Crime
മതം മാറിയാല് രക്ഷപ്പെടാമായിരിന്നു, വഴങ്ങിയില്ല: ഒടുവില് വ്യാജ മതനിന്ദ കേസില് പാക്ക് ക്രൈസ്തവന് വധശിക്ഷ

ലാഹോര്: പാക്കിസ്ഥാനില് വ്യാജ മതനിന്ദയുടെ പേരില് കഴിഞ്ഞ പത്തു വര്ഷത്തിലധികമായി തടവില് കഴിയുന്ന സഫര് ഭട്ടി എന്ന അന്പത്തിയേഴുകാരനായ ക്രൈസ്തവ വിശ്വാസിയുടെ ജീവപര്യന്തം വധശിക്ഷയായി ഉയര്ത്തിക്കൊണ്ട് കോടതി വിധി. ഇക്കഴിഞ്ഞ ജനുവരി മൂന്നിനാണ് അഡീഷണല് സെഷന്സ് ജഡ്ജി ഷാഹിബ്സാദ നക്വീബ് ഷെഹസാദ് സഫര് ഭട്ടിയുടെ ജീവപര്യന്തം വധശിക്ഷയാക്കി മാറ്റിയത്. നിലവില് റാവല്പിണ്ടിയിലെ അഡിയാല ജയിലില് കഴിഞ്ഞുവരുന്ന സഫര് ഭട്ടി പാക്കിസ്ഥാനില് മതനിന്ദയുടെ പേരില് ഏറ്റവുമധികം കാലം ജയിലില് കഴിയുന്ന വ്യക്തികൂടിയാണ്. 2012 ജൂലൈ 22 മുതല് ജയിലില് കഴിഞ്ഞുവരികയാണ് അദ്ദേഹം. ഇദ്ദേഹത്തെ മതപരിവര്ത്തനം ചെയ്ത് ജയിലില് നിന്നും മോചിപ്പിക്കുവാനുള്ള ശ്രമങ്ങള് പല തവണ നടന്നുവെങ്കിലും അദ്ദേഹം തന്റെ വിശ്വാസത്തില് ഉറച്ചു നില്ക്കുകയായിരുന്നു.
പാവപ്പെട്ടവരെ സഹായിക്കുക എന്ന ലക്ഷ്യത്തോടെ സ്ഥാപിതമായ ‘ജീസസ് വേള്ഡ് മിഷന്’ എന്ന ചെറിയ പ്രാദേശിക സന്നദ്ധ സംഘടനയുടെ സ്ഥാപകനാണ് സഫര് ഭട്ടി. ഒരു മൊബൈല് വഴി മതനിന്ദാപരമായ സന്ദേശങ്ങള് അയച്ചുവെന്ന ആരോപണമാണ് അദ്ദേഹത്തെ തടവിലാക്കിയത്. എന്നാല് മൊബൈലിന്റെ സിം കാര്ഡ് പോലും അദ്ദേഹത്തിന്റെ പേരിലല്ല എന്നതാണ് വാസ്തവം. പാക്കിസ്ഥാനി പീനല് കോഡിലെ കുപ്രസിദ്ധമായ 295 C ആര്ട്ടിക്കിള് അനുസരിച്ച് 2017-ലാണ് സഫറിനെ ജീവപര്യന്തം തടവിന് വിധിക്കുന്നത്. പ്രവാചകനേയും, പ്രവാചകന്റെ മാതാവിനേയും അപകീര്ത്തിപ്പെടുത്തി എന്നതാണ് അദ്ദേഹത്തിന്റെ മേല് ചുമത്തപ്പെട്ട കുറ്റം. ജെയിലില് വെച്ച് ഇദ്ദേഹം ആക്രമിക്കപ്പെട്ടുവെന്ന റിപ്പോര്ട്ടുകളും പുറത്തുവന്നിരുന്നു. സഫര് നിരപരാധിയാണെന്നും അദ്ദേഹത്തിനെതിരെയുള്ള ആരോപണങ്ങള് വ്യാജമാണെന്നും അദ്ദേഹത്തിന്റെ പത്നി നവാബ് ബീബി ആവര്ത്തിച്ചു പറഞ്ഞിട്ടുണ്ട്.
യഥാര്ത്ഥ കുറ്റവാളികള്ക്ക് ജാമ്യം നേടുവാനുള്ള അവസരം കിട്ടിയെങ്കിലും കോടതിയുടെ പക്ഷപാതം കാരണം തന്റെ ഭര്ത്താവ് ഇപ്പോഴും ജയിലില് കഴിയുകയാണെന്ന് നവാബ് ബീബി ചൂണ്ടിക്കാട്ടി. ക്രൈസ്തവ വിശ്വാസം ഉപേക്ഷിച്ച് മതപരിവര്ത്തനം ചെയ്യുകയാണെങ്കില് ജയിലില് നിന്നും മോചിപ്പിക്കപ്പെടുമെന്ന് പലവട്ടം ആളുകള് പറഞ്ഞുവെങ്കിലും അദ്ദേഹം തന്റെ വിശ്വാസത്തില് ഉറച്ചു നില്ക്കുകയായിരുന്നെന്നും നവാബ് ബീബി പറഞ്ഞു. പ്രമേഹവും, ഹൃദയ സംബന്ധിയായ പ്രശ്നങ്ങളും, തുടര്ച്ചയായ തലവേദനയും ഉള്ള ഒരു രോഗിയാണ് സഫര് ഭട്ടിയെന്ന് കുടുംബാംഗങ്ങള് പറയുന്നു.
കടപ്പാട് :പ്രവാചക ശബ്ദം
Crime
ക്രിസ്ത്യന് വിദ്യാര്ത്ഥിനിയുടെ ക്രൂര നരഹത്യയില് നീതി കിട്ടണമെന്ന് നൈജീരിയന് ക്രൈസ്തവര്: പ്രതികളെ കുറ്റവിമുക്തരാക്കണമെന്ന് മതമൗലികവാദികള്

സൊകോട്ട; മതനിന്ദ നടത്തിയെന്ന ആരോപണത്തിന്റെ പേരില് നൈജീരിയയില് കല്ലെറിഞ്ഞു കൊലപ്പെടുത്തി മൃതദേഹം അഗ്നിക്കിരയാക്കിയ നൈജീരിയന് ക്രൈസ്തവ വിദ്യാര്ത്ഥിനിയ്ക്കു നീതി ലഭിക്കണമെന്ന ആവശ്യവുമായി നൈജീരിയയില് ക്രിസ്ത്യന് സമൂഹങ്ങളുടെ കൂട്ടായ്മയായ ‘ക്രിസ്ത്യന് അസോസിയേഷന് ഓഫ് നൈജീരിയ’ (സി.എ.എന്) രംഗത്ത്. കൊലപാതകികളെ ഉടന് അറസ്റ്റ് ചെയ്ത് കോടതിയില് ഹാജരാക്കി തക്കതായ ശിക്ഷ നല്കണമെന്ന് സി.എ.എന് ആവശ്യപ്പെട്ടു. കൊലപാതകത്തിന് പിന്നില് പ്രവര്ത്തിച്ചവരെന്ന് കരുതപ്പെടുന്ന രണ്ടുപേരെ പോലീസ് അറസ്റ്റ് ചെയ്തിട്ടുണ്ടെങ്കിലും വിഷയത്തില് പോലീസ് മെല്ലപ്പോക്ക് നയം തുടരുകയാണെന്ന ആക്ഷേപമുണ്ട്.
ഷെഹു ഷാഗിരി കോളേജിലെ വിദ്യാർത്ഥിനി ദെബോറ യാക്കുബുവാണ് ക്രൂരമായ കൊലപാതകത്തിന് ഇരയായത്. ഇസ്ലാമിക പ്രവാചകനായ മുഹമ്മദിനെ നിന്ദിക്കുന്ന പരാമർശം വിദ്യാർത്ഥികളുടെ വാട്സ്ആപ്പ് കൂട്ടായ്മയിൽ ദെബോറ നടത്തിയെന്ന ആരോപണമാണ് അക്രമത്തിലേക്ക് നയിച്ചത്. എന്നാല് വാട്സാപ്പ് ഗ്രൂപ്പില് “യേശു ക്രിസ്തു ഏറ്റവും മഹത്വമുള്ളവനാണ്, എന്റെ പരീക്ഷകള് പാസാകുവാന് അവന് എന്നെ സഹായിച്ചു” എന്ന വോയിസ് മെസേജ് പോസ്റ്റ് ചെയ്തതിനാണ് വര്ഗ്ഗീയവാദികളായ സഹപാഠികള് കൊലപ്പെടുത്തിയതെന്ന് ആഗോള ക്രൈസ്തവ പീഡനം നിരീക്ഷിക്കുന്ന ഓപ്പണ് ഡോര്സിന്റെ പ്രാദേശിക ഘടകങ്ങള് റിപ്പോര്ട്ട് ചെയ്യുന്നു.
അക്കാദമിക കാര്യങ്ങള് ചര്ച്ച ചെയ്യേണ്ട വാട്സാപ്പ് ഗ്രൂപ്പില് തന്റെ സഹപാഠി ഇസ്ലാമിക കാര്യങ്ങള് പ്രചരിപ്പിച്ചതിനോടുള്ള പ്രതികരണം എന്ന നിലയിലായിരുന്നു യാക്കുബുവിന്റെ പോസ്റ്റ്. നിയമവിരുദ്ധവും നിന്ദ്യവുമായ ഈ നടപടിയെ ശരിയായി ചിന്തിക്കുന്നവര് അപലപിക്കുമെങ്കിലും ‘അള്ളാഹു അക്ബര്’ എന്നാര്ത്തുവിളിച്ചുകൊണ്ട് യാക്കുബുവിനെ കല്ലെറിയുകയും, മര്ദ്ദിക്കുകയും, തീകൊളുത്തി കൊലപ്പെടുത്തുകയും ചെയ്തവരെ കണ്ടെത്തി വിചാരണ ചെയ്യേണ്ടത് സുരക്ഷാ സേനയാണെന്നു സി.എ.എന് ജനറല് സെക്രട്ടറി ഫാ. ജോസഫ് ഡാരമോല പ്രസ്താവിച്ചു.
രക്തത്തില് കുളിച്ച് ബോധരഹിതയായി കിടക്കുന്ന യാക്കുബുവിനെ കൊലപ്പെടുത്തുന്നതിന്റെ വീഡിയോകള് സമൂഹമാധ്യമങ്ങളില് പ്രചരിച്ചു കൊണ്ടിരിക്കുകയാണ്. ജീവന് ഭീഷണി ഉണ്ടായതിനെ തുടര്ന്ന് യാക്കുബുവിനെ കോളേജ് അധികാരികള് ഒളിപ്പിച്ചിരുന്ന സെക്യൂരിറ്റി മുറിയില് നിന്നും പുറത്തേക്ക് വലിച്ചിഴച്ചു കൊണ്ടുപോയാണ് കൊലപ്പെടുത്തിയത്. സ്കൂളിലെ സെക്യൂരിറ്റി ജീവനക്കാരും, പോലീസും യാക്കുബുവിനെ രക്ഷപ്പെടുത്തുവാന് ശ്രമിച്ചെങ്കിലും രോഷാകുലരായ വര്ഗ്ഗീയവാദികളുടെ മുന്പില് നിസ്സഹായരാവുകയായിരുന്നു.
മതസ്വാതന്ത്ര്യ സന്നദ്ധ സംഘടനയായ ക്രിസ്റ്റ്യന് സോളിഡാരിറ്റി വേള്ഡ് വൈഡ്-നൈജീരിയയും (സി.എസ്.ഡബ്ലിയു.എന്) ക്രൂര നരഹത്യയെ ശക്തമായ ഭാഷയില് അപലപിച്ചു. സംസ്കാരവും, സഹിഷ്ണുതയും ഉറപ്പുനല്കുന്ന അക്കാദമിക പരിതസ്ഥിതിയില് ഇത്തരമൊരു കൊലപാതകം നടന്നതിനെ കുറിച്ച് ചിന്തിക്കണമെന്നും, വടക്കന് നൈജീരിയ അറിയപ്പെട്ടിരുന്ന സമാധാനത്തിനും, പരസ്പര സൗഹാര്ദ്ദത്തിനും, മതനിരപേക്ഷതക്കും ഈ കൊലപാതകം ഒരു വെല്ലുവിളിയാണെന്നും സംഘടന പ്രസ്താവിച്ചു.
സൊകോട്ടോയിലെ സുല്ത്താനേറ്റ് കൗണ്സിലും, സൊകോട്ടോ രൂപതാധ്യക്ഷന് മാത്യു കുക്കായും ഈ കൊലപാതകത്തെ അപലപിച്ചിട്ടുണ്ട്. ഇതിനിടെ അറസ്റ്റ് ചെയ്ത പ്രതികളെ കുറ്റവിമുക്തരാക്കണമെന്ന് ആവശ്യപ്പെട്ട് ചിലര് സംഘടിച്ച് രംഗത്തുവന്നു. പക്ഷപാതരഹിതമായ അന്വേഷണം നടക്കുമെന്നു നൈജീരിയന് പ്രസിഡന്റ് മുഹമ്മദ് ബുഹാരി പറഞ്ഞിട്ടുണ്ടെങ്കിലും ക്രൈസ്തവ സമൂഹത്തിന് വലിയ പ്രതീക്ഷയില്ല. തുടര്ച്ചയായി ക്രൈസ്തവര്ക്ക് നേരെ ഉണ്ടാകുന്ന അക്രമ പരമ്പരകളില് മൗനം പാലിക്കുന്ന ബുഹാരിയ്ക്കെതിരെ രാജ്യത്തെ വിവിധ മെത്രാന്മാര് വിമര്ശനം നടത്തിയിരിന്നു. ഇതിനിടെ അടുത്ത വര്ഷത്തെ പ്രസിഡന്റ് തിരഞ്ഞെടുപ്പില് മത്സരിക്കുവാനിരിക്കുന്ന അതികു അബൂബക്കര് കൊലപാതകത്തെ അപലപിച്ചുകൊണ്ട് ട്വീറ്റ് ചെയ്തിരുന്നുവെങ്കിലും പിന്നീട് പിന്വലിച്ചു.
കടപ്പാട് :പ്രവാചക ശബ്ദം
Crime
1 dead, 4 critically injured by gunman at Presbyterian church in California; suspect is in police custody

At a news conference Sunday, authorities said a shooting at Geneva Presbyterian Church in Laguna Woods, California, that left one person dead occurred at a lunch banquet after a church service. The suspected shooter was identified as an Asian male in his 60s who doesn’t live in the community and has no known ties to the church.
Four people were critically injured in the shooting, and one person suffered minor injuries. All victims are adults and have been transported to area hospitals. Police described parishioners’ swift action to apprehend the suspect and hog-tie him until police arrived as an act of “exceptional heroism and bravery.” Authorities did not say if the shooting would be investigated as a hate crime or what the suspect’s motives were.
Original report:
One person is reported dead and four others have been critically wounded by a shooter at a California church. Police have apprehended the suspect.
The gunman fired on churchgoers at Geneva Presbyterian Church in Laguna Woods and the weapon used by the suspect has been recovered, according to the Orange County Sheriff’s Department which has not yet released his identity.
According to The Associated Press, federal agents from the Bureau of Alcohol, Tobacco, Firearms and Explosives were also responding to the scene.
Sources:Christian Post
Crime
നൈജീരിയയില് മതനിന്ദ ആരോപിച്ച് ക്രൈസ്തവ വിദ്യാർത്ഥിനിയെ കല്ലെറിഞ്ഞുകൊന്നു അഗ്നിക്കിരയാക്കി

സോകോട്ടോ: മതനിന്ദ നടത്തിയെന്ന് ആരോപണമുന്നയിച്ച് നൈജീരിയയിലെ സോകോട്ടോയിൽ മുസ്ലിം സഹപാഠികൾ ക്രൈസ്തവ വിദ്യാർത്ഥിനിയെ കല്ലെറിഞ്ഞുകൊന്നു മൃതശരീരം അഗ്നിക്കിരയാക്കി. ഷെഹു ഷാഗിരി കോളേജിലെ വിദ്യാർത്ഥിനി ദെബോറ യുക്കുബുവാണ് ക്രൂരമായ കൊലപാതകത്തിന് ഇരയായത്. ഇസ്ലാമിക പ്രവാചകനായ മുഹമ്മദിനെ നിന്ദിക്കുന്ന പരാമർശം വിദ്യാർത്ഥികളുടെ വാട്സ്ആപ്പ് കൂട്ടായ്മയിൽ ദെബോറ നടത്തിയെന്ന ആരോപണമാണ് അക്രമത്തിലേക്ക് നയിച്ചത്. സംഭവത്തിൽ രണ്ട് പേരെ പോലീസ് ഇതിനോടകം കസ്റ്റഡിയിലെടുത്തിട്ടുണ്ട്.
വിദ്യാർത്ഥിനിയുടെ കൊലപാതകത്തിൽ കനത്ത പ്രതിഷേധം ഉയരുകയാണെന്ന് വാര്ത്ത ഏജന്സിയായ ‘റോയിട്ടേഴ്സ്’ റിപ്പോര്ട്ട് ചെയ്യുന്നു. അക്രമികൾ തന്നെ സംഭവത്തിന്റെ വീഡിയോ ദൃശ്യങ്ങൾ സമൂഹമാധ്യമങ്ങളിൽ പ്രചരിപ്പിച്ചുവെന്നാണ് സൂചന. ആക്രമണ സമയത്ത് ‘അല്ലാഹു അക്ബർ’ എന്ന് അവർ ഉച്ചത്തിൽ പറയുന്നത് വീഡിയോദൃശ്യങ്ങളിൽ വ്യക്തമാണ്. സ്ഥലത്തെ സുരക്ഷാ ഉദ്യോഗസ്ഥർ ഇതിനിടയിൽ ദെബോറയെ രക്ഷിക്കാൻ ശ്രമിച്ചെങ്കിലും അവരുടെ പരിശ്രമം വിഫലമാവുകയായിരുന്നു.
കൊലപാതകത്തെ പറ്റി വിശദമായ അന്വേഷണം നടത്താൻ സോകോട്ടോ ഗവർണർ അമിനു വാഹിരി തംബുവാൽ ഉന്നതവിദ്യാഭ്യാസ വകുപ്പിനോടും, സുരക്ഷാ ഏജൻസികളോടും ആവശ്യപ്പെട്ടു. താൽക്കാലികമായി കോളേജ് അടച്ചിടാനും അദ്ദേഹം നിർദ്ദേശം നൽകി. കൊലപാതകത്തിൽ പങ്കാളികളായവരെ കസ്റ്റഡിയിലെടുത്ത് നീതി നടപ്പാക്കണമെന്ന് സംഭവത്തെ അപലപിച്ചു കൊണ്ട് സോകോട്ടോ ബിഷപ്പ് മാത്യു ഹസൻ കുക്ക പറഞ്ഞു. ക്രൈസ്തവ വിശ്വാസികളോട് സംയമനം പാലിക്കണമെന്നും അദ്ദേഹം ആവശ്യപ്പെട്ടിട്ടുണ്ട്. നൈജീരിയയില് ക്രൈസ്തവര്ക്ക് നേരെ നടക്കുന്ന ക്രൂരമായ ആക്രമണങ്ങളുടെ ഒടുവിലത്തെ ഇരയാണ് ദെബോറ.
കടപ്പാട് :പ്രവാചക ശബ്ദം
-
Media10 months ago
ഐപിസി കേരളാ സ്റ്റേറ്റ് പ്രയര് & റിവൈവല് ബോര്ഡ് 18-ാമത് പ്രാര്ത്ഥനാ സംഗമം
-
Media6 months ago
ഛത്തീസ്ഗഡ്ഡിൽ ക്രിസ്തീയ വീടുകൾ കയറിയിറങ്ങി ക്രൂര ആക്രമണങ്ങൾ; 3 പേർ ഗുരുതരാവസ്ഥയോടെ ആശുപത്രിയിൽ, 9 പേർക്ക് പരിക്ക്
-
Media7 months ago
ഐ.പി.സി. കേരളാ സ്റ്റേറ്റ് പ്രയർ& റിവൈവൽ ബോർഡ് 24 മത് പ്രാർത്ഥന സംഗമം ഒക്ടോബർ 31 – ന്
-
Media10 months ago
ഐപിസി കേരളാ സ്റ്റേറ്റ് പ്രയര് & റിവൈവല് ബോര്ഡ് 19-ാമത് പ്രാര്ത്ഥനാ സംഗമം
-
us news10 months ago
Chinese Officials Raid a Christian Funeral, Remove Christian Symbols
-
us news11 months ago
114-year-old Catholic church burns down in Canada: 6 churches on fire in one week
-
us news12 months ago
Pastor TB Joshua in Eternity
-
us news12 months ago
A dozen people killed in mass shootings across the US this weekend