നിത്യതയിൽ ക്രിസ്തുവിനോട് കൂടെ വിശ്രമിക്കുന്ന പരേതരായ പാസ്റ്റർ കെ.സി. യേശുദാസിൻ്റെയും സിസ്റ്റർ ലൈലാൾളിൻ്റെയും മകൻ ബ്രദർ ജോസ് കൊടങ്ങാവിളക്ക് ദൈവം നൽകിയ ദർശനപ്രകാരം ആണ്ടുതോറും നടത്തിവരുന്ന സുവിശേഷ യോഗങ്ങളുടെ ഭാഗമായി 2025 ജനുവരി 25, 26 തീയതികളിൽ കൊടങ്ങാവിള ജംഗ്ഷന് സമീപം തയ്യാറാക്കിയ ഗ്രൗണ്ടിൽ സുവിശേഷ മഹോത്സവം നടക്കും. ലോക പ്രസിദ്ധരായ സുവിശേഷ പ്രസംഗകർ പാസ്റ്റർ സജു ചാത്തന്നൂരും , പാസ്റ്റർ കെ. എ എബ്രഹാമും ദൈവവചനസന്ദേശങ്ങൾ നൽകും. പാസ്റ്റർ ശ്യാം കൃഷ്ണ നയിക്കുന്ന ഗാനസന്ധ്യയും ഉണ്ടായിരിക്കും.
100 കണക്കിന് ഭക്തജനങ്ങൾ പങ്കെടുക്കുമെന്ന് സംഘാടകർ അറിയിച്ചു.
Sources:gospelmirror

http://theendtimeradio.com

ഇന്ത്യാ പെന്തക്കോസ്ത് ദൈവസഭ വടക്കഞ്ചേരി 38-മത് സെൻ്റർ വാർഷിക കൺവൻഷൻ 2025 ജനുവരി 30 മുതൽ ഫെബ്രുവരി 2 വരെ വടക്കഞ്ചേരി പ്രിയദർശനി ബസ്റ്റാൻഡിനു സമീപത്തുള്ള നാട്ടാരങ്ങ് ഗ്രൗണ്ടിൽ വെച്ച് നടക്കും.

പാസ്റ്റർ ഡാനിയേൽ കൊന്നനിൽക്കുന്നതിൽ, പാസ്റ്റർ എബി എബ്രഹാം, പാസ്റ്റർ ജോ തോമസ്, പാസ്റ്റർ ജോസ് വർഗ്ഗിസ് എന്നിവർ പ്രസംഗിക്കും. ജെസ്വിൻ, ജെയ്സൺ എന്നിവർ ഗാനശുശ്രുഷയ്ക്ക് നേതൃത്വം നൽകും
Sources:christiansworldnews

http://theendtimeradio.com

കോട്ടയം : ചർച്ച് ഓഫ് ഗോഡ് (ഫുൾ ഗോസ്പൽ) ഇൻ ഇന്ത്യാ കേരളാ റീജിയൻ 102-മത് ജനറൽ കൺവെൻഷൻ ജനുവരി 20 തിങ്കൾ മുതൽ 26 ഞായർ വരെ കോട്ടയം, നാട്ടകം പ്രത്യാശാ നഗറിൽ (ദൈവ സഭാ ഗ്രൗണ്ടിൽ) വെച്ച് നടക്കും. ദൈവ സഭാ അഡ്മിനിസ്‌ട്രേറ്റീവ് ബിഷപ്പ് റവ. ജോമോൻ ജോസഫ് ജനുവരി 20 തിങ്കളാഴ്ച വൈകുന്നേരം 06.30 ന് കൺവെൻഷൻ ഉത്ഘാടനം ചെയ്യും. എഡ്യൂക്കേഷൻ ഡയറക്ടർ റവ. ജോസഫ് ടി സാം അദ്ധ്യക്ഷത വഹിക്കും. മഹായോഗത്തിൽ വേൾഡ് മിഷൻ സൗത്ത് ഏഷ്യൻ സൂപ്രണ്ട് റവ. സി സി തോമസ് മുഖ്യ അതിഥി ആയിരിക്കും. പാസ്റ്റർമാരായ ബെൻസൻ മത്തായി, ഷാജി കെ ഡാനിയേൽ, ഷിബു തോമസ്, ഏബ്രഹാം ടൈറ്റസ്, ടോമി ജോസഫ്, സണ്ണി താഴംപള്ളം, എബ്രഹാം തോമസ്, രാജൻ ഏബ്രഹാം, എബി എബ്രഹാം, ജയ്‌സ് പണ്ടനാട്, അനീഷ് കാവാലം, കെ ജെ തോമസ്, വർഗീസ് എബ്രഹാം എന്നിവരും ദൈവ സഭയിൽ നിന്നുള്ള അനുഗ്രഹീതരായ ദൈവ ദാസന്മാരും വിവിധ യോഗങ്ങളിൽ ദൈവ വചന പ്രഭാഷണം നടത്തും. ‘യേശുവിനെ ശ്രദ്ധിച്ചു നോക്കുവിൻ’ എബ്രായർ 3:1 എന്നതാണ് കൺവെൻഷൻ ചിന്താവിഷയം. കൺവെൻഷനോട് അനുബന്ധിച്ച് വിശുദ്ധ ആരാധന, സംഗീത ശുശ്രൂഷ, പൊതുയോഗം, ദൈവ വചന പ്രഭാഷണങ്ങൾ, ബൈബിൾ കോളേജ് ഗ്രാജുവേഷൻ, യൂത്ത് ആൻഡ് സണ്ടേസ്കൂൾ പ്രോഗ്രാം, വനിതാ സമ്മേളനം, സ്നാന ശുശ്രൂഷ, സാംസ്കാരിക സമ്മേളനം, മിഷണറി കോൺഫറൻസ് എന്നിവ നടക്കും. ചർച്ച് ഓഫ് ഗോഡ് ക്വയർ ഗാന ശുശ്രൂഷകൾക്ക് നേതൃത്വം നൽകും. 26 – ഞായറാഴ്‌ച നടക്കുന്ന വിശുദ്ധ സഭായോഗത്തിൽ ജന സാഗരങ്ങൾ പങ്കെടുക്കുന്ന തിരുവത്താഴ ശുശ്രൂഷയോടെ കൺവെൻഷൻ സമാപിക്കും.
Sources:gospelmirror

http://theendtimeradio.com