Crime
Four Christians Jailed Under False Charges

India – Four Christians, including two pastors, were jailed on false charges of conversion activities in Madhya Pradesh’s Betul district on 19 February. The police ambushed Christians gathered at a family celebration in Udhama village and took seven people into custody, after which four were officially booked and sent to the district jail in Betul, Madhya Pradesh.
According to ICC sources, one of the jailed Christians in Udhama village had invited the two Pastors, one of their wives, and a few more believers for a special meal at his agricultural land. Before they could start the event, the police arrived and took seven Christians present at the event to the police station. A local Christian leader who went to the police station to petition for the release of the four was threatened with death by both the police and the radical Hindu nationalists gathered at the police station. The Christian, who requested anonymity, explained the situation ICC,
“They told me that they would kill me. The police in charge did not allow us to see the Christians in custody. When I asked them on what basis they arrested Christians and filed an FIR against these innocent people, the man in charge of the police station shouted at me and threatened that I could be joining them in jail and chased me out of the police station.”
The four Christians were charged with what the law calls deliberate and malicious acts, intended to outrage religious feelings of any class by insulting its religion or religious beliefs. The police confiscated Bibles and other Christian literature as evidence for the offense. Four Christians were jailed under similar charges in the same area five months ago, and spent 15 days in jail before they could make bail. Madhya Pradesh enacted stringent anti-conversion laws last January and ever since the attacks on Christians in the area have increased.
Sources:persecution
http://theendtimeradio.com
Crime
യുഎസ് മെക്സിക്കന് അതിര്ത്തിയില് വൈദികനെ കൊല്ലപ്പെട്ട നിലയില് കണ്ടെത്തി

മെക്സിക്കോ: അമേരിക്കയുടെ അതിർത്തിയിൽ സ്ഥിതി ചെയ്യുന്ന മെക്സിക്കൻ സംസ്ഥാനമായ ബജാ കാലിഫോർണിയയിൽ കത്തോലിക്ക വൈദികനെ കൊല്ലപ്പെട്ട നിലയില് കണ്ടെത്തി. ടെകേറ്റ് നഗരത്തിന്റെ പ്രാന്തപ്രദേശത്താണ് ടിജുവാന അതിരൂപത വൈദികനായ ഫാ. ജോസ് ഗ്വാഡലുപ്പെ റിവാസ് സാൽഡാന (57) യുടെ മൃതദേഹം കണ്ടെത്തിയത്. ടിജുവാനയിൽ നിന്ന് ഏകദേശം 30 മൈൽ കിഴക്കുള്ള ടെക്കേറ്റിലെ വിശുദ്ധ യൂദാതദേവൂസ് ഇടവക വികാരിയായും പ്രാദേശിക കരിസ്മാറ്റിക് നവീകരണ പ്രസ്ഥാനത്തിന്റെ ആത്മീയ പിതാവുമായി സേവനം ചെയ്യുകയായിരിന്നു അദ്ദേഹം. ടെക്കേറ്റിന്റെ പ്രാന്തപ്രദേശത്ത് വൈദികന്റെ മൃതദേഹം മര്ദ്ദനമേറ്റ നിലയില് കണ്ടെത്തുകയായിരിന്നുവെന്ന് പ്രാദേശിക മാധ്യമങ്ങള് റിപ്പോര്ട്ട് ചെയ്യുന്നു.
വൈദികന്റെ ആകസ്മിക വിയോഗത്തില് ടിജുവാന അതിരൂപത ആർച്ച് ബിഷപ്പ് ഫ്രാൻസിസ്കോ മൊറേനോ ബാരോന് ദുഃഖം രേഖപ്പെടുത്തി 25 വർഷത്തിലേറെയായി ടിജുവാന അതിരൂപതയിൽ സേവനമനുഷ്ഠിച്ച ഫാ. റിവാസ് സാൽഡാനയുടെ വേര്പാടില് ദുഃഖിതരായവര്ക്ക് ഉത്ഥിതനായ ക്രിസ്തു ശക്തിയും ആശ്വാസവും പകരട്ടെയെന്ന് അദ്ദേഹം പറഞ്ഞു. രാജ്യത്ത് ഏറ്റവും കൂടുതൽ അക്രമങ്ങൾ നടക്കുന്ന സംസ്ഥാനങ്ങളിലൊന്നാണ് മെക്സിക്കോയിലെ ബജ കാലിഫോർണിയ സംസ്ഥാനം. നാഷണൽ പബ്ലിക് സെക്യൂരിറ്റി സിസ്റ്റത്തിന്റെ എക്സിക്യൂട്ടീവ് സെക്രട്ടേറിയറ്റിന്റെ കണക്കനുസരിച്ച് വർഷത്തിലെ ആദ്യ മൂന്ന് മാസങ്ങളിൽ 593 കൊലപാതകങ്ങളാണ് ഇവിടെ അരങ്ങേറിയിരിക്കുന്നത്.
2018 ഒക്ടോബറിൽ ടിജുവാന അതിരൂപതയിലെ മറ്റൊരു വൈദികൻ കൊല്ലപ്പെട്ടിരിന്നു, ടിജുവാനയിലെ സെന്റ് ലൂയിസ് ഇടവക വികാരിയായിരുന്ന ഫാ. ഉമർ അർതുറോ ഒർട്ടയുടെ മൃതദേഹം ദിവസങ്ങളോളം കാണാതായ ശേഷം ഉപേക്ഷിക്കപ്പെട്ട കാറിൽ കണ്ടെത്തുകയായിരിന്നു. ലോകത്ത് വൈദികര്ക്കു നേരെ ഏറ്റവും കൂടുതല് അതിക്രമം നടക്കുന്ന ലാറ്റിനമേരിക്കന് രാജ്യമാണ് മെക്സിക്കോ. കഴിഞ്ഞ ഇരുപത്തിയഞ്ച് വർഷത്തിനിടയിൽ മെക്സിക്കോയിൽ മാത്രം അറുപതോളം വൈദികര് വ്യക്തമായ കാരണങ്ങളില്ലാതെ വധിക്കപ്പെട്ടെന്നു ചർച്ച് ഇൻ നീഡ് പൊന്തിഫിക്കൽ ഫൗണ്ടേഷന് രണ്ടു വര്ഷങ്ങള്ക്ക് മുന്പ് റിപ്പോര്ട്ട് ചെയ്തിരിന്നു.
കടപ്പാട് :പ്രവാചക ശബ്ദം
Crime
നൈജീരിയയില് വീണ്ടും ക്രൈസ്തവ കൂട്ടക്കൊല: ബോര്ണോയില് ഇസ്ലാമിക് സ്റ്റേറ്റ് തീവ്രവാദികള് 20 ക്രൈസ്തവരെ കൊലപ്പെടുത്തി

ചിബോക്: ക്രൈസ്തവരുടെ ശവപ്പറമ്പായിക്കൊണ്ടിരിക്കുന്ന നൈജീരിയയില് വീണ്ടും ക്രൈസ്തവ കൂട്ടക്കൊല. മധ്യപൂര്വ്വേഷ്യയില് തങ്ങളുടെ നേതാക്കള് കൊല്ലപ്പെട്ടതിന്റെ പ്രതികാരമെന്നോണം ഇസ്ലാമിക് സ്റ്റേറ്റ് വെസ്റ്റ് ആഫ്രിക്ക പ്രോവിന്സ് തീവ്രവാദികള്, നൈജീരിയയിലെ ബോര്ണോ സംസ്ഥാനത്തില് 20 ക്രൈസ്തവരെ നിഷ്ഠൂരമായി കൊലപ്പെടുത്തി. തീവ്രവാദി സംഘടനകളുടെ ഓണ്ലൈനിലൂടെയുള്ള ആശയവിനിമയങ്ങള് നിരീക്ഷിച്ചുകൊണ്ടിരിക്കുന്ന അമേരിക്ക ആസ്ഥാനമായ സൈറ്റ് ഇന്റലിജന്സ് ഗ്രൂപ്പാണ് ഇക്കാര്യം പുറത്തുവിട്ടത്. ഡെയിലി മെയില് അടക്കമുള്ള പ്രമുഖ മാധ്യമങ്ങള് സംഭവത്തെ കുറിച്ചുള്ള വാർത്ത റിപ്പോര്ട്ട് ചെയ്തു. കൊലപാതക വീഡിയോയുടെ സ്ക്രീന്ഷോട്ട് സഹിതമാണ് സൈറ്റ് ഇന്റലിജന്സ് ഗ്രൂപ്പ് വിവരങ്ങള് പുറത്തുവിട്ടിരിക്കുന്നത്.
മുട്ടുകുത്തി നില്ക്കുന്ന ക്രൈസ്തവരുടെ പിന്നില് മുഖംമൂടി ധരിച്ച് തോക്കും, കത്തിയുമായി തീവ്രവാദികള് നില്ക്കുന്നതും, ഈ വര്ഷം ആദ്യത്തില് മധ്യപൂര്വ്വേഷ്യയില് ഇസ്ലാമിക് സ്റ്റേറ്റ് നേതാക്കള് കൊല്ലപ്പെട്ടതിന്റെ പ്രതികാരമാണിതെന്ന് ഹൌസാ ഭാഷയില് പറയുന്നതും വീഡിയോയില് വ്യക്തമാണെന്ന് റിപ്പോര്ട്ടില് പറയുന്നു. വടക്കു-കിഴക്കന് ബോര്ണോയില് കഴിഞ്ഞ ആഴ്ചയില് ചുരുങ്ങിയത് ഏഴോളം ക്രൈസ്തവരെ ഇസ്ലാമിക് സ്റ്റേറ്റ് തീവ്രവാദികളെ കൊലപ്പെടുത്തിയതിന്റെ പിന്നാലെയാണ് ഈ കൂട്ടക്കൊല. തീവ്രവാദി അക്രമങ്ങളെ അതിജീവിച്ചവരെ സന്ദര്ശിക്കുവാനും, മുന് തീവ്രവാദികളെ സമൂഹത്തിലേക്ക് തിരികെ കൊണ്ടുവരുന്നത് സംബന്ധിച്ച് ചര്ച്ച ചെയ്യുന്നതിനുമായി ഐക്യരാഷ്ട്രസഭ സെക്രട്ടറി ജനറല് അന്റോണിയോ ഗുട്ടറസ് സംസ്ഥാനത്ത് ഉണ്ടായിരുന്ന സമയത്തുതന്നെയായിരുന്നു ഈ കൂട്ടക്കൊല.
ആയുധധാരികളായ വന് തീവ്രവാദി സംഘം അപ്രതീക്ഷിതമായി ആക്രമണം നടത്തുകയായിരുന്നെന്നും, അടുത്തുള്ള സൈനീക കേന്ദ്രത്തില് നിന്നും സൈനീക സംഘം എത്തുന്നതിനു മുന്പേ തന്നെ 10 പേര് കൊല്ലപ്പെട്ടിരുന്നുവെന്നും പ്രാദേശിക സാമുദായിക നേതാവായ ഹസ്സന് ചിബോക് പറയുന്നു. ചിബോകിലെ കാടുകാരി ഗ്രാമത്തോടു ചേര്ന്ന വനപ്രദേശത്ത് തീവ്രവാദികളുടെ വന്തോതിലുള്ള സാന്നിധ്യം ഉള്ളതിനാല് കാര്യങ്ങള് വളരേയേറെ മോശമായി കൊണ്ടിരിക്കുകയാണെന്നും അദ്ദേഹം ചൂണ്ടിക്കാട്ടി. സൈന്യം എത്തുന്നതിന് മുന്പായി 7 പേര് കൊല്ലപ്പെട്ടിരുന്നുവെന്ന് യാന ഗലാങ്ങ് എന്ന മറ്റൊരു പ്രദേശവാസി പറഞ്ഞു.
ആഫ്രിക്കയിലെ ഏറ്റവും ജനസാന്ദ്രതയേറിയ രാഷ്ട്രമായ നൈജീരിയ, കഴിഞ്ഞ 10 വര്ഷങ്ങളായി ബൊക്കോ ഹറാമും അനുബന്ധ സംഘടനയായ ഇസ്ലാമിക് സ്റ്റേറ്റ് വെസ്റ്റ് ആഫ്രിക്ക പ്രോവിന്സും നടത്തുന്ന തീവ്രവാദ ആക്രമണങ്ങളില് നട്ടംതിരിയുകയാണ്. പാശ്ചാത്യ വിദ്യാഭ്യാസം അവസാനിപ്പിക്കുകയും ശരിയ നിയമം പ്രാബല്യത്തില് വരുത്തുകയുമാണ് തീവ്രവാദികളുടെ ലക്ഷ്യം. തീവ്രവാദികള്ക്കെതിരെയുള്ള യുദ്ധം അവസാന ഘട്ടത്തിലാണ് എന്ന് നൈജീരിയന് പ്രസിഡന്റ് മുഹമ്മദ് ബുഹാരി പ്രഖ്യാപിച്ചിരുന്നുവെങ്കിലും രാജ്യത്തു തീവ്രവാദികളുടെ ആക്രമണങ്ങളില് യാതൊരു കുറവുമില്ല. കഴിഞ്ഞ ദിവസം മതനിന്ദ ആരോപിച്ച് നൈജീരിയന് ക്രൈസ്തവ വിദ്യാര്ത്ഥിനിയെ ഇസ്ലാമിക സഹപാഠികള് കല്ലെറിഞ്ഞും അഗ്നിയ്ക്കിരയാക്കിയും കൊലപ്പെടുത്തിയിരിന്നു.
കടപ്പാട് :പ്രവാചക ശബ്ദം
Crime
ക്രിസ്ത്യന് വിദ്യാര്ത്ഥിനിയുടെ ക്രൂര നരഹത്യയില് നീതി കിട്ടണമെന്ന് നൈജീരിയന് ക്രൈസ്തവര്: പ്രതികളെ കുറ്റവിമുക്തരാക്കണമെന്ന് മതമൗലികവാദികള്

സൊകോട്ട; മതനിന്ദ നടത്തിയെന്ന ആരോപണത്തിന്റെ പേരില് നൈജീരിയയില് കല്ലെറിഞ്ഞു കൊലപ്പെടുത്തി മൃതദേഹം അഗ്നിക്കിരയാക്കിയ നൈജീരിയന് ക്രൈസ്തവ വിദ്യാര്ത്ഥിനിയ്ക്കു നീതി ലഭിക്കണമെന്ന ആവശ്യവുമായി നൈജീരിയയില് ക്രിസ്ത്യന് സമൂഹങ്ങളുടെ കൂട്ടായ്മയായ ‘ക്രിസ്ത്യന് അസോസിയേഷന് ഓഫ് നൈജീരിയ’ (സി.എ.എന്) രംഗത്ത്. കൊലപാതകികളെ ഉടന് അറസ്റ്റ് ചെയ്ത് കോടതിയില് ഹാജരാക്കി തക്കതായ ശിക്ഷ നല്കണമെന്ന് സി.എ.എന് ആവശ്യപ്പെട്ടു. കൊലപാതകത്തിന് പിന്നില് പ്രവര്ത്തിച്ചവരെന്ന് കരുതപ്പെടുന്ന രണ്ടുപേരെ പോലീസ് അറസ്റ്റ് ചെയ്തിട്ടുണ്ടെങ്കിലും വിഷയത്തില് പോലീസ് മെല്ലപ്പോക്ക് നയം തുടരുകയാണെന്ന ആക്ഷേപമുണ്ട്.
ഷെഹു ഷാഗിരി കോളേജിലെ വിദ്യാർത്ഥിനി ദെബോറ യാക്കുബുവാണ് ക്രൂരമായ കൊലപാതകത്തിന് ഇരയായത്. ഇസ്ലാമിക പ്രവാചകനായ മുഹമ്മദിനെ നിന്ദിക്കുന്ന പരാമർശം വിദ്യാർത്ഥികളുടെ വാട്സ്ആപ്പ് കൂട്ടായ്മയിൽ ദെബോറ നടത്തിയെന്ന ആരോപണമാണ് അക്രമത്തിലേക്ക് നയിച്ചത്. എന്നാല് വാട്സാപ്പ് ഗ്രൂപ്പില് “യേശു ക്രിസ്തു ഏറ്റവും മഹത്വമുള്ളവനാണ്, എന്റെ പരീക്ഷകള് പാസാകുവാന് അവന് എന്നെ സഹായിച്ചു” എന്ന വോയിസ് മെസേജ് പോസ്റ്റ് ചെയ്തതിനാണ് വര്ഗ്ഗീയവാദികളായ സഹപാഠികള് കൊലപ്പെടുത്തിയതെന്ന് ആഗോള ക്രൈസ്തവ പീഡനം നിരീക്ഷിക്കുന്ന ഓപ്പണ് ഡോര്സിന്റെ പ്രാദേശിക ഘടകങ്ങള് റിപ്പോര്ട്ട് ചെയ്യുന്നു.
അക്കാദമിക കാര്യങ്ങള് ചര്ച്ച ചെയ്യേണ്ട വാട്സാപ്പ് ഗ്രൂപ്പില് തന്റെ സഹപാഠി ഇസ്ലാമിക കാര്യങ്ങള് പ്രചരിപ്പിച്ചതിനോടുള്ള പ്രതികരണം എന്ന നിലയിലായിരുന്നു യാക്കുബുവിന്റെ പോസ്റ്റ്. നിയമവിരുദ്ധവും നിന്ദ്യവുമായ ഈ നടപടിയെ ശരിയായി ചിന്തിക്കുന്നവര് അപലപിക്കുമെങ്കിലും ‘അള്ളാഹു അക്ബര്’ എന്നാര്ത്തുവിളിച്ചുകൊണ്ട് യാക്കുബുവിനെ കല്ലെറിയുകയും, മര്ദ്ദിക്കുകയും, തീകൊളുത്തി കൊലപ്പെടുത്തുകയും ചെയ്തവരെ കണ്ടെത്തി വിചാരണ ചെയ്യേണ്ടത് സുരക്ഷാ സേനയാണെന്നു സി.എ.എന് ജനറല് സെക്രട്ടറി ഫാ. ജോസഫ് ഡാരമോല പ്രസ്താവിച്ചു.
രക്തത്തില് കുളിച്ച് ബോധരഹിതയായി കിടക്കുന്ന യാക്കുബുവിനെ കൊലപ്പെടുത്തുന്നതിന്റെ വീഡിയോകള് സമൂഹമാധ്യമങ്ങളില് പ്രചരിച്ചു കൊണ്ടിരിക്കുകയാണ്. ജീവന് ഭീഷണി ഉണ്ടായതിനെ തുടര്ന്ന് യാക്കുബുവിനെ കോളേജ് അധികാരികള് ഒളിപ്പിച്ചിരുന്ന സെക്യൂരിറ്റി മുറിയില് നിന്നും പുറത്തേക്ക് വലിച്ചിഴച്ചു കൊണ്ടുപോയാണ് കൊലപ്പെടുത്തിയത്. സ്കൂളിലെ സെക്യൂരിറ്റി ജീവനക്കാരും, പോലീസും യാക്കുബുവിനെ രക്ഷപ്പെടുത്തുവാന് ശ്രമിച്ചെങ്കിലും രോഷാകുലരായ വര്ഗ്ഗീയവാദികളുടെ മുന്പില് നിസ്സഹായരാവുകയായിരുന്നു.
മതസ്വാതന്ത്ര്യ സന്നദ്ധ സംഘടനയായ ക്രിസ്റ്റ്യന് സോളിഡാരിറ്റി വേള്ഡ് വൈഡ്-നൈജീരിയയും (സി.എസ്.ഡബ്ലിയു.എന്) ക്രൂര നരഹത്യയെ ശക്തമായ ഭാഷയില് അപലപിച്ചു. സംസ്കാരവും, സഹിഷ്ണുതയും ഉറപ്പുനല്കുന്ന അക്കാദമിക പരിതസ്ഥിതിയില് ഇത്തരമൊരു കൊലപാതകം നടന്നതിനെ കുറിച്ച് ചിന്തിക്കണമെന്നും, വടക്കന് നൈജീരിയ അറിയപ്പെട്ടിരുന്ന സമാധാനത്തിനും, പരസ്പര സൗഹാര്ദ്ദത്തിനും, മതനിരപേക്ഷതക്കും ഈ കൊലപാതകം ഒരു വെല്ലുവിളിയാണെന്നും സംഘടന പ്രസ്താവിച്ചു.
സൊകോട്ടോയിലെ സുല്ത്താനേറ്റ് കൗണ്സിലും, സൊകോട്ടോ രൂപതാധ്യക്ഷന് മാത്യു കുക്കായും ഈ കൊലപാതകത്തെ അപലപിച്ചിട്ടുണ്ട്. ഇതിനിടെ അറസ്റ്റ് ചെയ്ത പ്രതികളെ കുറ്റവിമുക്തരാക്കണമെന്ന് ആവശ്യപ്പെട്ട് ചിലര് സംഘടിച്ച് രംഗത്തുവന്നു. പക്ഷപാതരഹിതമായ അന്വേഷണം നടക്കുമെന്നു നൈജീരിയന് പ്രസിഡന്റ് മുഹമ്മദ് ബുഹാരി പറഞ്ഞിട്ടുണ്ടെങ്കിലും ക്രൈസ്തവ സമൂഹത്തിന് വലിയ പ്രതീക്ഷയില്ല. തുടര്ച്ചയായി ക്രൈസ്തവര്ക്ക് നേരെ ഉണ്ടാകുന്ന അക്രമ പരമ്പരകളില് മൗനം പാലിക്കുന്ന ബുഹാരിയ്ക്കെതിരെ രാജ്യത്തെ വിവിധ മെത്രാന്മാര് വിമര്ശനം നടത്തിയിരിന്നു. ഇതിനിടെ അടുത്ത വര്ഷത്തെ പ്രസിഡന്റ് തിരഞ്ഞെടുപ്പില് മത്സരിക്കുവാനിരിക്കുന്ന അതികു അബൂബക്കര് കൊലപാതകത്തെ അപലപിച്ചുകൊണ്ട് ട്വീറ്റ് ചെയ്തിരുന്നുവെങ്കിലും പിന്നീട് പിന്വലിച്ചു.
കടപ്പാട് :പ്രവാചക ശബ്ദം
-
Media11 months ago
ഐപിസി കേരളാ സ്റ്റേറ്റ് പ്രയര് & റിവൈവല് ബോര്ഡ് 18-ാമത് പ്രാര്ത്ഥനാ സംഗമം
-
Media6 months ago
ഛത്തീസ്ഗഡ്ഡിൽ ക്രിസ്തീയ വീടുകൾ കയറിയിറങ്ങി ക്രൂര ആക്രമണങ്ങൾ; 3 പേർ ഗുരുതരാവസ്ഥയോടെ ആശുപത്രിയിൽ, 9 പേർക്ക് പരിക്ക്
-
Media7 months ago
ഐ.പി.സി. കേരളാ സ്റ്റേറ്റ് പ്രയർ& റിവൈവൽ ബോർഡ് 24 മത് പ്രാർത്ഥന സംഗമം ഒക്ടോബർ 31 – ന്
-
Media10 months ago
ഐപിസി കേരളാ സ്റ്റേറ്റ് പ്രയര് & റിവൈവല് ബോര്ഡ് 19-ാമത് പ്രാര്ത്ഥനാ സംഗമം
-
us news10 months ago
Chinese Officials Raid a Christian Funeral, Remove Christian Symbols
-
us news11 months ago
114-year-old Catholic church burns down in Canada: 6 churches on fire in one week
-
us news12 months ago
Pastor TB Joshua in Eternity
-
us news12 months ago
A dozen people killed in mass shootings across the US this weekend