Media

മലങ്കര സഭയുടെ ആത്മീയാചാര്യൻ ഫിലിപ്പോസ് മാര്‍ ക്രിസോസ്റ്റം വലിയ മെത്രാപ്പോലിത്ത യാത്രയായി

Published

2 years ago

May 5, 2021

തിരുവല്ല: മാർത്തോമാ സഭ മുൻ അധ്യക്ഷൻ ഡോ. ഫിലിപ്പോസ് മാർ ക്രിസോസ്റ്റം വലിയ മെത്രാപ്പൊലീത്ത കാലം ചെയ്തു. 103 വയസായിരുന്നു. കുമ്പനാട് ഫെലോഷിപ്പ് മിഷൻ ആശുപത്രിയിൽ പുലർച്ചെ 1.15 ഓടെയായിരുന്നു അന്ത്യം.

വാർദ്ധക്യസഹജമായ അസുഖങ്ങളെ തുടർന്ന് തിരുവല്ല ബിലിവേഴ്‌സ് ആശുപത്രിയിൽ പ്രവേശിപ്പിച്ചിരുന്ന അദ്ദേഹത്തെ ആരോഗ്യനില മെച്ചപ്പെട്ടതിനെ തുടർന്ന് ഡിസ്ചാർജ്ജ് ചെയ്തിരുന്നു. ഇതിന് പിന്നാലെയായിരുന്നു അന്ത്യം. കഴിഞ്ഞ ദിവസം കൊറോണ ബാധിച്ചുവെന്ന വാർത്തകൾ വന്നെങ്കിലും അടുത്ത ദിവസം നടത്തിയ പരിശോധനയിൽ ഫലം നെഗറ്റീവ് ആയിരുന്നു. കുമ്പനാട് ഫെലോഷിപ്പ് മിഷൻ ആശുപത്രിയിൽ വിശ്രമജീവിതം നയിക്കുകയായിരുന്നു.

ഏറ്റവും പ്രായം കൂടിയ ബിഷപ്പ് ആയിരുന്നു. ജൻമസിദ്ധമായ നർമ്മവാസന കൊണ്ട് ജനഹൃദയങ്ങളിൽ ഇടംപിടിച്ച മാർ ക്രിസോസ്റ്റം ക്രൈസ്തവ സഭകളിൽ ഏറ്റവും കൂടുതൽ കാലം ബിഷപ്പായിരുന്ന വ്യക്തി കൂടിയാണ്. 2018ൽ രാജ്യം പത്മഭൂഷൻ നൽകി ആദരിച്ചു. ക്രൈസ്തവസഭാ ആചാര്യൻമാരിൽ ഈ ബഹുമതിലഭിക്കുന്ന ആദ്യത്തെയാളാണ് ഡോ. ഫിലിപ്പോസ് മാർ ക്രിസോസ്റ്റം വലിയ മെത്രാപ്പൊലീത്ത.

1918 ഏപ്രിൽ 27ന് മാർത്തോമാ സഭ വികാരി ജനറലായിരുന്ന കുമ്പനാട് കലമണ്ണിൽ കെ.ഇ ഉമ്മൻ കശീശയുടെയും ശോശാമ്മയുടെയും മകനായി ജനനം. പത്തനംതിട്ട ജില്ലയിലെ മാരാമൺ, കോഴഞ്ചേരി എന്നിവിടങ്ങളിലെ വിദ്യാഭ്യാസത്തിന് ശേഷം ആലുവ യുസി കോളജിൽ നിന്നും ബിരുദം നേടി. 1940ൽ അങ്കോല ആശ്രമത്തിൽ ചേർന്നു. ബംഗലൂരു യുണൈറ്റഡ് തിയോളജിക്കൽ കോളജിൽ പഠനത്തിനുശേഷം 1944 ജൂൺ 3ന് വൈദികനായി. 1953 ൽ എപ്പിസ്‌കോപ്പയായി അഭിഷിക്തനായി.

1962ൽ നടന്ന ചരിത്രപ്രസിദ്ധമായ രണ്ടാം വത്തിക്കാൻ കൗൺസിലിൽ നിരീക്ഷകനായിരുന്നു. 1978 ൽ സഫ്രഗൻ മെത്രാപ്പൊലീത്തയായി. ഡോ. അലക്‌സാണ്ടർ മാർത്തോമ്മാ മെത്രാപ്പൊലീത്ത സ്ഥാനം ഒഴിഞ്ഞതിനെ തുടർന്ന് 1999 ഒക്ടോബർ 23ന് മാർത്തോമാ സഭാ മെത്രാപ്പൊലീത്തയായി. 2007 ഒക്ടോബർ ഒന്നിന് ഭരണച്ചുമതല ഒഴിഞ്ഞു. രാഷ്ട്രീയ, സാംസ്‌കാരിക മണ്ഡലങ്ങളിൽ വിപുലമായ സൗഹൃദം കാത്തുസൂക്ഷിച്ചിരുന്ന വ്യക്തിയാണ് മാർ ക്രിസോസ്റ്റം.

Share this post:

Facebook WhatsApp Twitter Pinterest SMS Email

Up Next

INS ship in Doha to transport oxygen cylinders to India

Don't Miss

ഗാന്ധിജിയുടെ പേഴ്സണൽ സെക്രട്ടറി വി കല്യാണം നിര്യാതനായി

theendtimenews

Programs

ശാരോൻ ഫെല്ലോഷിപ്പ് ചർച്ച് ജനറൽ കൺവൻഷൻ ഇന്ന് ആരംഭിക്കുന്നു

Published

2 days ago

November 30, 2022

theendtimenews

തിരുവല്ല: പെന്തക്കോസ്തു സഭകളുടെ ജനറൽ കൺവൻഷന് തുടക്കം കുറിച്ചുകൊണ്ട് ശാരോൻ ഫെലോഷിപ്പ് ചർച്ച് ജനറൽ കൺവൻഷൻ നവംബർ 30 ബുധൻ മുതൽ ഡിസംബർ 4 ഞായർ വരെ തിരുവല്ലാ ശാരോൻ കൺവൻഷൻ ഗ്രൗണ്ടിൽ നടക്കും. “സമയം അടുത്തിരിക്കുന്നു” (വെളിപ്പാട് 1:3)” എന്നതാണ് കൺവൻഷൻ തീം. അനുഗ്രഹീതരായ പ്രഭാഷകർ ദൈവവചനം പ്രസംഗിക്കും. 30ന് ഉച്ചയ്ക്ക് 2ന് രജിസ്ട്രേഷൻ ആരംഭിക്കും. ദിവസവും രാവിലെ പ്രഭാത പ്രാർത്ഥന, ബൈബിൾ സ്റ്റഡി, പാസ്റ്റേഴ്സ് കോൺഫറൻസ്, മിഷൻ കോൺഫറൻസ്, മിഷൻ ചലഞ്ച് എന്നിവയും വൈകിട്ട് പൊതുയോഗങ്ങളും നടക്കും. ശനിയാഴ്ച പകൽ 9 മണി മുതൽ സി ഇ എം, സൺഡേ സ്കൂൾ സമ്മേളനം കൺവൻഷൻ ഗ്രൗണ്ടിലും , വനിതാ സമാജം സമ്മേളനം ഓഡിറ്റോറിയത്തിലും നടക്കും. ഡിസംബർ 4 ഞായറാഴ്ച രാവിലെ സ്നാനം, സംയുക്ത ആരാധന, കർത്തൃമേശ എന്നിവയോടെ കൺവൻഷൻ സമാപിക്കും. ശാരോൻ ക്വയർ ഗാനങ്ങൾ ആലപിക്കും. കൺവൻഷൻ്റെ അനുഗ്രഹകരമായ നടത്തിപ്പിനായി വിവിധ സബ് കമ്മറ്റികൾ പ്രവർത്തിച്ചുവരുന്നു.

നാഷണൽ പ്രസിഡന്റ്‌ പാസ്റ്റർ എബ്രഹാം ജോസഫ്, ,വൈസ് പ്രസിഡന്റ്‌മാരായ പാസ്റ്റർ ജോൺസൺ കെ. ശമുവേൽ, പാസ്റ്റർ ജേക്കബ് ജോർജ് കെ., ജനറൽ സെക്രട്ടറിമാരായ പാസ്റ്റർ ഫിന്നി ജേക്കബ്,പാസ്റ്റർ വി ജെ തോമസ്, ട്രഷറർ ബ്രദർ എബ്രഹാം വർഗീസ് തുടങ്ങിയവർ നേതൃത്വം നല്കും.

__വാർത്ത : പാസ്റ്റർ ഷിബുജോൺ തൊടുവക്കാട് അടൂർ പ്രതിനിധി പാസ്റ്റർ സാംസൺ പി തോമസ്, പാസ്റ്റർ ഫിലിപ്പ്_ _എബ്രഹാം, പാസ്റ്റർ ജോമോൻ ജോസഫ്, ബ്രദർ റോഷി തോമസ്
(പബ്ലിസിറ്റി കൺവീനേഴ്സ്).
http://theendtimeradio.com

Share this post:

Facebook WhatsApp Twitter Pinterest SMS Email

Programs

ശാരോൻ ഫെലോഷിപ്പ് ചർച്ച് യു.എ.ഇ റീജിയൺ: സംയുക്ത സഭായോഗം ഡിസം. 11 ന്

Published

4 days ago

November 28, 2022

theendtimenews

ഷാർജ : ശാരോൻ ഫെലോഷിപ്പ് ചർച്ച് U.A.E. റീജിയന്റെ സംയുക്ത സഭാ യോഗം ഡിസംബർ 11 ഞാറാഴ്ച പകൽ ഒൻപത് മണി മുതൽ അജ്‌മാനിലെ വിന്നേഴ്സ് ക്ലബ് ഓഡിറ്റോറിയത്തിൽ നടക്കും. U.A.E. ശാരോൻ റീജിയൻ ക്വയർ ഗാനശുശ്രുഷക്ക് നേതൃത്വം നൽകും.അനുഗ്രഹിതരായ ദൈവ ദാസന്മാർ വചന ശുശ്രുഷ നിർവഹിക്കും. റീജിയൺ പ്രസിഡണ്ട് പാസ്റ്റർ ജേക്കബ് ജോർജ് മുണ്ടക്കലിൻ്റെയും സെക്രട്ടറി പാസ്റ്റർ കോശി ഉമ്മൻ്റെയും നേതൃത്വത്തിൽ യോഗത്തിന്റെ ക്രമികരണങ്ങൾക്കായി വിവിധ കമ്മറ്റികൾ പ്രവർത്തിച്ചു വരുന്നു.
Sources:faithtrack

http://theendtimeradio.com

Share this post:

Facebook WhatsApp Twitter Pinterest SMS Email

Programs

പി വൈ പി എ ആലപ്പുഴ മേഖല താലന്ത് പരിശോധനയിൽ 277 പോയിന്റുകൾ നേടി ആലപ്പുഴ വെസ്റ്റ് സെന്റർ മേഖല പി വൈ പി എ ജേതാക്കളായി.️

Published

5 days ago

November 27, 2022

theendtimenews

ആലപ്പുഴ: ഇന്ന് നടത്തപ്പെട്ട ആലപ്പുഴ മേഖലാ പി വൈ പി എ താലന്ത് പരിശോധനയിൽ 277 പോയിന്റുകൾ നേടി ആലപ്പുഴ വെസ്റ്റ് സെന്റർ ചാമ്പ്യന്മാരായി.
✅️✌🏻ഒന്നാം സ്ഥാനം
ആലപ്പുഴ വെസ്റ്റ് സെന്റർ
( 277 പോയിന്റുകൾ)
✅റണ്ണേഴ്‌സ് അപ്പ്‌
ആലപ്പുഴ ഈസ്റ്റ്‌ സെന്റർ
(191 പോയിന്റുകൾ)
✅മൂന്നാം സ്ഥാനം
മാവേലിക്കര ഈസ്റ്റ്‌
(97 പോയിന്റുകൾ)
✅നാലാം സ്ഥാനം
ചെങ്ങന്നൂർ സെന്റർ
(96 പോയിന്റുകൾ)
✅അഞ്ചാം സ്ഥാനം
മാവേലിക്കര വെസ്റ്റ് സെന്റർ
(69 പോയിന്റുകൾ)
✅ആറാം സ്ഥാനം
നൂറനാട് ഏരിയ
(42 പോയിന്റുകൾ)
➖വ്യക്തിഗത ചാമ്പ്യൻമാർ
ജർലിൻ മേരി സാം മാവേലിക്കര ഈസ്റ്റ്‌
(34 പോയിന്റുകൾ)
➖അനു ഏ. സുരേഷ്
ആലപ്പുഴ ഈസ്റ്റ്‌
(34 പോയിന്റുകൾ)
➖രണ്ടാം സ്ഥാനം
ബ്ലെസ്സി ജെയിംസ്, കാർത്തികപ്പള്ളി, ആലപ്പുഴ വെസ്റ്റ് (30 പോയിന്റുകൾ)
➖മൂന്നാം സ്ഥാനം
ഹന്ന മെർലിൻ ജോൺ പത്തിയൂർ, ആലപ്പുഴ വെസ്റ്റ് (29 പോയിന്റുകൾ)
മേഖലാ പി വൈ പി എ താലന്ത് പരിശോധനയിൽ ചരിത്ര വിജയത്തിന് പങ്കാളികളായ ആലപ്പുഴ വെസ്റ്റ് സെന്ററിൽ നിന്നും പങ്കെടുത്ത എല്ലാ പി വൈ പി എ അംഗങ്ങളോടും, പിന്തുണ നല്കിയ മാതാപിതാക്കൾ, സഭകൾക്കും ആലപ്പുഴ വെസ്റ്റ് സെന്റർ പി വൈ പി എയുടെ പേരിലുള്ള നന്ദി രേഖപ്പെടുത്തുന്നു.
സംസ്ഥാന താലന്ത് പരിശോധനയിൽ ഏവർക്കും വിജയാശംസകൾ നേരുന്നു.
🫧പി വൈ പി എ
ആലപ്പുഴ വെസ്റ്റ്
http://theendtimeradio.com