Tech
ഇന്സ്റ്റഗ്രാം ഇനി ‘ഫ്രീ’ ആയിരിക്കില്ല; പണം കൊടുക്കേണ്ടിവരും, സംഭവം ഇങ്ങനെ

ഏറ്റവും ജനപ്രിയമായ സോഷ്യല് മീഡിയ പ്ലാറ്റ്ഫോമുകളില് ഒന്നാണ് ഇന്സ്റ്റഗ്രാം, യുവജനോത്സവ വേദിയെന്ന് വിളിക്കാവുന്ന രീതിയില് യുവാക്കള്ക്കിടയില് ‘ഇന്സ്റ്റ’ തരംഗവും, ഇന്സ്റ്റ കള്ച്ചറും ഉണ്ടെന്നത് ഒരു യാഥാര്ത്ഥ്യമാണ്. ഇപ്പോള് ഇന്സ്റ്റയിലെ ഫ്രീകാലം തീരാന് പോകുന്നുവെന്നാണ് പുതിയ റിപ്പോര്ട്ട്. ഇന്സ്റ്റഗ്രാമില് കണ്ടന്റ് ഉണ്ടാക്കുന്നവര്ക്ക് പണമുണ്ടാക്കാനുള്ള വഴിയും ഇപ്പോള് വരുകയാണ്.
ഫ്രീകണ്ടന്റ് കാലത്തിന് വിരാമം കുറിക്കുന്ന ഈ രീതിയില്. ചില കണ്ടന്റ് ക്രിയേറ്റേര്സിന് തങ്ങളുടെ തീര്ത്തും എക്സ്ക്യൂസീവായ കണ്ടന്റുകള് (വീഡിയോ, പോസ്റ്റ്,സ്റ്റോറി എന്തുമാകാം) കാണണമെങ്കില് തങ്ങളുടെ ഫോളോവേര്സിനോട് പണം ആവശ്യപ്പെടാം. ഇത്തരത്തിലുള്ള ഒരു രീതി അധികം വൈകാതെ ടിക്ടോക് അടക്കം ആലോചിക്കുന്നു എന്ന വാര്ത്ത വന്നതിന് പിന്നാലെയാണ് പുതിയ വെളിപ്പെടുത്തല്.
ഇന്സ്റ്റയുടെ പുതിയ രീതി സംബന്ധിച്ച് ലഭിക്കുന്ന ചില സൂചനകള് ഇങ്ങനെയാണ്, നേരിട്ടുള്ള ഇടപാടായിരിക്കും ഇത്. അതായത് കണ്ടെന്റ് ക്രിയേറ്റര്മാര്ക്ക് തങ്ങളുടെ സബ്സ്ക്രൈബര്മാരില് നിന്ന് നേരിട്ട് പണം വാങ്ങാനുള്ള അനുമതിയായിരിക്കും നല്കുക. ഇന്സ്റ്റഗ്രാം മേധാവി ആദം മൊസെറിയുടെ സമീപകാല വെളിപ്പെടുത്തലില് ഇത് മറ്റാരും നല്കാത്ത ഫീച്ചറാണ് എന്നാണ് പറഞ്ഞത്.
ഇന്ത്യയിലും ഇത് പരീക്ഷിക്കുന്നു എന്നതാണ് ഇതിലെ പുതിയ വാര്ത്ത. ഇന്സ്റ്റഗ്രാം ടിപ്പ്സ്റ്റെറായ സാല്മന് മേമന് ഇത് സംബന്ധിച്ച സൂചന നല്കിയെന്നാണ് ബിജിആറിന്റെ റിപ്പോര്ട്ട് പറയുന്നത്. തുടക്കത്തില് ഈ ഫീച്ചര് കുറച്ച് ഇന്സ്റ്റഗ്രാം ഉപയോക്താക്കള്ക്കായിരിക്കും ലഭിക്കുക. തങ്ങളുടെ എക്സ്ക്ലൂസിവ് ഉള്ളടക്കങ്ങള് വിഡിയോ, സ്റ്റോറീസ് തുടങ്ങിയവ കാണുന്നതിന് സബ്സ്ക്രൈബര്മാരില് നിന്ന് പണം ഈടാക്കാമെന്നാണ് പറയുന്നത്.
ഇത്തരത്തില് പെയ്ഡ് ഇന്സ്റ്റഗ്രാം അക്കൗണ്ടുകള് തിരിച്ചറിയാന് യൂസര് നെയിമിന് അടുത്ത് പര്പ്പിള്നിറത്തിലുള്ള ബാഡ്ജ് ഉണ്ടാകും എന്നാണ് സൂചന. ഇതിപ്പോള് അമേരിക്കയിലും ഇന്ത്യയിലുമുള്ള ചില ഉപയോക്താക്കള്ക്കു മാത്രമാണ് ഇന്സ്റ്റഗ്രം നല്കിയിരിക്കുന്നത്. പ്രാദേശിക നാണയത്തില് പണം സ്വീകരിക്കാന് സാധിക്കും. ഇന്ത്യയിലെ ഇന്സ്റ്റഗ്രാം പെയിഡ് പ്ലാനുകള് 85 രൂപ, 440 രൂപ, 890 രൂപ എന്നിങ്ങനെ ആയിരിക്കുമെന്നാണ് പുറത്തുവരുന്ന വാര്ത്തകള്. തങ്ങളുടെ പ്ലാറ്റ്ഫോം ഉപയോഗിക്കുന്ന കണ്ടെന്റ് ക്രിയേറ്റര്മാര്ക്ക് ജീവിക്കാനുള്ള പണം കിട്ടാന് സഹായിക്കുക എന്നത് മെറ്റാ കമ്പനിയുടെ ലക്ഷ്യങ്ങളിലൊന്നാണ് എന്ന് ഇന്സ്റ്റഗ്രാമിന്റെ ഔദ്യോഗിക ബ്ലോഗില് പറയുന്നു.
http://theendtimeradio.com
Tech
ഗ്രൂപ്പിൽ നിന്ന് ഇനി ‘ലെഫ്റ്റാകാം’, ആരും അറിയാതെ

വാട്സപ് ഗ്രൂപ്പിൽ നിന്ന് എക്സിറ്റ് ആയാൽ ഗ്രൂപ്പിലുള്ളവരെല്ലാം അറിയുമെന്ന പേടി ഇനി വേണ്ട. പുതിയ ഫീച്ചർ വരുന്നതോടെ ഗ്രൂപ്പിൽ നിന്ന് ആരുമറിയാതെ ഇറങ്ങിപോകാൻ സാധിച്ചേക്കും. മെറ്റാ ഉടമസ്ഥതയിലുള്ള വാട്സാപ് ഉപയോക്താക്കളെ നിശബ്ദമായി ഗ്രൂപ്പുകളിൽ നിന്ന് പുറത്തുകടക്കാൻ അനുവദിക്കുന്ന പുതിയ ഫീച്ചർ വൈകാതെ തന്നെ അവതരിപ്പിച്ചേക്കുമെന്നാണ് അറിയുന്നത്. ഇത്തരമൊരു ഫീച്ചർ വാട്സാപ് പരീക്ഷിക്കുന്നതിന്റെ സ്ക്രീൻഷോട്ടുകൾ വന്നിട്ടുണ്ട്. ആരെങ്കിലും വാട്സാപ് ഗ്രൂപ്പിൽ നിന്ന് പുറത്തുകടക്കാൻ ശ്രമിച്ചാൽ ചാറ്റിൽ മറ്റ് ആളുകളെ പുറത്തുപോയ കാര്യം അറിയിക്കില്ലെന്ന് കാണിക്കുന്നു. വാബീറ്റാഇൻഫോയുടെ റിപ്പോർട്ട് പ്രകാരം ഗ്രൂപ്പ് അഡ്മിൻമാർക്ക് മാത്രമാണ് ഗ്രൂപ്പിൽ നിന്ന് ആരെങ്കിലും പുറത്തുപോയാൽ കാണാൻ കഴിയൂ. എന്നാൽ ഗ്രൂപ്പിലുള്ള മറ്റുള്ളവർക്ക് ഇക്കാര്യം കണ്ടെത്താനും കഴിയില്ല.
നിലവിൽ ആരെങ്കിലും ഗ്രൂപ്പിൽ നിന്ന് പുറത്തുപോയാൽ അക്കാര്യം എല്ലാ അംഗങ്ങളെയും അറിയിക്കുന്നുണ്ട്. പുതിയ ഫീച്ചർ വാട്സാപ്പിന്റെ ആൻഡ്രോയിഡ്, ഐഒഎസ് പതിപ്പുകളിൽ വരുമെന്നാണ് അറിയുന്നത്. എന്നാൽ ഈ ഫീച്ചർ ആദ്യം ഡെസ്ക്ടോപ് ബീറ്റയിൽ വരുമെന്നാണ് റിപ്പോർട്ട്.
Sources:globalindiannews
Tech
സ്റ്റാറ്റസിൽ പങ്കുവെക്കുന്ന ലിങ്കുകൾക്ക് പ്രിവ്യൂ സൗകര്യവുമായി വാട്സ് ആപ്പ് വരുന്നു

വിവിധ വെബ്സൈറ്റുകളുടെ ലിങ്കുകൾ പങ്കുവെക്കാൻ വാട്സ് ആപ്പ് സ്റ്റാറ്റസ് ഉപയോഗിക്കുന്നവരാണ് പലരും. എന്നാൽ, ഇങ്ങനെ പോസ്റ്റ് ചെയ്യുന്ന ലിങ്കിലെ ഉള്ളടക്കം എന്താണെന്ന് ഒരു ലിങ്ക് പ്രിവ്യൂവിലൂടെ അറിയാനുള്ള സൗകര്യം നിലവിൽ വാട്സ് ആപ്പിലില്ല. സ്റ്റാറ്റസിൽ പങ്കുവെക്കുന്ന ലിങ്കുകൾക്ക് പ്രിവ്യൂ സൗകര്യം കൂടി ഒരുക്കാൻ വാട്സ് ആപ്പിന് പദ്ധതിയുണ്ടെന്ന് വാബീറ്റാ ഇൻഫോ വെബ്സൈറ്റ് റിപ്പോർട്ട് ചെയ്യുന്നു. ഇതുവഴി ലിങ്ക് എന്തിനെ കുറിച്ചുള്ളതാണെന്ന് അത് ക്ലിക്ക് ചെയ്യുന്നതിന് മുമ്പ് തന്നെ മനസിലാക്കാൻ ഉപഭോക്താക്കൾക്ക് സാധിക്കും.
വാട്സ് ആപ്പിന്റെ ഐഓഎസ് ബീറ്റാ പതിപ്പിലാണ് ഈ ഫീച്ചർ കണ്ടത്. ആൻഡ്രോയിഡിലും ഡെസ്ക് ടോപ്പ് പതിപ്പിലും ഈ ഫീച്ചർ താമസിയാതെ അവതരിപ്പിച്ചേക്കും. ഇത് കൂടാതെ സന്ദേശങ്ങൾക്ക് അതിവേഗം മറുപടി നൽകാൻ സാധിക്കുന്ന ഒരു ഷോട്ട് കട്ട് ബട്ടനും അവതരിപ്പിക്കാനുള്ള ശ്രമത്തിലാണ് വാട്സ് ആപ്പ്. അടുത്തിടെയാണ് ഇമോജി റിയാക്ഷനുകൾ വാട്സ് ആപ്പ് അവതരിപ്പിച്ചത്. കൂടാതെ ഗ്രൂപ്പ് അംഗങ്ങളുടെ എണ്ണം വർധിപ്പിക്കുകയും ചെയ്തു.
Sources:globalindiannews
Tech
മസ്കിന്റെ അതിവേഗ സാറ്റലൈറ്റ് ഇന്റര്നെറ്റ് 32 രാജ്യങ്ങളിലെത്തി, ഉടനെ ഇന്ത്യയിലേക്ക്

ഇലോണ് മസ്കിന്റെ സാറ്റലൈറ്റ് ഇന്റര്നെറ്റ് സേവനമായ സ്റ്റാര്ലിങ്ക് ഇപ്പോള് 32 രാജ്യങ്ങളില് ലഭ്യമാണെന്ന് പ്രഖ്യാപിച്ചു. ലഭ്യതയുടെ വിശദാംശങ്ങള് വ്യക്തമാക്കുന്ന ട്വീറ്റും പോസ്റ്റ് ചെയ്തിട്ടുണ്ട്.
കഴിഞ്ഞ കുറച്ച് മാസങ്ങളായി സ്റ്റാര്ലിങ്കിന്റെ സേവനങ്ങള് ലോകത്തിന്റെ പ്രധാന ഭാഗങ്ങളിലേക്ക് എത്തിക്കുന്നതില് നിരവധി പ്രശ്നങ്ങള് നേരിടുന്നുണ്ട്.
ലോകമെമ്ബാടുമുള്ള സാറ്റലൈറ്റ് ഇന്റര്നെറ്റ് സേവനത്തിന്റെ ലഭ്യത കാണിക്കുന്ന മാപ്പ് സ്റ്റാര്ലിങ്ക് ട്വിറ്ററില് പങ്കിട്ടു. യൂറോപ്പിലെയും വടക്കേ അമേരിക്കയിലെയും മിക്ക ഭാഗങ്ങളിലും സേവനം ലഭ്യമാണെന്ന് മാപ്പില് കാണിക്കുന്നുണ്ട്.
തെക്കേ അമേരിക്ക, ഓസ്ട്രേലിയ, ന്യൂസീലന്ഡ് എന്നിവയുടെ ചില ഭാഗങ്ങളില് സേവനം ഉടന് ലഭിക്കുമെന്നും മാപ്പില് നിന്നു മനസിലാക്കാം.
ഉടനടി സേവനം ലഭിക്കുന്ന രാജ്യങ്ങളുടെ പട്ടികയില് ഇന്ത്യ ഉള്പ്പെടുന്നില്ല. എന്നാല് ‘ഉടന് വരുന്നു’ എന്ന നീല നിറത്തിലാണ് ഇന്ത്യ അടയാളപ്പെടുത്തിയിരിക്കുന്നത്.
Sources:nerkazhcha
-
Media11 months ago
ഐപിസി കേരളാ സ്റ്റേറ്റ് പ്രയര് & റിവൈവല് ബോര്ഡ് 18-ാമത് പ്രാര്ത്ഥനാ സംഗമം
-
Media7 months ago
ഛത്തീസ്ഗഡ്ഡിൽ ക്രിസ്തീയ വീടുകൾ കയറിയിറങ്ങി ക്രൂര ആക്രമണങ്ങൾ; 3 പേർ ഗുരുതരാവസ്ഥയോടെ ആശുപത്രിയിൽ, 9 പേർക്ക് പരിക്ക്
-
Media7 months ago
ഐ.പി.സി. കേരളാ സ്റ്റേറ്റ് പ്രയർ& റിവൈവൽ ബോർഡ് 24 മത് പ്രാർത്ഥന സംഗമം ഒക്ടോബർ 31 – ന്
-
Media10 months ago
ഐപിസി കേരളാ സ്റ്റേറ്റ് പ്രയര് & റിവൈവല് ബോര്ഡ് 19-ാമത് പ്രാര്ത്ഥനാ സംഗമം
-
us news10 months ago
Chinese Officials Raid a Christian Funeral, Remove Christian Symbols
-
us news11 months ago
114-year-old Catholic church burns down in Canada: 6 churches on fire in one week
-
us news12 months ago
Pastor TB Joshua in Eternity
-
us news10 months ago
Covid-19 fourth wave in France: Health pass system to be introduced in the country