breaking news
വിദേശഫണ്ടിൽ നടപടി കടുപ്പിച്ച് കേന്ദ്രം: ഒറ്റരാത്രിക്കൊണ്ട് ലൈസൻസ് നഷ്ടമായി 6003 സംഘടനകൾ

ന്യൂഡൽഹി: രാജ്യത്തെ ആറായിരത്തോളം സന്നദ്ധത സംഘടനകൾക്ക് വിദേശഫണ്ട് സ്വീകരിക്കാനുള്ള ലൈസൻസായ ഫോറിൻ കോൺട്രിബ്യൂഷൻ റെഗുലേഷൻ ആക്ട് (എഫ്സിആർഎ) നഷ്ടമായി. 6003 സന്നദ്ധത സംഘടനകൾക്കാണ് ലൈസൻസ് നഷ്ടമായതെന്ന് ദേശീയ മാധ്യമങ്ങൾ റിപ്പോർട്ട് ചെയ്തു. ശനിയാഴ്ച രാത്രിയാണ് കേന്ദ്രത്തിൻ്റെ നടപടിയുണ്ടായത്.
ലൈസൻസ് പുതുക്കാനുള്ള അപേക്ഷ നൽകാത്തത് മൂലവും ലഭിച്ച അപേക്ഷകളിൽ പലതും കേന്ദ്ര ആഭ്യന്തര മന്ത്രാലയം നിരസിച്ചതുമാണ് ഇത്രയും സംഘടനകളുടെ ലൈസൻസ് നഷ്ടമാകാൻ കാരണമായതെന്നാണ് റിപ്പോർട്ട്. എൻജിഒകളിൽ ഭൂരിപക്ഷവും എഫ്സിആർഎ ലൈസൻസ് പുതുക്കാനുള്ള അപേക്ഷ നൽകിയിട്ടില്ലെന്ന് മന്ത്രാലയം വ്യക്തമാക്കുന്നുണ്ട്. ലൈസൻസ് കാലാവധി കഴിഞ്ഞ വിവരം പല സംഘടനകളെയും അറിയിച്ചെങ്കിലും വീണ്ടും അപേക്ഷ നൽകാതിരുന്നതും ലൈസൻസ് നഷ്ടമാകാൻ കാരണമായി.
തൃപ്തികരമായ രേഖകൾ സമർപ്പിക്കാത്ത സംഘടനകൾക്കും തിരിച്ചടിയായി. 2020 സെപ്റ്റംബർ 29നും ഡിസംബർ 31നുമിടയിൽ എഫ്ആർസിഎ കാലാവധി അവസാനിച്ച 18,778 എൻജിഒകളിൽ 12,989 എൻജിഒകളിൽ മാത്രമാണ് ലൈസൻസ് പുതുക്കാനുള്ള അപേക്ഷ നൽകിയത്. വെള്ളിയാഴ്ചയോടെ 5,789 സ്ഥാപനങ്ങളുടെ കാലാവധി അവസാനിക്കുകയും ചെയ്തു.
ഓക്സ്ഫാം ഇന്ത്യ, ഓക്സ്ഫാം ഇന്ത്യ ട്രസ്റ്റ്, ജാമിയ മിലിയ ഇസ്ലാമി, ഇന്ത്യൻ മെഡിക്കൽ അസോസിയേഷൻ, ലെപ്റസി മിഷൻ, ട്യൂബർകുലോസിസ് അസോസിയേഷൻ ഓഫ് ഇന്ത്യ, ഇന്ദിരാഗാന്ധി നാഷണൽ സെൻ്റർ ആർട്സ്, ഇന്ത്യ ഇസ്ലാമിക് കൾച്ചറൽ സെൻ്റർ തുടങ്ങിയ സംഘടനകളാണ് ലൈസൻസ് നഷ്ടമായവരിലെ പ്രധാന എൻജിഒകൾ.
ലൈസൻസ് നഷ്ടമായ സംഘടനകൾക്ക് ഇന്ന് മുതൽ വിദേശ സഹായം സ്വീകരിക്കാൻ കഴിയില്ല. വിദേശ ഫണ്ട് സ്വീകരിച്ച് 22832 സ്ഥാപനങ്ങളാണ് രാജ്യത്ത് പ്രവർത്തിച്ചിരുന്നത്. കേന്ദ്രത്തിൻ്റെ നടപടിക്ക് പിന്നാലെ ഇവയുടെ എണ്ണം 16,829 ആയി കുറഞ്ഞു. ഒറ്റയടിക്ക് 6003 സംഘടനകളാണ് കേന്ദ്രത്തിൻ്റെ പട്ടികയിൽ നിന്നും പുറത്തായത്. മദർ തെരേസ മിഷണറീസ് ഓഫ് ചാരിറ്റിയുടെ എഫ്സിആർഎ ലൈസൻസ് പുതുക്കാനുള്ള അനുമതി നിഷേധിച്ചതിന് പിന്നാലെയാണ് കേന്ദ്രത്തിൻ്റെ പുതിയ നടപടിയുണ്ടായത്.
മദർ തെരേസ സ്ഥാപിച്ച മിഷണറീസ് ഓഫ് ചാരിറ്റിയുടെ അക്കൗണ്ടുകൾ കേന്ദ്ര സർക്കാർ മരവിപ്പിച്ച വിവരം പശ്ചിമ ബംഗാൾ മുഖ്യമന്ത്രി മമത ബാനർജിയാണ് പുറത്തുവിട്ടത്. “ക്രിസ്മസ് ദിനത്തിൽ കേന്ദ്ര സർക്കാർ നടപടി ഞെട്ടിച്ചു. 22,000 ത്തോളം വരുന്ന രോഗികളും ജീവനക്കാരും ഈയൊരു നടപടിയിൽ കഷ്ടത്തിലായി. ഇവർക്ക് മരുന്നും ഭക്ഷണവും ലഭിക്കാത്ത അവസ്ഥയായി. മദർ തെരേസ സ്ഥാപിച്ച മിഷണറീസ് ഓഫ് ചാരിറ്റിയുടെ ഇന്ത്യയിലെ എല്ലാ ബാങ്ക് അക്കൗണ്ടുകളും കേന്ദ്രം മരവിപ്പിച്ചു” – എന്നും ട്വിറ്ററിലൂടെ അവർ വ്യക്തമാക്കിയിരുന്നു. മതപരിവർത്തനം ആരോപിച്ച് മിഷണറീസ് ഓഫ് ചാരിറ്റിയുടെ ഗുജറാത്ത് ഘടകത്തിനെതിരെ കേസെടുത്തതിന് പിന്നാലെയാണ് നടപടി.
Sources:globalindiannews
breaking news
ചുഴലിക്കാറ്റ്; തീരത്തടിഞ്ഞ് സ്വർണ്ണ നിറമുള്ള തേര്

ചുഴലിക്കാറ്റിൽ ആന്ധ്രാ തീരത്തടിഞ്ഞ് സ്വർണ്ണ നിറത്തിലുള്ള രഥം. മ്യാൻമർ, മലേഷ്യ, തായ്ലൻഡ് എന്നിവിടങ്ങളിൽ നിന്നാവാൻ സാധ്യതയുള്ള സ്വർണ്ണ നിറത്തിലുള്ള രഥം ആന്ധ്രാപ്രദേശിലെ ശ്രീകാകുളം ജില്ലയിലെ സുന്നപ്പള്ളി തീരത്താണ് ചൊവ്വാഴ്ച വൈകുന്നേരം കണ്ടെത്തിയത്. രഥം ഗ്രാമവാസികൾ കെട്ടി കരയ്ക്കെത്തിച്ചിട്ടുണ്ട്.
തെക്കുകിഴക്കൻ ഏഷ്യൻ രാജ്യങ്ങളിൽ നിന്നുള്ള ഒരു ആശ്രമത്തിന്റെ രൂപവുമായി രഥത്തിന് സാമ്യമുണ്ട്. അസനി ചുഴലിക്കാറ്റിന്റെ ആഘാതത്തിൽ രഥം ആന്ധ്രാപ്രദേശത്തെ തീരത്തേക്ക് നീങ്ങിയതായി സംശയിക്കുന്നു. ചുഴലിക്കാറ്റിന്റെ ആഘാതത്തിൽ ഉയർന്ന വേലിയേറ്റം കാരണം രഥം തീരത്തേക്ക് ഒലിച്ചുപോയതാകാമെന്ന് പ്രാദേശിക നാവികർ പറഞ്ഞു. അയൽ ഗ്രാമങ്ങളിൽ നിന്ന് നിരവധി ആളുകൾ സ്വർണ്ണ രഥം കാണാൻ കരയിലേക്ക് ഒഴുകിയെത്തി.
തെക്കൻ ആൻഡമാൻ കടലിന് മുകളിൽ ആദ്യമായി ന്യൂനമർദം രൂപപ്പെട്ടതിനാൽ, മ്യാൻമർ, തായ്ലൻഡ്, മലേഷ്യ, ഇന്തോനേഷ്യ തുടങ്ങിയ ആൻഡമാൻ കടലിനോട് ചേർന്നുള്ള രാജ്യങ്ങളിൽ നിന്നുള്ള തിരമാലകൾ രഥം കൊണ്ടുവന്നിരിക്കാം. എന്നാൽ, ഇത് ഏതെങ്കിലും വിദേശ രാജ്യത്ത് നിന്ന് വന്നതല്ലെന്ന് ശാന്തബൊമ്മാലി തഹസിൽദാർ ജെ ചലമയ്യ പറഞ്ഞു.
ഇന്ത്യൻ തീരത്ത് എവിടെയെങ്കിലും സിനിമയുടെ ചിത്രീകരണത്തിന് രഥം ഉപയോഗിച്ചിരുന്നതായി സംശയിക്കുന്നു. ആൻഡമാൻ കടലിനോട് ചേർന്നുള്ള പ്രദേശത്ത് നിന്നും രഥം കടൽ കൊണ്ട് വന്നതായിരിക്കാമെന്നും അദ്ദേഹം പറഞ്ഞു.
Sources:Metro Journal
breaking news
നഗ്നരായ സ്ത്രീപുരുഷന്മാരുടെ ചിത്രങ്ങള് നാസ ബഹിരാകാശത്തേക്ക് അയക്കുന്നു; ലക്ഷ്യം അന്യഗ്രഹ ജീവികളെ വിളിച്ചുവരുത്തുക

അന്യഗ്രഹ ജീവികള് ഉണ്ടോ ഇല്ലയോ എന്ന ചോദ്യം മനുഷ്യനെ അലട്ടാന് തുടങ്ങിയിട്ട് കാലം ഒത്തിരിയായി. മനുഷ്യന് സ്വതന്ത്രമായി ചിന്തിച്ചുതുടങ്ങിയ കാലം തൊട്ടുള്ള സംശയമാണിത്.
ഭൂമിക്ക് പുറത്ത് ജീവനുണ്ടെന്നും അവിടെ നമ്മളെപ്പോലെ ചിന്തിക്കാനും ആശയവിനിമയം നടത്താനും സാധിക്കുന്ന ജീവികളുണ്ടെന്നും പലരും വിശ്വസിക്കുന്നുണ്ട്. സാധാരണക്കാര് മാത്രമല്ല ശാസ്ത്രത്തിന്റെ അതികായന്മാര് എന്ന് നാം തമാശയ്ക്കെങ്കിലും വിശേഷിപ്പിക്കുന്ന നാസയിലെ ശാസ്ത്രജ്ഞര് പോലും അങ്ങനെ വിശ്വസിക്കുന്നുണ്ട്. അവരെ കാണാനും അവരോട് ആശയവിനിമയം നടത്താനും ശാസ്ത്രജ്ഞര് ശ്രമിക്കുന്നുണ്ട്. ഭ്രാന്തന് പ്രവര്ത്തികളെന്ന് പറയുന്ന ചില പദ്ധതികളും അവര് സാക്ഷാത്കരിച്ചിട്ടുണ്ട്. അത്തരത്തില് ഒരു പദ്ധതി വീണ്ടും നടപ്പാക്കാനൊരുങ്ങുകയാണ് നാസയിലെ ഒരു കൂട്ടം ശാസ്ത്രജ്ഞര്.
ഭൂമിക്ക് പുറത്ത് അന്യഗ്രഹ ജീവികളുണ്ടെങ്കില് അവരെ ഭൂമിയിലേക്ക് ക്ഷണിക്കാനായി ഒരു സന്ദേശം അയക്കാന് തയ്യാറെടുക്കുകയാണവര്. വെറും സന്ദേശമല്ല ചില ചിത്രങ്ങള് കൂടി അതില് ഉള്പ്പെടുത്തുന്നുണ്ട്. ഈ സന്ദേശത്തെ ഗാലക്സിയിലെ ബീക്കണ് എന്നാണ് ശാസ്ത്രജ്ഞര് വിളിക്കുന്നത്. ഈ ബീക്കണ് ഭൂമിയിലെ മനുഷ്യനും അന്യഗ്രഹ ജീവികളും തമ്മിലുള്ള ആശയവിനിമയത്തിനായി ഒരു ചാനല് സൃഷ്ടിക്കുമെന്നാണ് കരുതുന്നത്.
ഇത് ആദ്യമായിട്ടല്ല അന്യഗ്രഹജീവികള്ക്കായുള്ള സന്ദേശം ഭൂമിക്ക് പുറത്തേക്ക് അയക്കുന്നത്. ഇത്തരത്തില് ചിത്രങ്ങള് അടങ്ങിയ ഒരു സന്ദേശം ആദ്യമായി ബഹിരാകാശത്തേക്ക് അയച്ചത് 1974ലാണ്. ജീവന്റെ അടിസ്ഥാനമായ രാസവസ്തുക്കള്, മനുഷ്യന്റെ ഡി എന് എയുടെ ഘടന, സൗരയൂഥത്തില് ഭൂമിയുടെ സ്ഥാനം, ഒരു മനുഷ്യന്റെ രൂപം എന്നീ വിവരങ്ങളടങ്ങിയ റേഡിയോ സന്ദേശമാണ് അന്ന് പ്രക്ഷേപണം ചെയ്തത്.
പ്യൂര്ട്ടോറിക്കോയിലെ അരെസിബോ എന്ന ശക്തമായ ദൂരദര്ശിനി ഉപയോഗിച്ചാണ് ഏകദേശം അര നൂറ്റാണ്ട് മുമ്ബ് ശാസ്ത്രജ്ഞര് ഈ വിവരങ്ങള് ഭൂമിക്ക് വെളിയിലേക്ക് അയച്ചത്. ലളിതവും മനോഹരവുമായ ആ സന്ദേശം ഇപ്പോഴും ബഹിരാകാശത്തിന്റെ വിശാലതയില് എവിടെയോ സഞ്ചരിക്കുന്നുണ്ടായിരിക്കണം. ഭൗതികശാസ്ത്രജ്ഞനായ കാള് സാഗനും കോര്ണല് അസ്ട്രോണമി പ്രൊഫസറായ ഫ്രാങ്ക് ഡ്രേക്കുമാണ് ഈ റേഡിയോ സന്ദേശം രൂപകല്പന ചെയ്തത്.
ഇത്രയും കാലമായിട്ടും ആ സന്ദേശത്തിന് എന്തെങ്കിലും തരത്തിലുള്ള പ്രതികരണങ്ങള് ലഭിച്ചില്ല. അതിനാലാണ് കുറച്ചുകൂടി വിവരങ്ങള് ഉള്പ്പെടുത്തി ഒരു സന്ദേശം കൂടി അയക്കാന് നാസ തീരുമാനമെടുത്തത്. ഇതില് കുറച്ചുകൂടി രസകരമായ ചിത്രങ്ങളും ഉള്പ്പെടുത്തിയിട്ടുണ്ട്. നഗ്നരായ ഒരു പുരുഷന്റെയും സ്ത്രീയുടെയും ചിത്രമാണ് ഇത്തവണ അയക്കുന്നത്. ഈ ചിത്രം കണ്ടെങ്കിലും അവര് ഭൂമിയിലേക്ക് വരട്ടെയെന്നാണ് ശാസ്ത്രജ്ഞരുടെ പക്ഷം. ഈ ചിത്രങ്ങള് കണ്ടാല് അന്യഗ്രഹ ജീവികളെ നാം ക്ഷണിക്കുകയാണെന്ന് മനസിലാക്കാനായി ആ പുരുഷനും സ്ത്രീയും കൈവീശി കാണിക്കുന്ന രീതിയിലാണ് സന്ദേശം രൂപകല്പന ചെയ്തിരിക്കുന്നത്.
മനുഷ്യന്റെ ചിത്രങ്ങള്ക്കൊപ്പം നമ്മുടെ ഡി എന് എ, രാസ ഘടന, ക്ഷീരപഥത്തിനുള്ളിലെ നമ്മുടെ സൗരയൂഥത്തിന്റെയും അതിനുള്ളിലെ ഭൂമിയുടെ കൃത്യമായ സ്ഥാനം, ഭൂമിയുടെ ഉപരിതലം, ആശയവിനിമയം സുഗമമാക്കുന്നതിനായി അടിസ്ഥാന ഗണിത ഭൗതിക ശാസ്ത്ര സമവാക്യങ്ങള്, എന്നീ വിവരങ്ങളും സന്ദേശത്തിലുണ്ടാകും. വലിയ ഗ്രാഫിക്സ് ചിത്രങ്ങളല്ല ഗാലക്സി ബീക്കണായി ഉപയോഗിക്കുന്നത്. വളരെ ലളിതമായ രീതിയില് ബൈനറി കോഡിലാണ് ഇവ തയ്യാറാക്കുന്നത്. നാസയുടെ ജെറ്റ് പ്രൊപ്പല്ഷന് ലബോറട്ടറിയിലെ ശാസ്ത്രജ്ഞനായ ഡോ ജൊനാഥന് ജിയാംഗ് ആണ് പുതിയ സന്ദേശം രൂപകല്പന ചെയ്യുന്നത്.
ചൈനയില് സ്ഥാപിച്ചിട്ടുള്ള അഞ്ഞൂറ് മീറ്റര് അപ്പെര്ച്ചറോടുകൂടിയ സ്ഫെറിക്കല് ടെലിസ്കോപ്പും കാലിഫോര്ണിയയിലെ സെറ്റി ഇന്സ്റ്റിറ്റ്യൂട്ടിലെ അലന് ടെലിസ്കോപ്പ് അറേയും ഉപയോഗിച്ച് ആകാശഗംഗയുടെ തിരഞ്ഞെടുത്ത ഒരു പ്രദേശത്തേക്കാണ് ഈ സന്ദേശങ്ങള് പ്രക്ഷേപണം ചെയ്യാന് തീരുമാനിച്ചിട്ടുള്ളത്. നമ്മുടെ നക്ഷത്രഗണമായ ക്ഷീരപഥത്തില് മാത്രം 5000 ലധികം ഗ്രഹങ്ങളാണ് അടുത്തിടെ നാസ കണ്ടെത്തിയത്. ഇവയില് എതിലെങ്കിലും ജീവന്റെ സാന്നിദ്ധ്യമുണ്ടോ എന്ന് പഠിക്കുക ഇപ്പോഴുള്ള സാങ്കേതിക വിദ്യ ഉപയോഗിച്ച് സാദ്ധ്യമല്ല. അതിനാലാണ് അന്യഗ്രഹജീവികളെ ഇങ്ങോട്ട് വിളിച്ചുവരുത്താന് ശ്രമിക്കുന്നത്.
Sources:azchavattomonline
breaking news
പാക്കിസ്ഥാനില് ക്രിസ്ത്യന് സ്കൂളിന് നേര്ക്ക് സായുധ സംഘത്തിന്റെ ആക്രമണം

ലാഹോര്: പാക്കിസ്ഥാനിലെ പഞ്ചാബ് പ്രവിശ്യയിലെ ഷെയിഖ്പുരയില് പാവപ്പെട്ട കുട്ടികള്ക്ക് സൗജന്യ വിദ്യാഭ്യാസവും, ഭക്ഷണവും നല്കിവരുന്ന ക്രിസ്ത്യന് സ്കൂളിന് നേര്ക്ക് ആക്രമണം. ഏപ്രില് 29-നാണ് പ്രിസ്ബൈറ്റേറിയന് സമൂഹത്തിന് കീഴിലുള്ള ഗ്ലോബല് പാഷന് സ്കൂളില് 14 അംഗ സായുധ സംഘം ആക്രമണം നടത്തിയത്. പണം ആവശ്യപ്പെട്ടുകൊണ്ടായിരുന്നു ആക്രമണം. ആക്രമണത്തില് സ്കൂള് ജീവനക്കാര്ക്ക് മര്ദ്ദനമേല്ക്കുകയും, വാഹനങ്ങള്ക്ക് കേടുപാടുകള് സംഭവിക്കുകയും ചെയ്തിട്ടുണ്ട്. സ്കൂള് പ്രിന്സിപ്പാള് സൈമണ് പീറ്റര് കലീമിനും മര്ദ്ദനമേറ്റു.
ഒരു ലക്ഷം പാക്കിസ്ഥാനി റുപ്പീസ് (536 യു.എസ്. ഡോളര്) വീതം നല്കണമെന്നാണ് അക്രമികളുടെ ആവശ്യമെന്നും, അല്ലാത്ത പക്ഷം ആരാധനയും, സ്കൂളിന്റെ പ്രവര്ത്തനവും തടസ്സപ്പെടുത്തുമെന്നുമാണ് ഭീഷണിയെന്നും കലീം പോലീസിനോട് പറഞ്ഞു. സ്കൂള് ചാപ്പലില് പ്രാര്ത്ഥിച്ചുകൊണ്ടിരുന്ന കുട്ടികളുടെ നേര്ക്ക് അക്രമികള് കസേരകള് വലിച്ചെറിഞ്ഞതായും, സ്ത്രീ ജീവനക്കാരോട് മോശമായി പെരുമാറിയെന്നും രണ്ടുദിവസത്തിനുള്ള പണം നല്കിയില്ലെങ്കില് കൊല്ലുമെന്ന് ഭീഷണിപ്പെടുത്തിയതായും അദ്ദേഹം കൂട്ടിച്ചേര്ത്തു. സ്കൂളില് പാര്ക്ക് ചെയ്തിരുന്ന ജീവനക്കാരുടെ കാറുകളും, മോട്ടോര് സൈക്കിളുകളും അക്രമികള് തകര്ത്തു. ഏതാണ്ട് മൂന്നര ലക്ഷം റുപ്പീസിന്റെ നാശ നഷ്ടമാണ് അക്രമികള് ഉണ്ടാക്കിയിരിക്കുന്നതെന്നാണ് അനുമാനിക്കപ്പെടുന്നത്.
സംഭവവുമായി ബന്ധപ്പെട്ടു രണ്ടുപേരെ പോലീസ് അറസ്റ്റ് ചെയ്തു. രാജ്യത്തെ മത, രാഷ്ട്രീയ നേതാക്കളില് ചിലര് വിദേശരാജ്യങ്ങളില് പോകുമ്പോള് പാക്കിസ്ഥാനിലെ ക്രിസ്ത്യാനികള് സുരക്ഷിതരാണെന്നാണ് പറയുന്നതെന്നും, എന്നാല് ഈ സംഭവത്തിന്റെ വെളിച്ചത്തില് താനൊരിക്കലും അങ്ങനെ പറയില്ലെന്നും സ്കൂള് പ്രിന്സിപ്പാള് സൈമണ് പീറ്റര് തുറന്നടിച്ചു. തങ്ങളുടെ സെക്യൂരിറ്റി ജീവനക്കാര്ക്ക് നടക്കുവാന് പോലും കഴിയുന്നില്ലെന്നും, തങ്ങളെ ഭീഷണിപ്പെടുത്തി നിശബ്ദരാക്കിയിരിക്കുകയാണെന്നും അദ്ദേഹം കൂട്ടിച്ചേര്ത്തു.
പ്രദേശവാസികളായ മുസ്ലീം സമുദായക്കാരില് ചിലര് തങ്ങളുടെ പ്രാര്ത്ഥനകള് തടസ്സപ്പെടുത്തുവാന് ശ്രമിക്കുന്നുണ്ടെന്ന് കലീം വെളിപ്പെടുത്തിയിരിന്നു. അക്രമത്തിനിരയായ സ്കൂള് സന്ദര്ശിക്കുമെന്ന് ഷെയിഖുപുര സെന്റ് തെരേസാ ഇടവക വികാരി ഫാ. തൗസീഫ് യോസഫ് പറഞ്ഞു. പഞ്ചാബ് പ്രവിശ്യയില് ക്രൈസ്തവര്ക്കെതിരായ ആക്രമണങ്ങള് വര്ദ്ധിച്ചതില് അദ്ദേഹം ആശങ്ക രേഖപ്പെടുത്തി. പഞ്ചാബ് പ്രവിശ്യയില് ഈ വര്ഷം ക്രൈസ്തവര്ക്കെതിരെ ഉണ്ടാകുന്ന മൂന്നാമത്തെ ആക്രമണമാണിതെന്നു ഫാ. തൗസീഫ് പറയുന്നു. ഇക്കഴിഞ്ഞ ജനുവരിയില് ഒകാര ജില്ലയിലെ സെന്റ് കാമിലസ് ദേവാലയം 4 പേര് ചേര്ന്ന് അലംകോലമാക്കിയതും മാര്ച്ചില് ഒരു മുസ്ലീം യുവാവ് ക്രൈസ്റ്റ് ചര്ച്ചിന്റെ മേല്ക്കൂരയില് കയറി കുരിശു രൂപം പിഴുതുകളയുവാന് ശ്രമിച്ചതും വാര്ത്തയായിരുന്നു.
കടപ്പാട് :പ്രവാചക ശബ്ദം
-
Media10 months ago
ഐപിസി കേരളാ സ്റ്റേറ്റ് പ്രയര് & റിവൈവല് ബോര്ഡ് 18-ാമത് പ്രാര്ത്ഥനാ സംഗമം
-
Media6 months ago
ഛത്തീസ്ഗഡ്ഡിൽ ക്രിസ്തീയ വീടുകൾ കയറിയിറങ്ങി ക്രൂര ആക്രമണങ്ങൾ; 3 പേർ ഗുരുതരാവസ്ഥയോടെ ആശുപത്രിയിൽ, 9 പേർക്ക് പരിക്ക്
-
Media7 months ago
ഐ.പി.സി. കേരളാ സ്റ്റേറ്റ് പ്രയർ& റിവൈവൽ ബോർഡ് 24 മത് പ്രാർത്ഥന സംഗമം ഒക്ടോബർ 31 – ന്
-
Media10 months ago
ഐപിസി കേരളാ സ്റ്റേറ്റ് പ്രയര് & റിവൈവല് ബോര്ഡ് 19-ാമത് പ്രാര്ത്ഥനാ സംഗമം
-
us news10 months ago
Chinese Officials Raid a Christian Funeral, Remove Christian Symbols
-
us news12 months ago
1,470 Christians Killed in Nigeria Within Four Months
-
us news11 months ago
114-year-old Catholic church burns down in Canada: 6 churches on fire in one week
-
us news11 months ago
Pastor TB Joshua in Eternity