National
ഗാന്ധിജിയുടെ പ്രിയഗാനം ക്രിസ്തീയ സ്തുതിയെന്ന പേരിൽ നീക്കം ചെയ്തത് ഫിയക്കോന അപലപിച്ചു
ഇന്ത്യയുടെ റിപ്പബ്ലിക് ദിന പരേഡിൽ നിന്ന് മഹാത്മാഗാന്ധിയുടെ പ്രിയപ്പെട്ട ഗാനം നീക്കം ചെയ്തു. ഗാന്ധിജി ഹൃദയത്തോട് ചേർത്തുവച്ചിരുന്ന ‘അബൈഡ് വിത്ത് മി’, എന്ന് തുടങ്ങുന്ന ക്രിസ്തീയ സ്തുതിഗീതമാണ് എടുത്തുമാറ്റിയത്. കഴിഞ്ഞ 73 വർഷമായി എല്ലാ വർഷവും ഇന്ത്യൻ ആർമി ബാൻഡ് അവതരിപ്പിക്കുന്ന ഔദ്യോഗിക പരേഡിന്റെ ഭാഗമായിരുന്നു ഈ ഗാനം.
മോഡി സർക്കാരിന്റെ ഈ നീക്കത്തെ ഫെഡറേഷൻ ഓഫ് ഇന്ത്യൻ അമേരിക്കൻ ക്രിസ്ത്യൻ ഓർഗനൈസേഷൻസ് (ഫിയാക്കോണ) അപലപിക്കുന്നതായി പ്രസിഡന്റ് കോശി ജോർജ് വ്യക്തമാക്കി. ക്രിസ്തീയ വിശ്വാസത്തോട് മോഡി ഭരണകൂടം പുലർത്തുന്ന വിദ്വേഷവും വെറുപ്പും ഇതിൽ നിന്ന് പ്രകടമാണെന്ന് കോശി ജോർജ് ചൂണ്ടിക്കാട്ടി.
ഇന്ത്യയിൽ യഥാർത്ഥ സ്വാതന്ത്ര്യം പുലരണമെങ്കിൽ, കൊളോണിയൽ ഭൂതകാലവും ക്രിസ്തീയ വിശ്വാസവും അതുമായി ബന്ധപ്പെട്ട എല്ലാ കാര്യങ്ങളും ഉപേക്ഷിക്കണമെന്നാണ് ഹിന്ദുത്വ പാർട്ടി വളരെക്കാലമായി വാദിക്കുന്നത്.
ഹിന്ദു ദേശീയവാദികൾ ഇന്ത്യയിലെ ക്രിസ്തീയ വിശ്വാസത്തെ ബ്രിട്ടീഷ് ഭരണത്തിന്റെ ശേഷിപ്പായി കണക്കാക്കുന്നത് അവരുടെ അറിവില്ലായ്മകൊണ്ടാണെന്നും ക്രിസ്തുമത വിശ്വാസം ഒന്നാം നൂറ്റാണ്ട് മുതൽ ഇന്ത്യയിൽ ഉള്ളതാണെന്നും ഫിയക്കോന ബോർഡ് അംഗമായ ജോൺ മാത്യു ചൂണ്ടിക്കാട്ടി .
“മോഡിയും അദ്ദേഹത്തിന്റെ പാർട്ടിയും ചേർന്ന് ക്രിസ്തീയ മതവിശ്വാസത്തെ ബ്രിട്ടീഷ് ഭരണത്തിന്റെ അവശിഷ്ടമായി കണക്കാക്കുന്നു. അനേകം ക്രിസ്ത്യൻ മിഷനറിമാർ ഗാന്ധിജിയുടെ സന്ദേശം പ്രചരിപ്പിക്കാൻ സഹായിച്ചിട്ടുണ്ട്. മാത്രമല്ല, കൊളോണിയൽ ശക്തിയുടെ അന്യായമായ നയങ്ങൾക്കെതിരെ അവർ അദ്ദേഹത്തോടൊപ്പം നിലകൊണ്ടിരുന്നു എന്ന വസ്തുതയും മറക്കുന്നു.ബ്രിട്ടീഷ് ഭരണത്തിൽ നിന്ന് ഇന്ത്യക്ക് സ്വാതന്ത്ര്യം ലഭിച്ചതിന് ശേഷം പതിനായിരക്കണക്കിന് ക്രിസ്ത്യാനികൾ ഇന്ത്യൻ സൈന്യത്തിൽ ചേരുകയും മാതൃരാജ്യത്തിന്റെ രക്ഷയ്ക്കായി പോരാടുകയും ജീവൻ ബലിയർപ്പിക്കുകയും ചെയ്തു . ‘ഹിന്ദുയിസം’ എന്ന വാക്കുപോലും കൊളോണിയലിസത്തിന്റെ സംഭാവനയാണെന്ന് വിസ്മരിക്കരുത്, ബോർഡ് അംഗം കൂടിയായ ജോർജ്ജ് എബ്രഹാം ഓർമ്മപ്പെടുത്തി.
ജനാധിപത്യപരമായ രീതികളും പാരമ്പര്യവും തുടച്ചുനീക്കുന്നതിലൂടെ മത സ്വേച്ഛാധിപത്യം സ്ഥാപിക്കാനാണ് ശ്രമമെന്ന് കരുതുന്നതായി ടെന്നസിയിലെ ഹൗസ് ഓഫ് പ്രയർ പാസ്റ്ററും ഏഷ്യൻ ചിൽഡ്രൻസ് എജ്യുക്കേഷൻ ഫെലോഷിപ്പിന്റെ പ്രസിഡന്റുമായ റവ. ബ്രയാൻ നെറെൻ പ്രസ്താവിച്ചു.
ഡെമോക്രാറ്റിക് എന്ന് സ്വയം ഘോഷിക്കുന്ന സർക്കാർ, സമൂഹത്തിലെ എല്ലാ വിഭാഗങ്ങളോടും നിഷ്പക്ഷവും ആദരവുമുള്ളവരുമായിരിക്കണമെന്നും ബോർഡ് ചെയർമാൻ ജോൺ പ്രഭുദോസ് പറഞ്ഞു..
ഇത്ര തുറന്ന രീതിയിൽ ശത്രുതാമനോഭാവം പ്രകടിപ്പിക്കുന്നത് വംശഹത്യയിലേക്ക് പോലും നയിക്കുമെന്നും, അടുത്ത വംശഹത്യ ഇന്ത്യയിലായിരിക്കും നടക്കുകയെന്ന് ജനസൈഡ് വാച്ചിലെ ഡോ. ഗ്രിഗറി സ്റ്റാന്റനെപ്പോലുള്ളവർ മുന്നറിയിപ്പ് നൽകുന്നതിൽ അതിശയിക്കാനില്ലെന്നും നാഷണൽ കൗൺസിൽ ഓഫ് ചർച്ചസിന്റെ (NCC-USA) ഭാഗമായ ന്യൂയോർക്ക് സ്റ്റേറ്റ് കൗൺസിൽ ഓഫ് ചർച്ചസിന്റെ എക്സിക്യൂട്ടീവ് ഡയറക്ടർ റവ. പീറ്റർ കുക്ക് പറഞ്ഞു.
ലോകത്തിലെ ഏറ്റവും വലിയ ജനാധിപത്യ രാജ്യമായ ഇന്ത്യ, മതാന്ധത ബാധിച്ച ഗവൺമെന്റിന്റെ കൈകളിൽ നിന്ന് രക്ഷിക്കുന്നതിന്, ക്രിസ്ത്യൻ, ഹിന്ദു, മുസ്ലീം, സിഖ്, ബുദ്ധമതം തുടങ്ങി എല്ലാ മതവിശ്വാസികളോടും ജനുവരി 26-നും ജനുവരി 30-നും ഒത്തുചേർന്നുകൊണ്ട് ‘അബൈഡ് വിത്ത് മി’ എന്ന സ്തുതിഗീതം പാടി ഐക്യദാർഢ്യത്തോടെ നിലകൊള്ളണമെന്നും ഫിയാക്കോണ ആഹ്വാനം ചെയ്തു.
കടപ്പാട് :ആഴ്ച്ച വട്ടം ഓൺലൈൻ
National
സാമൂഹികനവീകരണത്തിന് പെന്തക്കോസ്ത് സഭകളുടെ പങ്ക് ശ്രദ്ധേയം; മന്ത്രി കെ രാജന്
തൃശ്ശൂര്: സാമൂഹിക നീതിക്കും നവീകരണത്തിനുമായി നിലകൊണ്ട ക്രിസ്ത്യന് വിഭാഗമാണ് പെന്തക്കോസ്ത് സഭകളെന്നു സംസ്ഥാന റവന്യൂ മന്ത്രി കെ രാജന് പറഞ്ഞു.ഐപിസി സോഷ്യല് വെല്ഫെയര് ബോര്ഡിന്റെ ആഭിമുഖ്യത്തില് തൃശ്ശൂര് ഇരുമ്പുപാലം ഐപിസി സഭാഹാളില് നടന്ന മുഖാമുഖ ചര്ച്ചയില് സംസാരിക്കുകയായിരുന്നു അദ്ദേഹം.
പാവപ്പെട്ടവരുടെയും അശരണരുടെയും ഇടയില് അപ്പമായും ആശ്വാസമായും ഓടിയെത്തുകയും,ഉച്ചനീചത്വത്തിനെതിരെ പോരാടുകയും ചെയ്തു.ഇത്തരം പ്രവര്ത്തന ശൈലിയാണ് കമ്മ്യൂണിസ്റ്റുകളുടെയും,ഐപിസി സോഷ്യല് വെല്ഫെറെ ബോര്ഡ് നടപ്പിലാക്കുന്ന പ്രവര്ത്തനങ്ങള് മാതൃകയാണ്.ഒരു രൂപ നാണയത്തിലൂടെ അനേകര്ക്ക് ആശ്വാസമാകാമെന്ന് തെളിയിച്ച ഈ സംഘടനയുടെ പ്രവര്ത്തന മികവ് അഭിനന്ദാര്ഹമാണെന്ന് അദ്ദേഹം കൂട്ടിച്ചേര്ത്തു.ഐപിസി തൃശ്ശൂര് ഈസ്റ്റ് സെന്റര് ശുശ്രൂഷകന് പാസ്റ്റര് മാത്യൂ തോമസ് അദ്ധ്യക്ഷനായിരുന്നു. ജില്ലയിലെ വണ് റുപ്പീ ചലഞ്ച് ബോക്സ് വിതരണോല്ഘാടനം മന്ത്രി നിര്വഹിച്ചു.
ബോര്ഡ് ചെയര്മാന് സജി മത്തായി കാതേട്ട്, വൈസ് ചെയര്മാന് ജോസ് ജോണ് കായംകുളം എന്നിവര് പദ്ധതി വിശദീകരണം നടത്തി.പാസ്റ്റര്മാരായ പി എം ജോയ്,ജോസഫ് എന്നിവര് നേതൃത്വം നല്കി.ഇതിനോടനുബന്ധിച്ച് പീച്ചി സെന്ററില് നടന്ന സമ്മേളനത്തില് സെന്ററിലേക്കുള്ള മെഡിക്കല് സഹായവിതരണവും നടന്നു.
സജി മത്തായി കാതേട്ട് (ചെയര്മാന്) ജോസ് ജോണ് കായംകുളം(വൈസ് ചെയര്മാന്)ബേസില് അറക്കപ്പടി(സെക്രട്ടറി) പാസ്റ്റര് ബോബന് ക്ലീറ്റസ്(ജോയിന്റ് സെക്രട്ടറി)ജോബി എബ്രഹാം(ട്രഷറര്) പാസ്റ്റര് ജോണ്സണ് കുര്യന്(കോര്ഡിനേറ്റര്) ജോര്ജ് തോമസ്(ഫിനാന്സ് കോര്ഡിനേറ്റര്)സന്ദീപ് വിളമ്പുകണ്ടം(മീഡിയ) പാസ്റ്റര് വര്ഗീസ് ബേബി(സ്പിരിച്വല് മെന്റര്) ഡേവീസ് സാം (ഓഫീസ് അഡ്മിനിസ്ട്രേറ്റര്) തുടങ്ങിയവര് അടങ്ങുന്ന സമിതിയാണ് പ്രവര്ത്തനങ്ങള്ക്ക് നേതൃത്വം നല്കുന്നത്. വെസ്ലീ മാത്യൂ(ഡാളസ്)ആണ് ഡയറക്ടര്.സോഷ്യല് വെല്ഫെയര് ബോര്ഡിന്റെ പ്രവര്ത്തനങ്ങള്ക്കായി കൗണ്സില് അംഗങ്ങളെ കൂടാതെ എല്ലാ ജില്ലകളിലും കോര്ഡിനേറ്റരും പ്രവര്ത്തനങ്ങള്ക്ക് നേതൃത്വം നല്കുന്നു.
Sources:onlinegoodnews
National
പാസ്റ്റര് ബാബു ജോര്ജ് പത്തനാപുരത്തിന്റെ സങ്കീര്ത്തന പഠന പരമ്പര പൂര്ത്തിയായി
കീഴില്ലം പെനിയേല് ബൈബിള് സെമിനാരിയില് ദീര്ഘ വര്ഷങ്ങള് അധ്യാപകനായിരുന്ന പാസ്റ്റര് ബാബു ജോര്ജ് പത്തനാപുരത്തിന്റെ സങ്കീര്ത്തന പഠന പരമ്പര പൂര്ത്തിയായി.
മൂന്നു വര്ഷത്തെ പരിശ്രമത്തിന്റെയും പ്രാര്ത്ഥനയുടേയും ഫലമായി വിശുദ്ധ ബൈബിളിലെ 150 സങ്കീര്ത്തനങ്ങളെ പറ്റിയും ക്രമീകൃതമായ ഒരു പഠന പരമ്പര യൂട്യൂബില് അപ് ലോഡ് ചെയ്തിരിക്കുന്നു. ഓരോ സങ്കീര്ത്തനത്തിന്റെയും ചരിത്രപശ്ചാത്തലം, പ്രധാന ആത്മീയ ദൂതുകള്, വേദശാസ്ത്ര ചിന്തകള് ഒക്കെ ഇതില് ഉള്പ്പെടുത്തിയിരിക്കുന്നു. കേരള ക്രൈസ്തവ ചരിത്രത്തിലെ ആദ്യത്തെ സംഭവമാണ് സങ്കീര്ത്തനത്തെപ്പറ്റിയുള്ള തുടര്മാനമായ ദൃശ്യാവിഷ്കരണം.
മലയാളികളായ ക്രൈസ്തവര്ക്ക് ലോകത്ത് എവിടെ ണ്ടും, ഏതു സമയത്തും ഇഷ്ടമുള്ള സങ്കീര്ത്തനങ്ങള് ധ്യാനിക്കാന് ഇത് സഹായകരമാണ്.കീഴില്ലം പെനിയേല് ബൈബിള് സെമിനാരിയില് ീര്ഘ വര്ഷങ്ങള് അധ്യാപകനായിരുന്ന പാസ്റ്റര് ബാബു ജോര്ജ് പത്തനാപുരം ക്രസ്തവ സാഹിത്യ അക്കാദമിയുടെ വൈസ് പ്രസിഡന്റും ഈടുറ്റ നിരവധി ക്രൈസ്തവ ഗ്രന്ഥങ്ങളുടെ രചയിതാവും ആണ്.സന്ദേശങ്ങള് തുടര്ച്ചയായി ലഭിക്കേണ്ടതിന് ബന്ധപ്പെടുക:91 8086991167
Sources:onlinegoodnews
National
നാല് വര്ഷ ബിരുദം പൂര്ത്തിയാക്കിയവര്ക്ക് നേരിട്ട് പിഎച്ച്.ഡി ചെയ്യാം
ന്യൂഡല്ഹി: നാല് വര്ഷ ബിരുദം പൂര്ത്തിയാക്കിയവര്ക്ക് നേരിട്ട് പിഎച്ച്.ഡി ചെയ്യാമെന്ന് യൂണിവേഴ്സിറ്റി ഗ്രാന്റ്സ് കമീഷന് (യു.ജി.സി). ചെയര്മാന് ജഗദീഷ് കുമാര്.
75 ശതമാനം മാര്ക്കോ തത്തുല്യമായ ഗ്രേഡുകളോ നേടി നാല് വര്ഷ ബിരുദം പൂര്ത്തിയാക്കിയാല് ജൂനിയര് റിസര്ച് ഫെലോഷിപ് (ജെ.ആര്.എഫ്) നേടിയോ ഇല്ലാതെയോ പിഎച്ച്.ഡി ചെയ്യാനും നെറ്റിന് അപേക്ഷിക്കാനും സാധിക്കുമെന്ന് യൂണിവേഴ്സിറ്റി ഗ്രാന്റ്സ് കമീഷന് ചെയര്മാന് ജഗദീഷ് കുമാര് വ്യക്തമാക്കി. ഇതുവരെയും നെറ്റിന് അപേക്ഷിക്കാന് 55 ശതമാനം മാര്ക്കോടെ മാസ്റ്റേഴ്സ് ബിരുദം പൂര്ത്തിയാക്കേണ്ടിയിരുന്നു.
പുതിയ നിര്ദേശ പ്രകാരം നാല് വര്ഷമോ എട്ടു സെമസ്റ്ററോ ഉള്ള ബിരുദം ഏതു വിഷയത്തിലായാലും ഇഷ്ടമുള്ള മറ്റേതു വിഷയത്തിലും പിഎച്ച്.ഡി ചെയ്യാം. പട്ടികജാതി/വര്ഗക്കാര്, ഒ.ബി.സി (നോണ് ക്രീമിലെയര്), ഭിന്നശേഷിക്കാര്, സാമ്പത്തിക പിന്നോക്ക വിഭാഗങ്ങള് തുടങ്ങിയ വിഭാഗങ്ങള്ക്ക് മാര്ക്ക് നിബന്ധനയില് അഞ്ച് ശതമാനം ഇളവുണ്ട്.
Sources:azchavattomonline.com
-
us news10 months ago
നോർത്ത് അമേരിക്കൻ പെന്തക്കോസ്തൽ റൈറ്റേഴ്സ് ഫോറം : രാജൻ ആര്യപ്പള്ളി പ്രസിഡന്റ്; നിബു വെള്ളവന്താനം സെക്രട്ടറി
-
us news8 months ago
നോര്ത്ത് അമേരിക്കന് പെന്തക്കോസ്തല് റൈറ്റേഴ്സ് ഫോറം; അറ്റ്ലാന്റാ ചാപ്റ്ററിന് പുതിയ ഭാരവാഹികള്
-
us news11 months ago
‘The Biggest Water Baptism in History’: 4,166 Baptized at Historic Beach from Jesus Movement
-
world news11 months ago
Muslim Husband Found Out His Wife Became a Christian; He Beat Her, Starved Her and Left Her in a Wild Animal Park—But God…
-
National8 months ago
ബൈബിൾ വിതരണം ചെയ്യുന്നതും നല്ല മൂല്യങ്ങൾ പഠിപ്പിക്കുന്നതും മതപരിവർത്തനമല്ല: അലഹബാദ് ഹൈക്കോടതിയുടെ നിര്ണ്ണായക വിധി
-
world news9 months ago
37 Christians Killed in Nigeria in Three Weeks
-
world news11 months ago
ലേലത്തിൽ വെച്ചിരുന്ന ലോകത്തിലെ ഏറ്റവും പഴക്കമുള്ള ഹീബ്രു ബൈബിളിന് റെക്കോര്ഡ് തുക: ലഭിച്ചത് 314 കോടിരൂപ
-
world news11 months ago
യുഎഇ യിൽ ക്രൈസ്തവ ആരാധനാലയങ്ങൾക്ക് ഇനി ലൈസൻസ് നിർബന്ധം