 10% ഐസോസ്റ്റാറ്റിക് റീബൗണ്ട് ആണെന്ന് കണക്കാക്കുന്നു. മണ്ണൊലിപ്പ് തുടരുന്നതിനാല്, ഐസോസ്റ്റാറ്റിക് റീബൗണ്ട് കാരണമുള്ള എവറസ്റ്റിന്റെ ഉയര്ച്ച നിരക്ക് ഇനിയും വര്ധിച്ചേക്കാം. ഇന്ത്യന് ഉപഭൂഖണ്ഡം ഏകദേശം 50 ദശലക്ഷം വര്ഷങ്ങള്ക്ക് മുമ്പ് യുറേഷ്യയുമായി കൂട്ടിയിടിച്ചപ്പോഴാണ് എവറസ്റ്റ് ഉള്പ്പെടുന്ന ഹിമാലയന് പര്വതനിരകള് ജന്മമെടുത്തത്.
Sources:Metro Journal
ന്യൂയോര്ക്ക്: ഭൂമിയെ ലക്ഷ്യമിട്ട് സൗരക്കാറ്റ് എത്തുന്നുവെന്ന് നാസ. ഇലക്ട്രോണിക് ആശയവിനിമ സംവിധാനങ്ങളെ പ്രതികൂലമായി ബാധിക്കുമെന്നും അമേരിക്കന് ശാസ്ത്രജ്ഞര്. ഇന്ത്യയിലും സോളാര് കൊടുങ്കാറ്റ് ബാധിക്കുമെന്നാണ് ശാസ്ത്രലോകം പറയുന്നത്.
വരാനിരിക്കുന്ന സോളാര് കൊടുങ്കാറ്റ് ടെലികമ്മ്യൂണിക്കേഷനെയും ഉപഗ്രഹങ്ങളെയും തടസ്സപ്പെടുത്തിയേക്കാമെന്ന് ഇന്ത്യന് ഇന്സ്റ്റിറ്റ്യൂട്ട് ഓഫ് ആസ്ട്രോഫിസിക്സിലെ ഡയറക്ടര് ഡോ.അന്നപൂര്ണി സുബ്രഹ്മണ്യന് പറഞ്ഞു. ശാസ്ത്രജ്ഞര് ഇത് നിരീക്ഷിച്ച് വരികയാണെന്നും ആവശ്യമായ മുന്കരുതലുകള് സ്വീകരിക്കാന് ഉപഗ്രഹ ഓപ്പറേറ്റര്മാരോട് നിര്ദേശിച്ചിട്ടുണ്ടെന്നും ഇസ്രോയിലെ വിദഗ്ധര് അറിയിച്ചു.
വരുന്ന കുറച്ച് ദിവസങ്ങള് ഭൂമിക്ക് നിര്ണായകമാണ്. സൗരക്കാറ്റ് ഭൂമിയില് പതിക്കാന് കുറച്ച് ദിവസങ്ങള് എടുക്കും. കാന്തികമണ്ഡലത്തില് എന്തെങ്കിലും തരത്തിലുള്ള ഇടപെടല് ഉണ്ടാകാനുള്ള സാധ്യതയുണ്ടെന്ന് ഡോ.അന്നപൂര്ണി പറഞ്ഞു. സൂര്യനില് നിന്ന് സൗരയൂഥത്തിലേക്ക് കണങ്ങളും കാന്തികക്ഷേത്രങ്ങളും മറ്റ് വസ്തുക്കളും പൊട്ടിത്തെറിച്ചുണ്ടാകുന്ന സ്ഫോടനത്തെയാണ് സൗരക്കാറ്റ് എന്ന് വിളിക്കുന്നത്.
സൗരക്കാറ്റ് ഭൂമിയെ ലക്ഷ്യമിട്ടെത്തുമ്പോള് ഭൂമിയുടെ കാന്തികമണ്ഡലത്തില് ജിയോമാഗ്നെറ്റിക് കൊടുങ്കാറ്റ് എന്ന പ്രതിഭാസം സൃഷ്ടിക്കുന്നു. ഇത് വൈദ്യുതിബന്ധം നിലയ്ക്കാനും ആശയവിനിമയ സംവിധാനങ്ങളെ തകരാറിലാക്കാനും കാരണമാകും. അറോറകളും ദൃശ്യമാകും. ഭൂമിയുടെ കാന്തിക മണ്ഡലവും അന്തരീക്ഷവും സൗരക്കാറ്റില് നിന്ന് സംരക്ഷണം നല്കുന്നതിനാല് തന്നെ ഇവ ഭൂമിയിലെ ജീവജാലങ്ങളെ നേരിട്ട് ബാധിക്കില്ലെന്നതും ശ്രദ്ധയേമാണ്.
ഇക്കഴിഞ്ഞ മെയ് മാസത്തില് ഭൂമിയില് പതിച്ച സൗരക്കാറ്റിന്റെ ഫലമായി വടക്കന് അര്ദ്ധഗോളത്തില് ഉടനീളം അറോറ ഡിസ്പ്ലേകള് സൃഷ്ടിച്ചിരുന്നു. സൗരകണങ്ങള് ഭൂമിയുടെ അന്തരീക്ഷവുമായി ഇടപഴകുമ്പോള് ഉണ്ടാകുന്ന പ്രകാശത്തെയാണ് അറോറ ഡിസ്പ്ലേ എന്നുവിളിക്കുന്നത്.
Sources:azchavattomonline.com
ചന്ദ്രന് കൂട്ടായി ഛിന്നഗ്രഹം ‘മിനി മൂണ്’ എത്തുന്നു. താത്കാലികമായി എത്തുന്ന മിനി മൂണ് സെപ്റ്റംബര് 29 മുതല് നവംബര് 25 വരെ രണ്ട് മാസത്തേക്ക് ഭൂമിയെ വലം വെയ്ക്കും. 2024 പിറ്റി 5 എന്ന് വിളിക്കപ്പെടുന്ന ഛിന്നഗ്രഹത്തിന് 33 അടിയോളം നീളമുണ്ട്.
നാസയുടെ ധനസഹായത്തോടെയുള്ള ഛിന്നഗ്രഹ നിരീക്ഷണ സംവിധാനമായ ആസ്റ്ററോയ്ഡ് ടെറസ്ട്രിയല്-ഇംപാക്റ്റ് ലാസ്റ്റ് അലര്ട്ട് സിസ്റ്റത്തിലെ ഗവേഷകര്, ദക്ഷിണാഫ്രിക്കയിലെ സതര്ലാന്ഡില് സ്ഥാപിച്ച നിരീക്ഷണ സംവിധാനങ്ങള് ഉപയോഗിച്ചാണ് ഛിന്നഗ്രഹത്തെ കണ്ടെത്തിയത്. ഇതിനെ 2024 PT5 എന്നാണ് പേരിട്ടിരിക്കുന്നത്.
ഓരോ വര്ഷവും ചെറുതും വലുതുമായ ഒട്ടേറെ ഛിന്നഗ്രഹങ്ങള് ഭൂമിയുടെ ഭ്രമണപഥത്തിന് സമീപത്തുകൂടി കടന്നു പോകാറുണ്ട്. പക്ഷേ 2024 പിറ്റി5 ഭൂമിയുടെ ഗുരുത്വാകര്ഷണ ബലത്താല് ആകര്ഷിക്കപ്പെടുമെന്നതാണ് പ്രത്യേകത.
ഭൂമിയുടെ ഗുരുത്വാകര്ഷണത്തില് നിന്ന് രക്ഷപ്പെടാന് കഴിയാത്ത ഛിന്നഗ്രഹത്തെ ‘മിനി മൂണ്’ എന്ന് വിളിക്കുന്നു. അതേസമയം ഛിന്നഗ്രഹം 2024 PT5 സാങ്കേതികമായി ഒരു ചെറിയ ചന്ദ്രനല്ലെന്നും, കാരണം അത് ഭൂമിയെ ചുറ്റിപ്പറ്റിയുള്ള ഒരു പൂര്ണ്ണ ഭ്രമണം പൂര്ത്തിയാക്കുന്നില്ലെന്നും ഗവേഷകര് അഭിപ്രായപ്പെടുന്നു.
എന്തായാലും ഭൂമിയുടെ ഗുരുത്വാകര്ഷണ ബലത്താല് ആകര്ഷിക്കപ്പെടുന്ന ഒരു ഛിന്നഗ്രഹം കാണുന്നത് വളരെ അപൂര്വമാണ്. മിക്ക സംഭവങ്ങളിലും ഛിന്നഗ്രഹങ്ങള് ഭൂമിയെ കടന്നുപോകുകയോ അല്ലെങ്കില് അന്തരീക്ഷത്തില് പ്രവേശിക്കുമ്പോള് കത്തുകയോ ചെയ്യുന്നതാണ് പതിവ്.
Sources:azchavattomonline.com
MTV Star Leaves Gay Lifestyle After Encounter With Jesus
Davis Mallory was once an MTV star who lived an openly gay lifestyle while simultaneously adhering to what he called...
അഞ്ചാമത് പെന്തക്കോസ്ത് മീഡിയ കോൺഫ്രൻസിന് അനുഗ്രഹീത സമാപനം.
കോട്ടയം : സത്യസന്ധതയും സമഗ്രതയുമാണ് ഒരു യഥാർത്ഥ മാധ്യമ പ്രവർത്തകൻ്റെ അടിസ്ഥാന ഗുണമെന്ന് മുൻ ചീഫ് സെക്രട്ടറിയും ഗ്രന്ഥകാരനുമായ ഡോ. ജിജി തോംസൺ ഐ എഎസ് പ്രസ്താവിച്ചു.ലോകമെങ്ങുമുള്ള...
ഇന്ത്യൻ ക്രിസ്റ്റ്യൻ ഡേ സമ്മേളനം സെപ്റ്റംബർ 19 വൈകിട്ട് 5 മണിക്ക് ഇർവിംഗ് സിറ്റിയിൽ
ഡാളസ് : ഇന്ത്യൻ ക്രിസ്റ്റ്യൻ ഡേ സമ്മേളനം ഇർവിംഗ് സിറ്റിയിൽ സെപ്റ്റംബർ19 ശനിയാഴ്വ വൈകുന്നേരം 5 മണിക്ക് ബെഥനി ഫുൾ ഗോസ്പൽ അസംബ്ളി ഹാളിലാണ് ആരംഭിയ്ക്കുന്നത്. സമ്മേളനത്തിൽ...
ഐപിസി വെമ്പായം സെൻ്റർ സണ്ടേസ്കൂൾ താലന്തു പരിശോധന സെപ്റ്റംബർ. 21-തിങ്കളാഴ്ച രാവിലെ 9 ന്
തിരുവനന്തപുരം: ഐപിസി വെമ്പായം സെൻ്റർ സൺഡേസ്കൂൾ അസോസിയേഷന്റെ ആഭിമുഖ്യത്തിൽ നടത്തുന്ന ഈ വർഷത്തെ താലന്തു പരിശോധന സെപ്റ്റംബർ. 21 തിങ്കളാഴ്ച രാവിലെ 9 മണി മുതൽ നാലാഞ്ചിറ...
കോർക്ക് ഏബേനസർ ദൈവസഭയിൽ സെപ്റ്റംബർ 19 ശനിയാഴ്ച ഏകദിന യുവജന ക്യാമ്പ്
അയർലൻഡ്: ഏകദിന യുവജന ക്യാമ്പ്: കോർക്ക് ഏബേനസർ ദൈവസഭയുടെ ആഭിമുഖ്യത്തിൽ എറൈസ് & ഇഗ്നൈറ്റ്’ എന്ന വിഷയത്തെ ആസ്പതമാക്കി ഏകദിന യുവജന ക്യാമ്പ്, 2026 സെപ്റ്റംബർ 19...
Theologian Uncovers Dangerous ‘Common Sense’ Hidden in Kids’ Movies Today
Very often, the truth is hiding in plain sight. That’s certainly the case with much of children’s entertainment. The underlying...
-
Movie12 months agoForrest Frank Posts Blunt Response After Losing 30,000 Followers Over Charlie Kirk Post
-
Sports12 months ago‘Nothing Short of Revival’: Athletes at University of Pittsburgh Draw 600 with Gospel Outreach
-
Movie11 months agoForrest Frank Says He Will No Longer Participate in Awards Shows, Shares ‘Conviction’ Behind Why
-
us news12 months ago‘Nothing Short of a Move of God’: Nearly 5,000 Decisions for Christ at Recent ‘Life Surge’ Events
-
us news4 months ago‘America Is Hungry’: Hundreds Born Again and Baptized as Jesus Tent Revival Sweeps the Nation
-
Movie12 months ago‘Malcolm in the Middle’ Star Frankie Muniz Declares He’s ‘Proud’ to ‘Live for Jesus’
-
Movie10 months agoCBN’s Superbook Launches New Free Bible App for Kids: ‘The Power of God Is Released’
-
world news11 months agoNigerian Pastor Killed in Kwara State After Ransom Payments Made