National
അടുത്ത ദേശീയ പ്രാര്ത്ഥനാ സംഗമം 2018 ഡിസംബര് 11 തിരുവനന്തപുരത്ത്

തലസ്ഥാന നഗരിയില് 2018 ഡിസംബര് 11 ന് 12 മണിക്കൂര് പ്രാര്ത്ഥന നടത്തുവാന് മെയ് 21 ന് തിരുവല്ലയില് നടന്ന സമ്മേളനത്തില് സഭാ നേതാക്കള് തീരുമാനമെടുത്തു. ഭാരതത്തിന്റെ ഉണര്വിനും, സുവിശേഷീകരണം,ഐക്യത എന്നീ വിഷയങ്ങള്ക്കായി തുടര്മാന പ്രാര്ത്ഥന നടക്കുന്നതായിരിക്കും. വിവിധ സ്വാതന്ത്ര പ്രസ്ഥാനങ്ങളേയും,കൂടുതല് സഭകളേയും ഈ പ്രാര്ത്ഥനാ വേദിയില് ഭാഗഭാക്കാക്കുവാന് തീരുമാനിച്ചിട്ടുണ്ട്. പാസ്റ്റര് കെ സി തോമസ് ഈ സമ്മേളനത്തിന്റെ ചെയര്മാന് ആയിരിക്കും. പാസ്റ്റര് സാംകുട്ടി ചാക്കോ നിലമ്പൂര് ജന.കോര്ഡിനേറ്ററും, ഓഫീസ് പ്രവര്ത്തനങ്ങള്ക്ക് പാസ്റ്റര് ജോണ് മാത്യൂ കോര്ഡിനേറ്ററായും പ്രവര്ത്തിക്കുന്നതാണ്. വിശദ വിവരങ്ങള്ക്ക് ഫോണ്: 9446116152
National
ബഹറിന് ബഥേല് കണ്വന്ഷനില് പാസ്റ്റര് പ്രിന്സ് റാന്നി പ്രസംഗിക്കുന്നു.

ബഹറിന്: ഐ പി സി ബഥേല് ബഹറിന് സഭയുടെ ആഭിമുഖ്യത്തില് സുവിശേഷയോഗവും സംഗീതവിരുന്നും അധാരി പാര്ക്കിലുള്ള അല്ദുറ ഹാളില് വെച്ച് നവംബര് 4 മുതല് 6 വരെ എല്ലാ ദിവസവും രാത്രി 7 മണി മുതല് 9.30 വരെ നടത്തപ്പെടുന്നു.മുഖ്യ പ്രാസംഗീകന് പാസ്റ്റര് പ്രിന്സ് റാന്നി ആണ്. ഡോ.ബ്ലസ്സന് മേമന, ബ്ലമിന് ബാബു എന്നിവരുടെ നേതൃത്വത്തിലുള്ള ചര്ച്ച് ക്വയര് ആരാധനയ്ക്ക് നേതൃത്വം വഹിക്കും. പാസ്റ്റര് വിനില്. സി. ജോസഫ് മീറ്റിംഗുകള്ക്ക് നേതൃത്വം നല്കും.
National
പുതിയ നിയമം ഇനി ബാഗ്ഡി ഭാഷയിലും

രാജസ്ഥാന്: 18 ലക്ഷത്തിലധികം വരുന്ന ബാഗ്ഡി ഭാഷക്കാര്ക്ക് വേണ്ടി വിക്ലിഫ് പരിഭാഷകരായ ജിജി മാത്യൂ, ബീന ദമ്പതികള് സുദീര്ഘ വര്ഷങ്ങള് ബാഗ്ഡി ജനതയോടൊപ്പം താമസിച്ച് ഭാഷാ പരിശീലനം നേടി പരിഭാഷ നിര്വഹിച്ച ബാഗ്ഡി പുതിയ നിയമത്തിന്റെ സമര്പ്പണ ശുശ്രൂഷ ഹനുമാന്ഗഡില് വെച്ച് സെപ്റ്റംബര് 28 ന് വിക്ലിഫ് ഇന്ത്യാ ചെയര്മാന് തിമൊഥി ഡാനിയേല് നിര്വഹിച്ചു.വിക്ലിഫ് ഇന്ത്യാ സി ഇ ഒ ജോണ് മത്തായി കാതേട്ട്, മാത്യൂ എബനേസര്, സുനില് ബി മാത്യൂ തുടങ്ങിയവര് സംബന്ധിച്ചു. ജിജി മാത്യൂവും കുടുംബവും, അവരോടൊപ്പം ശുശ്രൂഷയില് സഹകരിച്ച മാതൃഭാഷാ പരിഭാഷകരും ബാഗ്ഡിയില് പ്രവര്ത്തിക്കുന്ന നിരവധി സഭാശുശ്രൂഷകരും, വിശ്വാസികളും ഈ ചടങ്ങില് സംബന്ധിച്ചു. ഹൃദയ ഭാഷയില് ആദ്യമായി പ്രിന്റു ചെയ്തു ലഭിച്ച പുതിയ നിയമം ബാഗ്ഡി വിശ്വാസികള് ആവേശപൂര്വ്വം ഏറ്റുവാങ്ങി. വിക്ലിഫ് ഇന്ത്യായുടെ നേതൃത്വത്തില് തര്ജ്ജമ പൂര്ത്തിയാക്കിയ മറ്റ് 7 ഭാഷകളിലും പുതിയ നിയമം ഉടന് പുറത്തിറങ്ങും.