സാൻഫ്രാൻസിസ്കോ ∙ ലൈറ്റ് ദ കാൻഡിൽ ഇന്റർനാഷണനനലിന്റെ പത്താം വാർഷികത്തിന്റെ ഭാഗമായി സംഘടിപ്പിക്കുന്ന ജേർണി ഓഫ് ലൈറ്റ് 21ന് ശനിയാഴ്ച നടക്കും. ടീം ഹാർട്ട് ബീറ്റ്സ് നേതൃത്വം നൽകും. സൂമിലും, യൂടൂബിലും തൽസമയം കാണാവുന്നതാണ്. വിവിധ സംസ്ഥാനങ്ങളിലെ നിർദ്ധനരായ കുട്ടികളുടെ ഇടയിൽ പ്രവർത്തിക്കുന്ന സന്നദ്ധ സംഘടനയാണ് ലൈറ്റ് ദ കാൻഡിൽ ഇന്റർനാഷണൽ.

കലിഫോർണിയ കേന്ദ്രമാക്കി പ്രവർത്തിക്കുന്ന സംഘടനയ്ക്ക് ജോൺ ചാണ്ടി, കുര്യൻ വർഗീസ്, ജോൺ ഗീവർഗീസ് എന്നിവർ നേതൃത്വം നൽകുന്നു. സൂമിൽ 867 4211 1123 എന്ന ഐഡിയിലും 241418 എന്ന പാസ്കോഡിലും, യൂട്യൂബിൽ ലൈറ്റ് ദ കാൻഡിൽ 10 year Anniversary Program എന്ന ലിങ്കിലും നവംബർ 21 ശനിയാഴ്ച വൈകുന്നേരം 5.30 മുതൽ കാണാവുന്നതാണ്.

കൂടുതൽ വിവരങ്ങൾക്ക് : 408 884 3983/ 408 896 2109 എന്ന നമ്പരുകളിൽ ബന്ധപ്പെടാം.
കടപ്പാട് :ആഴ്ച്ച വട്ടം ഓൺലൈൻ

കോവിഡ് 19 വൈറസ് വ്യാപിക്കുന്നത് തടയാന്‍ ആരോഗ്യവകുപ്പ് Break The Chain Campain ന് തുടക്കം കുറിച്ചു. ഫലപ്രദമായി കൈകള്‍ കഴുകി വ്യക്തിശുചിത്വം പാലിച്ച് കോവിഡ് 19 വൈറസിനെ ഫലപ്രദമായി പ്രതിരോധിക്കയാണ് Break The Chain Campain ന്റെ ലക്ഷ്യം. സര്‍ക്കാര്‍-അര്‍ദ്ധസര്‍ക്കാര്‍ ഓഫീസുകള്‍, പൊതുമേഖലാ സ്ഥാപനങ്ങള്‍, ബാങ്കുകള്‍, സ്വകാര്യ സ്ഥാപനങ്ങള്‍ എന്നിവിടങ്ങളില്‍ ക്യാമ്പെയ്ന്‍ സംഘടിപ്പിക്കണം. സ്ഥാപനങ്ങളിലേയ്ക്ക് ജീവനക്കാരും പൊതുജനങ്ങളും പ്രവേശിക്കുന്നതിന് മുമ്പ് ഹാന്‍ഡ് സാനിറ്റെറൈസര്‍ ഉപയോഗിക്കുന്നതിനോ, ഹാന്‍ഡ് വാഷ് സോപ്പ് ഉപയോഗിച്ച് കഴുകുന്നതിനോ ഉള്ള സൗകര്യം ഒരുക്കുകയും ഇവ ഉപയോഗിക്കുന്നുവെന്ന് ഉറപ്പു വരുത്തുകയും ചെയ്യണം. ഇതിനായി എല്ലാ പ്രധാന ഓഫീസുകളുടേയും കവാടത്തോട് ചേര്‍ന്ന് Break The Chain കിയോസ്‌കുകള്‍ സ്ഥാപിക്കണം.

റസിഡന്‍ഷ്യല്‍ അസോസിയേഷനുകളും ഫ്‌ളാറ്റുകളും അവരുടെ കെട്ടിടത്തിലേയ്ക്ക് പ്രവേശിക്കുന്നിടത്ത് Break The Chain സ്ഥാപിക്കയും കൈകള്‍ വൈറസ് മുക്തമാക്കി കയറണമെന്ന് ഉറപ്പു വരുത്തുകയും വേണം. ബസ് സ്റ്റോപ്പുകള്‍, മാര്‍ക്കറ്റ് എന്നീ പൊതു ഇടങ്ങളില്‍ Break The Chain സ്ഥാപിക്കുന്നതിനായി തദ്ദേശ സ്വയംഭരണ സ്ഥാപനങ്ങള്‍ നേതൃത്വം നല്‍കാവുന്നതാണ്. രണ്ടാഴ്ച നീണ്ടു നില്‍ക്കുന്ന ബഹുജന ക്യാമ്പിനായി യുവജന സംഘടനകളുടേയും, സന്നദ്ധ സംഘടനകളുടേയും സേവനം ലഭ്യമാകും.

തിരുവല്ല: ഭാരതത്തിന്റെ വിടുതലിനും ദൈവജനത്തിന്റെ ഉണര്‍വിനും വേണ്ടി 21 ദിവസ സംയുക്ത ഉപവാസ പ്രാര്‍ത്ഥന തിരുവല്ലയില്‍ നടക്കും. ഐപിസി മുന്‍ ജനറല്‍ പ്രസിഡന്റുമായിരുന്ന പാസ്റ്റര്‍ ജേക്കബ് ജോണിന്റെ നേതൃത്വത്തില്‍ എല്ലാ പെന്തക്കോസ്ത് സഭകളുടേയും പങ്കാളിത്തത്തോടെ 21 ദിന ഉപവാസ പ്രാര്‍ത്ഥന ക്രമീകരിച്ചിരിക്കുന്നത്.

2020 ഉണര്‍വിന്റെ വര്‍ഷമാണ്. ജനുവരി 1 മുതല്‍ ഹിമാചലില്‍ 100 ദിവസത്തെ പ്രാര്‍ത്ഥന നടന്നു വരികയാണ്. ദൈവം ഈ പ്രാര്‍ത്ഥനയ്ക്കിടയില്‍ നല്‍കിയ പ്രത്യേക നിയോഗമാണ് തിരുവല്ലയിലെ 21 ദിവസത്തെ ഉപവാസ പ്രാര്‍ത്ഥനയെന്നും, ഏതെങ്കിലും ഒരു സഭയുടെ പ്രാര്‍ത്ഥനയായിട്ടല്ല എല്ലാ ദൈവജനങ്ങളും ദൈവദാസന്‍മാരും ഒരുമിച്ച് ഭാരതത്തിന്റെ വിടുതലിനായി പ്രാര്‍ത്ഥിക്കണമെന്നും ആണ് തനിക്ക് ലഭിച്ചിരിക്കുന്ന ദര്‍ശനമെന്ന് പാസ്റ്റര്‍ ജേക്കബ് വ്യക്തമാക്കി. 2018 ല്‍ തിരുവല്ലയില്‍ നടന്ന ദേശീയ പ്രാര്‍ത്ഥനാ ദിനം വലിയ വിജയമായിരുന്നു. എല്ലാ ദൈവജനങ്ങളും ഈ പ്രാര്‍ത്ഥനയില്‍ പങ്കെടുക്കുവാന്‍ ഒരുങ്ങുക.

ഉപവാസത്തോടെ ഈ പ്രാര്‍ത്ഥനയില്‍ പൂര്‍ണസമയമോ ചില ദിവസങ്ങളോ പങ്കെടുക്കുവാന്‍ താല്‍പര്യപ്പെടുന്നവര്‍ ഉടന്‍ ബന്ധപ്പെടുക. ആയിരം പേര്‍ക്കുള്ള താമസസൗകര്യങ്ങള്‍ ക്രമീകരിക്കുവാന്‍ ആഗ്രഹിക്കുന്നു. വിശദ വിവരങ്ങള്‍ക്ക് : 9847032151