Business
ഇന്ധന ചാർജിന് ആശ്വാസം പകർന്ന് ക്രെഡിറ്റ് കാർഡുകൾ
![](https://theendtimenews.com/wp-content/uploads/2021/11/Credit-cards-fuel-charges.jpg)
എണ്ണക്കമ്പനികളുമായി സഹകരിച്ച് വിവിധ ബാങ്കുകൾ ഫ്യൂവൽ ക്രെഡിറ്റ് കാർഡുകൾ പുറത്തിറക്കി. ഇത് ഇടപാടുകാർക്ക് ഇന്ധനച്ചെലവിൽ ആശ്വാസം പകരും. നിരക്കിൽ ഇളവും മറ്റു ചില ആനുകൂല്യങ്ങളും ഇത്തരം കാർഡുടമകൾക്കു ലഭിക്കുമെന്നതാണ് ഇതിന്റെ പ്രത്യേകത. എസ്.ബി.ഐ, എച്ച്.ഡി.എഫ്.സി, ആക്സിസ് ബാങ്കുകളാണ് ഫ്യുവൽ ക്രെഡിറ്റ് കാർഡ് സേവനം ലഭ്യമാക്കിയിട്ടുള്ളത്.
എസ്.ബി.ഐ ബി.പി.സി.എല്ലുമായി ചേർന്ന് രണ്ട് ക്രെഡിറ്റ് കാർഡുകളാണ് അവതരിപ്പിച്ചിട്ടുള്ളത്. ബി.പി.സി.എൽ പമ്പുകളിൽ 4000 രൂപ വരെയുള്ള ഇടപാടുകൾക്ക് 3.25 ശതമാനം റിവാർഡ് പോയന്റും ഇന്ധന സർചാർജിൽ ഒരു ശതമാനം ഇളവും ലഭിക്കും. ഗ്രോസറികൾക്കായി ഓരോ 100 രൂപ ചെലവഴിക്കുമ്പോഴും 5 റിവാർഡ് പോയന്റുകളും കിട്ടും. 499 രൂപയാണ് കാർഡിന്റെ വാർഷിക ഫീസ്.
എസ്.ബി.ഐ ഒക്ടെയിൻ ക്രെഡിറ്റ് കാർഡ് ആണ് ഉപയോഗിക്കുന്നതെങ്കിൽ 7.25 ശതമാനം വാല്യൂബാക്ക് ബി.പി.സി.എൽ പമ്പുകളിൽനിന്നു ലഭിക്കും. നാലായിരം രൂപക്കു വരെയുള്ള ഇടപാടുകൾക്ക് 6.25 ശതമാനം റിവാർഡ് പോയന്റായും ഒരു ശതമാനം ഇന്ധന സർചാർജിൽ കിഴിവായും ലഭിക്കും. ബി.പി.സി.എൽ ഫ്യുവൽ, ലൂബ്രിക്കന്റ്, ഭാരത് ഗ്യാസ് എന്നിവിടങ്ങളിൽ ചെലവഴിക്കുന്ന ഓരോ 100 രൂപക്കും 25 റിവാർഡ് പോയന്റുകളുമുണ്ടാകും. ഡൈനിംഗ്, ഡിപ്പാർട്ട്മെന്റ് സ്റ്റോറുകൾ, ഗ്രോസറി, സിനിമാ ടിക്കറ്റ് എന്നിവക്ക് 10 റിവാർഡ് പോയന്റും നൽകും. 1,499 രൂപയാണ് വാർഷിക നിരക്ക്.
എച്ച്.ഡി.എഫ്.സിയുടെ ഭാരത് ക്രെഡിറ്റ് കാർഡ് ഉപയോഗിക്കുന്നവർക്ക് ഇന്ധന ചെലവിൽ പ്രതിമാസം 5 ശതമാനത്തിന്റെ ഇളവ് ലഭിക്കും. ഒരു ശതമാനം ഇന്ധന സർചാർജിലും കുറവുണ്ടാകും. ഐ.ആർ.ടി.സി ടിക്കറ്റ് ബുക്കിംഗിനും ഗ്രോസറി ഷോപ്പിംഗിലും 5 ശതമാനം കാഷ് ബാക്കുണ്ട്. 500 രൂപയാണ് വാർഷിക നിരക്ക്.
ഇന്ത്യൻ ഓയിൽ പെട്രോൾ പമ്പുകളിൽ നിന്ന് ഓരോ 100 രൂപക്കും ഇന്ധനം നിറയ്ക്കുമ്പോൾ സർചാർജിൽ ഒരു ശതമാനം കുറവും 20 റിവാർഡ് പോയന്റുമാണ് ഐസിസി ബാങ്ക് വാഗ്ദാനം. ഷോപ്പിംഗ് സമയത്ത് 100 രൂപക്ക് 5 പോയന്റ് വീതം റിവാർഡുമുണ്ട്. 500 രൂപയാണ് കാർഡിന്റെ വാർഷിക ഫീസ്. പ്രതിവർഷം 50,000 രൂപക്ക് മുകളിൽ ചെലവഴിക്കുന്നവരാണെങ്കിൽ വാർഷിക ഫീസ് നൽകേണ്ടതില്ല. ഇന്ധനവില കുതിച്ചുയരുന്ന സാഹചര്യത്തിൽ ബാങ്കുകളുടെ ക്രെഡിറ്റ് കാർഡുകൾ ഇടപാടുകാർക്ക് ആശ്വാസമാണ്.
കടപ്പാട് :കേരളാ ന്യൂസ്
Business
യുപിഐ ആപ്ലിക്കേഷൻ വഴിയുള്ള പണമിടപാടിന് ഖത്തറിലും സൗകര്യമൊരുങ്ങുന്നു
![](https://theendtimenews.com/wp-content/uploads/2024/07/UPI.jpg)
ദോഹ : ഇന്ത്യയിൽ വ്യാപകമായി ഉപയോഗിക്കപ്പെടുന്ന യുപിഐ ആപ്ലിക്കേഷൻ വഴിയുള്ള പണമിടപാടിന് ഖത്തറിലും സൗകര്യമൊരുങ്ങുന്നു. ക്യുആര് കോഡ് സ്കാൻ ചെയ്ത് പണമിടപാട് നടത്താവുന്ന ഈ സംവിധാനം ഖത്തറിലെ പ്രമുഖ ബാങ്കായ ഖത്തര് നാഷനൽ ബാങ്കാണ് നടപ്പിലാക്കുന്നത്. യുപിഐ സംവിധാനമൊരുക്കുന്നതിനായി ഖത്തര് നാഷനല് ബാങ്കും എന്പിസിഐ (നാഷനൽ പേയ്മെന്റ്സ് കോർപറേഷൻ ഓഫ് ഇന്ത്യ) ഇന്റര്നാഷണല് പേയ്മെന്റ് ലിമിറ്റഡും തമ്മില് ഇതുസംബന്ധിച്ച ധാരണയിലെത്തി.
ഇത് നിലവിൽ വരുന്നതോടെ ഇന്ത്യന് പ്രവാസികള്ക്കും വിനോദ സഞ്ചാരികള്ക്കും രാജ്യത്തുടനീളം യുപിഐ വഴി പണമിടപാട് നടത്താം. റസ്റ്ററന്റുകൾ, റീട്ടെയില് ഷോപ്പുകള്, ടൂറിസ്റ്റ് കേന്ദ്രങ്ങള്, ഡ്യൂട്ടി ഫ്രീ ഷോപ്പുകള് എന്നിവിടങ്ങളിലെല്ലാം ഈ സേവനം ലഭ്യമാകും. ഖത്തറിൽ ക്യുആർ കോഡ് ഉപയോഗിച്ച് പണം ഇടപാട് നടത്തുന്നവരുടെ ഇന്ത്യൻ ബാങ്ക് അക്കൗണ്ടിൽ നിന്ന് പണം നല്കാനാകും. ചുരുങ്ങിയ ദിവസത്തെ സന്ദർശനത്തിനായി ഖത്തറിൽ എത്തുന്ന ഇന്ത്യക്കാർക്ക് ഈ സംവിധാനം ഏറെ ഉപകാരപ്രദമാകും.
ഖത്തറിലെ റീട്ടെയില് -റസ്റ്ററന്റ് മേഖലകളില് ഇന്ത്യന് പ്രവാസി സംരംഭങ്ങള് ഏറെയുണ്ട്. ഇവര്ക്കെല്ലാം ഈ സേവനം വലിയ രീതിയില് പ്രയോജനപ്പെടും. ഉപഭോക്താക്കള്ക്ക് മികച്ചതും വേഗത്തിലുമുള്ള സേവനം ലഭ്യമാക്കാന് എന്ഐപിഎല്ലുമായുള്ള ധാരണയിലൂടെ സാധ്യമാകുമെന്ന് ഖത്തര് നാഷനല് ബാങ്ക് സീനിയര് എക്സിക്യൂട്ടീവ് വൈസ് പ്രസിഡന്റ് ആദില് അലി അല് മാലികി പറഞ്ഞു.
Sources:globalindiannews
Business
റൂപേ കാര്ഡ് ഇടപാടുകള് ഇനി ചിപ്പ് വഴി മാത്രം
![](https://theendtimenews.com/wp-content/uploads/2024/07/RuPay-card.jpg)
കാര്ഡ് വഴിയുള്ള പണമിടപാടുകള്ക്ക് മാഗ്നെറ്റിക് സ്ട്രൈപ് സംവിധാനം ഇല്ലാതാകുന്നു. ഇനി ഇ.എം.പി ചിപ്പ് വഴിയുള്ള ഇടപാടുകളാകും നടക്കുക. ഇതിനായുള്ള ശ്രമങ്ങള് കമ്പനികള് നടത്തി തുടങ്ങി. സാമ്പത്തിക തട്ടിപ്പ് തടയാന് നാഷണല് പേയ്മെന്റ് കോര്പ്പറേഷന് ഓഫ് ഇന്ത്യയുടെതാണ് പുതിയ തീരുമാനം.
റൂപേ കര്ഡ് ഉപയോഗിച്ച് സൈ്വപ്പിംഗ് മെഷീനുകളിലെ പണമിടപാടുകള് ഇനി ഇ.എം.വി ചിപ്പുകള് വഴി മാത്രമാകും. അതായത് ജൂലൈ ഒന്നു മുതല് റുപേയ് ക്രെഡിറ്റ്/ഡെബിറ്റ് കാര്ഡുകളിലെ മാഗ്നറ്റിക് സ്ട്രൈപ് ഉപയോഗിച്ച് ഇന്ത്യക്കുള്ളിലെ സൈ്വപ്പിങ് മെഷീനുകളില് (പിഒഎസ്) പണമിടപാട് നടത്താനാകില്ല. പകരം റൂപേ കാര്ഡുകളിലെ ഇ.എം.വി ചിപ്പ് തന്നെ ഉപയോഗിക്കണ്ടേി വരും.
കാര്ഡുകളുടെ പിന്വശത്തു മുകളിലായി കാണുന്ന സ്ട്രൈപ്പില് ആണ് കാര്ഡിന്റെ വിവരങ്ങള് സൂക്ഷിക്കുന്നത്. ഇത് പകര്ത്തി വ്യാജ കാര്ഡ് ഉണ്ടാക്കി തട്ടിപ്പ് നടത്തുന്നതായി കണ്ടെത്തിയിരുന്നു. ഇതോടെയാണ് ഇ. എം. വി ചിപ്പുകള് കൂടി നിര്ബന്ധമാക്കിയത്. അതേസമയം അന്താരാഷ്ട്ര ഇടപാടുകള്ക്കും പ്രീപെയ്ഡ് റൂപേ കാര്ഡുകള്ക്കും മഗ്നറ്റിക് സ്ട്രൈപ്പ് സംവിധാനം തുടരും.
Sources:Metro Journal
Business
മൊബൈൽ ഫോൺ നിരക്ക് വർധിപ്പിച്ച് എയർടെല്ലും; 20 ശതമാനം വരെ വർധന
![](https://theendtimenews.com/wp-content/uploads/2021/05/airtel.jpg)
ജൂലൈ മൂന്ന് മുതല് മൊബൈല് നിരക്കുകളില് 10 മുതല് 21 ശതമാനം വരെ വര്ധന പ്രഖ്യാപിച്ച് ഭാരതി എയര്ടെല്. എതിരാളികളായ റിലയന്സ് ജിയോ നിരക്ക് കൂട്ടി മണിക്കൂറുകള്ക്കുള്ളിലാണ് എയര്ടെല്ലിന്റെയും തീരുമാനം. മറ്റൊരു ടെലികോം ഓപറേറ്ററായ വോഡഫോണ്-ഐഡിയയും അധികം വൈകാതെ നിരക്ക് വര്ധന പ്രഖ്യാപിക്കും. ഒരു ഉപയോക്താവില് നിന്നും ലഭിക്കുന്ന ശരാശരി വരുമാനം 300 രൂപയാക്കി നിലനിർത്തേണ്ടത് ഇന്ത്യയിലെ ടെലികോം ഓപ്പറേറ്റര്മാരുടെ നിലനില്പ്പിന് അത്യാവശ്യമാണെന്ന് ചൂണ്ടിക്കാട്ടിയാണ് എയര്ടെല്ലിന്റെ തീരുമാനം. നിലവില് ഒരാളില് നിന്നും ലഭിക്കുന്ന ശരാശരി വരുമാനം 181.7 രൂപയാണെന്നാണ് കണക്ക്. ഉപയോക്താക്കളുടെ സാമ്പത്തിക ഭാരം കുറയ്ക്കാന് കുറഞ്ഞ നിരക്കിലാണ് വര്ധനവെന്നും എയര്ടെല് വിശദീകരിക്കുന്നു.
പരിധിയില്ലാതെ കോളുകളും ഇന്റര്നെറ്റും ലഭിക്കുന്ന പ്ലാനുകളില് വലിയ മാറ്റമാണ് എയര്ടെല് വരുത്തിയത്. 179 രൂപയുടെ പ്ലാൻ ഇനി 199, 455ന്റെ പ്ലാൻ 509, 1799ന്റെ പ്ലാൻ 1999 എന്നിങ്ങനെയാകും.
479 രൂപയുടെ ഡെയ്ലി പ്ലാന് 579 രൂപയാക്കി, 20.8% വര്ധന. നേരത്തെ 265 രൂപയുണ്ടായിരുന്ന ഡെയ്ലി പ്ലാന് ഇപ്പോള് 299 രൂപയായി. 299ന്റെ പ്ലാന് 349 രൂപയും 359ന്റെ പ്ലാന് 409 രൂപയും 399ന്റേത് 449 രൂപയുമായി കൂട്ടി. 19 രൂപയുടെ ഒരു ജിബി ഡെയിലി ഡേറ്റ ആഡ് ഓണ് പ്ലാന് 22 രൂപയാക്കി.
Sources:Metro Journal
-
us news11 months ago
നോര്ത്ത് അമേരിക്കന് പെന്തക്കോസ്തല് റൈറ്റേഴ്സ് ഫോറം; അറ്റ്ലാന്റാ ചാപ്റ്ററിന് പുതിയ ഭാരവാഹികള്
-
world news12 months ago
37 Christians Killed in Nigeria in Three Weeks
-
National10 months ago
ബൈബിൾ വിതരണം ചെയ്യുന്നതും നല്ല മൂല്യങ്ങൾ പഠിപ്പിക്കുന്നതും മതപരിവർത്തനമല്ല: അലഹബാദ് ഹൈക്കോടതിയുടെ നിര്ണ്ണായക വിധി
-
Hot News12 months ago
ഫോണെടുക്കുന്നില്ലെന്ന,പരാതി ഇനി വേണ്ട.. വൈദ്യുതി സംബന്ധമായ പരാതി നല്കാൻ ട്രോള് ഫ്രീ നമ്പര് അവതരിപ്പിച്ച് കെഎസ്ഇബി
-
world news9 months ago
50 രാജ്യങ്ങളിലേക്ക് കുവൈത്ത് പൗരന്മാർക്ക് വിസയില്ലാതെ സഞ്ചരിക്കാം
-
National5 months ago
നെയ്തേലിപ്പടി ക്രൂസേഡിന് അനുഗ്രഹീത സമാപ്തി
-
Life11 months ago
സൂര്യനെ ലക്ഷ്യമിട്ട് കുതിച്ച് ആദിത്യ എൽ1; ഇന്ത്യയുടെ ആദ്യ സൗരദൗത്യം വിജയകരം
-
National9 months ago
Pentecostal mission center demolished in India; pastor, 17 others arrested