കൊച്ചി: ജംഗിൾ സഫാരിക്കും ചതുരംഗപ്പാറയ്ക്കും മലക്കപ്പാറയ്ക്കും പിന്നാലെ യാത്രാ പ്രേമികൾക്ക് കോതമംഗലം കെ.എസ്.ആർ.ടി.സിയുടെ മറ്റൊരു സമ്മാനം. വിനോദസഞ്ചാരികളുടെ ഇഷ്ടകേന്ദ്രങ്ങളിലൊന്നായ ഗവിയിലേക്ക് കോതമംഗലത്തുനിന്ന് പുതിയ പാക്കേജ് ആരംഭിക്കുകയാണ്. ഞായറാഴ്ച പുലർച്ചെ നാലിന് ആദ്യ ഗവി ട്രിപ്പിന് തുടക്കമാകും.

ഒരാൾക്ക് 2,000 രൂപയാണ് നിരക്ക്. ഉച്ചഭക്ഷണവും ബോട്ടിങ്ങും ഉൾപ്പെടുന്നതാണ് പാക്കേജ്. പുലർച്ചെ നാലിന് കോതമംഗലം ഡിപ്പോയിൽനിന്ന് പുറപ്പെട്ട് രാത്രി തിരികെയെത്തും വിധമാണ് യാത്ര ക്രമീകരിച്ചിരിക്കുന്നത്.

പ്രകൃതി കനിഞ്ഞനുഗ്രഹിച്ച സൗന്ദര്യം കൊണ്ട് അനുഗ്രഹീതമായ വിനോദസഞ്ചാരകേന്ദ്രമാണ് ഗവി. കാനനഭംഗിയുടെ ഒരു വേറിട്ട അനുഭവമാണ് ഓരോ സഞ്ചാരിക്കും ഗവി സമ്മാനിക്കുക. കാടിനെ തൊട്ടറിഞ്ഞും അനുഭവിച്ചുമുള്ള എഴുപതിലധികം കിലോമീറ്റർ വരുന്ന യാത്രയാണ് പ്രധാന ആകർഷണം. പച്ച പുതച്ച മലനിരകളും, കളകളാരവം മുഴക്കുന്ന അരുവികളും, മനുഷ്യന്റെ കരവിരുതിൽ പിറന്ന ഡാമുകളും, വന്യമൃഗങ്ങളും.. അങ്ങനെയങ്ങനെ നിരവധി കാഴ്ചകളാണ് ഈ പാതയിൽ കാത്തിരിക്കുന്നത്.

പത്തനംതിട്ടയിൽനിന്ന് മൈലപ്ര, മണ്ണാറകുളഞ്ഞി, വടശ്ശേരിക്കര, പെരുനാട്, ചിറ്റാർ, സീതത്തോട്, ആങ്ങാമൂഴി, മൂഴിയാര, കക്കി ഡാം വഴിയാണ് ഗവിയിൽ എത്തിച്ചേരുന്നത്. പത്തനംതിട്ട ജില്ലയിലാണ് ഗവി സ്ഥിതിചെയ്യുന്നതെങ്കിലും ഇടുക്കി വണ്ടിപ്പെരിയാറിൽനിന്ന് 14 കിലോമീറ്റർ ദൂരമാണ് ഗവിയിലേക്കുള്ളത്.

ഗവി യാത്ര നടത്താൻ ആഗ്രഹിക്കുന്നവർ മുൻകൂട്ടി ബുക്ക് ചെയ്യണം. ബുക്കിങ്ങിനുള്ള നമ്പർ: 9447984511, 9446525773.
Sources:globalindiannews

http://theendtimeradio.com

തിരുവനന്തപുരം: ചായയും കുടിച്ച് ഭക്ഷണവും കഴിച്ച് കെഎസ്ആർടിസി ബസിൽ നഗരം ചുറ്റിക്കാണാൻ എങ്ങനെയുണ്ടാകും? നല്ല രസമായിരിക്കുമല്ലേ. എന്നാൽ ആ രസം അനുഭവിക്കാൻ തയ്യാറായിക്കോളൂ. തിരുവനന്തപുരം നഗരത്തിൽ കെഎസ്ആർടിസിയുടെ പുതിയ പദ്ധതി എത്തുകയാണ്. കോഫി ഷോപ്പുള്ള കെഎസ്ആർടിസി ബസ് ഇനി തിരുവനന്തപുരത്ത് എത്തുന്നവരുടെ ജീവിതത്തിൻ്റെ ഭാഗമാകും. കോഫി ഷോപ്പിലേതിന് സമാനമായി ചായയും കുടിച്ച് ലഘു ഭക്ഷണവും കഴിച്ചുകൊണ്ടാണ് കെഎസ്ആർടിസി ഡബിൾ ഡക്കർ ബസിൽ നഗരം ചുറ്റിക്കാണാൻ അവസരമൊരുങ്ങുന്നത്. ഇതിനായി കെഎസ്ആർടിസിയുടെ രണ്ട് ഇലക്ട്രിക് ഡബിൾ ഡക്കർ ബസുകൾ ഉടൻ രംഗത്തിറങ്ങും.

ഡബിൾ ഡക്കർ ഇലക്ട്രസിക് സബസുകൾ വാങ്ങാൻ കെഎസ്ആർടിസി ടെൻഡർ ക്ഷണിച്ചിരിക്കുകയാണ്. സ്മാർട്ട് സിറ്റി തിരുവനന്തപുരം ലിമിറ്റഡുമായി ചേർന്നാണ് ബസുകൾ വാങ്ങുന്നത്. ഡിസംബർ ആറാം തീയിതി വരെ ടെൻഡർ സമർപ്പിക്കാം. വലിയ പുതുമയോടെയാണ് ബസുകൾ തലസ്ഥാന നഗരിയിൽ എത്തുന്നത്. പദ്ധതിയുടെ ഭാഗമായി രംഗത്തിറങ്ങുന്ന ബസുകളുടെ താഴത്തെ നിലയെ റസ്റ്റോറൻ്റായി മാറ്റും. ഫ്രിഡ്ജ്, മൈക്രോവേവ് ഒവൻ, ഭക്ഷണം പാകം ചെയ്ത് സൂക്ഷിക്കാൻ സ്ഥലം എന്നിവ ബസിലുണ്ടാകും. മാത്രമല്ല കോഫീ ഷോപ്പുകളിലേതിന് സമാനമായി യാത്രക്കാർക്ക് ഇരിക്കാനുള്ള സൗകര്യവും ബസിൻ്റെ താഴത്തെ നിലയിൽ ഒരുക്കിയിരിക്കും.

മേൽക്കൂരയോടും അതില്ലാതെയും സഞ്ചരിക്കാൻ കഴിയുന്നതാകും ഈ ബസുകൾ. ഇലക്ട്രിക് ബസിൻ്റെ മേൽക്കൂര ആവശ്യാനുസരണം ഇളക്കിമാറ്റാൻ കഴിയുന്നതായിരിക്കണമെന്ന് ടെൻഡറിൽ വ്യക്തമാക്കിയിട്ടുണ്ട്. ബസുകളുടെ അഞ്ച് വർഷത്തെ പരിപാലന ചുമതലയും ടെൻഡർ എടുക്കുന്ന കമ്പനിക്കായിരിക്കും. രണ്ട് വർഷം അല്ലെങ്കിൽ രണ്ട് ലക്ഷം കിലോമീറ്റർ- ഇതിൽ ഏതാണോ ആദ്യം സംഭവിക്കുന്നത്- അതുവരെ വാറൻ്റിയും കരാറുകാരൻ നൽകണം. മരങ്ങളുടെ ചില്ലകളും മറ്റും തട്ടിയുണ്ടാകുന്ന അപകടം ഒഴിവാക്കാൻ വശങ്ങളിൽ വിൻഡ് ഷീൽഡുകൾ സ്ഥാപിക്കണമെന്നും ടെൻഡർ നിർദ്ദേശങ്ങളിൽ വ്യക്തമാക്കിയിട്ടുണ്ട്.

കോഫിഷോപ്പുമായി പുറത്തിറങ്ങുന്ന ബസുകൾക്ക് 9.7 മീറ്റർ നീളവും 4.75 മീറ്റർ വീതിയുമുണ്ടാകും. 66 സീറ്റുകളായിരിക്കും ബസിനുള്ളിൽ സജ്ജീകരിക്കുക. ജിപിഎസ് സംവിധാനത്തോടെയുള്ള അനൗൺസ്‌മെൻ്റും ബസിലുണ്ടാകും. മലയാളം,ഇംഗ്ലീഷ്,ഹിന്ദി,തമിഴ്,തെലുങ്ക്,കന്നഡ,ബംഗാളി,മറാത്തി ഭാഷകളിൽ ഡിജിറ്റൽ ബോർഡും ബസിൻ്റെ മുന്നിലും പിന്നിലും വശങ്ങളിലുമുണ്ടാകും. ഒരു പ്രാവശ്യം ചാർജ് ചെയ്താൽ 120 കിമീ ദൂരം ബസ് സഞ്ചരിക്കും.

ഇരുനില ബസിലെ മുകൾ ഭാഗത്തെ മേൽക്കൂര ഒഴിവാക്കിയ ഡബിൾ ഡക്കർ ഓപ്പൺ ഡെക്ക് ബസ് ഇപ്പോൾ തിരുവനന്തപുരത്ത് സർവ്വീസ് നടത്തുന്നുണ്ട്. ഇതിനു പിന്നാലെയാണ് റസ്റ്റാറൻ്റുമായി ബസ് എത്തുന്നത്. പദ്മനാഭസ്വാമി ക്ഷേത്രം, സെക്രട്ടേറിയറ്റ്,നിയമസഭ,മ്യൂസിയം,കനകക്കുന്ന് കൊട്ടാരം,വെള്ളയമ്പലം,കോവളം,ലുലുമാൾ റൂട്ടിലാണ് ഓപ്പൺ ഡബിൾ ഡക്കർ അബസ് സഞ്ചരിക്കുന്നത്. നിലവിൽ വൈകിട്ട് അഞ്ചു മുതൽ 10 വരെ നീണ്ടുനിൽക്കുന്ന നൈറ്റ് സിറ്റി റൈഡും രാവിലെ 9 മുതൽ 4 വരെ നീണ്ടുനിൽക്കുന്ന ഡേ സിറ്റി റൈഡുമാണ് തിരുവനന്തപുരത്തുള്ളത്. 250 രൂപയാണ് ഈ ബസുകളിലെ ടിക്കറ്റ് നിരക്ക്.യാത്രക്കാർക്ക് വെൽക്കം ഡ്രിങ്ക്സ്,സ്നാക്സ് എന്നിവയും ഈ ബസിൽ ലഭിക്കുമെന്ന പ്രത്യേകതയുമുണ്ട്.
Sources:azchavattomonline

http://theendtimeradio.com

മസ്‌കത്ത്: മസ്‌കത്തില്‍ നിന്നു കണ്ണൂരിലേക്കുള്ള എയര്‍ ഇന്ത്യ എക്സ്പ്രസ് യാത്രക്കാര്‍ക്ക് അധിക ബാഗേജ് ഓഫർ. ഒമാന്‍ ദേശീയ ദിനത്തോടനുബന്ധിച്ചാണ് വിമാനക്കമ്പനിയുടെ ഓഫർ. പത്ത് കിലോ അധിക സൗജന്യ ബാഗേജാണ് ഓഫറായി നൽകുന്നത്.

ഈ മാസം അവസാനം വരെ 40 കിലോ വരെ ബാഗേജ് എയര്‍ ഇന്ത്യ എക്സ്പ്രസ് അനുവദിക്കും. ഹാന്‍ഡ് ബാഗേജ് ഏഴ് കിലോയ്ക്ക് പുറമെയാണിത്. അതേസമയം കണ്ണൂരിലേക്ക് മാത്രമാണ് ഓഫർ നിലവിലുള്ളത്. നേരത്തെ ഗോ ഫസ്റ്റ് വിമാന കമ്പനിയും കണ്ണൂര്‍ സെക്ടറിലേക്കുള്ള യാത്രക്കാര്‍ക്ക് 40 കിലോ ബാഗേജ് ആനുകൂല്യം ഏര്‍പ്പെടുത്തിയിരുന്നു.
Sources:globalindiannews

http://theendtimeradio.com