politics
പാകിസ്ഥാന്റെ പേരിലുള്ള റെക്കോഡ് ഇനി ഇന്ത്യയ്ക്ക് സ്വന്തം, അമിത് ഷായ്ക്കൊപ്പം ഒരേസമയം ദേശീയ പതാക വീശിയത് 78,000 ത്തിലധികം പേര്

ഇന്ത്യയ്ക്ക് റെക്കോഡ് നേടിക്കൊടുത്ത ചടങ്ങാണ് ബിഹാറിലെ ഭോജ്പൂരില് നടന്നത്. കേന്ദ്ര ആഭ്യന്തര മന്ത്രി അമിത് ഷാ ശ്രദ്ധാകേന്ദ്രമായ ചടങ്ങില് 18 വര്ഷം മുന്പ് പാകിസ്ഥാന് സ്വന്തം പേരിലാക്കിയ റെക്കോഡാണ് ഇന്ത്യ തിരുത്തി കുറിച്ചത്.
2004 – ല് ലാഹോറില് നടന്ന ചടങ്ങില് 56,000 പാക്കിസ്ഥാനികള് ദേശീയ പതാക വീശിയതാണ് ഇതിന് മുമ്ബ് പാകിസ്ഥാന്റെ പേരിലുള്ള റെക്കോഡ്.
ഒരേ സമയം ഏറ്റവും കൂടുതല് ദേശീയ പതാക വീശി എന്ന റെക്കോഡ് ഇനി ഇന്ത്യയ്ക്ക് സ്വന്തം. അമിത് ഷാ പങ്കെടുത്ത ചടങ്ങില് 78,000 ത്തിലധികം ഇന്ത്യക്കാര് ഒരേസമയം ദേശീയ പതാക വീശി. ഈ സമയമൊക്കെയും പിന്നണിയില് ‘വന്ദേമാതരം’ മുഴങ്ങിയിരുന്നു. അമിത് ഷായുടെ സാന്നിധ്യത്തില് 75000 ത്രിവര്ണ പതാകകള് ഒരേസമയം ഉയര്ത്തുമെന്നായിരുന്നു ബി.ജെ.പി പ്രഖ്യാപിച്ചിരുന്നത്.
ബ്രിട്ടീഷുകാര്ക്കെതിരായ 1857 ലെ കലാപത്തിലെ നായകന്മാരില് ഒരാളായ വീര് കുന്വര് സിങ്ങിന്റെ 164-ാം ചരമവാര്ഷികത്തില് ‘ആസാദി കാ അമൃത് മഹോത്സവ’ത്തിന്റെ ഭാഗമായി സംഘടിപ്പിച്ച ഒരു പരിപാടിയിലായിരുന്നു ഇന്ത്യ റെക്കോഡ് നേടിയത്.കേന്ദ്രമന്ത്രിമാരായ ആര് കെ സിംഗ്, നിത്യാനന്ദ് റായ്, ഉപമുഖ്യമന്ത്രിമാരായ തര്കിഷോര് പ്രസാദ്, രേണുദേവി, സുശീല് കുമാര് മോദി എന്നിവരുള്പ്പെടെ ബിഹാറിലെ ബി ജെ പി നേതാക്കളും കേന്ദ്ര ആഭ്യന്തര മന്ത്രി അമിത് ഷായും ചേര്ന്ന് അഞ്ച് മിനിറ്റ് മുഴുവന് ത്രിവര്ണ പതാക ഉയര്ത്തി.
ബീഹാറിലെ ജംഗിള് രാജ് ഇല്ലാതാക്കുന്നതില് മുഖ്യമന്ത്രി നിതീഷ് കുമാറിനൊപ്പം ബി ജെ പി വഹിച്ച പങ്കിനെയും അമിത് ഷാ അനുസ്മരിച്ചു.
അതേസമയം പരിപാടിയില് സംസാരിക്കവെ ആര് ജെ ഡി നേതാവ് തേജസ്വി യാദവിനെതിരെ അമിത് ഷാ ആഞ്ഞടിച്ച് രംഗത്തെത്തി. ലാലു പ്രസാദ് യാദവിന്റെ പോസ്റ്ററുകള് ഇല്ലാതെ തേജസ്വി യാദവ് ബിഹാറിലുടനീളം കറങ്ങിയത് കൊണ്ട് ജംഗിള് രാജ് ഓര്മ്മകള് ഇല്ലാതാകില്ലെന്ന് അമിത് ഷാ പറഞ്ഞു.
2020 ജനുവരിയില് വൈശാലി ജില്ലയില് ഒരു റാലിയെ അഭിസംബോധന ചെയ്തതായിരുന്നു അദ്ദേഹത്തിന്റെ അവസാനത്തെ ബിഹാര് സന്ദര്ശനം. രണ്ട് വര്ഷത്തിന് ശേഷം അമിത് ഷായുടെ ആദ്യ ബീഹാര് സന്ദര്ശനമായിരുന്നു ഇത്. അദ്ദേഹത്തിന്റെ ഈ സന്ദര്ശനം ഇന്ത്യയുടെ യശസ് വാനോളം ഉയര്ത്തിയിരിക്കുകയാണ്.
Sources:azchavattomonline
politics
ക്രൈസ്തവര്ക്ക് നിര്ണ്ണായക സ്വാധീനമുള്ള അഞ്ച് ലോക്സഭാ മണ്ഡലങ്ങളില് പുതിയ രാഷ്ട്രീയ തന്ത്രവുമായി ബിജെപി

കേരളത്തില് ന്യുനപക്ഷങ്ങള്ക്ക് നിര്ണ്ണായക സാന്നിധ്യമുള്ള പത്ത് ലോക്സഭാ മണ്ഡലങ്ങളില് സ്വാധീനമുറപ്പിക്കാന് പുതിയ തിരഞ്ഞെടുപ്പ് തന്ത്രവുമായി ബി ജെ പി. ഇടുക്കി കോട്ടയം, പത്തനം തിട്ട, എറണാകുളം ചാലക്കുടി , മലപ്പുറം, പൊന്നാനി, കോഴിക്കോട്, കാസര്കോട് , വയനാട് എന്നീ നിയോജകമണ്ഡലങ്ങളില് പ്രത്യേക കാര്യപരിപാടികള് മുന്നോട്ട് വയ്കാനാണ് ബി ജെ പി പദ്ധതിയിട്ടിരിക്കുന്നത്.
ഇതില് ക്രിസ്ത്യന് വിഭാഗത്തിന് നിര്ണ്ണായക സ്വാധീനമുളള അഞ്ച് ലോക്സഭാ നിയോജകമണ്ഡലങ്ങളില് ബി ജെ പി വളരെയധികം പ്രതീക്ഷയര്പ്പിച്ചിട്ടുളളതാണ്. അവിടെ വിവിധ ക്രൈസ്തവ സഭകളുമായി ആലോചിച്ച് രാഷ്ട്രീയ അജണ്ടകള് തിരുമാനിക്കാനാണ് കേന്ദ്ര ബി ജെ പി നേതൃത്വം ആഗ്രഹിക്കുന്നത്.
Sources:azchavattomonline
politics
വിസ-ഫ്രീ ട്രാവല് കരാര് പ്രഖ്യാപിക്കാനൊരുങ്ങി ഇന്ത്യയും റഷ്യയും

ഇന്ത്യയും റഷ്യയും വിസ- ഫ്രീ ട്രാവല് കരാറിലേക്ക് കടക്കുന്നു. വിസ- ഫ്രീ ട്രാവല് കരാര് വ്യവസ്ഥ ഉടന് പ്രഖ്യാപിയ്ക്കും. പ്രധാനമന്ത്രി നരേന്ദ്രമോദിയും റഷ്യന് പ്രസിഡന്റ് പുടിനും തമ്മില് ഉണ്ടാക്കിയ ധാരണയുടെ അടിസ്ഥാനത്തിലാണ് നടപടി.
ഷാംഹായ് ഉച്ചകോടിയില് നടന്ന ചര്ച്ചകളുടെ തുടര് നടപടികള് ഇരു രാജ്യങ്ങളുടെയും വിദേശകാര്യമന്ത്രാലയങ്ങള് ആരംഭിച്ചു. ഇരുരാജ്യങ്ങളിലെയും പൗരന്മാര്ക്ക് വിസ കൂടാതെ വിനോദ സഞ്ചാരത്തിനുള്ള യാത്രയാണ് ആദ്യഘട്ടത്തില് സാധ്യമാകുക.
അതേസമയം ഇന്ത്യന് പൗരന്മാര്ക്ക് കാനഡ വിസ ഇനി ലഭിക്കാനുള്ള കാലതാമസം ഇനിയുണ്ടാകില്ല. ഇന്ത്യന് വിദഗ്ധ തൊഴിലാളികളുടെ വിസ നടപടികളിലെ മെല്ലെപോക്ക് നയം തിരുത്തുമെന്ന് കാനഡ വ്യക്തമാക്കി. ഇന്ത്യന് വിദേശകാര്യമന്ത്രാലയ വ്യത്തങ്ങളെ ജി-20 വേദിയില് ആണ് കാനഡ ഇക്കാര്യം അറിയിച്ചത്. കഴിഞ്ഞ മൂന്ന് വര്ഷമായി വിസ ലഭിക്കാത്തവര്ക്ക് എത്രയും പെട്ടന്ന് സംവിധാനം ഒരുക്കണമെന്ന നിര്ദ്ദേശം പരിഗണിയ്ക്കും എന്നും കാനഡ അറിയിച്ചു.
ഇന്ത്യന് പൗരന്മാര്ക്ക് കനേഡിയന് വിസയും വര്ക്ക് പെര്മിറ്റും നല്കുന്നതിലെ കാലതാമസവും കാനഡയിലെ ഇന്ത്യന് വിദ്യാര്ത്ഥികള് അഭിമുഖീകരിക്കുന്ന പ്രശ്നങ്ങളും തിങ്കളാഴ്ച ഇരു രാജ്യങ്ങളും തമ്മിലുള്ള സംഭാഷണത്തില് ഉയര്ന്നുവന്നു. കാനഡയില് ഇന്ത്യന് പൗരന്മാരുടെ അറസ്റ്റ്, മരണം സംഭവിച്ചാല് ഇന്ത്യക്കാര്ക്ക് സഹായം, ആശുപത്രിയില് പ്രവേശിപ്പിക്കല്, അത്യാഹിതങ്ങള്, ആ രാജ്യത്തെ ഇന്ത്യക്കാരുടെ സുരക്ഷ എന്നിവയും ചര്ച്ചയുടെ ഭാഗമായി.
Sources:globalindiannews
politics
ഇസ്രയേലില് ജയമുറപ്പിച്ച് നെതന്യാഹു; 65 സീറ്റുകളില് വിജയം

ഇസ്രയേല് മുന് പ്രധാനമന്ത്രി ബെഞ്ചമിന് നെതന്യാഹു വീണ്ടും ശക്തമായ തിരിച്ചുവരവിലേക്കെന്ന് റിപ്പോര്ട്ട്. ഇസ്രയേല് തെരഞ്ഞെടുപ്പിലെ 87.6 ശതമാനം വോട്ടുകള് എണ്ണിക്കഴിയുമ്പോള് നെതന്യാഹുവിന് വ്യക്തമായ ഭൂരിപക്ഷം ഉറപ്പിക്കാന് കഴിഞ്ഞെന്നാണ് അന്താരാഷ്ട്ര മാധ്യമങ്ങളുടെ റിപ്പോര്ട്ട്. ആകെയുള്ള 120 സീറ്റുകളില് 65 സീറ്റുകള് നെതന്യാഹുവിന്റെ സഖ്യം ഇതിനോടകം ഉറപ്പാക്കിയിട്ടുണ്ട്.
പ്രധാനമന്ത്രി യെയര് ലാപിഡിന്റെ നേതൃത്വത്തിലുള്ള സഖ്യകക്ഷികള്ക്ക് 50 സീറ്റുകള് ലഭിക്കുമെന്നും ബാക്കിയുള്ള അഞ്ച് പാര്ലമെന്റ് സീറ്റുകള് അറബ് ഹദാഷ്താല് പാര്ട്ടിക്ക് ലഭിക്കുമെന്നുമാണ് ജറുസലേമിലെ പ്രാദേശിക മാധ്യമങ്ങളുടെ റിപ്പോര്ട്ട്.
കേന്ദ്ര തിരഞ്ഞെടുപ്പ് കമ്മിറ്റി ഇതുവരെ 40,81,243 വോട്ടുകളാണ് എണ്ണിക്കഴിഞ്ഞത്. അതില് 24,201 വോട്ടുകള് അസാധുവായി പ്രഖ്യാപിച്ചു. മുഴുവന് വോട്ടുകളും എണ്ണിക്കഴിഞ്ഞാല് സ്ഥിതിയില് നേരിയ വ്യത്യാസമുണ്ടെങ്കിലും നെത്യാനഹു വീണ്ടും പ്രധാനമന്ത്രിയാകുമെന്ന് ഉറപ്പായിക്കഴിഞ്ഞു. ഇസ്രയേലിലെ തീവ്ര വലതുപക്ഷ പാര്ട്ടിയായ റിലീജിയന്സ് സയണിസം പാര്ട്ടിയുടെ പിന്തുണയോടെയാകും നെതന്യാഹു വീണ്ടും അധികാരത്തിലേറുക. ഇടതുപക്ഷമായ മെറെറ്റ്സ് പാര്ട്ടിയാണ് നെതന്യാഹുവിന് തെരഞ്ഞെടുപ്പില് വെല്ലുവിളി ഉയര്ത്തിയത്. എന്നാല് അവര്ക്ക് പ്രതീക്ഷിച്ച വിധത്തില് വോട്ടുകള് സമാഹരിക്കാന് കഴിയാതെ വരികയായിരുന്നു.
Sources:twentyfournews
-
us news12 months ago
Sister Susan George, the founder and leader of the Boston prayer line promoted to glory
-
National7 months ago
ക്രൈസ്തവ സംഗമം 2022
-
Movie12 months ago
Brooke Ligertwood reveals story behind hit single ‘A Thousand Hallelujahs,’ talks new album
-
Disease8 months ago
എന്താണ് ചെള്ള് പനി? ശ്രദ്ധിക്കേണ്ട കാര്യങ്ങള് എന്തെല്ലാമാണ്?
-
Crime11 months ago
Maria(20) killed in Erbil by relatives for converting to Christianity
-
Movie11 months ago
Kickstarter Tried to Cancel Jesus, But They Couldn’t Succeed
-
world news11 months ago
Kazakhstan Christians Call for Prayers of Peace in Ukraine
-
world news12 months ago
യുക്രൈനുനേരെ സൈബര് ആക്രമണം: ബാങ്ക് വെബ്സൈറ്റുകള് തകര്ത്തു; ഭീഷണി തുടരുന്നെന്ന് ബൈഡന്