Business
കെ.എസ്.എഫ്.ഇ ആസ്ഥാനമന്ദിരം ഉദ്ഘാടനം ഞായറാഴ്ച

തൃശ്ശൂര്: സുവര്ണജൂബിലി സ്മാരകമായി നവീകരിച്ച കെ.എസ്.എഫ്.ഇ ആസ്ഥാനമന്ദിരത്തിന്റെ ഉദ്ഘാടനം ഞായറാഴ്ച രാവിലെ 11ന് മുഖ്യമന്ത്രി പിണറായി വിജയന് നിര്വ്വഹിക്കും. തൃശൂര് ടൗണ് ഹാളില് നടക്കുന്ന സമ്മേളനത്തില് ധനമന്ത്രി തോമസ് ഐസക് അധ്യക്ഷത വഹിക്കും.
സുവര്ണജൂബിലി മെമ്മോറിയല് പോസ്റ്റല് സ്റ്റാമ്പിന്റെ പ്രകാശനം മന്ത്രി വി.എസ്. സുനില്കുമാര് നിര്വഹിക്കും. സുവര്ണ ജൂബിലി വര്ഷാഘോഷങ്ങളുടെ ഉദ്ഘാടനം മന്ത്രി എ.സി. മൊയ്തീന് നിര്വഹിക്കും. കെ.എസ്.എഫ്.ഇ ചരിത്ര പുസ്തകം മന്ത്രി സി. രവീന്ദ്രനാഥ് പ്രകാശനം ചെയ്യും. പ്രതിപക്ഷ നേതാവ് രമേശ് ചെന്നിത്തല, ചീഫ് വിപ്പ് കെ. രാജന്, മുന് മുഖ്യമന്ത്രി ഉമ്മന്ചാണ്ടി, ടി.എന്. പ്രതാപന് എംപി, തുടങ്ങിയവര് പങ്കെടുക്കുമെന്ന് കെ.എസ്.എഫ്.ഇ ചെയര്മാന് അഡ്വ. പീലിപ്പോസ് തോമസ് വാര്ത്താസമ്മേളനത്തില് അറിയിച്ചു.
Business
സൗദിയില് ലൂസിഡ് ഇലക്ട്രിക് കാര് അടുത്ത വര്ഷം മുതല്

സൗദിയില് നിര്മ്മാണം പുരോഗമിക്കുന്ന ലൂസിഡ് ഇലക്ട്രിക് കാര് കമ്പനിയില്നിന്നും അടുത്ത വര്ഷം മുതല് കാര് നിര്മ്മാണമാരംഭിക്കുമെന്ന് സൗദി നിക്ഷേപ മന്ത്രി പറഞ്ഞു. ആയിരത്തി ഇരുന്നൂറ്റി മുപ്പത് കോടി റിയാല് മുടക്കിയാണ് കമ്പനി പ്ലാന്റ് സ്ഥാപിക്കുന്നത്. പ്രതിവര്ഷം ഒന്നര ലക്ഷത്തോളം ഇലക്ട്രിക് കാറുകള് നിര്മ്മിക്കാന് ശേഷിയുള്ളതാണ് പ്ലാന്റ്.
റാബിഗിലെ കിംഗ് അബ്ദുല്ല ഇക്ണോമിക് സിറ്റിയില് നിര്മ്മിക്കുന്ന ലൂസിഡ് കാര് പ്ലാന്റിന്റെ നിര്മ്മാണ പ്രവര്ത്തികള് അധികവേഗം പുരോഗമിക്കുകയാണ്. അടുത്ത വര്ഷത്തോടെ പ്ലാന്റ് പ്രവര്ത്തനം ആരംഭിക്കുമെന്ന് സൗദി നിക്ഷേപ മന്ത്രി എഞ്ചിനീയര് ഖാലിദ് അല്ഫാലിഹ് പറഞ്ഞു. 1230 കോടി റിയാല് മുതല് മുടക്കിലാണ് പ്ലാന്റ് സ്ഥാപിക്കുന്നത്. പ്രതിവര്ഷം ഒരു ലകഷത്തി അമ്പത്തി അയ്യായിരം ഇലക്ട്രിക് കാറുകള് ഉല്പാദിപ്പിക്കുന്നതിനുള്ള സൗകര്യങ്ങളാണ് പ്ലാന്റില് സ്ഥാപിക്കുക.
നാലു മോഡലുകളാണ് ഇവിടെ നിര്മ്മിക്കുക. രണ്ടായിരത്തി ഇരുപത്തിയെട്ടോടെ പ്ലാന്റ് പൂര്ണ്ണ സജ്ജമാകും. പത്ത് വര്ഷത്തനുള്ളില് ഒരു ലക്ഷം വരെ ഇലക്ട്രിക് വാഹനങ്ങള് സര്ക്കാര് വകുപ്പുകള്ക്കായി വാങ്ങാന് ലൂസിഫര് കമ്പനിയുമായി സൗദി സര്ക്കാര് ധാരണയിലെത്തിയിരുന്നു. ഇവിടെ ഉല്പാദിപ്പിക്കുന്ന ഇലക്ട്രിക് കാറുകളുടെ തൊണ്ണൂറ്റി അഞ്ച് ശതമാനവും കയറ്റുമതി ലക്ഷ്യമിട്ടാണ് ഉല്പാദിപ്പിക്കുന്നത്. സൗദി നടപ്പിലാക്കി വരുന്ന ഹരിത സൗദി ഹരിത പശ്ചിമേഷ്യ പദ്ധതിയുടെ കൂടി ഭാഗമാണ് ഇലക്ട്രിക് കാര്നിര്മ്മാണ കമ്പനി.
Sources:globalindiannews
Business
എസ്ബിഐ ഉപയോക്താക്കള്ക്ക് മുന്നറിയിപ്പുമായി സര്ക്കാര്; ജാഗ്രത പാലിക്കുക

സ്റ്റേറ്റ് ബാങ്ക് ഓഫ് ഇന്ത്യ ഉപയോക്താക്കള്ക്ക് മുന്നറിയിപ്പുമായി കേന്ദ്രസര്ക്കാര്. പണവും വ്യക്തിഗത വിവരങ്ങളും മോഷ്ടിക്കാൻ തട്ടിപ്പുകാർ ഉപയോഗിക്കുന്ന പുതിയ തട്ടിപ്പിനെക്കുറിച്ച് ഉപയോക്താക്കൾക്ക് മുന്നറിയിപ്പ് നൽകുകയാണ് സര്ക്കാര്. പ്രസ് ഇൻഫർമേഷൻ ബ്യൂറോ (PIB) ആണ് ഈ പുതിയ എസ്എംഎസ് സ്കാം സംബന്ധിച്ച് എസ്ബിഐ ഉപയോക്താക്കൾക്ക് മുന്നറിയിപ്പ് നൽകുന്നത്.
എസ്ബിഐ ഉപയോക്താക്കളോട് തങ്ങളുടെ അക്കൗണ്ട് ബ്ലോക്ക് ചെയ്തതായി അറിയിക്കുന്ന സന്ദേശങ്ങൾ ജാഗ്രത പാലിക്കാൻ പിഐബി ട്വിറ്റര് പോസ്റ്റിലൂടെ ആവശ്യപ്പെടുന്നു. തട്ടിപ്പുകാർ ഇത്തരം അലേർട്ടുകൾ എസ്എംഎസുകളിലൂടെ അയക്കുന്നതാണ് ഈ തട്ടിപ്പില് ആദ്യം ചെയ്യുന്നത്. ഇത്തരം സന്ദേശങ്ങളോടും കോളുകളോടും പ്രതികരിക്കരുതെന്ന് എസ്ബിഐ ഉപയോക്താക്കൾക്ക് മുന്നറിയിപ്പ് നൽകുന്നു. സന്ദേശത്തോടൊപ്പം വരുന്ന ലിങ്കുകളിൽ ക്ലിക്ക് ചെയ്യരുതെന്നും ഈ ഉപയോക്താക്കളോട് അഭ്യർത്ഥിക്കുന്നു.
പിഐബി ഔദ്യോഗിക ട്വിറ്റർ ഹാൻഡിൽ ഉപയോക്താക്കൾക്ക് മുന്നറിയിപ്പ് നൽകി.”നിങ്ങളുടെ @TheOfficialSBI അക്കൗണ്ട് ബ്ലോക്ക് ചെയ്തതായി പ്രചരിക്കുന്ന ഒരു സന്ദേശം #FAKE ആണ്.”. സന്ദേശത്തിന്റെ സ്ക്രീന് ഷോട്ടും പിഐബി ഷെയര് ചെയ്തിട്ടുണ്ട്.
നിങ്ങൾ സന്ദേശം സൂക്ഷ്മമായി നോക്കുകയാണെങ്കിൽ, അത് എസ്ബിഐയിൽ നിന്ന് അയച്ചതായി തോന്നില്ല. ഇതിൽ വ്യാകരണ പിശകുകൾ, ഫോർമാറ്റ് പ്രശ്നങ്ങൾ, ചിഹ്നന പ്രശ്നങ്ങൾ എന്നിവ ഉൾപ്പെടുന്നു, കൂടാതെ ലിങ്ക് പോലും എസ്ബിഐ ഔദ്യോഗിക വെബ്സൈറ്റിൽ ഇല്ല. ബാങ്ക് എല്ലായ്പ്പോഴും ഒരു ഔദ്യോഗിക ബാങ്ക് കോൺടാക്റ്റിൽ നിന്ന് എസ്എംഎസ് അയയ്ക്കുക എന്നും അറിഞ്ഞിരിക്കുക.
വ്യാജ സന്ദേശങ്ങളും മാല്വെയര് ലിങ്കുകളും ഉപയോഗിച്ച് തട്ടിപ്പുകാർ എസ്ബിഐ ഉപയോക്താക്കളെ ലക്ഷ്യമിടുന്നത് ഇതാദ്യമല്ല. മുമ്പ്, തട്ടിപ്പുകാർ എസ്ബിഐ ഉപയോക്താക്കളോട് അവരുടെ ബാങ്കിംഗും വ്യക്തിഗത വിശദാംശങ്ങളും നൽകണമെന്ന് ആവശ്യപ്പെട്ട് അയച്ച ലിങ്കിൽ ക്ലിക്കുചെയ്ത് അവരുടെ കെവൈസി പൂർത്തിയാക്കാൻ ആവശ്യപ്പെട്ടിരുന്നു. ബാങ്ക് അക്കൗണ്ട് കാലിയാക്കുക എന്നതായിരുന്നു അന്നത്തെ ആശയം, ഇത്തവണയും അത് തന്നെയാണ് ലക്ഷ്യം.
Sources:globalindiannews
Business
എടിഎമ്മുകളിൽ കാർഡില്ലാതെ പണം പിൻവലിക്കാനുള്ള സൗകര്യം ലഭ്യമാക്കാൻ റിസർവ് ബാങ്കിന്റെ നിർദേശം

ന്യൂഡൽഹി : എടിഎമ്മുകളിൽ കാർഡില്ലാതെ പണം പിൻവലിക്കാനുള്ള സൗകര്യം ലഭ്യമാക്കാൻ ബാങ്കുകൾക്ക് റിസർവ് ബാങ്കിന്റെ നിർദേശം. എടിഎമ്മിൽനിന്ന് യുപിഐ വഴിയും പണം പിൻവലിക്കാനുള്ള സൗകര്യമാണു വരുന്നത്. എടിഎമ്മിലെ നിലവിലുള്ള പിൻവലിക്കൽ നിയന്ത്രണങ്ങളെല്ലാം തന്നെ യുപിഐ വഴിയുള്ള പിൻവലിക്കലിനും ബാധകമായിരിക്കുമെന്ന് ആർബിഐ ചൂണ്ടിക്കാട്ടി. നിലവിൽ ചില ബാങ്കുകൾക്ക് മാത്രമേ കാർഡില്ലാതെ പണം പിൻവലിക്കാൻ സൗകര്യമുള്ളൂ. ഇവ യുപിഐ അധിഷ്ഠിതമല്ല.
എടിഎം സ്ക്രീനിൽ തെളിയുന്ന ക്യുആർ കോഡ് യുപിഐ ആപ് ഉപയോഗിച്ച് സ്കാൻ ചെയ്ത് പണം പിൻവലിക്കുന്ന തരത്തിലായിരിക്കും കാർഡ് രഹിത ഇടപാട്. എടിഎം കാർഡ് തട്ടിപ്പുകൾ തടയാമെന്നതാണ് ഇതിന്റെ മെച്ചം. കാർഡ് ഉപയോഗവും തുടരും.
Sources:globalindiannews
-
Media11 months ago
ഐപിസി കേരളാ സ്റ്റേറ്റ് പ്രയര് & റിവൈവല് ബോര്ഡ് 18-ാമത് പ്രാര്ത്ഥനാ സംഗമം
-
Media6 months ago
ഛത്തീസ്ഗഡ്ഡിൽ ക്രിസ്തീയ വീടുകൾ കയറിയിറങ്ങി ക്രൂര ആക്രമണങ്ങൾ; 3 പേർ ഗുരുതരാവസ്ഥയോടെ ആശുപത്രിയിൽ, 9 പേർക്ക് പരിക്ക്
-
Media7 months ago
ഐ.പി.സി. കേരളാ സ്റ്റേറ്റ് പ്രയർ& റിവൈവൽ ബോർഡ് 24 മത് പ്രാർത്ഥന സംഗമം ഒക്ടോബർ 31 – ന്
-
Media10 months ago
ഐപിസി കേരളാ സ്റ്റേറ്റ് പ്രയര് & റിവൈവല് ബോര്ഡ് 19-ാമത് പ്രാര്ത്ഥനാ സംഗമം
-
us news10 months ago
Chinese Officials Raid a Christian Funeral, Remove Christian Symbols
-
us news11 months ago
114-year-old Catholic church burns down in Canada: 6 churches on fire in one week
-
us news12 months ago
Pastor TB Joshua in Eternity
-
us news12 months ago
A dozen people killed in mass shootings across the US this weekend