National
ക്രിസ്തുമതം സ്വീകരിച്ചവരെ പീഡിപ്പിക്കുന്നതിനെതിരെ നടപടിയെടുക്കാൻ ഉത്തരവിട്ട് ത്രിപുര ഹൈക്കോടതി
ത്രിപുര : ബുദ്ധ മതത്തിൽ നിന്നും ക്രിസ്ത്യൻ മതം സ്വീകരിച്ചതിന്റെ പേരിൽ രണ്ട് കുടുംബങ്ങൾ പീഡിപ്പിക്കപ്പെട്ട സംഭവത്തിൽ പോലീസും ഭരണകൂടവും ഇടപെടാനും ആവശ്യമെങ്കിൽ അറസ്റ്റ് ചെയ്യാനും ത്രിപുര ഹൈക്കോടതിയുടെ സിംഗിൾ ജഡ്ജി ബെഞ്ച് ഭരണകൂടത്തോട് ആവശ്യപ്പെട്ടു. ഉനകോട്ടി ജില്ലയിലെ ഉത്തർ അന്ധർചര ചക്മ സമാജിക് ബിച്ചാർ കമ്മിറ്റിക്കും വടക്കൻ ത്രിപുര ജില്ലയിലെ കാഞ്ചൻചേര ചക്മ സമാജിക് ആദം പഞ്ചായത്തിനും എതിരെ പൂർണമോയ് ചക്മയും തരുൺ ചക്മയും ത്രിപുര ഹൈക്കോടതിയിൽ രണ്ട് റിട്ട് ഹർജികൾ സമർപ്പിച്ചിട്ടുണ്ട്. ക്രിസ്തുമതം സ്വീകരിച്ചതിനു ശേഷം പുറത്താക്കപ്പെട്ട പൂർണമോയ് ചക്മയെയും, തരുൺ ചക്മയെയും രണ്ട് ചക്മ സംഘടനകൾ പീഡിപ്പിക്കുകയും ഭീഷണിപ്പെടുത്തുകയും തങ്ങളുടെ ഉപജീവന മാർഗങ്ങൾ തടസപ്പെടുത്തുകയും ചെയ്തുവെന്ന് അവർ കോടതിയിൽ പരാതിപ്പെട്ടു.
തങ്ങളെ പീഡിപ്പിക്കുന്നതിനായി ചക്മ സംഘടനകൾ ആചാര നിയമങ്ങൾ ദുരുപയോഗം ചെയ്യുന്നതായി പരാതിപ്പെട്ടു ഈ കുടുംബങ്ങൾ പോലീസിന്റെ ഇടപെടൽ ആവശ്യപ്പെട്ടു. പോലീസ് നടപടിയെടുക്കാതിരുന്നതിനെ തുടർന്നാണ് ഹൈക്കോടതിയെ സമീപിച്ചത് .
തങ്ങൾക്കെതിരെ ഏർപ്പെടുത്തിയിരിക്കുന്ന സാമൂഹിക ഉപരോധം തങ്ങളുടെ ജീവിതത്തെയും ഉപജീവനത്തെയും അപകടത്തിലാക്കിയതായി അവർപറഞ്ഞു. മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിക്ക് കീഴിലാണ് പർണോമോയ് ചക്മ ജോലി ചെയ്തിരുന്നത്. അദ്ദേഹത്തെ ജോലിയിൽ നിന്നും പുറത്താക്കി. ഓട്ടോറിക്ഷാ ഡ്രൈവറായ തരുൺ ചക്മയോട് ആരെങ്കിലും തന്റെ ഓട്ടോ വാടകയ്ക്കെടുത്താൽ 40,000 വരെ പിഴ ഈടാക്കുമെന്നും ബുദ്ധമത സംഘടനകൾ ഭീഷണിപ്പെടുത്തുന്നുണ്ട്. ഓട്ടോറിക്ഷ വാങ്ങാൻ വായ്പയും ചെലവുകൾക്കായി വ്യക്തിഗത വായ്പയും എടുത്തിട്ടുണ്ടെന്നും അദ്ദേഹം പറഞ്ഞു. ദിവസ വേതനക്കാരനായ 2 കുടുംബങ്ങളുടെയും ഉപജീവന മാർഗങ്ങൾ ഈ സംഘടകൾ തടസപ്പെടുത്തിയിരിക്കുകയാണ്. പള്ളിയിൽ പ്രാർത്ഥനയിൽ പങ്കെടുക്കുന്നതിൽ നിന്നും അവരെ തടയുകയും ക്രൈസ്തവരുമായി ഇടപഴകരുതെന്നും അല്ലാത്തപക്ഷം അവരുടെ പതിവ് നിയമം അനുസരിച്ച് പിഴയും ശിക്ഷയും ലഭിക്കുമെന്നും ബുദ്ധമത വിശ്വാസികൾ ഭീഷണിപ്പെടുത്തി. അവർ ബുദ്ധമതത്തിലേക്ക് മടങ്ങിയെത്തിയാൽ അവരെ സ്വീകരിക്കുമെന്നും പറഞ്ഞു.
ഭരണഘടനാ വിരുദ്ധമായ ഉത്തരവുകൾ അവസാനിപ്പിക്കാൻ ചക്മ സംഘടനകളോട് ജസ്റ്റിസ് അരിന്ദം ലോധ് നിർദ്ദേശിച്ചതായും അല്ലാത്തപക്ഷം പോലീസും ഭരണകൂടവും കർശന നടപടി സ്വീകരിക്കുമെന്നും മുതിർന്ന അഭിഭാഷകൻ സാമ്രാട്ട് കാർ ഭൗമിക് പറഞ്ഞു. “ഭരണഘടന പൗരന്മാർക്ക് മതസ്വാതന്ത്ര്യം ഉറപ്പുനൽകുന്നു. മതത്തിന്റെ പേരിലുള്ള ചക്മ സംഘടനകളുടെ പ്രവർത്തനങ്ങൾ ഭരണഘടനാ വിരുദ്ധമാണ്. ഭരണഘടനാ വിരുദ്ധമായ ഉത്തരവുകൾ എത്രയും വേഗം അവസാനിപ്പിക്കാൻ പ്രസ്തുത സാമ്പ്രദായിക സ്ഥാപനങ്ങളോട് കർശനമായ ഉത്തരവ് പുറപ്പെടുവിക്കുകയും ചെയ്തു. ഇത്തരം സംഭവങ്ങൾ എത്രയും വേഗം അവസാനിപ്പിക്കാൻ സർക്കാർ ശ്രമിക്കുമെന്ന് സംസ്ഥാനത്തിന് വേണ്ടി ഹാജരായ അഡ്വക്കേറ്റ് ജനറൽ സിദ്ധാർത്ഥ ശങ്കർ ഡേ പറഞ്ഞു. ഇനിയൊരു ഉത്തരവ് ഉണ്ടാകുന്നത് വരെ ചക്മ ആചാരാനുഷ്ഠാനങ്ങളുടെ ഉത്തരവുകൾ സ്റ്റേ ചെയ്യാനും കോടതി ഉത്തരവിട്ടിട്ടുണ്ട്
Sources:christianlive
National
ഷാലോം പ്രയർ വാരിയേഴ്സ് രണ്ടാം വാർഷിക കൺവെൻഷൻ 2024
ഷാലോം പ്രയർ വാരിയേഴ്സ് എന്ന ഓൺലൈൻ പ്രാർത്ഥനാ കൂട്ടായ്മയുടെ രണ്ടാമത് വാർഷിക കൺവെൻഷൻ 2024 മെയ് 1 മുതൽ 3 വരെ രാത്രി 7 മണിക്ക് സൂം പ്ലാറ്റ്ഫോമിൽ നടക്കുന്നു. കർത്താവിൽ പ്രസിദ്ധരായ , Pr P C Cherian (Ranni), Pr K J Thomas (Kumaly), Pr K J Mathew ( Punalur) എന്നീ ദൈവദാസന്മാർ ദൈവ വചനത്തിൽ നിന്നും പ്രസംഗിക്കുന്നു. Evg. Lalu Pampady, Pr Shaji Mathew (Thiruvananthapuram), Br Jibin Titus Hebron ( USA) എന്നിവർ ആരാധന നയിക്കും. ഈ അനുഗ്രഹീത മീറ്റിംഗുകൾക്ക് Pr Anil K Sam – Hyderabad നേതൃത്വം നൽകുന്നു. കൂടുതൽ വിവരങ്ങൾക്ക്- 9963884134 എന്ന നമ്പറിൽ ബന്ധപെടുക.
Sources:faithtrack
National
സി ഇ എം 2024 – 2026 വർഷത്തെ പ്രവർത്തന ഉദ്ഘാടനം ശാരോൻ സഭാ നാഷണൽ പ്രസിഡൻ്റ് പാസ്റ്റർ എബ്രഹാം ജോസഫ് നിർവഹിച്ചു
തിരുവല്ല: ക്രിസ്ത്യൻ ഇവാഞ്ചലിക്കൽ മൂവ്മെന്റ് (സി ഇ എം) 2024-2026 വർഷത്തെ പ്രവർത്തന ഉദ്ഘാടനം ഏപ്രിൽ 22 തിങ്കളാഴ്ച വൈകിട്ട് 5 ന് ആലുവ-അശോകപുരം ശാരോൻ ഫെല്ലോഷിപ്പ് ചർച്ചിൽ വച്ച് നടന്നു. സഭാ നാഷണൽ പ്രസിഡന്റ് പാസ്റ്റർ എബ്രഹാം ജോസഫ് ഉദ്ഘാടനം ചെയ്തു.
സി ഇ എം ജനറൽ പ്രസിഡന്റ് പാസ്റ്റർ സാംസൺ പി തോമസ് അധ്യക്ഷത വഹിച്ചു. പാസ്റ്റർ ഫെബിൻ ബോസ് കുരുവിള മുഖ്യ സന്ദേശം നൽകി.
സി ഇ എം ജനറൽ സെക്രട്ടറി പാസ്റ്റർ ടോണി തോമസ് പ്രവർത്തന വിശദീകരണം നൽകി. വിവിധ സുവിശേഷീകരണ, ജീവകാരുണ്യ
(ഭവന-വിദ്യാഭ്യാസ-ചികിത്സ സഹായം) പദ്ധതികളുടെ പ്രവർത്തന ഉദ്ഘാടനവും നടന്നു. ആലുവ സെൻ്റർ മിനിസ്റ്റർ പാസ്റ്റർ എഡിസൺ സാമൂവേൽ അനുഗ്രഹ പ്രാർത്ഥന നടത്തി.
സി ഇ എം ക്വയർ ഗാനങ്ങൾ ആലപിച്ചു. ടാലൻ്റ് ടെസ്റ്റ് കൺവീനർ പാസ്റ്റർ പോൾസൺ വി എസ് സ്വാഗതവും സി ഇ എം ട്രഷറാർ ബ്രദർ റോഷി തോമസ് നന്ദിയും അറിയിച്ചു.
വിവിധ യൂണിവേഴ്സിറ്റി പരീക്ഷകളിൽ ഉന്നത വിജയം കരസ്ഥമാക്കി റാങ്ക് ജേതാക്കളായവരെ അനുമോദിച്ചു.
ശാരോൻ സഭാ അന്തർദേശീയ പ്രസിഡന്റ് പാസ്റ്റർ ജോൺ തോമസ്, പാസ്റ്റർ ഇമ്മാനുവേൽ പോത്തൻ(ഡൂലോസ് ബൈബിൾ കോളേജ് ആലുവ),പാസ്റ്റർ സനു ജോസഫ്(സണ്ടേസ്കൂൾ അസോസിയേഷൻ), പാസ്റ്റർ അനീഷ് കൊല്ലംകോട് (റൈറ്റേഴ്സ് ഫോറം), പാസ്റ്റർ ജിജോ യോഹന്നാൻ (ഇവാഞ്ചലിസം ബോർഡ്),ബ്രദർ ജേക്കബ് വർഗീസ് (ചിൽഡ്രൻസ് ഹോം), പാസ്റ്റർ ബിനു എബ്രഹാം(സി ഇ എം മുൻ വൈസ് പ്രസിഡൻ്റ്),സിസ്റ്റർ ലില്ലിക്കുട്ടി എഡിസൺ (വനിതാ സമാജം) തുടങ്ങിയവർ ആശംസകൾ അറിയിച്ചു.കുവൈറ്റ്, ദോഹ,ബഹറിൻ, യു.എ.ഇ,യു.എസ്.എ, യു.കെ,ന്യൂസിലൻ്റ് തുടങ്ങിയ സ്ഥലങ്ങളിലെ സഭകളുടെ ആശംസകളും സി ഇ എം ഭാരവാഹികൾ അറിയിച്ചു.
സി ഇ എം ജനറൽ കോ കോർഡിനേറ്റർ പാസ്റ്റർ സാം ജി കോശി പൊതു ക്രമീകരണങ്ങൾക്കു നേതൃത്വം നൽകി.
പെരുമ്പാവൂർ സെൻ്റർ മിനിസ്റ്റർ പാസ്റ്റർ തോമസ് ചാക്കോ പ്രാർത്ഥിച്ച് ആരംഭിച്ച സമ്മേളനം സഭാ നാഷണൽ പ്രസിഡൻ്റ് പാസ്റ്റർ എബ്രഹാം ജോസഫിന്റെ പ്രാർത്ഥനയോടും ആശീർവാദത്തോടും സമാപിച്ചു.
Sources:faithtrack
National
സാമൂഹികനവീകരണത്തിന് പെന്തക്കോസ്ത് സഭകളുടെ പങ്ക് ശ്രദ്ധേയം; മന്ത്രി കെ രാജന്
തൃശ്ശൂര്: സാമൂഹിക നീതിക്കും നവീകരണത്തിനുമായി നിലകൊണ്ട ക്രിസ്ത്യന് വിഭാഗമാണ് പെന്തക്കോസ്ത് സഭകളെന്നു സംസ്ഥാന റവന്യൂ മന്ത്രി കെ രാജന് പറഞ്ഞു.ഐപിസി സോഷ്യല് വെല്ഫെയര് ബോര്ഡിന്റെ ആഭിമുഖ്യത്തില് തൃശ്ശൂര് ഇരുമ്പുപാലം ഐപിസി സഭാഹാളില് നടന്ന മുഖാമുഖ ചര്ച്ചയില് സംസാരിക്കുകയായിരുന്നു അദ്ദേഹം.
പാവപ്പെട്ടവരുടെയും അശരണരുടെയും ഇടയില് അപ്പമായും ആശ്വാസമായും ഓടിയെത്തുകയും,ഉച്ചനീചത്വത്തിനെതിരെ പോരാടുകയും ചെയ്തു.ഇത്തരം പ്രവര്ത്തന ശൈലിയാണ് കമ്മ്യൂണിസ്റ്റുകളുടെയും,ഐപിസി സോഷ്യല് വെല്ഫെറെ ബോര്ഡ് നടപ്പിലാക്കുന്ന പ്രവര്ത്തനങ്ങള് മാതൃകയാണ്.ഒരു രൂപ നാണയത്തിലൂടെ അനേകര്ക്ക് ആശ്വാസമാകാമെന്ന് തെളിയിച്ച ഈ സംഘടനയുടെ പ്രവര്ത്തന മികവ് അഭിനന്ദാര്ഹമാണെന്ന് അദ്ദേഹം കൂട്ടിച്ചേര്ത്തു.ഐപിസി തൃശ്ശൂര് ഈസ്റ്റ് സെന്റര് ശുശ്രൂഷകന് പാസ്റ്റര് മാത്യൂ തോമസ് അദ്ധ്യക്ഷനായിരുന്നു. ജില്ലയിലെ വണ് റുപ്പീ ചലഞ്ച് ബോക്സ് വിതരണോല്ഘാടനം മന്ത്രി നിര്വഹിച്ചു.
ബോര്ഡ് ചെയര്മാന് സജി മത്തായി കാതേട്ട്, വൈസ് ചെയര്മാന് ജോസ് ജോണ് കായംകുളം എന്നിവര് പദ്ധതി വിശദീകരണം നടത്തി.പാസ്റ്റര്മാരായ പി എം ജോയ്,ജോസഫ് എന്നിവര് നേതൃത്വം നല്കി.ഇതിനോടനുബന്ധിച്ച് പീച്ചി സെന്ററില് നടന്ന സമ്മേളനത്തില് സെന്ററിലേക്കുള്ള മെഡിക്കല് സഹായവിതരണവും നടന്നു.
സജി മത്തായി കാതേട്ട് (ചെയര്മാന്) ജോസ് ജോണ് കായംകുളം(വൈസ് ചെയര്മാന്)ബേസില് അറക്കപ്പടി(സെക്രട്ടറി) പാസ്റ്റര് ബോബന് ക്ലീറ്റസ്(ജോയിന്റ് സെക്രട്ടറി)ജോബി എബ്രഹാം(ട്രഷറര്) പാസ്റ്റര് ജോണ്സണ് കുര്യന്(കോര്ഡിനേറ്റര്) ജോര്ജ് തോമസ്(ഫിനാന്സ് കോര്ഡിനേറ്റര്)സന്ദീപ് വിളമ്പുകണ്ടം(മീഡിയ) പാസ്റ്റര് വര്ഗീസ് ബേബി(സ്പിരിച്വല് മെന്റര്) ഡേവീസ് സാം (ഓഫീസ് അഡ്മിനിസ്ട്രേറ്റര്) തുടങ്ങിയവര് അടങ്ങുന്ന സമിതിയാണ് പ്രവര്ത്തനങ്ങള്ക്ക് നേതൃത്വം നല്കുന്നത്. വെസ്ലീ മാത്യൂ(ഡാളസ്)ആണ് ഡയറക്ടര്.സോഷ്യല് വെല്ഫെയര് ബോര്ഡിന്റെ പ്രവര്ത്തനങ്ങള്ക്കായി കൗണ്സില് അംഗങ്ങളെ കൂടാതെ എല്ലാ ജില്ലകളിലും കോര്ഡിനേറ്റരും പ്രവര്ത്തനങ്ങള്ക്ക് നേതൃത്വം നല്കുന്നു.
Sources:onlinegoodnews
-
us news10 months ago
നോർത്ത് അമേരിക്കൻ പെന്തക്കോസ്തൽ റൈറ്റേഴ്സ് ഫോറം : രാജൻ ആര്യപ്പള്ളി പ്രസിഡന്റ്; നിബു വെള്ളവന്താനം സെക്രട്ടറി
-
us news8 months ago
നോര്ത്ത് അമേരിക്കന് പെന്തക്കോസ്തല് റൈറ്റേഴ്സ് ഫോറം; അറ്റ്ലാന്റാ ചാപ്റ്ററിന് പുതിയ ഭാരവാഹികള്
-
us news11 months ago
‘The Biggest Water Baptism in History’: 4,166 Baptized at Historic Beach from Jesus Movement
-
world news11 months ago
Muslim Husband Found Out His Wife Became a Christian; He Beat Her, Starved Her and Left Her in a Wild Animal Park—But God…
-
National8 months ago
ബൈബിൾ വിതരണം ചെയ്യുന്നതും നല്ല മൂല്യങ്ങൾ പഠിപ്പിക്കുന്നതും മതപരിവർത്തനമല്ല: അലഹബാദ് ഹൈക്കോടതിയുടെ നിര്ണ്ണായക വിധി
-
world news9 months ago
37 Christians Killed in Nigeria in Three Weeks
-
world news11 months ago
ലേലത്തിൽ വെച്ചിരുന്ന ലോകത്തിലെ ഏറ്റവും പഴക്കമുള്ള ഹീബ്രു ബൈബിളിന് റെക്കോര്ഡ് തുക: ലഭിച്ചത് 314 കോടിരൂപ
-
world news11 months ago
യുഎഇ യിൽ ക്രൈസ്തവ ആരാധനാലയങ്ങൾക്ക് ഇനി ലൈസൻസ് നിർബന്ധം