Life
ആഹാരം പാകപ്പെടുത്തുമ്പോൾ ശ്രദ്ധിക്കേണ്ട കാര്യങ്ങൾ
# കുടിക്കാനുപയോഗിക്കുന്ന വെളളം, പൈപ്പുവെളളമോ, കിണറ്റില്* നിന്നുളള വെളളമോ, കുഴല്*ക്കിണറില്* നിന്നുളള വെളളമോ ഏതായാലും നല്ലതുപോലെ തിളപ്പിച്ചാറിച്ചശേഷം വേണം കുടിക്കേണ്ടത്*. ചെറുതായി ചൂടാക്കിയതുകൊണ്ട്* രോഗാണുക്കള്* നശിക്കുകയില്ല. ചൂടാക്കിയ വെളളത്തില്* പച്ചവെളളം ചേര്*ത്ത്* ചെറുചൂടോടുകൂടി നല്*കുന്ന രീതി രോഗാണുക്കളെ വര്*ധിപ്പിക്കാനല്ലാതെ നശിപ്പിക്കാന്* ഒരിക്കലും സഹായകമാകുന്നില്ല.
# പാലിലൂടെ പല രോഗങ്ങളും പകരാവുന്നതാണ്*. പശുവിന്റെ പാലില്* പല രോഗാണുക്കള്* ഉണ്ടാകാന്* സാധ്യതയുളളതിനാല്* നല്ലതുപോലെ തിളപ്പിച്ചാറിച്ചശേഷം വേണം കുടിക്കുവാന്*. ശിശുക്കള്*ക്ക്* അമ്മയുടെ മുലപ്പാലിന്* പകരം കൊടുക്കുന്ന പാല്* അത്രതന്നെ വെളളം ചേര്*ത്തശേഷം, ചേര്*ത്ത വെളളം മുഴുവന്* വറ്റുന്നതുവരെ തിളപ്പിക്കണം. ഇങ്ങനെ ചെയ്യുന്നതുകൊണ്ട്* പാലിലെ പ്രോട്ടീന്* ചെറുകണികകളായി അമ്മയുടെ മുലപ്പാലിലെ പ്രോട്ടീനു തുല്യമായിത്തീരുകയും ശിശുക്കള്*ക്ക്* പെട്ടെന്ന്* ദഹിക്കുവാന്* സഹായിക്കുകയും ചെയ്യുന്നു. പാല്* ദഹിക്കാത്തവര്*ക്ക്* തൈരാക്കിയോ, അത്* വീണ്ടും മോരാക്കിയോ കഴിക്കാവുന്നതാണ്*.
# പച്ചക്കറികള്* വേവിക്കുമ്പോള്* ഏറെനേരം പാത്രത്തിന്റെ അടപ്പ്* തുറന്നിട്ടുവേവിച്ചാല്* അതില്* അടങ്ങിയിട്ടുളള ജീവകങ്ങളും, എന്*സൈമുകളും നഷ്*ടപ്പെട്ടുപോകുന്നു. പച്ചക്കറികളും പയറുവര്*ഗങ്ങളും വേവിക്കുമ്പോള്* വെളളം കൂടിയാല്*ത്തന്നെ അത്* ഊറ്റിയെടുത്ത്* മറ്റു കറികളില്* ചേര്*ക്കുകയോ അല്ലെങ്കില്* കുരുമുളകും, കായവും, മറ്റ്* മസാലകളും ചേര്*ത്ത്* രസം വയ്ക്കുകയോ ആകാം.
# അരി ചോറാകുമ്പോള്* അധികം വെളളത്തില്* വേവിച്ച്* വെളളം ഊറ്റിക്കളയുന്നത്* ചോറിന്റെ പോഷകമൂല്യം കുറയ്ക്കും. അല്*പം ഉപ്പുചേര്*ത്ത കഞ്ഞിവെളളം കുട്ടികള്*ക്കും, മുതിര്*ന്നവര്*ക്കും കുടിക്കാവുന്ന നല്ല ഒരു ആരോഗ്യപാനീയമാണ്*.
# മുട്ട ഓംലറ്റുണ്ടാക്കി കഴിക്കുന്നതിലും, പച്ചയ്ക്ക്* കഴിക്കുന്നതിലും, പകുതി വേവിച്ച്* കഴിക്കുന്നതിലും നല്ലത്* നല്ലതുപോലെ പുഴുങ്ങി കഴിക്കുന്നതാണ്*. രോഗാണുക്കള്* ഉണ്ടെങ്കില്* അത്* നശിക്കുവാന്* മുട്ട പുഴുങ്ങിക്കഴിക്കുന്നതിലൂടെ സാധിക്കുന്നു.
# മുട്ട, മത്സ്യം, മാംസം എന്നിവ ഉപയോഗിക്കുന്നവര്* എണ്ണയില്* വറുത്ത്* ഉപയോഗിക്കാതെ കറിയാക്കി കഴിക്കാന്* ശ്രദ്ധിക്കുക. പ്രോട്ടീന്* അധികമുളള മാംസാഹാരങ്ങള്* വറുത്ത്* കരിയുമ്പോള്* വിഷസ്വഭാവമുളള വസ്*തുക്കള്* ഉണ്ടാകുന്നതിന്* കാരണമാകുന്നു.
# മാംസം കഴിവതും പ്രഷര്*കുക്കറില്*തന്നെ വേവിക്കുക. സാധാരണ പാത്രത്തില്* മാംസം അരമണിക്കൂറോ, ഒരുമണിക്കൂറോ തന്നെ വേവിച്ചാലും ചില അണുക്കളും, വിരയുടെ മുട്ടകളും നശിക്കുന്നില്ല. മാംസം പാകം ചെയ്യുമ്പോള്* കുറെ പച്ചപപ്പായ മുറിച്ചിട്ടാല്* അതിലെ “പാപ്പെയ്*ന്*” എന്ന എന്*സൈം മാംസത്തിലെ പ്രോട്ടീനെ ചെറുകണികകളാക്കി ദഹനേന്ദ്രിയത്തിന്* ആഗിരണം ചെയ്യത്തക്ക പരുവത്തിലാക്കുന്നു.
# വാഴയ്ക്കായുടെ പുറംതൊലിയും, പാവയ്ക്കായുടെ കുരുവും കളയാതിരിക്കുക. പാവയ്ക്ക പ്രമേഹത്തിന്* പറ്റിയ ഒരു ഔഷധമാണെന്ന്* ഏവര്*ക്കും അറിവുളളതാണ്*. പാവയ്ക്കായുടെ കുരുവിനാണ്* പ്രമേഹത്തെ കുറയ്ക്കാന്* ശേഷിയുളളത്*. മത്തങ്ങ, വെളളരി തുടങ്ങിയ പല പച്ചക്കറികളുടെയും തൊലി കളയാതെ കറിവയ്ക്കുന്നതാണ്* ഉത്തമം. മാരകമായ വിഷവസ്*തുക്കള്* കലര്*ത്തിയ പച്ചക്കറികള്* ഉപ്പുവെളളത്തിലോ, കുറച്ച്* സോഡിയം ബൈകാര്*ബണേറ്റ്* അഥവാ കാരം കലക്കിയ വെളളത്തിലോ ഇട്ടുവെച്ച്* നല്ലതുപോലെ കഴുകിയെടുത്തതിനുശേഷം വേണം കറിവയ്ക്കുന്നതിനായി ഉപയോഗിക്കേണ്ടത്*. പച്ചക്കറികള്* പാകം ചെയ്യുന്നതിനുമുമ്പ്* ഏറെനേരം അരിഞ്ഞുവെയ്ക്കാതിരിക്കുക. പച്ചക്കറികളിലെ ജീവകങ്ങള്* അന്തരീക്ഷത്തിലുളള ഓക്*സിജനുമായി പ്രവര്*ത്തിച്ച്* ഓക്*സൈഡുകളായി മാറ്റപ്പെടുന്നു. ഓറഞ്ചും ആപ്പിളും ചേര്*ന്ന ഫ്രൂട്ട്* സാലഡ്* തയ്യാറാക്കുമ്പോള്* രണ്ടുംകൂടി ചേര്*ത്ത്* അധികനേരം വെയ്ക്കരുത്*. ഒന്നിച്ചുവെച്ചാല്* ഓറഞ്ചിന്റെ അമ്ലത്വം ആപ്പിളിന്റെ പല ഗുണങ്ങളേയും നിര്*വീര്യമാക്കുന്നു.
# കടല, പയര്*, മുതിര തുടങ്ങിയ ധാന്യവര്*ഗങ്ങള്* ഒരു രാത്രിമുഴുവന്* വെളളത്തിലിട്ടുവെച്ച്* ആ വെളളത്തില്*തന്നെ വേവിച്ചുപയോഗിക്കുക. ഗുണം വര്*ധിപ്പിക്കാനും, ഇന്ധനം ലാഭിക്കാനും ഇത്* ഉപകരിക്കും. പയറുവര്*ഗങ്ങള്* മുളപ്പിച്ചശേഷം പാകംചെയ്യുകയാണെങ്കില്* പോഷകഗുണം വര്*ധിക്കുന്നതാണ്*. ഗോതമ്പ്*, അരി എന്നിവ തവിടുകളയാതെ പാകം ചെയ്യുക. തവിടില്* ജീവകങ്ങളും, നാരുകളും നല്ലയളവില്* അടങ്ങിയിട്ടുണ്ട്*.
# ഓരോ ദിവസവും കഴിക്കുന്ന ആഹാരത്തെപ്പറ്റി ഒരു അവലോകനം നടത്തുന്നത്* എപ്പോഴും നന്നായിരിക്കും. വ്യത്യസ്*തമായ ഭക്ഷണപദാര്*ത്ഥങ്ങള്* ആഹാരത്തില്* ഉള്*പ്പെടുത്തുവാന്* ശ്രമിക്കുക. സവിശേഷ ആഹാരം വേണ്ടവര്*ക്ക്* അതിനനുസരിച്ച്* അധികമായി നല്*കുകയും വേണം. ശുചിത്വമുളള സ്ഥലത്ത്* വൃത്തിയോടുകൂടി വേണം ആഹാരം പാകം ചെയ്യാന്*. ആഹാരം വിളമ്പുന്നതിനും ശുചിത്വം പാലിക്കുവാന്* ശ്രദ്ധിക്കേണ്ടതാണ്*.
Life
നട്ടുച്ചയ്ക്ക് പോലും സന്ധ്യയുടെ പ്രതീതി: ഏറ്റവും ദൈര്ഘ്യമേറിയ സൂര്യഗ്രഹണം വരുന്നു
നട്ടുച്ചയ്ക്ക് പോലും സന്ധ്യയുടെ പ്രതീതി ജനിപ്പിക്കുന്ന സമ്പൂര്ണ സൂര്യഗ്രഹണം ഏപ്രില് ആദ്യവാരം നടക്കും. അരനൂറ്റാണ്ടിനിടയിലെ ഏറ്റവും ദൈര്ഘ്യമേറിയ സൂര്യഹ്രണമാണ് ഏപ്രില് എട്ടിന് നടക്കുക. വടക്കേ അമേരിക്കയിലായിരിക്കും ഇത്തവണ സമ്പൂര്ണ സൂര്യഗ്രഹണം ദൃശ്യമാകുക. 2017 ഓഗസ്റ്റ് 21ന് അമേരിക്കയില് അനുഭവപ്പെട്ട സമ്പൂര്ണ സൂര്യഗ്രഹണത്തിന് ശേഷം ആറു വര്ഷങ്ങള്ക്കും ഏഴ് മാസവും 18 ദിവസത്തിനും ശേഷമാണ് അടുത്ത സമ്പൂര്ണ സൂര്യഗ്രഹണം എത്തുന്നത്.
സൂര്യനും ഭൂമിക്കും ഇടയിൽ നേർരേഖയിൽ വരുന്ന ചന്ദ്രബിംബം സൂര്യബിംബത്തെ പൂർണമായോ ഭാഗികമായോ മറയ്ക്കുന്നതാണു സമ്പൂര്ണ സൂര്യഗ്രഹണം. സമ്പൂർണ സൂര്യഗ്രഹണസമയത്ത്, സൂര്യനും ചന്ദ്രനും ഭൂമിയും പൂർണമായി വിന്യസിക്കുകയും സൂര്യന്റെ മുഴുവൻ ഡിസ്കും ചന്ദ്രൻ മൂടുകയും ചെയ്യുന്നു. ഭാഗിക സൂര്യഗ്രഹണ സമയത്ത് ഇവ മൂന്നും പൂർണമായി വിന്യസിക്കപ്പെടുന്നില്ല, അതിനാൽ സൂര്യന്റെ ഒരു ഭാഗം മാത്രമേ ചന്ദ്രനാൽ മൂടപ്പെട്ടിട്ടുള്ളൂ.
ഗ്രഹണ ദിവസം ഭൂമിയും ചന്ദ്രനും സൂര്യനിൽ നിന്ന് ശരാശരി 150 ദശലക്ഷം കിലോമീറ്റർ ദൂരം നിലനിർത്തിയായിരിക്കും സ്ഥിതി ചെയ്യുക. ഇത് 7.5 മിനിറ്റ് നേരത്തേക്ക് സൂര്യനെ പൂര്ണമായി മറയ്ക്കും. ഇത്രയും സമയം അപൂർവ സംഭവമാണെന്നാണ് ശാസ്ത്രലോകം അഭിപ്രായപ്പെടുന്നത്. ഇതിന് മുന്പ് 1973 ലാണ് ദൈര്ഘ്യമേറിയ സമ്പൂര്ണ സൂര്യഗ്രഹണം നടന്നത്. ഗ്രഹണത്തിന് തൊട്ടുമുമ്പുള്ള ദിവസം ചന്ദ്രൻ ഭൂമിയോട് ഏറ്റവും അടുത്ത് എത്തുമ്പോൾ സാധാരണ കാണുന്നതിനേക്കാള് വലിപ്പത്തില് ചന്ദ്രനെ ആകാശത്ത് കാണാനാകും. വെറും 3,60,000 കിലോമീറ്റർ മാത്രം അകലെയായിരിക്കും ചന്ദ്രന് ആ ദിവസം.
Sources:globalindiannews
Life
ചന്ദ്രനിൽ റോഡുകൾ നിർമിക്കാൻ യൂറോപ്യൻ ബഹിരാകാശ ഏജൻസി
ചന്ദ്രനിൽ റോഡുകൾ നിർമിക്കാൻ ഇഎസ്എ. ചന്ദ്രോപരിതലത്തെ കൂടുതൽ വാസയോഗ്യവും സഞ്ചാരയോഗ്യവുമാക്കാനുള്ള ശ്രമത്തിന്റെ ഭാഗമായാണ് യൂറോപ്യൻ ബഹിരാകാശ ഏജൻസി പദ്ധതി ആസൂത്രണം ചെയ്യുന്നത്. 100 ചതുരശ്ര മീറ്റർ വിസ്തീർണമുള്ള ലാൻഡിംഗ് പാഡ് രണ്ട് സെന്റീമീറ്റർ കനത്തിൽ 115 ദിവസം കൊണ്ട് നിർമ്മിക്കുക എന്നതാണ് ലക്ഷ്യം വെക്കുന്നത്. ചന്ദ്രനിൽ ഗതാഗതയോഗ്യമായ പ്രതലങ്ങൾ സൃഷ്ടിക്കുകയാണ് ലക്ഷ്യം. PAVER എന്ന് പേരിട്ടിരിക്കുന്ന ദൗത്യം ലേസർ ഉപയോഗിച്ച് ചന്ദ്രന്റെ പൊടി ഉരുക്കി റോഡുകളും ലാൻഡിംഗ് പാഡുകളും ഉൾപ്പെടെ ചന്ദ്രനിലെ പ്രവർത്തന മേഖലകൾ വികസിപ്പിച്ചെടുക്കുക എന്നതാണ് ലക്ഷ്യം.
Sources:gospelmirror
Life
മനുഷ്യന് താമസിക്കാന് ചന്ദ്രനില് വീടുകള്; നാസ 3ഡി പ്രിന്ററുകള് ചന്ദ്രനിലേക്കയക്കും
നാസയുടെ എക്കാലത്തേയും മഹത്തായ ബഹിരാകാശ ദൗത്യങ്ങളിലൊന്നാണ് അപ്പോളോ. സോവിയറ്റ് യൂണിയനുമായുള്ള ബഹിരാകാശ മത്സര കാലത്ത് ഇരു രാജ്യങ്ങളും മത്സരിച്ച് മുന്നേറിയ ചാന്ദ്ര പര്യവേക്ഷണ ദൗത്യങ്ങള് ആരിലും ആവേശമുണര്ത്തുന്നവയാണ്.
അപ്പോളോ 17 ദൗത്യത്തില് 75 മണിക്കൂര് നേരമാണ് മനുഷ്യര് ചന്ദ്രനില് ചെലവഴിച്ചത് ലൂണാര് റോവറില് ചന്ദ്രനില് സഞ്ചരിക്കുകയും ചെയ്തു. ഈ കാഴ്ചകള് അന്ന് ഭൂമിയിലെ ടിവികളിലൂടെ ആളുകള് കണ്ടു. 1972 ല് പസഫിക് സമുദ്രത്തില് ഈ ദൗത്യ പേടകം വന്നിറങ്ങിയതിന് ശേഷം പിന്നീടാരും തന്നെ ചന്ദ്രനില് പോയിട്ടില്ല.
ഇപ്പോഴിതാ നാസ വീണ്ടും ചാന്ദ്ര പര്യവേക്ഷണ ദൗത്യങ്ങള്ക്ക് ഒരുങ്ങുകയാണ്. അപ്പോളോ 17 ദൗത്യത്തിന് 50 വര്ഷങ്ങള്ക്കിപ്പുറം ആര്ട്ടെമിസ് ദൗത്യങ്ങളിലൂടെ മനുഷ്യനെ വീണ്ടും ചന്ദ്രനിലെത്തിക്കാനുള്ള ശ്രമത്തിലാണ് നാസ. ഇത്തവണ പക്ഷെ, ദൗത്യത്തിന്റെ ലക്ഷ്യങ്ങള് പലതാണ്.
ചന്ദ്രനില് മനുഷ്യവാസത്തിനുതകുന്ന വീടുകള് നിര്മിക്കുകയാണ് അതില് പ്രധാനപ്പെട്ട ഒന്ന്. വിവിധ ശാസ്ത്ര ദൗത്യങ്ങളുമായെത്തുന്ന ബഹിരാകാശ സഞ്ചാരികള്ക്കും വിനോദ സഞ്ചാരിയായെത്തുന്ന സാധാരണ മനുഷ്യര്ക്കും ഇവിടെ താമസിക്കാനാവും. 2040 ഓടു കൂടി ഇത് സാധ്യമാവുമെന്നാണ് പ്രതീക്ഷിക്കുന്നതെന്ന് ന്യൂയോര്ക്ക് ടൈംസ് റിപ്പോര്ട്ടില് പറയുന്നു.
ഇതിനായി നാസ 3ഡി പ്രിന്ററുകള് ചന്ദ്രനിലേക്കയക്കുകയും അവിടെ കെട്ടിടങ്ങള് നിര്മിക്കുകയും ചെയ്യും. ചന്ദ്രോപരിതലത്തിലെ പാറക്കല്ലുകളും ധാതുക്കളും ഉപയോഗിച്ചുള്ള സിമന്റ് കൊണ്ട് കെട്ടിടങ്ങള് പ്രിന്റ് ചെയ്തെടുക്കാനാണ് പദ്ധതി.
ഇതിന്റെ ഭാഗമായി ടെക്സാസിലെ ഓസ്റ്റിന് ആസ്ഥാനമായി പ്രവര്ത്തിക്കുന്ന ഐക്കണ് (ICON) എന്ന കമ്പനിയുമായി സഹകരിച്ചുവരികയാണ് നാസ. 2020 ലാണ് ഐക്കണിന് നാസയില് നിന്നും ആദ്യമായി ഫണ്ട് ലഭിച്ചത്. 2022 ല് 6 കോടി ഡോളര് കൂടി നാസ പ്രഖ്യാപിച്ചു. ഭൂമിക്ക് പുറത്ത്, അവിടെ ലഭ്യമായ വസ്തുക്കള് ഉപയോഗിച്ച് റോക്കറ്റ് ലാന്ഡിങ് പാഡ് മുതല് മനുഷ്യന് താമസിക്കാനുള്ള കെട്ടിടങ്ങള് വരെ നിര്മിക്കാന് സാധിക്കുന്ന നിര്മാണ സാങ്കേതിക വിദ്യ വികസിപ്പിക്കുകയാണ് ഐക്കണിന്റെ ചുമതല. 2040 ഓടു കൂടി ത്രിഡി പ്രിന്റര് സാങ്കേതിക വിദ്യ സാധ്യമാക്കുകയാണ് ഐക്കണിന്റെ ലക്ഷ്യം. വടക്കേ അമേരിക്കയില് ആദ്യമായി ത്രിഡി പ്രിന്റ് ചെയ്ത വീടുകള്നിര്മിച്ച വുള്ക്കാന് റോബോട്ടിക് ലാര്ജ് സ്കെയില് കണ്സ്ട്രക്ഷന് സംവിധാനത്തിന്റെ സ്രഷ്ടാക്കളാണ് ഐക്കണ്.
ഇപ്പോള് പരീക്ഷണ ഘട്ടത്തിലിരിക്കുന്ന ഈ ത്രീഡി പ്രിന്ററുകള് ആദ്യ പരീക്ഷണത്തിനായി 2024 ഫെബ്രുവരിയില് ചന്ദ്രനിലയക്കും. എങ്കിലും ആര്ട്ടെമിസ് 2 ദൗത്യത്തില് മനുഷ്യനെ വിജയകരമായി ചന്ദ്രനില് എത്തിച്ചതിന് ശേഷമായിരിക്കും ഇത്. നാല് പേരാണ് ആര്ട്ടെമിസ് 2 ദൗത്യത്തിലുണ്ടാവുക. 2025 ലോ 2026 ലോ വിക്ഷേപിക്കുന്ന ആര്ട്ടെമിസ് 3 ദൗത്യത്തില് മനുഷ്യര് ചന്ദ്രന്റെ ദക്ഷിണ ധ്രുവത്തില് ഇറങ്ങും. സ്പേസ് എക്സ് സ്റ്റാര്ഷിപ്പിലാവും ഈ യാത്ര.
ചന്ദ്രനില് മനുഷ്യന്റെ സ്ഥിര വാസം സാധ്യമാക്കുക എന്നത് ആര്ട്ടെമിസ് ദൗത്യങ്ങളുടെ പ്രധാന ലക്ഷ്യങ്ങളിലൊന്നാണ്. ചന്ദ്രനിലെ തന്നെ വിഭവങ്ങള് ഇതിനായി പ്രയോജനപ്പെടത്താനുള്ള ശ്രമങ്ങളാണ് നടന്നുവരുന്നത്. ഭൂമിയെ ഭ്രമണം ചെയ്യുന്ന അന്താരാഷ്ട്ര ബഹിരാകാശ നിലയത്തിന് സമാനമായി ചന്ദ്രനില് താമസിച്ചുകൊണ്ട് ശാസ്ത്ര ഗവേഷണങ്ങള് നടത്താനാകുന്ന ഒരിടമായിരിക്കും അത്.
സ്പേസ് എക്സിന്റെ സ്റ്റാര്ഷിപ്പ് പോലെ വലിയ അളവില് സാധന സാമഗ്രികള് വഹിക്കാനാകുന്ന വിക്ഷേപണ വാഹനങ്ങളും അപകടരഹിതമായ മൂണ്ലാന്ഡിങ് സാങ്കേതിക വിദ്യകളും ഇതിനായി ആവശ്യമുണ്ട്. ഒപ്പം ചന്ദ്രനിലെ നിര്മാണം, ഗതാഗതം, ജലലഭ്യത, ഓക്സിജന് ലഭ്യത എന്നിവയെല്ലാം സാധ്യമാക്കുന്നതിനുള്ള ദ്രുതഗതിയിലുള്ള ശ്രമങ്ങളും നടന്നുവരുന്നുണ്ട്.
Sources:azchavattomonline
-
us news10 months ago
നോർത്ത് അമേരിക്കൻ പെന്തക്കോസ്തൽ റൈറ്റേഴ്സ് ഫോറം : രാജൻ ആര്യപ്പള്ളി പ്രസിഡന്റ്; നിബു വെള്ളവന്താനം സെക്രട്ടറി
-
us news8 months ago
നോര്ത്ത് അമേരിക്കന് പെന്തക്കോസ്തല് റൈറ്റേഴ്സ് ഫോറം; അറ്റ്ലാന്റാ ചാപ്റ്ററിന് പുതിയ ഭാരവാഹികള്
-
us news11 months ago
‘The Biggest Water Baptism in History’: 4,166 Baptized at Historic Beach from Jesus Movement
-
world news11 months ago
Muslim Husband Found Out His Wife Became a Christian; He Beat Her, Starved Her and Left Her in a Wild Animal Park—But God…
-
National8 months ago
ബൈബിൾ വിതരണം ചെയ്യുന്നതും നല്ല മൂല്യങ്ങൾ പഠിപ്പിക്കുന്നതും മതപരിവർത്തനമല്ല: അലഹബാദ് ഹൈക്കോടതിയുടെ നിര്ണ്ണായക വിധി
-
world news9 months ago
37 Christians Killed in Nigeria in Three Weeks
-
world news11 months ago
ലേലത്തിൽ വെച്ചിരുന്ന ലോകത്തിലെ ഏറ്റവും പഴക്കമുള്ള ഹീബ്രു ബൈബിളിന് റെക്കോര്ഡ് തുക: ലഭിച്ചത് 314 കോടിരൂപ
-
world news11 months ago
യുഎഇ യിൽ ക്രൈസ്തവ ആരാധനാലയങ്ങൾക്ക് ഇനി ലൈസൻസ് നിർബന്ധം