National
ഓൺലൈൻ തട്ടിപ്പുകൾ വർദ്ധിക്കുന്ന സാഹചര്യത്തിൽ സുരക്ഷ ശക്തമാക്കി കേന്ദ്രസർക്കാർ
ഓൺലൈൻ തട്ടിപ്പുകൾ വർദ്ധിക്കുന്ന സാഹചര്യത്തിൽ സുരക്ഷ ശക്തമാക്കി കേന്ദ്രസർക്കാർ. സ്മാർട്ട്ഫോണുകൾ, ടാബ്ലെറ്റുകൾ തുടങ്ങിയ ഉപകരണങ്ങളെ ബാധിക്കുന്ന മാൽവെയറുകൾ നീക്കം ചെയ്യുന്നതിനുള്ള പ്രോഗ്രാമുകളാണ് സർക്കാർ പുറത്തിറക്കിയത്. ഐടി മന്ത്രാലയമാണ് സൗജന്യ ബോട്ട് നീക്കം ചെയ്യൽ പ്രോഗ്രാമുകൾ പുറത്തിറക്കിയത്. ‘സൈബർ സ്വച്ഛത കേന്ദ്ര’ വെബ്സൈറ്റ് വഴി ഇത് ഡൗൺലോഡ് ചെയ്ത് ഉപയോഗിക്കാവുന്നതാണ്. https://www.csk.gov.in/ എന്ന വെബ്സൈറ്റിൽ നിന്ന് ഫ്രീ ബോട്ട് റിമൂവൽ ടൂൾ ഡൗൺലോഡ് ചെയ്യാവുന്നതാണ്.
ഉപകരണങ്ങളുടെ നിയന്ത്രണം ഹാക്കർമാരുടെ കൈകളിലെത്തുന്നത് സംബന്ധിച്ച് ജനങ്ങൾ ജാഗ്രത പാലിക്കണമെന്ന് സർക്കാർ വൃത്തങ്ങൾ അറിയിച്ചു. ബോട്ട് മാൽവെയർ ബാധിച്ച ഉപകരണങ്ങളിൽ സ്പാം മെസേജുകൾ, ഇൻകമിംഗ്, ഔട്ട്ഗോയിംഗ് ടെക്സ്റ്റുകളും കോളുകളും, ഉപയോക്തൃനാമങ്ങൾ, പാസ് വേർഡുകൾ, നെറ്റ് ബാങ്കിംഗ് വിവരങ്ങൾ തുടങ്ങിയ സ്വകാര്യ വിവരങ്ങൾ കൈകാര്യം ചെയ്യാൻ ഹാക്കർമാർക്ക് കഴിയും. ഈ ഗുരുതരമായ പ്രശ്നം പരിഹരിക്കുന്നതിനായി ജനങ്ങൾക്ക് എസ്എംഎസുകൾ വഴി ബോധവത്കരണം നൽകുമെന്നും കേന്ദ്രസർക്കാർ വ്യക്തമാക്കി.
ബോട്ടുകൾ നീക്കം ചെയ്യുന്നതിനുള്ള ഉപകരണങ്ങൾക്ക് പുറമേ .USB പ്രതിരോധ്, AppSamvid, Browser JSGuard തുടങ്ങിയ സുരക്ഷാ പ്രോഗ്രാമുകളും സിഎസ്കെ പോർട്ടൽ നൽകുന്നു. പെൻ ഡ്രൈവുകൾ, എക്സ്റ്റേണൽ ഹാർഡ് ഡ്രൈവുകൾ, സെൽ ഫോണുകൾ, തുടങ്ങിയവയിൽ ഉപയോഗിക്കുന്ന യുഎസ്ബി മാസ് സ്റ്റോറേജ് ഉപകരണങ്ങളെ ബാധിക്കുന്ന മാൽവെയറുകൾക്കുള്ള പരിഹാരമാണ് USB പ്രതിരോധ്.
രാജ്യത്ത് സുരക്ഷിതമായ സൈബർ ആവാസ വ്യവസ്ഥ സൃഷ്ടിക്കാൻ വിഭാവം ചെയ്യുന്ന നാഷണൽ സൈബർ സെക്യൂരിറ്റി പോളിസിയുടെ ലക്ഷ്യങ്ങൾക്ക് അനുസൃതമായാണ് കേന്ദ്രം പ്രവർത്തിക്കുന്നത്. ഇന്ത്യൻ കംപ്യൂട്ടർ എമർജൻസി റെസ്പോൺസ് ടീമിന്റെ മേൽനോട്ടത്തിലാണ് .സിഎസ്കെ പോർട്ടൽ പ്രവർത്തിക്കുന്നത്.
Sources:globalindiannews
National
ന്യൂനപക്ഷ അവകാശങ്ങള് ഹനിക്കപ്പെടുന്നു: സര്ക്കുലറുമായി ലത്തീന്സഭ
തിരുവനന്തപുരം: മതധ്രുവീകരണം രാജ്യത്ത് സാമൂഹിക സൗഹാര്ദത്തെ തകര്ക്കുകയും ജനാധിപത്യം അപകടത്തിലാക്കുകയും ചെയ്യുന്ന സാഹചര്യമാണുള്ളതെന്നും ലത്തീന് കത്തോലിക്ക പള്ളികളില് വായിച്ച സര്ക്കുലറിലാണ് ഇക്കാര്യം ചൂണ്ടിക്കാട്ടുന്നത്.
വിഭജന മനോഭാവങ്ങളും വിദ്വേഷ പ്രസംഗങ്ങളും മതമൗലീക പ്രസ്ഥാനങ്ങളും രാജ്യത്തിന്റെയും ഭരണഘടനയുടെയും ബഹുസ്വര ധാര്മികതയെ തകര്ക്കുകയാണ്.രാജ്യത്ത് ന്യൂനപക്ഷ അവകാശങ്ങള് ഹനിക്കപ്പെടുന്നു.ക്രൈസ്തവരും ക്രൈസ്തവ സ്ഥാപനങ്ങള്ക്കും നേരെ അക്രമങ്ങള് പതിവ് സംഭവമാണെന്നും സര്ക്കുലറില് ചൂണ്ടിക്കാട്ടുന്നു.
2014 ല് ക്രൈസ്തവര്ക്ക് നേരെ 147 അക്രമ സംഭവങ്ങള് റിപ്പോര്ട്ട് ചെയ്തെങ്കില് 2023 ല് 687 ലേക്ക് ഉയര്ന്നു.രാജ്യത്തിന്റെ സമാധാനത്തിനും ഐക്യത്തിനും വേണ്ടി മാര്ച്ച് 22ന് പള്ളികളില് ഉപവാസ പ്രാര്ത്ഥനാ ദിനമായി ആചരിക്കാനും ഇന്ത്യന് കത്തോലിക്ക സഭ ആഹ്വാനം ചെയ്തു.
Sources:onlinegoodnews
National
തിരുവനന്തപുരം ജില്ലയിൽ പെന്തെക്കോസ്ത് ആരാധനാലയത്തിന് എതിരെ സുവിശേഷ വിരോധിയുടെ ആക്രമണം.
കാട്ടാക്കട : കള്ളിക്കാട് ആടുനെല്ലി പാലത്തിന് സമീപം മാർച്ച് 13 ചൊവ്വാഴ്ച്ച രാത്രി സഭാ ശുശ്രൂഷകൻ കർത്തൃദാസൻ പാസ്റ്റർ സുരേന്ദ്രന്റെ നേതൃതത്തിൽ ആലയത്തിൽ ആരാധന നടക്കുന്നതിനിടയിൽ ഒരു സുവിശേഷ വിരോധി ആലയത്തിന് അകത്ത് കയറി ആലയത്തിലെ കസേരകൾ, മേശ തുടങ്ങിയ വസ്തുക്കൾ നശിപ്പിക്കുകയും ആരാധന തടസ്സപ്പെടുത്തുകയും ചെയ്തു. അതേ തുടർന്ന് സഭാ ശുശ്രൂഷകനായ കർത്തൃദാസൻ പാസ്റ്റർ സുരേന്ദ്രൻ അഖിലേന്ത്യ ഇടയ സംഗമം ജനറൽ പ്രസിഡന്റ് കർത്തൃദാസൻ പാസ്റ്റർ കുമാരപുരം സുരേഷ് അവറുകളെ വിവരം അറിയിക്കുകയും തുടർന്ന് അദ്ദേഹം ഗവൺമെന്റ് അധികാരികളുമായി ബന്ധപ്പെടുകയും ചെയ്തു.
തുടർന്ന് ആക്രമണം നടത്തിയ വ്യക്തിയെ പോലീസ് അറസ്റ്റ് ചെയ്യുകയും ചെയ്തു. ആക്രമണം നടത്തി നശിപ്പിച്ച വസ്തുക്കളുടെ നഷ്ട പരിഹാരം നൽകാമെന്നും ഇനി ഇത്തരം പ്രശ്നങ്ങൾ ഉണ്ടാക്കുകയില്ലെന്നും പോലീസ് അധികാരികളുടെ സാന്നിധ്യത്തിൽ എഴുതി വെപ്പിച്ചു. മാർച്ച് 16 ശനിയാഴ്ച അഖിലേന്ത്യ ഇടയ സംഗമം പ്രസിഡന്റ് കർത്തൃദാസൻ പാസ്റ്റർ കുമാരപുരം സുരേഷ് അവറുകളുടെ നേതൃത്വത്തിൽ ആരാധന നടത്തപ്പെട്ടു.
Sources:Middleeast Christian Youth Ministries
National
ശാരോൻ ഫെലോഷിപ്പ് ചർച്ച് മല്ലപ്പള്ളി സെന്റർ കൺവൻഷൻ മാർച്ച് 28 മുതൽ
ശാരോൻ ഫെലോഷിപ്പ് ചർച്ച് മല്ലപ്പള്ളി സെന്റർ കൺവൻഷൻ മാർച്ച് 28 വ്യാഴം മുതൽ 31 ഞായർ വരെ മല്ലപ്പള്ളി ഈസ്റ്റ് ചർച്ച് ഗ്രൗണ്ടിൽ വച്ച് നടക്കും സെന്റർ പാസ്റ്റർ ജോസഫ് കുര്യൻ അദ്ധ്യക്ഷത വഹിക്കുന്ന മീറ്റിംങ്ങിൽ സെന്റർ സെക്രട്ടറി പാസ്റ്റർ റ്റി.എം. വർഗ്ഗീസ് ഉത്ഘാടനം ചെയ്യും പാസ്റ്റർമാരായ വി.ജെ .തോമസ് (ശാരോൻ മിനിസ്റ്റേഴ്സ് കൗൺസിൽ ജനറൽ സെക്രട്ടറി) ജോൺ വി.ജേക്കബ് (മല്ലപ്പള്ളി റീജിയൻ പാസ്റ്റർ) പാസ്റ്റർ ജോസഫ് കുര്യൻ, പാസ്റ്റർ പോൾ ഗോപാലകൃഷ്ണൻ, പാസ്റ്റർ ജോയി പാറക്കൽ, പാസ്റ്റർ എബ്രഹാം തോമസ്,( സൺഡേ സ്കൂൾ ഡയറക്ടർ) സിസ്റ്റർ ആൻസി പൗലോസ് എന്നിവർ പ്രസംഗിക്കും സി.ഇ.എം ,സൺഡേ സ്കൂൾ ,വനിതാസമാജം സമ്മേളനങ്ങൾ നടക്കും മാർച്ച് 31 ഞായറാഴ്ച പൊതുസഭായോഗത്തോടു കൂടെ കൺവൻഷൻ സമാപിക്കും. സെന്റർ ക്വയർ ഗാന ശുശ്രൂഷയ്ക്ക് നേതൃത്വം നൽകും
Sources:christiansworldnews
-
us news9 months ago
നോർത്ത് അമേരിക്കൻ പെന്തക്കോസ്തൽ റൈറ്റേഴ്സ് ഫോറം : രാജൻ ആര്യപ്പള്ളി പ്രസിഡന്റ്; നിബു വെള്ളവന്താനം സെക്രട്ടറി
-
us news7 months ago
നോര്ത്ത് അമേരിക്കന് പെന്തക്കോസ്തല് റൈറ്റേഴ്സ് ഫോറം; അറ്റ്ലാന്റാ ചാപ്റ്ററിന് പുതിയ ഭാരവാഹികള്
-
us news10 months ago
‘The Biggest Water Baptism in History’: 4,166 Baptized at Historic Beach from Jesus Movement
-
world news10 months ago
Muslim Husband Found Out His Wife Became a Christian; He Beat Her, Starved Her and Left Her in a Wild Animal Park—But God…
-
National6 months ago
ബൈബിൾ വിതരണം ചെയ്യുന്നതും നല്ല മൂല്യങ്ങൾ പഠിപ്പിക്കുന്നതും മതപരിവർത്തനമല്ല: അലഹബാദ് ഹൈക്കോടതിയുടെ നിര്ണ്ണായക വിധി
-
world news8 months ago
37 Christians Killed in Nigeria in Three Weeks
-
world news10 months ago
ലേലത്തിൽ വെച്ചിരുന്ന ലോകത്തിലെ ഏറ്റവും പഴക്കമുള്ള ഹീബ്രു ബൈബിളിന് റെക്കോര്ഡ് തുക: ലഭിച്ചത് 314 കോടിരൂപ
-
world news10 months ago
യുഎഇ യിൽ ക്രൈസ്തവ ആരാധനാലയങ്ങൾക്ക് ഇനി ലൈസൻസ് നിർബന്ധം