Connect with us

Health

പ്രാണികളെ തുരത്താന്‍ വീട്ടുമുറ്റത്ത് വെച്ചുപിടിപ്പിക്കാവുന്ന ചിലയിനം ചെടികള്‍

Published

on

പ്രാണികളെ തുരത്താന്‍ നമ്മുടെ വീട്ടുമുറ്റത്തു തന്നെ നട്ടുപിടിപ്പിക്കാവുന്ന ചില ചെടികളാണ് ഇഞ്ചിപ്പുല്ല്, കര്‍പ്പൂരതുളസി, ബന്തി (ചെട്ടിപ്പൂവ്), ജമന്തി, പൂച്ചതുളസി, തുമ്പ, പുതിന, ലെമണ്‍ സെന്റഡ് ജെറാനിയം, യൂകാലിപ്റ്റസ്, ചിലയിനം പന്നല്‍ച്ചെടികള്‍ എന്നിവ. ഇവയെല്ലാം സ്വാഭാവിക രീതിയില്‍ കൊതുകിനെയും പ്രാണികളെയും തുരത്തുന്നവയാണ്.

സിട്രൊനെല്ലാ ഗ്രാസ് അഥവാ ഇഞ്ചിപ്പുല്ലില്‍ നിന്നെടുക്കുന്ന പുല്‍ത്തൈലം (സിട്രൊനെല്ലാ ഓയില്‍) മികച്ച ഒരു ജൈവകീടനിയന്ത്രണോപാധിയാണ്. ഇഞ്ചിപ്പുല്ല് വാറ്റിയെടുത്ത തൈലം കുപ്പികളില്‍ നിറച്ച് സ്‌പ്രേ ചെയ്യുകയോ സാധാരണ മസ്‌ക്വിറ്റോ റിപ്പല്ലന്റുകള്‍ക്കു സമാനമായി കുപ്പിയില്‍ നിറച്ച് സോക്കറ്റില്‍ കുത്തിയോ ഉപയോഗിക്കാം. കര്‍പ്പൂര തുളസി, ബന്തി, കാട്ടുതുളസി തുടങ്ങിയവയെല്ലാം പ്രത്യേകതരം ഗന്ധം പുറപ്പെടുവിക്കുന്നവയാണ്. ജമന്തിയില്‍ അടങ്ങിയിരിക്കുന്ന പൈറിത്ത്രിന്‍ എന്ന ഓര്‍ഗാനിക് കോമ്പൗണ്ടില്‍ നിന്ന് പൈറിത്രം വേര്‍തിരിച്ചാണ് ആദ്യ ബയോപെസ്റ്റിസൈഡ് ഉണ്ടാക്കിയത്.

പൂച്ചതുളസി എന്നറിയപ്പെടുന്ന, നമ്മുടെ നാട്ടില്‍ സര്‍വസാധാരണമായി കാണുന്ന കരിന്തുമ്പ മികച്ച ഒരു കൊതുകു നിയന്ത്രണോപാധിയാണ്. പൂച്ചതുളസിത്തൈലം ഉപയോഗിച്ച് കൊതുക്, ഈച്ച, ചെറുപ്രാണികള്‍ തുടങ്ങിയവയെ ഫലപ്രദമായി തുരത്താനാകുമെന്ന് തെളിയിച്ചിട്ടുണ്ട്. കാട്ടുതുളസി രൂക്ഷമായ ഗന്ധം പുറപ്പെടുവിക്കുന്നതിനാല്‍ കൊതുക് ആ പരിസരത്ത് കുറവായിരിക്കും.

തുമ്പയുടെ വര്‍ഗ്ഗത്തില്‍പ്പെടുന്ന ചെടികള്‍ക്ക് പൊതുവേ കൊതുകുപോലുള്ള പ്രാണികളെ തുരത്താനുള്ള കഴിവ് കൂടുതലാണ്. ബന്തി, ജമന്തി തുടങ്ങിയ സൂര്യകാന്തി വിഭാഗത്തില്‍പ്പെടുന്ന ചെടികള്‍ക്കും ഈ കഴിവ് കൂടുതലാണ്.

പൊതുവേ സിട്രസ് ഗന്ധം പുറപ്പെടുവിക്കുന്നവയ്ക്ക് പ്രാണികളെ തുരത്താനുള്ള കഴിവുണ്ട്. എന്നാല്‍, ഇവയൊന്നും തന്നെ ചെടിയായി നില്‍ക്കുമ്പോഴല്ല പൂവിന്റെയും ഇലയുടെയും ചാറ് വേര്‍തിരിച്ചെടുത്ത് ബാഷ്പീകരിച്ച് അന്തരീക്ഷത്തില്‍ വ്യാപിക്കുമ്പോഴാണ് പ്രാണികള്‍ അകലുന്നത്. കര്‍പ്പൂരതുളസി, ബന്തി ഇലകള്‍ എന്നിവ കത്തിച്ചും കൊതുകുശല്യം കുറയ്ക്കാം. ബന്തിച്ചെടിക്ക് പ്രാണികളെ അകറ്റിനിര്‍ത്താനുള്ള കഴിവുള്ളതു കാരണം ഇവയെ തോട്ടത്തില്‍ ഇടയ്ക്കിടെ വച്ചുപിടിപ്പിക്കുന്നത് നല്ലതാണ്.
കടപ്പാട് :കലാകൗമുദി

Health

മുറിവുകള്‍ പെട്ടെന്ന് ഭേദമാകാനും പ്രതിരോധശേഷിക്കും കഴിക്കേണ്ട ഭക്ഷണങ്ങള്‍

Published

on

നമ്മുടെ ശരീരത്തില്‍ ദിവസവും നടക്കുന്ന വിവിധ പ്രവര്‍ത്തനങ്ങളെ നേരിട്ടും ( Body Functions ) അല്ലാതെയും സ്വാധീനിക്കുന്ന ഏറ്റവും വലിയൊരു ഘടകമാണ് ഭക്ഷണം. ശരീരത്തിലെ എല്ലാ പ്രവര്‍ത്തനങ്ങള്‍ക്കും പ്രത്യേകമായി ആവശ്യമായി വരുന്ന ഘടകങ്ങളുണ്ട്. ഇവയെല്ലാം തന്നെ ഭക്ഷണത്തിലൂടെയാണ് നാം കണ്ടെത്തുന്നത്. ഇങ്ങനെയുള്ള അവശ്യഘടകങ്ങളില്‍ ഏതിലെങ്കിലും കുറവ് സംഭവിച്ചാല്‍ അത് നമ്മുടെ ആകെ ആരോഗ്യത്തെയും ബാധിക്കാം.

അത്തരത്തില്‍ നമുക്കാവശ്യമായിട്ടുള്ളൊരു ഘടകമാണ് സിങ്ക്. സിങ്കിന് പലവിധത്തിലുമുള്ള ശാരീരിക ധര്‍മ്മങ്ങളുണ്ട് ( Body Functions ) . ഡിഎന്‍എ സംശ്ലേഷണം, എന്‍സൈമുകളുടെ പ്രവര്‍ത്തനങ്ങള്‍ ത്വരിതപ്പെടുത്തല്‍, പ്രോട്ടീൻ സംശ്ലേഷണം, ജനിതകഘടങ്ങളുടെ ആവിഷ്കാരത്തെ സ്വാധീനിക്കല്‍, വളര്‍ച്ചയെ പരിപോഷിപ്പിക്കല്‍ എന്ന് തുടങ്ങി പല ധര്‍മ്മങ്ങളും സിങ്ക് ശരീരത്തില്‍ ചെയ്യുന്നുണ്ട്.

ഇവയ്ക്ക് പുറമെ നമുക്ക് പറ്റുന്ന മുറിവുകള്‍ പെട്ടെന്ന് ഭേദപ്പെടുത്താനും ഒപ്പം തന്നെ പ്രതിരോധശേഷി മെച്ചപ്പെടുത്താനുമെല്ലാം ഇത് പ്രയോജനപ്രദമാണ്. അതിനാല്‍ സിങ്കിന്‍റെ അഭാവം ( Zink Deficiency ) മുകളില്‍ പറഞ്ഞിരിക്കുന്ന പ്രവര്‍ത്തനങ്ങളെയെല്ലാം അവതാളത്തിലാക്കാം.

സിങ്ക് അടങ്ങിയ ചില ഭക്ഷണങ്ങളെ കുറിച്ചാണിനി പങ്കുവയ്ക്കുന്നത്. ഇവ പതിവായി കഴിക്കുന്നത് മൂലം സിങ്കത്തിന്‍റെ അഭാവമുണ്ടാക്കിയേക്കാവുന്ന ( Zink Deficiency ) പ്രശ്നങ്ങളെ അകറ്റിനിര്‍ത്താൻ സാധിക്കും.

നട്ട്സ്

കപ്പലണ്ട്, അണ്ടിപ്പരിപ്പ്, ബദാം എന്നിവയലെല്ലാം സിങ്കിന്‍റെ നല്ല ഉറവിടമാണ്. ഒപ്പം തന്നെ നട്ടസ് ആരോഗ്യകരമായ കൊഴുപ്പ്, വൈറ്റമിനുകള്‍ തുടങ്ങി ശരീരത്തിനാവശ്യമുള്ള പലതും നല്‍കുന്നുണ്ട്.

പാലും പാലുത്പന്നങ്ങളും

വെജിറ്റേറിയൻസിനെ സംബന്ധിച്ച് എളുപ്പത്തില്‍ സിങ്ക് ലഭിക്കാൻ കഴിക്കാവുന്നതാണ് പാലും പാലുത്പന്നങ്ങളും. പാല്‍, തീസ്, കട്ടത്തൈര് എന്നിവയെല്ലാം ഇത്തരത്തില്‍ കഴിക്കാവുന്നതാണ്.

മുട്ട

മിക്ക ദിവസങ്ങളിലും വീടുകളില്‍ തയ്യാറാക്കുന്നൊരു വിഭവമാണ് മുട്ട. ശരീരത്തിനാവശ്യമായ മറ്റ് പല ഘടകങ്ങള്‍ക്കുമൊപ്പം സിങ്കിന്‍റെയും പ്രധാന ഉറവിടമാണ് മുട്ട. പ്രോട്ടീൻ, വൈറ്റമിൻസ്, ധാതുക്കള്‍, ആരോഗ്യമുള്ള കൊഴുപ്പ് എന്നിവയും മുട്ട നല്‍കുന്നു.

ഡാര്‍ക് ചോക്ലേറ്റ്

സിങ്ക് കാര്യമായ അളവില്‍ അടങ്ങിയൊരു ഭക്ഷണമാണ് ഡാര്‍ക് ചോക്ലേറ്റ്. ഇതിന് പുറമെ അയേണ്‍, ആന്‍റി ഓക്സിഡന്‍റുകള്‍, മഗ്നീഷ്യം എന്നിവയുടെയെല്ലാം സ്രോതസാണ് ഡാര്‍ക് ചോക്ലേറ്റ്.

പയറുവര്‍ഗങ്ങള്‍

വെജിറ്റേറിയൻസിന് ആശ്രയിക്കാവുന്ന മറ്റൊരു സിങ്ക് ഉറവിടമാണ് പയര്‍ വര്‍ഗങ്ങള്‍. വെള്ളക്കടല, പയര്‍ -പരിപ്പ്- ബീൻസ് എല്ലാം ഇത്തരത്തില്‍ കഴിക്കാവുന്നതാണ്.

ഇറച്ചി

നോണ്‍-വെജിറ്റേറിയൻസ് ആണെങ്കില്‍ മിക്കവാറും പേരും ഇറച്ചി കഴിക്കുന്നവരാണ്. ഇതില്‍ തന്നെ മട്ടണ്‍, പോര്‍ക്ക് എന്നിവയിലാണ് സിങ്കിന്‍റെ അളവ് കൂടുതല്‍. പ്രോട്ടീൻ, അയേണ്‍, ക്രിയാറ്റിൻ, വൈറ്റമിൻ-ബി എന്നിങ്ങനെ നമുക്ക് വേണ്ട മറ്റ് അവശ്യഘടകങ്ങള്‍ വേറെയും.

ഓട്ട്സ്

ധാരാളം പേര്‍ ബ്രേക്ക്ഫാസ്റ്റായി കഴിക്കുന്നതാണ് ഓട്ടസ്. ഇതും സിങ്കിന്‍റെ നല്ലൊരു സ്രോതസാണ്. ഇതിന് പുറമെ പ്രോട്ടീൻ- ഫൈബര്‍ എന്നിവയുടെയും നല്ലൊരു ഉറവിടമാണ് ഓട്ട്സ്.

സീഡ്സ്

ഏറ്റവും മികച്ച- ആരോഗ്യപ്രദമായ സ്നാക്സ് ആണ് സീഡ്സ്. ഇവയും സിങ്കിന്‍റെ മികച്ച ഉറവിടം തന്നെ.
Sources:azchavattomonline

http://theendtimeradio.com

Continue Reading

Disease

രാജ്യത്ത് ആദ്യം; സ്‌പൈനല്‍ മസ്‌കുലര്‍ അട്രോഫി ബാധിച്ച കുട്ടികള്‍ക്ക് മരുന്ന് നല്‍കി കേരളം

Published

on

തിരുവനന്തപുരം : അപൂർവ രോഗമായ സ്പൈനൽ മസ്കുലാർ അട്രോഫിക്ക് ചികിത്സ തേടുന്ന കുട്ടികൾക്ക് മരുന്നുകൾ സൗജന്യമായി വിതരണം ചെയ്ത് കേരളം. ആരോഗ്യമന്ത്രി വീണാ ജോർജാണ് ഇക്കാര്യം അറിയിച്ചത്. നിലവിൽ സ്പൈനൽ മസ്കുലാർ അട്രോഫിക്ക് ഇന്ത്യയിൽ ലഭ്യമായ ഒരേയൊരു മരുന്നാണ് റസ്ഡിപ്ലാം. ക്രൗഡ് ഫണ്ടിംഗ് വഴി മരുന്നുകൾ ക്രമീകരിക്കുകയും ചികിത്സയ്ക്കായി മറ്റ് സൗകര്യങ്ങൾ സർക്കാർ ഫണ്ട് ഉപയോഗിച്ച് ക്രമീകരിക്കുകയും ചെയ്തു. 14 കുട്ടികൾക്ക് ഒരു കുപ്പിക്ക് 6 ലക്ഷം രൂപ വിലവരുന്ന മരുന്നുകൾ നൽകി. 14 യൂണിറ്റ് മരുന്നുകളാണ് നൽകിയതെന്നും മന്ത്രി പറഞ്ഞു.

ആദ്യഘട്ടത്തിൽ 21 കുട്ടികൾക്ക് മരുന്ന് നൽകാനായിരുന്നു തീരുമാനം. തിരുവനന്തപുരം എസ്എടി ആശുപത്രിയിൽ കഴിഞ്ഞ ദിവസം രണ്ട് കുട്ടികൾക്ക് മരുന്ന് നൽകിയിരുന്നു. കോഴിക്കോട്ടെ 12 കുട്ടികൾക്ക് അവരുടെ സൗകര്യത്തിനനുസരിച്ച് മരുന്ന് നൽകാൻ തീരുമാനിച്ചു. കോഴിക്കോട് മെഡിക്കൽ കോളേജിലെ മദർ ആൻഡ് ചൈൽഡ് കെയർ സെന്‍ററിൽ ഇന്നലെയും ഇന്നും പ്രത്യേക മെഡിക്കൽ ക്യാമ്പുകൾ നടത്തി. ഇന്ത്യയിൽ ആദ്യമായാണ് സ്പൈനൽ മസ്കുലാർ അട്രോഫി എന്ന അപൂർവ രോഗത്തിനുള്ള മരുന്ന് ഹൈക്കോടതി നിർദ്ദേശത്തെ തുടർന്ന് സർക്കാർ തലത്തിൽ നൽകുന്നത്.

അപൂർവ രോഗം ബാധിച്ചവരുടെ ചികിത്സയ്ക്ക് സർക്കാർ പ്രത്യേക പ്രാധാന്യമാണ് നൽകുന്നത്. ഇതിന്‍റെ ഭാഗമായി ആദ്യമായി തിരുവനന്തപുരം എസ്.എ.ടി.എ ആശുപത്രിയിൽ എസ്.ടി.എ. ക്ലിനിക്ക് തുടങ്ങി. അതിനുശേഷം വിലകൂടിയ മരുന്നുകൾ നൽകുമെന്നും മന്ത്രി പറഞ്ഞു.
Sources:Metro Journal

http://theendtimeradio.com

Continue Reading

Disease

കേരളത്തിൽ കുരങ്ങ് വസൂരി സ്ഥിരീകരിച്ചു: ജാഗ്രത

Published

on

തിരുവനന്തപുരം: കേരളത്തിൽ മങ്കി പോക്സ് സ്ഥിരീകരിച്ചു. ജൂലൈ 12ന് യുഎഇയിൽനിന്ന് തിരുവനന്തപുരത്ത് എത്തിയ ആളിലാണ് അസുഖം സ്ഥിരീകരിച്ചത്. രാജ്യത്തെ ആദ്യ കേസാണിത്. മുൻപ് കോവിഡ് രോഗവും ഇന്ത്യയിൽ ആദ്യം കേരളത്തിലായിരുന്നു റിപ്പോർട്ട് ചെയ്തത്. രോഗം സ്ഥിരീകരിച്ചയാളിന്റെ അച്ഛനും അമ്മയും, ടാക്സി – ഓട്ടോ ഡ്രൈവർ ഉൾപ്പെടെ 11 പേരാണു സമ്പർക്കത്തിൽ വന്നത്. കൊല്ലം ജില്ലയിൽനിന്നുള്ള ആൾക്കാണ് രോഗം സ്ഥിരീകരിച്ചത്. കൊല്ലത്തെ സ്വകാര്യ ആശുപത്രിയിൽനിന്നാണു മെഡിക്കൽ കോളജിലേക്കു രോഗിയെ കൊണ്ടുവന്നത്. മെഡിക്കൽ കോളജിൽനിന്നാണു സാംപിൾ വൈറോളജി ഇൻസ്റ്റിറ്റ്യൂട്ടിലേക്ക് അയച്ചത്. അടുത്ത സമ്പർക്കം ഉണ്ടെങ്കിൽ മനുഷ്യരിൽനിന്നു മനുഷ്യരിലേക്കു രോഗം പടരും.

മൃഗങ്ങളില്‍നിന്നു മനുഷ്യരിലേക്കു വൈറസ് വഴി പകരുന്ന ഒരു രോഗമാണ് മങ്കിപോക്‌സ് അഥവാ വാനരവസൂരി. രോഗം ബാധിച്ച മൃഗങ്ങളുടെ രക്തം, ശരീര സ്രവങ്ങള്‍ എന്നിവ വഴി നേരിട്ടുള്ള സമ്പര്‍ക്കത്തിലൂടെ മൃഗങ്ങളില്‍നിന്നു മനുഷ്യരിലേക്കു വാനരവസൂരി പകരാം. അണ്ണാന്‍, എലികള്‍, വിവിധ ഇനം കുരങ്ങുകള്‍ എന്നിവയുള്‍പ്പെടെ നിരവധി മൃഗങ്ങളില്‍ വാനര വസൂരി വൈറസ് അണുബാധയുടെ തെളിവുകള്‍ കണ്ടെത്തിയിട്ടുണ്ട്. വനമേഖലയിലോ സമീപത്തോ താമസിക്കുന്ന ആളുകള്‍ക്കു രോഗബാധിതരായ മൃഗങ്ങളുമായുള്ള സമ്പര്‍ക്കമുണ്ടായാല്‍ രോഗബാധയുണ്ടാകാനുള്ള സാധ്യതയുണ്ട്.

രോഗബാധിതനായ ഒരാളുടെ ശ്വാസകോശ സ്രവങ്ങളുമായുള്ള അടുത്ത സമ്പര്‍ക്കത്തിലൂടെയാണ് മനുഷ്യരില്‍നിന്നു മനുഷ്യരിലേക്കു രോഗം പകരുന്നത്. ക്ഷതങ്ങള്‍, ശരീര സ്രവങ്ങള്‍, ശ്വസന തുള്ളികള്‍, കിടക്ക പോലുള്ള വസ്തുക്കള്‍ എന്നിവയുമായുള്ള അടുത്ത സമ്പര്‍ക്കം, രോഗം ബാധിച്ചയാളുമായുള്ള ലൈംഗിക ബന്ധം എന്നിവയിലൂടെ വാനര വസൂരി വൈറസ് ഒരാളില്‍നിന്ന് മറ്റൊരാളിലേക്കു പകരും. പ്ലാസന്റ വഴി അമ്മയില്‍നിന്നു കുഞ്ഞിലേക്കോ അല്ലെങ്കില്‍ ജനനസമയത്തോ, അതിനുശേഷമോ കുഞ്ഞുമായുള്ള അടുത്ത സമ്പര്‍ക്കത്തിലൂടെയും രോഗസംക്രമണം സംഭവിക്കാം. ലോകമെമ്പാടും വസൂരിക്കുള്ള വാക്‌സിനേഷന്‍ നിര്‍ത്തലാക്കിയതിനാല്‍ പൊതുജനങ്ങളില്‍ വസൂരിക്കെതിരെയുള്ള പ്രതിരോധശേഷി കുറയുന്നത് വാനര വസൂരിക്കെതിരെയുള്ള പ്രതിരോധശേഷി കുറയ്ക്കുന്നതിനും കാരണമായേക്കാം.

സാധാരണഗതിയില്‍ വാനര വസൂരിയുടെ ഇന്‍കുബേഷന്‍ കാലയളവ് 6 മുതല്‍ 13 ദിവസം വരെയാണ്. എന്നാല്‍ ചില സമയത്ത് ഇത് 5 മുതല്‍ 21 ദിവസം വരെയാകാം. 2 മുതല്‍ 4 ആഴ്ച വരെ ലക്ഷണങ്ങള്‍ നീണ്ടു നില്‍ക്കാറുണ്ട്. മരണ നിരക്ക് പൊതുവെ കുറവാണ്. പനി, തീവ്രമായ തലവേദന, കഴലവീക്കം, നടുവേദന, പേശി വേദന, ഊര്‍ജക്കുറവ് എന്നിവയാണ് പ്രാരംഭ ലക്ഷണങ്ങള്‍. പനി വന്ന് 13 ദിവസത്തിനുള്ളില്‍ ദേഹത്ത് കുമിളകള്‍ പ്രത്യക്ഷപ്പെടാന്‍ തുടങ്ങുന്നു. മുഖത്തും കൈകാലുകളിലുമാണ് കൂടുതല്‍ കുമിളകള്‍ കാണപ്പെടുന്നത്. ഇതിനുപുറമെ കൈപ്പത്തി, ജനനേന്ദ്രിയം, കണ്‍ജങ്ക്റ്റിവ, കോര്‍ണിയ എന്നീ ശരീരഭാഗങ്ങളിലും ഇവ കാണപ്പെടുന്നു.
Sources:globalindiannews

http://theendtimeradio.com

Continue Reading

Latest News

world news16 hours ago

സ്ത്രീകള്‍ പരസ്യങ്ങളില്‍ അഭിനയിക്കുന്നത് വിലക്കി ഇറാന്‍

സ്ത്രീകള്‍ പരസ്യങ്ങളില്‍ അഭിനയിക്കുന്നത് വിലക്കി ഇറാന്‍. ഈയടുത്ത് ഐസ്‌ക്രീമിന്റെ പരസ്യത്തില്‍ അഭിനയിച്ച ഒരു സ്ത്രീയുടെ ശിരോവസ്ത്രം അല്‍പം മാറിയത് രാജ്യത്ത് വിവാദങ്ങള്‍ക്ക് ഇടയാക്കിയിരുന്നു. ഇതിന് പിന്നാലെയാണ് ഇനി...

us news16 hours ago

ഐ.പി.സി കുടുംബ സംഗമത്തിന് ഒക്കലഹോമയിൽ അനുഗ്രഹ സമാപ്തി

ഒക്കലഹോമ : ഇൻഡ്യാ പെന്തക്കോസ്ത് ദൈവസഭ 18 മത് നോർത്തമേരിക്കൻ കോൺഫ്രൻസ് ഒക്കലഹോമയിൽ സമാപിച്ചു. 7 ന് ഞായറാഴ്ച പാസ്റ്റർ കെ.എ മാത്യു വിന്റെ പ്രാർത്ഥനയോടെ ആരംഭിച്ച...

us news17 hours ago

2024 ൽ ഐ.പി.സി ഫാമിലി കോൺഫ്രൻസ് ന്യൂ ഇംഗ്ലണ്ട് പട്ടണത്തിൽ; ഡോ. തോമസ് ഇടിക്കുള കൺവീനർ, ബ്ര.വെസ്ളി മാത്യൂ സെക്രട്ടറി

ഒക്കലാഹോമ: 19 മത് ഐ.പി.സി ഫാമിലി കോൺഫ്രൻസ് 2024 ആഗസ്റ്റ് മാസം 1,2,3 തീയതികളിൽ ബോസ്റ്റണിലെ ന്യൂ ഇംഗ്ലണ്ട് പട്ടണത്തിൽ വെച്ച് നടത്തപ്പെടും. പാസ്റ്റർ ഡോ. തോമസ്...

world news17 hours ago

Preacher from Early Rain Covenant Church Taken to Police Station

China – On August 2, a preacher from the heavily persecuted Early Rain Covenant Church (ERCC) was taken away by...

world news17 hours ago

Printing Houses’ Fear of Government Crackdown Threatens to Cause Shortage of Bibles in Hong Kong

  China – The Chinese Communist Party’s (CCP) tight regulations on religious content have led to a shortage of Bibles...

Tech2 days ago

‘ലോഗിന്‍ അപ്രൂവല്‍’ അവതരിപ്പിക്കാൻ വാട്‌സാപ്പും

വാട്ട്സ്ആപ്പ് നമ്മുടെ ദൈനംദിന ജീവിതത്തിന്‍റെ ഒഴിച്ചുകൂടാനാവാത്ത ഭാഗമായി മാറിയിരിക്കുന്നു. വ്യക്തിഗത സന്ദേശങ്ങൾ, ചിത്രങ്ങൾ, വീഡിയോകൾ എന്നിവ കൈമാറുന്നതിന് പുറമെ, ഓഫീസുകളിലെ ഔദ്യോഗിക ഇൻഫർമേഷൻ എക്സ്ചേഞ്ചുകൾ, ഗ്രൂപ്പ് വീഡിയോ...

Travel2 days ago

ഹെല്‍മറ്റില്‍ ക്യാമറ നിരോധിച്ചു; വിലക്ക് ലംഘിച്ചാല്‍ 1000 രൂപ പിഴ, 3 മാസത്തേക്ക് ലൈസന്‍സ് റദ്ദാക്കും

തിരുവനന്തപുരം: ഹെല്‍മറ്റില്‍ ഇനിമുതല്‍ ക്യാമറ പാടില്ല. ക്യാമറ വെക്കുന്നവര്‍ക്ക് എതിരെ കര്‍ശന നടപടി സ്വീകരിക്കും.വിലക്ക് ലംഘിച്ച്‌ ക്യാമറ വെച്ചാല്‍ ആയിരം രൂപ പിഴ ഈടാക്കുമെന്നാണ് മോട്ടോര്‍ വാഹന...

breaking news2 days ago

ഒറ്റനോട്ടത്തില്‍ രോഗം കണ്ടെത്തും: റോബോട്ട് ഡോക്ടറുമായി യു.എ.ഇ.യിലെ ആശുപത്രികൾ

ദുബൈ: ഒറ്റനോട്ടത്തില്‍ രോഗം കണ്ടെത്തി ചികിത്സ നല്‍കുന്ന റോബോട്ട് ഡോക്ടറുമായി യു.എ.ഇ.യിലെ ആശുപത്രികള്‍. രോഗം കണ്ടെത്തുന്നതിന് പുറമെ ശസ്ത്രക്രിയ നടത്തുന്നതിലും പ്രഗത്ഭരാണ് റോബോട്ട് ഡോക്ടര്‍മാര്‍. നട്ടെല്ലിന്റെ സങ്കീര്‍ണ്ണമായ...

National2 days ago

വൈദ്യുതി ബോര്‍ഡിന്റെ പേരില്‍ തട്ടിപ്പ് വ്യാപകം

സംസ്ഥാന വൈദ്യുതി ബോര്‍ഡിന്റെ പേരില്‍ തട്ടിപ്പ് വ്യാപകം. പണമടച്ചില്ലെങ്കില്‍ വൈദ്യുതി ബന്ധം വിച്ഛേദിക്കുമെന്ന തരത്തില്‍ വ്യാജ എസ്.എം.എസ് സന്ദേശം അയച്ചാണ് തട്ടിപ്പ്. പലര്‍ക്കും ലക്ഷക്കണക്കിന് രൂപയാണ് ഇതിലൂടെ...

Programs2 days ago

പിവൈഎം വാർഷിക ക്യാമ്പ് 2022 സെപ് തംബർ മാസം 7-9 വരെ

മാവേലിക്കര: കല്ലുമല ദൈവസഭയുടെ യുവജനപ്രസ്ഥാനമായ പി വൈ എമ്മിന്റെ 2022 വാർഷിക ക്യാമ്പ് സെപ് തംബർ മാസം 7-9 വരെ കുന്നന്താനം സെഹിയോൻ ക്യാമ്പ് സെൻ്ററിൽ നടക്കും.ഏഴാം...

Media2 days ago

‘പ്രഗ്നന്‍സി ബൈബിള്‍’ വിവാദത്തില്‍; നടി കരീന കപൂറിനെതിരെ ക്രൈസ്തവരുടെ പരാതി

ഭോപ്പാൽ: തന്റെ പുസ്തകത്തിന്റെ തലക്കെട്ടില്‍ ബൈബിള്‍ എന്ന പദം ഉപയോഗിച്ച് ക്രൈസ്തവരുടെ മതവികാരം വൃണപ്പെടുത്തിയ ബോളിവുഡ് താരം കരീന കപൂറിനെതിരെ കേസെടുക്കണമെന്ന് ആവശ്യപ്പെട്ട് മധ്യപ്രദേശ്‌ ഹൈക്കോടതിയില്‍ ഹര്‍ജി....

politics2 days ago

ഇന്ത്യയുടെ ഉപരാഷ്ട്രപതിയായി ജഗ്ദീപ് ധൻകർ; 528 വോട്ടുകളുടെ വലിയ വിജയം

ഇന്ത്യയുടെ 14 -ാം ഉപരാഷ്ട്രപതിയായി ജഗ്ദീപ് ധൻകർ. 528 വോട്ടുകളുടെ വലിയ വിജയമാണ് ധൻകർ നേടിയത്. കേവല ഭൂരിപക്ഷത്തിന് 372 വോട്ട് വേണമെങ്കിൽ വോട്ടെടുപ്പിന് മുൻപ് തന്നെ...

Trending