Tech
നിഷ്ക്രിയ യൂട്യൂബ്, ജിമെയിൽ അക്കൗണ്ടുകൾക്ക് പൂട്ടുവീഴുന്നു, പുതിയ നീക്കവുമായി ഗൂഗിൾ
ഉപഭോക്തൃ സുരക്ഷ ഉറപ്പുവരുത്തുന്നതിന്റെ ഭാഗമായാണ് നിഷ്ക്രിയ അക്കൗണ്ടുകൾ ഇല്ലാതാക്കുന്നത്.നിഷ്ക്രിയ അക്കൗണ്ടുകൾക്ക് പൂട്ടിടാനൊരുങ്ങി ഗൂഗിൾ. റിപ്പോർട്ടുകൾ പ്രകാരം, കുറഞ്ഞത് രണ്ട് വർഷമായി ഉപയോഗിക്കാത്തതും സൈൻ ഇൻ ചെയ്യാത്തതുമായ യൂട്യൂബ്, ജിമെയിൽ അക്കൗണ്ടുകൾക്കാണ് ഗൂഗിൾ പൂട്ടിടുന്നത്. അടുത്തിടെ നിഷ്ക്രിയ അക്കൗണ്ട് നയങ്ങളിൽ ഗൂഗിൾ സുപ്രധാനമായ മാറ്റങ്ങൾ പ്രഖ്യാപിച്ചിരുന്നു. ഇതിന് പിന്നാലെയാണ് പുതിയ നീക്കം.
ഉപഭോക്തൃ സുരക്ഷ ഉറപ്പുവരുത്തുന്നതിന്റെ ഭാഗമായാണ് നിഷ്ക്രിയ അക്കൗണ്ടുകൾ ഇല്ലാതാക്കുന്നത്. ഇത്തരത്തിലുള്ള അക്കൗണ്ടുകൾ വലിയ തോതിലുള്ള സുരക്ഷാ ഭീഷണി ഉയർത്തുന്നതായി ഗൂഗിളിന്റെ ശ്രദ്ധയിൽപ്പെട്ടിരുന്നു. അക്കൗണ്ടുകൾ ഇല്ലാതാക്കുമ്പോൾ അവയിൽ സൂക്ഷിച്ചിട്ടുള്ള എല്ലാ ഉള്ളടക്കങ്ങളും നഷ്ടമാകുമെന്ന് ഗൂഗിൾ മുന്നറിയിപ്പ് നൽകിയിട്ടുണ്ട്.
സുരക്ഷാ അപകടങ്ങളിൽ നിന്ന് ഉപഭോക്താക്കളെ സംരക്ഷിക്കുന്നതിന് നിഷ്ക്രിയ അക്കൗണ്ടുകൾ ഇല്ലാതാക്കുന്നത് ഗുണം ചെയ്യും. ഒരു അക്കൗണ്ട് പ്രവർത്തനരഹിതമാകുമ്പോഴും, അവ ഉപയോഗിക്കാതിരിക്കുമ്പോഴും, സുരക്ഷാ ഭീഷണികൾ നിരീക്ഷിക്കപ്പെടാത്തതിനാലും അത്തരം അക്കൗണ്ടുകളിൽ സുരക്ഷാ വീഴ്ച ഉണ്ടാകാനുള്ള സാധ്യത കൂടുതലാണെന്ന് കണ്ടെത്തിയിട്ടുണ്ട്. ഇങ്ങനെയുള്ള അക്കൗണ്ടുകൾ പലപ്പോഴും സൈബർ ഭീഷണി നേരിടാറുണ്ട്.
കടപ്പാട് :കേരളാ ന്യൂസ്
ഉപഭോക്താക്കൾ ദീർഘനാളായി കാത്തിരുന്ന ഫീച്ചർ അവതരിപ്പിക്കാൻ ഒരുങ്ങുകയാണ് പ്രമുഖ മെസേജിംഗ് പ്ലാറ്റ്ഫോമായ വാട്സ്ആപ്പ്. ഇത്തവണ ചിത്രങ്ങൾ ക്രോപ്പ് ചെയ്യാൻ സഹായിക്കുന്ന ക്രോപ്പ് ടൂളാണ് വാട്സ്ആപ്പ് അവതരിപ്പിക്കുന്നത്. ഡ്രോയിംഗ് എഡിറ്റിലാണ് ഈ ഫീച്ചറുകൾ ക്രമീകരിക്കുന്നത്. പരീക്ഷണാടിസ്ഥാനത്തിൽ വിൻഡോസ് ബീറ്റ വേർഷനിലുള്ള ഉപഭോക്താക്കൾക്ക് ക്രോപ്പ് ടൂൾ ഫീച്ചർ ലഭിക്കുന്നതാണ്.
തേർഡ് പാർട്ടി ആപ്പുകളുടെ സഹായമില്ലാതെ വാട്സ്ആപ്പിൽ നിന്ന് കൊണ്ട് തന്നെ ചിത്രങ്ങൾ ക്രോപ്പ് ചെയ്തെടുക്കാൻ ഉപഭോക്താവിനെ സഹായിക്കുന്നതാണ് പുതിയ ഫീച്ചർ. ക്രോപ്പ് ടൂൾ എത്തുന്നതോടെ, വാട്സ്ആപ്പിൽ നിന്ന് പുറത്തേക്ക് പോയി ഇമേജ് ക്രോപ്പ് ചെയ്യാൻ എടുക്കുന്ന സമയം ലാഭിക്കാൻ സാധിക്കും. നിലവിൽ, ഉപഭോക്താക്കൾ തേർഡ് പാർട്ടി ആപ്പ് ഉപയോഗിച്ച് ചിത്രങ്ങൾ ക്രോപ്പ് ചെയ്യുന്നു, വാട്സ്ആപ്പ് മുഖാന്തരം ഷെയർ ചെയ്യാറുണ്ട്. പരീക്ഷണഘട്ടം പൂർത്തിയാക്കിയാൽ, ഉടൻ തന്നെ എല്ലാത്തിനും ക്രോപ് ടൂൾ എത്തിക്കാനാണ് വാട്സ്ആപ്പിന്റെ പദ്ധതി.
Sources:Metro Journal
യുഎസ്, ആസ്‌ട്രേലിയ, ന്യൂസിലാൻഡ് എന്നിവിടങ്ങളിലെ വിജയകരമായ പരീക്ഷണത്തിന് ശേഷം തങ്ങളുടെ വെരിഫൈഡ് പ്രോഗ്രാം ഇന്ത്യയിലേക്കും വ്യാപിപ്പിച്ച് മെറ്റ. ട്വിറ്റർ ബ്ലൂ സബ്സ്ക്രിപ്ഷൻ പോലെ, ഇൻസ്റ്റഗ്രാം ഫേസ്ബുക്ക് അക്കൗണ്ടുകൾക്ക് നീല വെരിഫൈഡ് ബാഡ്ജും അധിക ഫീച്ചറുകളും വാഗ്ദാനം ചെയ്യുന്നതാണ് മെറ്റ വെരിഫൈഡ് സർവീസ്.
പരമ്പരാഗത ഡിജിറ്റൽ പരസ്യങ്ങൾക്കപ്പുറം തങ്ങളുടെ വരുമാന മാർഗങ്ങൾ വൈവിധ്യവത്കരിക്കാനാണ് മെറ്റ പുതിയ പ്രോഗ്രാമിലൂടെ ലക്ഷ്യമിടുന്നത്. ആഗോള സാമ്പത്തിക മാന്ദ്യവും ആപ്പിളിന്റെ iOS സ്വകാര്യതാ നയ മാറ്റങ്ങളും കാരണം 2022-ൽ മെറ്റ വലിയ തിരിച്ചടി നേരിട്ടിരുന്നു.
തുടക്കത്തിൽ, ഉയർന്ന പ്രതിമാസ സബ്സ്ക്രിപ്ഷൻ ചാർജായിരുന്നു മെറ്റ വെരിഫിക്കേഷൻ ബാഡ്ജിനായി ചാർജ് ചെയ്തിരുന്നത്, എന്നാലിപ്പോൾ ആൻഡ്രോയിഡിലും ഐഒഎസിലും പ്രതിമാസം 699 രൂപയായും വെബിൽ 599 രൂപയായും ചാർജ് കുറച്ചിട്ടുണ്ട്. ‘ബ്ലൂ’ എന്ന പേരിൽ ട്വിറ്റർ സബ്സ്ക്രിപ്ഷൻ സേവനം ആരംഭിച്ചതിന് പിന്നാലെയാണ് ഫേസ്ബുക്ക് തങ്ങളുടെ വെരിഫൈഡ് പ്രോഗ്രാം ആരംഭിക്കുന്നതും ഇന്ത്യയിലേക്കുള്ള വിപുലീകരിക്കുന്നതും.
മെറ്റാ വെരിഫൈഡ് ഉപയോക്താക്കൾക്ക് വെരിഫിക്കേഷൻ ബാഡ്ജ്, സജീവമായ അക്കൗണ്ട് പരിരക്ഷണം, അക്കൗണ്ട് സപ്പോർട്ടിലേക്കുള്ള ആക്സസ് എന്നിവ ഉൾപ്പെടെ നിരവധി സവിശേഷതകൾ വാഗ്ദാനം ചെയ്യുന്നു. സ്ഥിരീകരണ പ്രക്രിയയ്ക്ക് ഉപയോക്താക്കൾ ഒരു സർക്കാർ ഐഡി നൽകേണ്ടതുണ്ട്, ഇത് Instagram, Facebook അക്കൗണ്ടുകൾക്കും ബാധകമാണ്. അക്കൗണ്ട് സപ്പോർട്ട് നിലവിൽ ഇംഗ്ലീഷിൽ മാത്രമേ ലഭ്യമാവൂ, ഭാവിയിൽ ഇത് ഹിന്ദിയിലേക്ക് വ്യാപിപ്പിക്കാൻ മെറ്റ പദ്ധതിയിടുന്നു. താൽപ്പര്യമുള്ള ഉപയോക്താക്കൾക്ക് സേവനത്തിന്റെ വെബ് പതിപ്പിനായുള്ള വെയിറ്റ്‌ലിസ്റ്റിൽ ചേരാം.
ട്വിറ്ററിൽ നിന്ന് വ്യത്യസ്തമായി, മെറ്റയുടെ സോഷ്യൽ മീഡിയയിൽ ലെഗസി ബാഡ്ജുകളുള്ള സെലിബ്രിറ്റികൾക്കും ഇൻഫ്ലുവൻസർമാർക്കും അവ നഷ്ടപ്പെടില്ല. ആൾമാറാട്ടത്തിന് കൂടുതൽ സാധ്യതയുള്ളതിനാലാണിത്. ബ്ലൂ ടിക് ബാഡ്ജ് സ്വന്തമാക്കാൻ ആഗ്രഹിക്കുന്നവർക്ക് പണമടച്ച് അത് നേടാം എന്ന് മാത്രം. ഒന്നിലധികം രാജ്യങ്ങളിൽ നേരത്തെ നടത്തിയ പരിശോധനയിൽ നിന്നുള്ള പോസിറ്റീവ് ഫലങ്ങളുടെ അടിസ്ഥാനത്തിലാണ് ഇന്ത്യയിലേക്കുള്ള വിപുലീകരണമെന്ന് മെറ്റാ പറഞ്ഞു.
മെറ്റാ വെരിഫൈഡിന് യോഗ്യത നേടുന്നതിന്, അക്കൗണ്ടുകൾ ഏറ്റവും കുറഞ്ഞ പ്രവർത്തന ആവശ്യകതകൾ പാലിക്കുകയും ഉപയോക്താക്കൾ 18 വയസോ അതിൽ കൂടുതലോ പ്രായമുള്ളവരോ ആയിരിക്കണമെന്നുണ്ട്. ചില ഉപയോക്താക്കൾക്ക് പ്രാമാണീകരണത്തിനായി ഒരു സെൽഫി വീഡിയോ നൽകേണ്ടി വന്നേക്കാം. നിലവിൽ, മെറ്റാ വെരിഫൈഡിന് അപേക്ഷിക്കാൻ ബിസിനസുകൾക്ക് യോഗ്യതയില്ല.
Sources:azchavattomonline
എഐ ഉൾപ്പെടെയുള്ള കിടിലൻ ഫീച്ചറുകൾ ജിമെയിലിൽ ഉൾപ്പെടുത്തി ഗൂഗിൾ. ജിമെയിലിന്റെ മൊബൈൽ ആപ്പിലാണ് ഈ ഫീച്ചറുകൾ ലഭ്യമാവുക. ജിമെയിലിലെ സെർച്ച് കൂടുതൽ കൃതൃതയുള്ളതാകാൻ ഇത് സഹായിക്കും. ഇൻബോക്സ് വളരെ എളുപ്പത്തിൽ ഉപയോഗിക്കാനും ഇത് സഹായിക്കും. മൊബൈലിൽ ജിമെയിൽ ഉപയോഗിക്കുന്നവർ ആപ്പിൽ പഴയ മെസെജോ, അറ്റാച്ച്മെന്റുകളോ സെർച്ച് ചെയ്താൽ വൈകാതെ ‘ടോപ് റിസൽട്ട്സ്’ എന്ന സെക്ഷൻ കാണാനാകും.
മെഷീൻ ലേണിങ് മോഡലുകൾ ഉപയോഗിച്ചാണ് ടോപ് റിസൾട്ട്സ് തയ്യാറാക്കുന്നത്.
ഉപയോക്താക്കൾ എന്താണ് തിരയുന്നതെന്ന് മനസിലാക്കുകയും അതുമായി ബന്ധപ്പെട്ട പഴയതും പുതിയതുമായ ഇമെയിലുകൾ കാണിക്കുകയും ചെയ്യും. ഇമെയിലുകളും അറ്റാച്ച് ചെയ്ത ഫയൽ വേഗത്തിൽ കണ്ടുപിടിക്കാനും പുതിയ സംവിധാനം സഹായിക്കും. ഉപയോക്താക്കളുടെ അഭ്യർഥന മാനിച്ചാണ് രണ്ടാഴ്ചയ്ക്കുള്ളിൽ എല്ലാ മൊബൈൽ ജീമെയിൽ ഉപയോക്താക്കൾക്കും ഈ ഫീച്ചറുകൾ ലഭ്യമാക്കുന്നതെന്ന് ഗൂഗിൾ അറിയിച്ചു.
ക്ലയന്റ് സൈഡ് എൻക്രിപ്ഷൻ എന്ന് ഗൂഗിൾ വിശേഷിപ്പിക്കുന്ന ഫീച്ചറിനെ കഴിഞ്ഞ വർഷം അവസാനത്തോടെ ഗൂഗിൾ പരിചയപ്പെടുത്തിയിരുന്നു. ഇമെയിൽ ബോഡിയിലെ സെൻസിറ്റീവ് ഡാറ്റയും മറ്റും ഗൂഗിൾ സെർവറുകൾക്ക് വ്യക്തമല്ലാത്ത രീതിയിലുള്ള അറ്റാച്ച്‌മെന്റുകളാക്കി മാറ്റുമെന്നും ഗൂഗിൾ പറയുന്നു. എൻക്രിപ്ഷൻ കീകളിൽ നിയന്ത്രണം നിലനിർത്താനും ആ കീകൾ ആക്സസ് ചെയ്യുന്നതിനുള്ള ഐഡന്റിറ്റി സേവനത്തിനും ഇത് ഉപഭോക്താക്കളെ സഹായിക്കും.
Sources:azchavattomonline
Fulani Militants Murder 300+ Christians and Destroy 28 Churches since mid-May
Nigeria —Fulani militants murdered more than 300 Christians, including two pastors, and destroyed 28 churches since mid-May in Plateau State,...
ഉപഭോക്താക്കൾ കാത്തിരുന്ന ക്രോപ് ടൂളുമായി വാട്സ്ആപ്പ് എത്തുന്നു
ഉപഭോക്താക്കൾ ദീർഘനാളായി കാത്തിരുന്ന ഫീച്ചർ അവതരിപ്പിക്കാൻ ഒരുങ്ങുകയാണ് പ്രമുഖ മെസേജിംഗ് പ്ലാറ്റ്ഫോമായ വാട്സ്ആപ്പ്. ഇത്തവണ ചിത്രങ്ങൾ ക്രോപ്പ് ചെയ്യാൻ സഹായിക്കുന്ന ക്രോപ്പ് ടൂളാണ് വാട്സ്ആപ്പ് അവതരിപ്പിക്കുന്നത്. ഡ്രോയിംഗ്...
ക്രിസ്ത്യൻ ബ്രോഡ്കാസ്റ്റിംഗ് നെറ്റ്‌വർക്ക് സ്ഥാപകനും സുവിശേഷകനുമായ പാറ്റ് റോബർട്ട്സൺ അന്തരിച്ചു
യാഥാസ്ഥിതിക സുവിശേഷകനും ക്രിസ്ത്യൻ കോളിഷൻ സ്ഥാപകനുമായ പാറ്റ് റോബർട്ട്സൺ വ്യാഴാഴ്ച അന്തരിച്ചു.93 വയസ്സായിരുന്നു. റോബർട്ട്സൺ, യു.എസിലെ ഏറ്റവും പ്രമുഖവും സ്വാധീനമുള്ളതുമായ ക്രിസ്ത്യൻ പ്രക്ഷേപകരിൽ ഒരാളും സംരംഭകരും, തുല്യ...
ഇൻസ്റ്റയിലും ഫേസ്ബുക്കിലും ബ്ലൂ ടിക്ക് വേണോ; ഇന്ത്യക്കാർ മാസം 699 രൂപ നൽകണം
യുഎസ്, ആസ്‌ട്രേലിയ, ന്യൂസിലാൻഡ് എന്നിവിടങ്ങളിലെ വിജയകരമായ പരീക്ഷണത്തിന് ശേഷം തങ്ങളുടെ വെരിഫൈഡ് പ്രോഗ്രാം ഇന്ത്യയിലേക്കും വ്യാപിപ്പിച്ച് മെറ്റ. ട്വിറ്റർ ബ്ലൂ സബ്സ്ക്രിപ്ഷൻ പോലെ, ഇൻസ്റ്റഗ്രാം ഫേസ്ബുക്ക് അക്കൗണ്ടുകൾക്ക്...
മതപരിവർത്തന ആരോപണം: ബിഷപ്പിന്റെ ജാമ്യാപേക്ഷ തള്ളി മധ്യപ്രദേശ് കോടതി
അനാഥാലയത്തിലെ അനാഥരായ ഹിന്ദു കുട്ടികളെ ക്രിസ്തുമതത്തിലേക്ക് പരിവർത്തനം ചെയ്തുവെന്ന ആരോപണം നേരിടുന്ന കത്തോലിക്കാ ബിഷപ്പിന്റെയും കന്യാസ്ത്രീയുടെയും മുൻകൂർ ജാമ്യാപേക്ഷമധ്യപ്രദേശിലെ കത്നി ജില്ലാ, സെഷൻസ് കോടതി തള്ളി. ജബൽപൂരിലെ...
എൻറിച്ച്മെന്റ് ബൈബിൾ ക്വിസ് മത്സരം
പതിനഞ്ചാമത് എൻറിച്ച്മെന്റ് ബൈബിൾ ക്വിസ് മത്സരം ആഗസ്റ്റ് മാസം നടക്കുന്നു. ബൈബിളിലെ കാവ്യ പുസ്തകങ്ങൾ ആസ്പദമാക്കി നടത്തുന്ന ഈ ക്വിസ് മത്സരം പൂർണമായും ഓൺലൈനിൽ ആയിരിക്കും നടക്കുക....
-
us news1 week ago‘The Biggest Water Baptism in History’: 4,166 Baptized at Historic Beach from Jesus Movement
-
world news6 days agoMuslim Husband Found Out His Wife Became a Christian; He Beat Her, Starved Her and Left Her in a Wild Animal Park—But God…
-
world news3 weeks agoലേലത്തിൽ വെച്ചിരുന്ന ലോകത്തിലെ ഏറ്റവും പഴക്കമുള്ള ഹീബ്രു ബൈബിളിന് റെക്കോര്ഡ് തുക: ലഭിച്ചത് 314 കോടിരൂപ
-
world news4 days agoയുഎഇ യിൽ ക്രൈസ്തവ ആരാധനാലയങ്ങൾക്ക് ഇനി ലൈസൻസ് നിർബന്ധം
-
us news2 weeks agoനിത്യതയില് ചേര്ക്കപ്പെട്ടു
-
National3 weeks agoഐ.പി.സി ജനറൽ കൗൺസിലിന് പുതിയ ഭരണസമിതി
-
us news4 weeks agoടെക്സസിൽ ചുഴലിക്കാറ്റ്: ഒരു മരണം, പത്ത് പേർക്ക് പരിക്ക്
-
us news2 weeks agoഡോ. മിനു മാത്യു ജോർജ് ഐപിസി ഫാമിലി കോൺഫറൻസ് നാഷണൽ യൂത്ത് കോർഡിനേറ്റർ