Life
ഇന്ന് ജൂണ് 5 ലോക പരിസ്ഥിതി ദിനം
ഇന്ന് ലോക പരിസ്ഥിതി ദിനം. ജൈവവൈവിധ്യം ആഘോഷമാക്കുക എന്നാണ് ഇത്തവണത്തെ പരിസ്ഥിതിദിന മുദ്രാവാക്യം.
എല്ലാ വര്ഷവും ജൂണ് 5 ആണ് ലോക പരിസ്ഥിതി ദിനമായി ആചരിക്കുന്നത്. പരിസ്ഥിതി പ്രശ്നങ്ങളെ കുറിച്ചുള്ള അവബോധം വരുത്താനും കര്മ്മ പരിപാടികള് ആസൂത്രണം ചെയ്യാനുമാണ് പരിസ്ഥിതി ദിനം ആചരിക്കുന്നത്. ഐക്യരാഷ്ട്രസഭ ജനറല് അസംബ്ലിയാണ് 1972 മുതല് ഈ ദിനാചരണം ആരംഭിച്ചത്.
വായു മലിനീകരണത്തിനെ ചെറുക്കുക എന്നതാണ് ഈ വര്ഷത്തെ പരിസ്ഥിതി ദിന മുദ്രാവാക്യം. ഇന്ന് ലോകം നേരിടുന്ന് ഏറ്റവും വലിയ വെല്ലുവിളി വായുമലിനീകരണമാണ്. വായുമലിനീകരണം ഭൂമിയുടേയും മനുഷ്യന്റേയും നിലനില്പിന് തന്നെ ഭീഷണിയാണ്. ലോകത്ത് പ്രതിവര്ഷം 70 ലക്ഷം പേരാണ് വായുമലിനീകരണം മൂലം മരണപ്പെടുന്നതെന്നാണ് ലോകാരോഗ്യസംഘടനയുടെ കണക്കുകള്.
ഗാര്ഹിക മലിനീകരണവും നഗരത്തിലെ മോശമായ അന്തരീക്ഷസ്ഥിതിയും വായുമലിനീകരണത്തിന്റെ തോത് വര്ധിപ്പിക്കുന്നു.
ഇന്ത്യയും ചൈനയുമാണ് ഏറ്റവും കൂടുതല് അന്തരീക്ഷമലിനീകരണം നേരിടുന്ന രാഷ്ട്രങ്ങള്. 2014 ല് ലോകത്തെ ഏറ്റവും മലിനീകരിക്കപ്പെട്ട നഗരമായി ലോകാരോഗ്യസംഘടന കണ്ടെത്തിയത് ഡല്ഹിയെ ആയിരുന്നു. നിത്യേന 80 ഓളം ആളുകളാണ് ഡല്ഹിയില് ശ്വാസകോശ സംബദ്ധമായ അസുഖങ്ങള് മൂലം മാത്രം മരണപ്പെടുന്നത്.പുകയില ഉപയോഗത്തിലൂടെ ഉണ്ടാകുന്ന രോഗങ്ങളേക്കാള് കൂടുതലാണ് വായു മലിനീകരണത്തിലൂടെ ഉണ്ടാകുന്നത്.
ലോകത്ത് ഏറ്റവും കൂടുതല് വായുമലിനീകരണമുള്ള 15 നഗരങ്ങളില് 14 ഉം ഇന്ത്യയിലാണ്. രാജ്യത്തെ മൊത്തം മലിനീകരണത്തിന്റെ 65 ശതമാനവും ഉണ്ടാകുന്നത് വാഹനങ്ങളില് നിന്നാണ്. ഡല്ഹി പോലുള്ള നഗരങ്ങളില് വായു മലിനീകരണം മനുഷ്യജീവിതത്തെ തന്നെ ദുസ്സഹമായി ബാധിക്കുന്ന തരത്തില് ദോഷകരമായി മാറി കഴിഞ്ഞു.
ദിവസേന അന്തരീക്ഷത്തിലെത്തിച്ചേരുന്ന കാര്ബണ് ഡൈഓക്സൈഡ്, മീഥേന്, നൈട്രസ് ഓക്സൈഡ്, ക്ലോറോ ഫ്ലൂറോ കാര്ബണുകള് എന്നീ വാതകങ്ങളുടെ അളവ് വര്ധിച്ചുക്കൊണ്ടിരിക്കുകയാണ്. ഇവ ഓസോണ് പാളികളുടെ തകര്ച്ചയ്ക്കു കാരണമാകുകയും അതുവഴി ആഗോളതാപനം ഉണ്ടാകുകയും ചെയ്യുന്നു.
വ്യവസായ ശാലകളില് നിന്നും വാഹനങ്ങളില് നിന്നും പുറപ്പെടുവിക്കുന്ന മാരക വിഷാംശമുള്ള വാതകങ്ങള് അന്തരീക്ഷത്തിന്റെ രാസഘടനയെ തകിടംമറിക്കുന്നു. അന്തരീക്ഷ താപനില വര്ധിക്കുന്നതും ഓക്സിജന്റെ അളവ് കുറയുന്നതും വലിയ പാരിസ്ഥിതിക പ്രശ്നങ്ങള്ക്കാണ് വഴി വെയ്ക്കുന്നത്.
അന്തരീക്ഷ മലിനീകരണം ഇല്ലാതാക്കാന് സാധിക്കുകയില്ല. എന്നാല് മരങ്ങളും കാടുകളും സംരക്ഷിക്കുന്നത് വഴിയും, വനപ്രദേശങ്ങള് വിസ്തൃതമാക്കുന്നത് വഴിയും ആഗോള പാരിസ്ഥിതിക സന്തുലനവും കാലാവസ്ഥാ സുസ്ഥിരതയും ഉറപ്പാക്കാന് കഴിയും. വൃക്ഷങ്ങള് വെച്ച് പിടിപ്പിച്ച് വനപ്രദേശങ്ങള് വിസ്തൃതമാക്കാന് ശ്രമിക്കുക എന്നതാണ് ഇത്തവണത്തെ പരിസ്ഥിതി ദിനാചരണത്തിന്റെ ലക്ഷ്യം.
ഈ ഭൂമിയിലെ സര്വചരാചരങ്ങള്ക്കും വേണ്ടി സൃഷ്ടിച്ച ഭൂമിയെ സംരക്ഷിക്കാന് നാമോരോരുത്തര്ക്കും ഉത്തരവാദിത്തം ഉണ്ടെന്ന് ഓര്ക്കുക.
ബീജിങ്: സമുദ്രനിരപ്പില് നിന്ന് 5.5 മൈല് (8.85 കി.മീ) ഉയരമുള്ള ലോകത്തിലെ ഏറ്റവും പൊക്കമുള്ള കൊടുമുടിയായ എവറസ്റ്റിന്റെ വളര്ച്ച പ്രതീക്ഷിച്ചതിനേക്കാള് വേഗത്തിലാണെന്ന് ശാസ്ത്രലോകം. എവറസ്റ്റ് പ്രതീക്ഷിച്ചതിലും വേഗത്തില് വളരുകയാണെന്നും അതിനുള്ള കാരണം കണ്ടെത്തിയെന്നും ചൈനീസ് ശാസ്ത്രജ്ഞര് പറയുന്നു. സമീപത്തുള്ള രണ്ട് നദീതടങ്ങളുടെ സംഗമവുമായി ബന്ധപ്പെട്ടാണ് എവറസ്റ്റിന്റെ വളര്ച്ചയുടെ വേഗമെന്ന് ശാസ്ത്രജ്ഞര് വ്യക്തമാക്കി.
89,000 വര്ഷങ്ങള്ക്ക് മുമ്പ് കോസി നദി അരുണ് നദിയുമായി ലയിച്ചതോടെ എവറസ്റ്റിന് ഏകദേശം 49-164 അടി (1,550 മീറ്റര്) ഉയരം ലഭിച്ചുവെന്ന് ഗവേഷകര് അനുമാനിക്കുന്നു. നദികള് കാലക്രമേണ ഗതി മാറിയതിനാല് കോസി അരുണിനെ കീഴടക്കുകയും ത്വരിതഗതിയിലുള്ള മണ്ണൊലിപ്പിന് കാരണമാകുകയും ചെയ്തു.
ഓരോ വര്ഷവും ഏകദേശം 0.01-0.02 ഇഞ്ച് (0.20.5 മില്ലിമീറ്റര്) എന്ന തോതില് എവറസ്റ്റ് വളരുകയാണ്. ഈ ഭൂമിശാസ്ത്രപരമായ പ്രക്രിയയെ ഐസോസ്റ്റാറ്റിക് റീബൗണ്ട് എന്നാണ് ശാസ്ത്രലോകം വിശേഷിപ്പിക്കുന്നത്. ഈ പ്രക്രിയ എവറസ്റ്റിനടുത്തുള്ള പ്രദേശത്തെ ഭാരം കുറയാന് കാരണമായെന്നാണ് ബീജിംഗിലെ ചൈന യൂണിവേഴ്സിറ്റി ഓഫ് ജിയോസയന്സസിലെ ജിയോ സയന്റിസ്റ്റ് ജിന്-ജെന് ഡായ് പറയുന്നത്. ഭൗമോപരിതലത്തില് നിന്ന് ഐസോ അല്ലെങ്കില് ഉരുകിയ പാറകള്പോലുള്ള കനത്ത ഭാരം നീക്കം ചെയ്യുമ്പോള് അതിനടിയിലുള്ള ഭൂമി പതുക്കെ ഉയരുമെന്നും ഡായ് കൂട്ടിച്ചേര്ത്തു.
എവറസ്റ്റിന്റെ വാര്ഷിക ഉയര്ച്ച നിരക്കിന്റെ ഏകദേശം 10% ഐസോസ്റ്റാറ്റിക് റീബൗണ്ട് ആണെന്ന് കണക്കാക്കുന്നു. മണ്ണൊലിപ്പ് തുടരുന്നതിനാല്, ഐസോസ്റ്റാറ്റിക് റീബൗണ്ട് കാരണമുള്ള എവറസ്റ്റിന്റെ ഉയര്ച്ച നിരക്ക് ഇനിയും വര്ധിച്ചേക്കാം. ഇന്ത്യന് ഉപഭൂഖണ്ഡം ഏകദേശം 50 ദശലക്ഷം വര്ഷങ്ങള്ക്ക് മുമ്പ് യുറേഷ്യയുമായി കൂട്ടിയിടിച്ചപ്പോഴാണ് എവറസ്റ്റ് ഉള്പ്പെടുന്ന ഹിമാലയന് പര്വതനിരകള് ജന്മമെടുത്തത്.
Sources:Metro Journal
ന്യൂയോര്ക്ക്: ഭൂമിയെ ലക്ഷ്യമിട്ട് സൗരക്കാറ്റ് എത്തുന്നുവെന്ന് നാസ. ഇലക്ട്രോണിക് ആശയവിനിമ സംവിധാനങ്ങളെ പ്രതികൂലമായി ബാധിക്കുമെന്നും അമേരിക്കന് ശാസ്ത്രജ്ഞര്. ഇന്ത്യയിലും സോളാര് കൊടുങ്കാറ്റ് ബാധിക്കുമെന്നാണ് ശാസ്ത്രലോകം പറയുന്നത്.
വരാനിരിക്കുന്ന സോളാര് കൊടുങ്കാറ്റ് ടെലികമ്മ്യൂണിക്കേഷനെയും ഉപഗ്രഹങ്ങളെയും തടസ്സപ്പെടുത്തിയേക്കാമെന്ന് ഇന്ത്യന് ഇന്സ്റ്റിറ്റ്യൂട്ട് ഓഫ് ആസ്ട്രോഫിസിക്സിലെ ഡയറക്ടര് ഡോ.അന്നപൂര്ണി സുബ്രഹ്മണ്യന് പറഞ്ഞു. ശാസ്ത്രജ്ഞര് ഇത് നിരീക്ഷിച്ച് വരികയാണെന്നും ആവശ്യമായ മുന്കരുതലുകള് സ്വീകരിക്കാന് ഉപഗ്രഹ ഓപ്പറേറ്റര്മാരോട് നിര്ദേശിച്ചിട്ടുണ്ടെന്നും ഇസ്രോയിലെ വിദഗ്ധര് അറിയിച്ചു.
വരുന്ന കുറച്ച് ദിവസങ്ങള് ഭൂമിക്ക് നിര്ണായകമാണ്. സൗരക്കാറ്റ് ഭൂമിയില് പതിക്കാന് കുറച്ച് ദിവസങ്ങള് എടുക്കും. കാന്തികമണ്ഡലത്തില് എന്തെങ്കിലും തരത്തിലുള്ള ഇടപെടല് ഉണ്ടാകാനുള്ള സാധ്യതയുണ്ടെന്ന് ഡോ.അന്നപൂര്ണി പറഞ്ഞു. സൂര്യനില് നിന്ന് സൗരയൂഥത്തിലേക്ക് കണങ്ങളും കാന്തികക്ഷേത്രങ്ങളും മറ്റ് വസ്തുക്കളും പൊട്ടിത്തെറിച്ചുണ്ടാകുന്ന സ്ഫോടനത്തെയാണ് സൗരക്കാറ്റ് എന്ന് വിളിക്കുന്നത്.
സൗരക്കാറ്റ് ഭൂമിയെ ലക്ഷ്യമിട്ടെത്തുമ്പോള് ഭൂമിയുടെ കാന്തികമണ്ഡലത്തില് ജിയോമാഗ്നെറ്റിക് കൊടുങ്കാറ്റ് എന്ന പ്രതിഭാസം സൃഷ്ടിക്കുന്നു. ഇത് വൈദ്യുതിബന്ധം നിലയ്ക്കാനും ആശയവിനിമയ സംവിധാനങ്ങളെ തകരാറിലാക്കാനും കാരണമാകും. അറോറകളും ദൃശ്യമാകും. ഭൂമിയുടെ കാന്തിക മണ്ഡലവും അന്തരീക്ഷവും സൗരക്കാറ്റില് നിന്ന് സംരക്ഷണം നല്കുന്നതിനാല് തന്നെ ഇവ ഭൂമിയിലെ ജീവജാലങ്ങളെ നേരിട്ട് ബാധിക്കില്ലെന്നതും ശ്രദ്ധയേമാണ്.
ഇക്കഴിഞ്ഞ മെയ് മാസത്തില് ഭൂമിയില് പതിച്ച സൗരക്കാറ്റിന്റെ ഫലമായി വടക്കന് അര്ദ്ധഗോളത്തില് ഉടനീളം അറോറ ഡിസ്പ്ലേകള് സൃഷ്ടിച്ചിരുന്നു. സൗരകണങ്ങള് ഭൂമിയുടെ അന്തരീക്ഷവുമായി ഇടപഴകുമ്പോള് ഉണ്ടാകുന്ന പ്രകാശത്തെയാണ് അറോറ ഡിസ്പ്ലേ എന്നുവിളിക്കുന്നത്.
Sources:azchavattomonline.com
ചന്ദ്രന് കൂട്ടായി ഛിന്നഗ്രഹം ‘മിനി മൂണ്’ എത്തുന്നു. താത്കാലികമായി എത്തുന്ന മിനി മൂണ് സെപ്റ്റംബര് 29 മുതല് നവംബര് 25 വരെ രണ്ട് മാസത്തേക്ക് ഭൂമിയെ വലം വെയ്ക്കും. 2024 പിറ്റി 5 എന്ന് വിളിക്കപ്പെടുന്ന ഛിന്നഗ്രഹത്തിന് 33 അടിയോളം നീളമുണ്ട്.
നാസയുടെ ധനസഹായത്തോടെയുള്ള ഛിന്നഗ്രഹ നിരീക്ഷണ സംവിധാനമായ ആസ്റ്ററോയ്ഡ് ടെറസ്ട്രിയല്-ഇംപാക്റ്റ് ലാസ്റ്റ് അലര്ട്ട് സിസ്റ്റത്തിലെ ഗവേഷകര്, ദക്ഷിണാഫ്രിക്കയിലെ സതര്ലാന്ഡില് സ്ഥാപിച്ച നിരീക്ഷണ സംവിധാനങ്ങള് ഉപയോഗിച്ചാണ് ഛിന്നഗ്രഹത്തെ കണ്ടെത്തിയത്. ഇതിനെ 2024 PT5 എന്നാണ് പേരിട്ടിരിക്കുന്നത്.
ഓരോ വര്ഷവും ചെറുതും വലുതുമായ ഒട്ടേറെ ഛിന്നഗ്രഹങ്ങള് ഭൂമിയുടെ ഭ്രമണപഥത്തിന് സമീപത്തുകൂടി കടന്നു പോകാറുണ്ട്. പക്ഷേ 2024 പിറ്റി5 ഭൂമിയുടെ ഗുരുത്വാകര്ഷണ ബലത്താല് ആകര്ഷിക്കപ്പെടുമെന്നതാണ് പ്രത്യേകത.
ഭൂമിയുടെ ഗുരുത്വാകര്ഷണത്തില് നിന്ന് രക്ഷപ്പെടാന് കഴിയാത്ത ഛിന്നഗ്രഹത്തെ ‘മിനി മൂണ്’ എന്ന് വിളിക്കുന്നു. അതേസമയം ഛിന്നഗ്രഹം 2024 PT5 സാങ്കേതികമായി ഒരു ചെറിയ ചന്ദ്രനല്ലെന്നും, കാരണം അത് ഭൂമിയെ ചുറ്റിപ്പറ്റിയുള്ള ഒരു പൂര്ണ്ണ ഭ്രമണം പൂര്ത്തിയാക്കുന്നില്ലെന്നും ഗവേഷകര് അഭിപ്രായപ്പെടുന്നു.
എന്തായാലും ഭൂമിയുടെ ഗുരുത്വാകര്ഷണ ബലത്താല് ആകര്ഷിക്കപ്പെടുന്ന ഒരു ഛിന്നഗ്രഹം കാണുന്നത് വളരെ അപൂര്വമാണ്. മിക്ക സംഭവങ്ങളിലും ഛിന്നഗ്രഹങ്ങള് ഭൂമിയെ കടന്നുപോകുകയോ അല്ലെങ്കില് അന്തരീക്ഷത്തില് പ്രവേശിക്കുമ്പോള് കത്തുകയോ ചെയ്യുന്നതാണ് പതിവ്.
Sources:azchavattomonline.com
ക്രിസ്തീയ വിശ്വാസം ജീവനുള്ള ബന്ധമാണ്; വെറുമൊരു മതപരമായ അറിവല്ല: ഡോ. വിനു ജോൺ ഡാനിയേൽ
ഡാളസ്: ലോകസുഖങ്ങൾക്കും ഭൗതികനേട്ടങ്ങൾക്കുമപ്പുറം ക്രിസ്തുവിന്റെ സ്നേഹവും കൃപയും അനുഭവിച്ച് ജീവിക്കാൻ വിശ്വാസികളെ ആഹ്വാനം ചെയ്ത് പ്രശസ്ത ഭിഷ്വഗരനും വചന പണ്ഡിതനും പ്രാഭാഷകനുമായ ഡോ. വിനു ജോൺ ഡാനിയേൽ....
നൈജീരിയയിൽ തട്ടിക്കൊണ്ടുപോയ കുട്ടികൾക്കായി സമരം ചെയ്ത് മാതാപിതാക്കൾ
നൈജീരിയ: നൈജീരിയയിലെ ബോർണോ (Borno) സംസ്ഥാനത്ത് നിന്ന് തീവ്രവാദികൾ തട്ടിക്കൊണ്ടുപോയ കുട്ടികളെ മോചിപ്പിക്കാൻ നടപടി സ്വീകരിക്കണമെന്നാവശ്യപ്പെട്ട് മാതാപിതാക്കൾ തെരുവിലിറങ്ങി പ്രതിഷേധിച്ചു. കുട്ടികളെ തട്ടിക്കൊണ്ടുപോയിട്ട് നൂറ് ദിവസമായിട്ടും വിട്ടയ്ക്കുകയോ...
ഐ.പി.സി. നേര്യമംഗലം സെന്റർ യുവജന ക്യാമ്പ് പെരുമ്പാവൂർ കീഴില്ലത്ത് വച്ച് ഞാറാഴ്ച 6 pm ന് ഉദ്ഘാടനം നടത്തപ്പെടുന്നു
IPC നേര്യമംഗലം സെന്റർ PYPA യുടെ ആഭിമുഖ്യത്തിൽ ഞാറാഴ്ച 6 pm ന് കീഴില്ലം ഇവാഞ്ചലിക്കൽ റീ ട്രീറ്റ് സെന്ററിൽ വച്ച് സെന്റർ ക്യാമ്പ് സെന്റർ പാസ്റ്റർ:...
72-ാമത് നെഹ്റു ട്രോഫി ജലമേളയിൽ അരോമ ചുണ്ടൻ ജേതാക്കളായി.
ആരോമലായി അരോമ, പുന്നമടയിൽ പുതിയ താരോദയം! കന്നിയങ്കത്തിൽ ഫോട്ടോ ഫിനിഷിൽ നെഹ്റു ട്രോഫിയിൽ മുത്തമിട്ടു. 72-ാമത് നെഹ്റു ട്രോഫി ജലമേളയിൽ അരോമ ചുണ്ടൻ ജേതാക്കളായി. പുന്നമടക്കായലിൽ നടന്ന...
ഹൂസ്റ്റണില് എച്ച്.പി.എഫ് ഹിന്ദി കണ്വന്ഷനും സംഗീത സായാഹ്നവും ഓഗസ്റ്റ് 28, 29 തീയതികളില്
ഹൂസ്റ്റണ് : ഹൂസ്റ്റണ് പെന്തെക്കോസ്തു ഫെലോഷിപ്പിന്റെ (എച്ച്.പി.എഫ്) നേതൃത്വത്തില് ഹിന്ദി കണ്വന്ഷനും സംഗീത സായാഹ്നവും ഓഗസ്റ്റ് 28, 29 തീയതികളില് നടക്കും. വൈകിട്ട് 6.30ന് ക്രിസ്ത്യന് അസംബ്ലി...
Keith Getty says Christians must ‘sing the Bible’ in the age of AI ahead of Sing! Conference
Ten years after Keith and Kristyn Getty launched what was intended to be a one-time event celebrating a book about...
-
us news11 months agoSan Diego pastor fatally shot in his home; congregation left in disbelief
-
Movie12 months ago‘Light of the World’: Animated Movie About Jesus Hits Theaters Sept. 5
-
us news11 months agoErika Kirk vows to carry on Charlie’s mission: ‘The movement my husband built will not die’
-
Movie11 months agoForrest Frank Posts Blunt Response After Losing 30,000 Followers Over Charlie Kirk Post
-
us news12 months agoChristian Comedian John Crist Gets Engaged in Nashville: ‘God’s Redemptive Plan’
-
us news12 months ago‘He Sat on Jesus’s Lap’: The Time God Miraculously Raised Courtney Smallbone’s Son from the Dead
-
world news11 months ago6 Christians Killed in Latest Fulani Militia Attack in Nigeria
-
Travel12 months agoപാസ്പോർട്ടോ മറ്റ് തിരിച്ചറിയൽ രേഖകളോ കാണിക്കാതെ വിമാനയാത്ര സാധ്യമാക്കുന്ന സ്മാർട്ട് കൊറിഡോർ സംവിധാനം ദുബൈയിൽ വിപുലമാക്കുന്നു