Media
ഓൺലൈൻ വഴി സംസ്ഥാനത്ത് പുതിയ അധ്യയന വർഷത്തിന് ആരംഭം

തിരുവനന്തപുരം: കൊറോണ വൈറസ് വ്യാപനത്തിന്റെ പശ്ചാത്തലത്തിൽ സംസ്ഥാനത്ത് പുതു തലത്തിൽ അടുത്ത അധ്യയന വർഷത്തിന് ആരംഭം. ഇന്ന് മുതൽ ആരംഭിക്കുന്ന ഓൺലൈൻ ക്ലാസുകളിൽ പങ്കെടുക്കാൻ സാധിക്കാത്ത വിദ്യാർത്ഥികളുടെ കണക്കെടുത്ത് അത്തരത്തിലുള്ളവർക്കും പഠനം ഉറപ്പാക്കും. വിക്ഴേസ് ചാനൽ വഴിയാണ് പഠനം. പഠന സൗകര്യങ്ങളില്ലാത്ത കുട്ടികൾക്ക് തൊട്ടടുത്തുള്ള വീടുകളിൽ പഠന സൗകര്യം ഒരുക്കാനുള്ള തയ്യാറെടുപ്പിലാണ് വിദ്യാഭ്യാസ വകുപ്പ്. കുടുംബശ്രീയുടെ സഹകരണത്തോടെയാണ് അങ്കണവാടികളിലും സ്കൂളുകളിലും ഇത്തരം സൗകര്യം ഒരുക്കുക.
അതേസമയം സ്വകര്യ സ്കൂളുകൾ പഠന സൗകര്യം ഒരുക്കുന്നത് സൂം, ഗൂഗിള് മീറ്റ്, മൈക്രോസോഫ്റ്റ് ടീംസ്, ഗൂഗിള് ക്ലാസ്റൂം എന്നീ ആപ്ലിക്കേഷനുകൾ വഴിയാണ്. കുട്ടികൾക്കായി ചില സ്കൂളുകളിൽ രാവിലെ ഏഴ് മണി മുതല് ഒൻപത് വരെ ക്ലാസുകള് ഒരുക്കിയിരിക്കുന്നത്. പിന്നോക്ക, തീരദേശ, ആദിവാസി മേഖലകളിലെ വിദ്യാര്ത്ഥികള്ക്ക് പ്രത്യേക ഊന്നല് നല്കിയായിരിക്കും ഓണ്ലൈന് പഠന സംവിധാനം ഒരുക്കുന്നത്. ഇതോടൊപ്പം ഭിന്നശേഷിക്കാരായ കുട്ടികൾക്ക് വേണ്ടി പ്രത്യേക സംവിധാനവും വിദ്യാഭ്യാസ വകുപ്പ് ഒരുക്കിയിട്ടുണ്ട്.
കണക്കുകൾ പ്രകാരം ഒാൺലൈൻ പഠന സൗകര്യമില്ലാത്തവർ ആറു ശതമാനം മാത്രമാണ്. അതിനാൽ നിലവിലേത് ട്രയൽ മാത്രമാണ്. ഒാൺലൈൻ സൗകര്യം ഇല്ലാത്തവരുടെ കണക്ക് ഇന്ന് തന്നെ ലഭിക്കുമെന്നും അദ്ദേഹം പറഞ്ഞു. ഒാൺലൈൻ പഠനം എന്നത് പുതിയ പരീക്ഷണമാണെന്നും എല്ലാവരുടെയും സഹകരണം ഉണ്ടാവണമെന്നും മന്ത്രി കൂട്ടിച്ചേർത്തു.
Media
കുവൈത്തിൽ വിദേശികൾക്ക് റസിഡൻസ് കാർഡ് ഏർപ്പെടുത്തുന്നു

കുവൈത്തിൽ വിദേശികൾക്ക് സിവിൽ ഐഡി കാർഡിന് പകരം റെസിഡൻസ് കാർഡ് ഏർപ്പെടുത്താനൊരുങ്ങുന്നതായി റിപ്പോർട്ട് . സിവിൽ ഐഡി കാർഡ് സ്വദേശികൾക്ക് മാത്രമായി പരിമിതപ്പെടുത്താനാണ് നീക്കം.
ആഭ്യന്തര മന്ത്രാലയത്തിന് കീഴിലുള്ള താമസകാര്യ വകുപ്പാണ് റെസിഡൻഷ്യൽ കാർഡ് തയാറാക്കി നൽകുക. വിവിധ രാജ്യങ്ങളിൽ ഇത്തരത്തിലുള്ള റെസിഡൻഷ്യൽ നിലവിലുള്ളത് വിലയിരുത്തിയാണ് സമഗ്ര പഠനത്തിന് ശേഷം കുവൈത്തിലും ഈ രീതി നടപ്പാക്കാൻ തീരുമാനിച്ചത്.
പ്രവാസികളുടെ എല്ലാ വിവരങ്ങളും അടങ്ങുന്ന റെസിഡൻഷ്യൽ കാർഡുകൾ വിവിധ മന്ത്രാലയങ്ങളിലും ഏജൻസികളിലും ഉപയോഗപ്പെടുത്താനാവും. സിവിൽ ഇൻഫർമേഷൻ അതോറിറ്റി നൽകുന്ന തിരിച്ചറിയൽ കാർഡുകൾ നിർത്തുന്നതോടെ അതോറിറ്റി ആസ്ഥാനത്തെ തിരക്ക് ഗണ്യമായി കുറക്കാൻ കഴിയും. . സിവിൽഐഡിയുടെ അതേ സ്വഭാവത്തിൽ ഉള്ളതായിരിക്കില്ല റെസിഡൻഷ്യൽ കാർഡ്.
സ്ഥിരമായോ താൽക്കാലികമായോ കുവൈത്ത് വിടുകയോ താമസം മാറുകയോ ചെയ്യുന്ന പ്രവാസികൾ സിവിൽ ഐഡി കാർഡ് ദുരുപയോഗം ചെയ്യുന്നതായി പരാതിയുണ്ട്. റെസിഡൻഷ്യൽ കാർഡുകൾ ഇത്തരം ദുരുപയോഗം തടയും. ഇഖാമ റദ്ദാക്കി വിദേശികൾ നാടുവിടുന്നു സാഹചര്യങ്ങളിൽ റെസിഡൻഷ്യൽ കാർഡുകൾ സ്വാഭാവികമായി റദ്ദാകുകയും ഉപയോഗ ശൂന്യമാകുകയും ചെയ്യും. അതിനിടെ സിവിൽ ഇൻഫർമേഷൻ അതോറിറ്റി സ്ഥാപിതമായ ശേഷം 30 ദശലക്ഷം സിവിൽ ഐഡി കാർഡുകൾ വിദേശികൾക്ക് വിതരണം ചെയ്തതായി പാസി അറിയിച്ചു.
കടപ്പാട് :കേരളാ ന്യൂസ്
Media
വാടക വീട്ടിലുള്ളവര്ക്കും ഇനി റേഷന് കാര്ഡ് : ഭക്ഷ്യവകുപ്പു മന്ത്രി പി തിലോത്തമന്

തൃശൂര്: സംസ്ഥാനത്ത് ഇനി മുതല് വാടക വീട്ടില് താമസിക്കുന്നവര്ക്കും റേഷന് കാര്ഡ്. കാര്ഡിന് അപേക്ഷിക്കുന്നവര് വാടകക്കരാര് കാണിച്ച് അപേക്ഷിച്ചാല് കാര്ഡ് ലഭ്യമാകും. ഭക്ഷ്യ പൊതുവിതരണ വകുപ്പ് മന്ത്രി പി തിലോത്തമന് നിയമസഭയില് അറിയിച്ചതാണ് ഇക്കാര്യം.
വാടക വീട്ടില് താമസിക്കുന്നവര് റേഷന് കാര്ഡിന് അപേക്ഷിക്കുമ്പോള് ഈ വീട്ടുനമ്പര് ഉപയോഗിച്ച് മറ്റൊരു കുടുംബം റേഷന് കാര്ഡ് എടുത്തിട്ടുണ്ടെങ്കില് പുതിയ റേഷന് കാര്ഡ് ലഭിക്കാത്ത സാഹചര്യം നിലവിലുണ്ടായിരുന്നു. ഇക്കാര്യം ചൂണ്ടിക്കാട്ടി ഇ ടി ടൈസണ് മാസ്റ്റര് എംഎല്എ നിയമസഭയില് സബ് മിഷന് അവതരിപ്പിച്ചിരുന്നു. ഇതിനുള്ള മറുപടിയായാണ് മന്ത്രി വാടക വീട്ടില് താമസിക്കുന്നവര്ക്കും വാടകക്കരാറുണ്ടെങ്കില് റേഷന് കാര്ഡ് ലഭിക്കുമെന്ന് അറിയിച്ചത്.
ഇതിനു പുറമെ പുറമ്പോക്കിലും റോഡ് വക്കിലും ഷെഡ് കെട്ടി താമസിക്കുന്ന വീട്ടുനമ്പറില്ലാത്ത കുടുംബങ്ങള്ക്ക് ” 00″ എന്ന രീതിയില് വീട്ടുനമ്പര് നല്കുന്നത് പുന:സ്ഥാപിക്കുവാനും തീരുമാനിച്ചു. കൂടാതെ ഒരു വീട്ടില്ത്തന്നെ ഒന്നിലധികം കുടുംബങ്ങളുണ്ടെങ്കില് അവര്ക്ക് പ്രത്യേകം റേഷന് കാര്ഡുകളും അനുവദിക്കും. താലൂക്ക് സപ്ലൈ ഓഫീസര്മാര് പ്രത്യേക അന്വേഷണം നടത്തിയാണ് ഇതിന് വേണ്ടിയുള്ള കാര്ഡ് അനുവദിക്കുക.